Morgunblaðið - 10.06.1994, Page 11

MORGUNBLAÐLÐ
FÖSTUDAGUR 10. JÚNÍ 1994 11
LANDIÐ
Morgunblaðið/Sigurgeir Jónasson
STÚDENTARNIR sem útskrifuðust frá framhaldsskólanum í Eyjum.
Framhaldsskóli Vestmannaeyjar
Verknámshús við skólaim
Vestmannaeyjum - Framhaldskól-
inn í Vestmannaeyjum lauk fimmt-
ánda starfsári sínu með útskrift nem-
enda fyrir skömmu. Við það tæki-
færi var einnig undirritaður samn-
ingur milli Vestmannaeyjabæjar,
menntamálaráðuneytisins og fjár-
málaráðuneytisins um byggingu
verknámshúss við skólann en reiknað
er með að framkvæmdum við bygg-
ingu hússins verði lokið á tveimur
árum.
í ræðu Ólafs Hreins Sigurjónsson-
ar, skólameistara. kom m.a. fram,
að í tilefni fimmtán ára afmælis skól-
ans hefði verið gefið út afmælisrit í
samstarfí nemenda og kennara. Ólaf-
ur G. Einarsson, menntamálaráð-
herra flutti ávarp vegna undirritunar
samningsins um verknámshúsið og
henni lokinni þakkaði Guðjón Hjör-
leifsson, bæjarstjóri, menntamála-
ráðherra fyrir gerðan samning og
bað hann að skila kveðju til fjármála-
ráðherra, en hann hafði áður undir-
ritað samninginn.
Fjórir nemendur voru útskrifaðir
af starfsbraut, einn nemandi af 2.
stigi vélstjórnarbrautar, Siguijón Þór
Guðjónsson, og fékk hann gullúr frá
Vélstjórafélagi Vestmannaeyja og
bók frá Vélstjórafélagi íslands fyrir
góðan námsárangur.
Þrír nemendur útskrifuðust með
verslunarpróf og hlaut Kristbjörg
Oddný Þórðardóttir viðurkenningu
frá Endurskoðun Sig. Stefánssonar.
fyrir bestan árangur í hagfræðigrein-
um á verslunarprófi.
Þrettán stúdentar voru braut-
skráðir af þremur brautum. Átta af
félagsfræðibraut, þrír af náttúru-
fræðibraut og tveir af hagfræði-
braut. Tólf stúdentanna voru við út-
skriftina en ein stúdínan var að því
komin að fæða barn þegar útskriftin
fór fram og tók unnusti hennar við
prófskíreininu og hvítu húfunni og
átti að færa henni á sængina. Nokkr-
ar viðurkenningar voru veittar fyrir
góðan árangur á stúdentsprófi. Vig-
dís Sigurðardóttir fékk viðurkenn-
ingu fyrir góðan árangur í hagfræði-
greinum. Björg H. Sigurbjörnsdóttir
fyrir bestan árangur í_ íslensku og
þrír stúdentar, Hreinn Ómar Smára-
son, Helga Kristjánsdóttir og Sigþóra
Guðmundsdóttir, fengu viðurkenn-
ingu frá skólanum fyrir störf að fé-
lagslífi nemenda.
Hreinn Ómar Smárason flutti
ræðu stúdents og María Vilhjálms-
dóttir, fulltrúi 10 ára stúdenta, flutti
ávarp og færði skólanum bókagjöf.
Þá afhenti skólameistari Hjörleifi
Guðnasyni, sem lætur nú af húsvarð-
arstarfi sökum heilsubrests, málverk
að gjöf sem þakklætisvott fyrir starf
hans við skólann.
Fermingarsystkin hittast eftir 50 ár
Gáfu Sauðárkróks-
kirkju rafpíanó
Sauðárkróki - Vorið 1944 fermdi
sr. Helgi Konráðsson, prófastur á
Sauðárkróki, tuttugu og sex ungl-
inga sem nú fyrir skemmstu færðu
Safnaðarheimili Sauðárkrókskirkju
rafpíanó að gjöf.
Sautján fimmtíu ára fermingar-
börn hittust af þessu tilefni, fimm
eru látin, en ijögur áttu þess ekki
kost að koma. Farin var skoðunar-
ferð um Skagafjörð og að henni lok-
inni var kvöldfagnaður á Hótel Án-
ingu. í Safnaðarheimili Sauðárkróks-
kirkju, veitti prófasturinn, Hjálmar
Jónsson, gjöf fermingarbarnanna
móttöku, en síðan var gengið til
kirkju þar sem fram fór helgistund
og las sr. Hjálmar hluta prédikunar
eftir sr. Helga Konráðsson.
Kenndi í 50
ár við sama
skólann
Garði, Morgunblaöið
FYRIR nokkrum dögum hélt
Olafur G. Einarsson, mennta-
málaráðhrra teiti í samkomuhús-
inu í Garði í tilefni þess að frú
Halldóra Ingibjörnsdóttir frá
Flankastöðum í Sandgerði hefir
nú kennt i Gerðaskóla sl. 50 ár.
Milli 80 og 90 manns fögnuðu
með frú Halldóru sem lék á als
oddi. Fjölmörg ávörp voru haldin
bæði af ráðherra og forsvars-
mönnum skólamála á svæðinu.
Halldóra starfaði sem yfir-
kennari mörg síðustu ár auk
þess sem hún var skólastjóri í tvo
vetur.
Á meðfylgjandi mynd nýtur
frú Halldóra Ingibjörnsdóttir
aðstoðar Ólafs G. Einarssonar
menntamálaráðaherra við að
skera glæsilega skreytta tertu
en borð svignuðu undan smur-
brauði, hnallþórum, pönnsum og
kleinum.
OPIÐ HÚS
Laugardaginn 11. júní verður opið hús hjá Sementsverksmiðjunni hf. Akranesi frá kl. 13-17
Kynnisferðir um fyrirtækið með leiðsögn t.d. upp á sementsgeyma
Létt getraun - verðlaun í boði
Veitingar og margt fleira
ALUR VELKOMNIR
Munið Akraneshlaupið sem hefst kl. 12
íslandsmót í hálfmaraþoni
10 km hlaup
3,5 km skemmtiskokk