Morgunblaðið - 10.03.1995, Blaðsíða 19

MORGUNBLAÐIÐ
ERLEIMT
Leynileg skýrsla CIA um „þjóðernishreinsanir“ í Bosníu
Serbar sekir um 90% glæpa
New York. Reuter.
Niðurstöðunni leynt vegna
þáttar Slobodan Milosevic?
BANDARÍSKA leyniþjónustan CLA
telur að Serbar séu ábyrgir fyrir
90% svokallaðra „þjóðernishreins-
ana“ í Bosníu. Leyniþjónustan hef-
ur ennfremur komist að þeirri
niðurstöðu að nánast öruggt sé að
helstu leiðtogar Serba hafi gengt
leynilegu hlutverki í striðsglæpun-
um, samkvæmt The New York Ti-
mes.
í skýrslu frá CIA segir að þótt
múslimar og Króatar hafí einnig
gerst sekir um þjóðernishreinsanir
hafí aðeins Serbar reynt með skipu-
legum hætti að losa sig við fólk
af öðru þjóðerni af yfirráðasvæðum
sínum með drápum, nauðungar-
flutningum og kúgunum.
Skýrslan er byggð á loftmyndum
og „fjölmörgum nákvæmum og
tæknilegum athugunum“, eins og
einn heimildarmanna The New
York Times orðaði það.
Óánægja með
stefnu Clintons
Þetta er viðamesta rannsóknin á
stríðsglæpunum sem gerð hefur
verið af hálfu Bandaríkjamanna.
Bandarísk yfirvöld hafa gætt þess
að skýrslan berist ekki til fjölmiðla,
enda e'r litið á niðurstöðuna sem
mjög viðkvæmt mál.
Dagblaðið segir að ein af
hugsanlegum skýringum á þessari
leynd sé að skýrslunni hafi verið
lokið í janúar, eða um það leyti sem
Bandaríkjamenn og Evrópuríki
tóku að binda vonir við að Slobodan
Milosevic, forseti Serbíu, myndi
stilla til friðar í Bosníu. Stjórn Bills
Clintons forseta kunni að óttast að
mikil útbreiðsla skýrslunnar gæti
orðið til þess að Milosevic hætti
samvinnu sinni þar sem höfundar
hennar komast að þeirri niðurstöðu
að verk hans sýni að hann sé lítt
til þess fallinn að gegna hlutverki
friðarstillis.
Frétt The New York Times er
byggð á þremur bandarískum emb-
ættismönnum og tveir þeirra létu
í ljós óánægju með stefnu Clintons
í Bosníumálinu.
Gegndu leynilegu
hlutverki
Einn embættismannanna sagði
að í skýrslunni væru engar „óve-
fengjanlegar sannanir" fyrir þvi að
leiðtogar Bosníu-Serba og Serbíu
hafi sjálfir skipulagt eða stjómað
framkvæmd þjóðernishreinsana.
„En sú mikla skipulagning sem
hefur einkennt aðgerðir Serba er
greinilega til marks um að leiðtog-
ar Bosníu-Serba og ef til vill Serb-
íu hafi gegnt leynilegu hlutverki í
því að drepa og hrekja á brott fólk
af öðru þjóðerni."
Reuter
Handleika
hamarinn
Fé til höfuðs morð-
ingjum í Pakistan
Karachi. Reuter.
BANDARÍKJASTJÓRN hefur heitið
tveggja milljóna dollara verðlaunum
fyrir upplýsingar sem leitt gætu til
handtöku þeirra sem stóðu að til-
ræði við starfsmnen bandarísku ræð-
ismannsskrifstofunnar í Karachi í
Pakistan í fyrradag. Tveir þeirra
biðu bana og einn særðist.
Starfsmenn bandarísku alríkislög-
reglunnar (FBI) héldu til Karachi í
gær til þess að aðstoða pakistönsk
yfirvöld við rannsókn morðmálsins.
Engin samtök hafa lýst ábyrgð á
verknaðinum á hendur sér, en að
sögn pakistansks bílstjóra sendi-
mannanna voru fjórir menn að verki.
Óku þeir upp að bifreið Bandaríkja-
mannanna þegar hún staðnæmdist
við umferðarljós. Steig einn þeirra
út og hóf skothríð með AK-47 hríð-
skotariffli. Ökumaðurinn fleygði sér
niður, lagðist á gólfið og slapp
ómeiddur.
Að sögn heimildarmanna úr röð-
um lögreglunnar, virðist sem árásin
hafi verið rækilega undirbúin.
Pakistanska lögreglan birti í gær
teikningar af íjórum mönnum, sem
taldir eru hafa staðið að tilræðinu.
Bauð lögreglan eina milljón rúpía,
1,9 milljónir króna, fyrir upplýsingar
sem leitt gætu til handtöku þeirra.
ÞÁTTTAKENDUR í ráðstefnu
Sameinuðu þjóðanna um fé-
lagslega framþróun í Kaup-
mannahöfn vildu sem flestir fá
að fara höndum um fundar-
hamarinn í gær, áður en hann
var aflientur til notkunar á
ráðstefnu samtaka sem óháð
eru ríkisstjórnum (NGO) sem
einnig er haldin í borginni við
sundin. Búist var við því í
gærkvöldi, að takast mundi að
ná samkomulagi um ályktun
ráðstefnunnar áður en frestur
til þess rynni út á miðnætti. I
dag kemur fjöldi þjóðarleið-
toga til ráðstefnunnar.
Heinz Bar-
uske átt-
ræður
Berlín. Morgunblaðið.
HEINZ Baruske prófessor varð
áttræður þann 6. mars sl. Var
hann heiðraður af ríkisstjórn Ber-
línar af því tilefni. Baruske var
sæmdur riddarakrossi hinnar ís-
lensku fálkaorðu árið 1975.
Baruske, sem
er rithöfundur,
þýðandi og pró-
fessor í norræn-
um fræðum í
Berlín, hefur á
ferli sínum skrif-
að fjölda greina
og bóka um
menningu Norð- Baruske
urlanda.
Baruske hefur ávallt starfað
sjálfstætt og varð sjálfur að gefa
út bækur sínar í upphafi, þar sem
enginn útgefandi hafði trú á því
að bækur um ísland og Grænland
myndu seljast.
Raunin varð hins vegar önnur
og á síðasta ári gaf hann út bók
um íslensk ævintýri, sem selst
hefur vel. Bækur hans hafa verið
þýddar yfir á mörg evrópsk tungu-
mál og ein bóka hans verið gefin
út í Japan.
Ný bók í smíðum
í samtali við Morgunblaðið
sagðist Baruske vera að vinna að
bók um íslensk skáld og rithöfunda
þessa stundina og ætlaði að tvinna
saman við það hvaða áhrif þeir
og landið hefðu haft á sig. Hann
sagðist á árum áður hafa komið
til íslands annað hvert ár en því
miður væri nú nokkuð liðið síðan
hann kom síðast í heimsókn. Úr
því myndi hann þó vonandi bæta
á næstu árum.
Ný tilgáta verjenda O.J. Simpson um morðin á Nicole Brown Simpson
Eiturlyfjasalar að verki?
JOHNNIE Cochran, aðalveijandi bandarísku
íþrótta- og sjónvarpsstjörnunnar O.J. Simpsons,
varpaði fram þeirri tilgátu á miðvikudag að
eiturlyfjasalar kynnu að hafa myrt eiginkonu
sakborningsins og vin hennar. Þeir gætu hafa
ætlað að myrða konu, sem hafði gist á heimili
Nicole Brown Simpson skömmu fyrir morðin
og neytt þar kókaíns.
Cochran lagði ekki fram neinar sannanir fyr-
ir tilgátunni en sagði að morðin líktust svo-
kölluðum „kólombískum hálsfestum", drápsað-
ferð sem kólombískir eiturlyfjasalar hafa beitt
til að refsa eiturlyfjaneytendum sem standa
ekki í skilum. Þeir rista þá háls fórnarlamb-
anna, líkt og gert var við eiginkonu Simpsons
og vin hennar.
Að sögn fréttastofunnar AP varpaði Cochran
þessari tilgátu fram þegar hann yfirheyrði rann-
sóknarlögreglumanninn Tom Lange, sem hefur
verið þráspurður um rannsókn málsins í átta
daga. Cochran spurði Lange hvað eftir annað
hvers vegna hann hefði ekki rannsakað þann
möguleika að eiturlyfjasalar hefðu verið að verki.
Byssum oftast beitt
Að sögn AP hvikaði Lange hins vegar hvergi
frá þeirri skoðun sinni að við rannsókn málsins
hefði flest bent til þess að Simpson hefði fram-
ið morðin. Þau hefðu augljóslega verið framin
í „miklu reiðikasti". Hann bætti við að flest
morð tengd eiturlyfjasölu, sem hann hefði rann-
sakað á 20 ára ferli sínum, hefðu verið framin
með byssum, ekki hnífum.
Cochran beindi síðan athyglinni að Faye
Resnick, sem skrifaði bók í fyrra þar sem hún
lýsir síðustu dögunum í lífi Nicole Simpson, vin-
konu sinnar. Þar kemur fram að Resnick neytti
kókaíns þegar hún gisti hjá Nicole skömmu
fyrir morðin og fór síðan á meðferðarstofnun
fyrir eiturlyfjafíkla. Að sögn Cochrans var
Resnick atvinnulaus á þessum tíma og ólíklegt
að hún hefði haft peninga fyrir kókaíninu.
FÖSTUDAGUR 10. MARZ 1995 19
Verið velkomin
Við vinnum fyrir þig.
Opið laugard. kl. 10-17
sunnudag kl. 13-18
Bílamarkaöurinn
Smiðjuvegi 46E
v/Reykjanesbrau
Kopavoqi, sími
567-1800
Löggild bílasala
Toyota Hilux Ex Cap '87, 8 cyl., 350 cc,
sjálfsk., 38“ dekk, læstur aftan og framan,
4:56 hlutföll, verklegur bfll. V. 1.050 þús.
Peugeot Junior 205 '91, hvítur, 5 g., ek.
30 þ. km. V. 480 þús. Skipti á dýrari.
Suzuki Swift GL '87, 3ja dyra, sjálfsk.^
ek. 78 þ. km. V. 280 þús.
MMC Lancer GLi '93, blár, 5 g., ek. 48
þ. km. V. 1.050 þús.
Opel Astra 1,4i station '94, rauður, 5 g.,
ek. 8 þ. km., álfelgur, „low profile*4 dekk.
V. 1.320 þús.
Mazda 323 16V '92, rauður, 3ja dyra, 5
g., ek. 35 þ. km V. 850 þús.
Nissan Sunny SR '94, 5 g., ek. 15 þ.
km., rafm. í rúðum, álfelgur, m/öllu.
V. 1.220 þús.
Toyota Corolla XLi Sedan '94, 5 g., ek.
19 þ. km., rafm. í rúðum o.fl. V. 1.150 þús.
Toyota Lite Ace '87, 5 g., ek. 128 þ.
km., óvenju gott eintak. Stöðvarleyfi,
hlutabróf og gjaldmælir fylgir. V. 790 þús.
(m/öllu).
MMC Lancer GLXi 4x4 Station '91, 5 g.,
ek. 68 þ. km., rafm. í rúðum o.fl. V. 1.080
þús.
BMW 318i A '92, 4ra dyra, sjálfsk., ek.
aðeins 38 þ. km. Toppeintak. V. 1.890 þús.
Subaru Justy J-12 '91, 5 dyra, ek. aðeins
47 þ. km. Tilboðsverð Hr. 630 þús.
Daihatsu Rocky EL langur '89, 5 g., ek.
95 þ. km., álfelgur, sóllúga, 31“ dekk o.fl.
Tilboðsverð kr. 990 þús.
V.W Golf GL 5 dyra '88, 4ra g., ek. 119
þ. km. V. 500 þús.
Nissan Sunny SLX 4x4 Station '91, grár,
5 g., ek. aðeins 47 þ. km. V. 1.050 þús.
Ford Bronco II XLT '88, rauður, 6 cyl., 5
g., ek. 112 þ. km., óvenju gott eintak.
V. 1.190 þús.
Toyota Corolla XLi 5 dyra '93, 5 g., ek.
26 þ. km. V. 1.050 þús.
Audi Quatro 200 Turbo 4x4 '85, 5 g., ek.
134 þ. km., leðurinnrótting o.fl. Gott ein-
tak. Tilboösverð 890 þús.
Toyota Corolla 1600 XL, Liftback '92, 5
g., ek. 40 þ.km. Fallegur bíll. V. 980 þús.
MMC Colt GLX '90, blár, sjálfsk., ek. 45
þ.km. V. 730 þús.
Suzuki Vitara JLXi langur '92, mikið
breyttur, 33“ dekk, álfelgur o.fl. V. 1.950
[ýs,
Vantar góða bíla á skrá
og á staðinmn.
Ekkert innigjald.
Sjaldgæfur bfll: Audi 1,8 Coupé '91, grá-
sans., 5 g., ek. 80 þ. km., sóllúga, rafm.
í rúðum, álfelgur, geislaspilari o.fl. V. 1.480
þús. Sk. ód.
Chrysler Saratoga SE V-6 '91, rauður,
sjálfsk., ek. 64 þ. km, álfelgur, rafm. í rúð-
um o.fl. V. 1.380 þús.
Toyota Corolla GLi 1600 Liftback '93,
hvítur, sjálfsk., ek. 35 þ. km, spoiler, rafm.
í rúðum o.fl. V. 1.290 þús.
MMC Lancer EXE station '89, grár, 5 g.,
ek. 100 þ. km., tveir dekkjagangar o.fl.
Einn eigandi. V. 670 þús.
Blab allra landsmanna!
- kjarni málsins!