Morgunblaðið - 03.02.1995, Blaðsíða 44
44 FÖSTUDAGUR 3. FEBRÚAR 1995
MORGUNBLAÐIÐ
Dýraglens
ENQÁZ 'AWGGJtté^^-
bn
Grettir
Ljóska
Ferdinand
Mér finnst að það sé dálítið sem Heimurinn snýst Þú ert að gera að gamni
þú ættir að vita... Hvað er það? ekki í kringum þig! þínu!
BREF
TTL BLAÐSINS
Kringlan 1103 Reykjavík • Sími 569 1100 • Símbréf 5691329
Þakklæti til utan-
ríkisráðherra
Frá Sigurjóni Inga Hilariussyni:
FISKVEIÐIDEILAN milli íslands
og Noregs hefur nú staðið um nokk-
urt skeið. Deilan snýst um það hvort
íslendingar hafi rétt til veiða á
Svalbarðasvæðinu og í Barentshaf-
inu.
Undirritaður er búsettur í Nor-
egi. Ég hef því haft góða möguleika
til þess að fylgjast með deilunni í
norskum fjölmiðlum. Oft hefur mér
fundist að hallað hafi verið á íslend-
inga í þessum umræðum. Norskir
forystumenn hafna með öllu sögu-
legum rétti íslendinga til veiða á
svæðinu. íslandsvinurinn Ivar
Eskeland hefur svarað þessu ræki-
lega í norskum fjölmiðlum. Hann
hefur algerlega vísað á bug þeim
fullyrðingum að íslendingar eigi
ekki sögulegan rétt til veiða á
nefndu hafsvæði. Fleiri Norðmenn
hafa stutt sjónarmið Eskelands.
Þótt skoðanir almennings séu
skiptar varðandi fiskveiðideiluna er
óhætt að fullyrða að hinn almenni
borgari hafi samúð með íslenskum
málstað.
Ég ásamt mörgum öðrum íslend-
ingum búsettum í Noregi reyni eft-
ir bestu getu að styðja málstað land-
ans. Það getur þó stundum verið
erfitt þegar norskir forystumenn
hafa í fjölmiðlum gefið í skyn, að
íslendingar séu með yfirgang, þur-
rausi fiskimiðin í Barentshafinu,
taki fisk sem norskir sjómenn eigi
rétt á.
Nú er það svo að norskir fjölmiðl-
ar hafa reynt að gefa íslenskum
forystumönnum möguleika á að
skýra málstað íslendinga. Það hefur
auðveldað okkur, sem reynum að
vetja málstað landans, hversu skel-
eggur okkar ágæti utanríkisráð-
herra hefur verið í öllum málflutn-
ingi.
Góð tungumálakunnátta, fræði-
lega vel undirbyggðar röksemda-
færslur og sannfærandi málflutn-
ingur er rétt lýsing á framkomu
Jóns Baldvins.
Jón Baldvin Hannibalsson hefur
á fiestum sviðum yfirburði í sköru-
legum og fræðilegum málflutningi,
þegar hann í fjölmiðlum ræðir þessi
og önnur mál við norska stjómmála-
menn. Utanríkisráðherra nýtur
virðingar meðal erlendra stjóm-
málamanna og einnig hjá almenn-
ingi hér í Noregi. Sem forystumað-
ur smáþjóðar veit Jón Baldvin
hversu þýðingarmikið það er, að
ísland njóti virðingar í samfélagi
þjóðanna. Að rödd íslands sé skýr
og einarðleg.
Jón Baldvin hefur sannað með
störfum sínum sem utanríkisráð-
herra að hann er sá, meðal ís-
lenskra stjórnmálamanna, sem hef-
ur þá eiginleika til að bera, sem til
þarf til þess að hafa forystu í utan-
ríkismálum íslands.
Landið okkar þarfnast baráttu-
manns eins og Jóns Baldvins. Hans
góðu hæfileikar og þekking á al-
þjóðamálum eru okkur trygging
fyrir því, að það sé tekið tillit til
þess sem ísland hefur til hinna
ýmsu mála að leggja á alþjóðavett-
vangi. Við getum best tryggt þessa
forystu með því að veita Jóni Bald-
vin góðan stuðning í komandi al-
þingiskosningum.
Bestu kveðjur.
SIGURJÓNINGIHILARIU SSON,
lektor, Gamledrammensvei 173,
Lierskogen, Noregi.
Bankarnir vilja ekki
Póst og síma í
debetkortin
Frá Frá Hrefnu Ingólfsdóttur
FYRIR stuttu minntist Víkveiji á í
pistli sínum að enn væri ekki hægt
að greiða reikninga á pósthúsum
með debetkortum. Því miður er
þetta rétt og þykir forráðamönnum
Pósts og síma leitt að geta ekki
boðið viðskiptavinum sínum þennan
valkost þegar þeir greiða reikninga
sína. Þarna er þó ekki viljaleysi um
að kenna því innan Pósts og síma
er mikill áhugi á því að taka fullan
þátt í debetkortasamstarfinu.
Skömmu eftir að undirbúningur
að útgáfu debetkorta hófst á árinu
1993 óskaði Póstur og sími skrif-
lega eftir aðild Póstgírósins að de-
betkortakerfinu við Framkvæmda-
nefnd um debetkort. Þar var hins
vegar tekin sú afstaða að leyfa
Póstgíró ekki aðgang að kerfinu
fyrr en allir bytjunarerfiðleikar
væru að baki og var það svar gefið
að málið yrði tekið fyrir þegar það
þætti tímabært. Á síðasta ári ítrek-
aði Póstur og sími með bréfi þá ósk
sína að fá að gefa út og taka við
debetkortum í samvinnu við banka
og sparisjóði en hefur enn sem kom-
ið er ekki fengið nein svör.
Sá kostur er auðvitað fyrir hendi
að Póstur og sími fari beint út í
það að gefa út eigin debetkort en
þó er augljóst hagræði af því að
hafa samvinnu um eitt debetkorta-
kerfi. Því hefur slík ákvörðun verið
dregin á meðan enn er von til þess
að jákvætt svar berist frá rekstrar-
aðila debetkortakerfisins.
HREFNA INGÓLFSDÓTTIR
blaða- og upplýsingafulltrúi
Pósts og síma.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.