Morgunblaðið - 18.03.1995, Qupperneq 14

14 LAUGARDAGUR 18. MARZ 1995
MORGUNBLAÐIÐ
FRÉTTIR
Gefumekki
dýr kosn-
ingaloforð
Sjálfstæðisflokkurínn kynnti kosninga-
stefnuskrá sína í gær. Davíð Oddsson forsæt-
isráðherra sagði flokkinn ekki myndu fara
þá leið að gefa dýr kosningaloforð og senda
kjósendum reikninginn eftir kosningar. Dav-
íð sagði kvótakerfíð andstætt hugsun flokks-
ins, en aðstæður gerðu það óhjákvæmilegt.
Morgunblaðið/Árni Sæberg
FORMAÐUR og varaformaður Sjálfstæðisflokksins, þeir Davíð Oddsson og
Friðrik Sophusson, kynna kosningastefnuskrá flokksins í Valhöll í gær.
SJÁLFSTÆÐISFLOKKUR-
INN kynnti í gær stefnu-
skrá sína fyrir komandi
alþingiskosningar. Davíð
Oddsson, formaður flokksins og
forsætisráðherra, sagði á blaða-
mannafundi að yfírlýsingin væri
ekki með sama hætti og hjá
vinstriflokkunum. Sjálfstæðis-
menn hefðu áætlað að samanlögð
kosningaloforð vinstri flokkanna
myndu kosta skattgreiðendur um
50 milljarða króna. Við förum
ekki þá leið að lofa útgjöldum á
hinum ýmsu sviðum og senda kjós-
endum reikninginn eftir kosning-
ar,“ sagði Davíð.
Hann sagði að í stefnuskránni
væri lýst með stefnumarkandi
hætti viðhorfi Sjálfstæðisflokksins
í mikilvægum málaflokkum. Mikil-
vægast væri að geta brugðizt við
þeim málum, sem upp kynnu að
koma og kunna að fylgja eftir
þeim árangri, sem orðið hefði.
í stefnuskránni er rakinn árang-
ur í efnahagsmálum á kjörtímabil-
inu. Þar kemur meðal annars fram
að vinstristjómin, sem sat 1988-
1991, hafi hækkað skatta um 11
milljarða króna. Núverandi stjórn
hafi hins vegar lækkað skatta um
tvo milljarða, og hafí sú lækkun
aðallega komið fram hjá fyrirtækj-
um. Davíð Oddsson sagði að lækk-
un skatthlutfalls hjá fyrirtækjum
væri þó byijuð að skila sér í betri
afkomu þeirra og þar með hærri
skatttekjum.
í umfjöllun um sjávarútvegsmái
segir meðal annars: „Sjálfsagt er
og eðlilegt, að íslenzk sjávarút-
vegsfyrirtæki nýti þá kosti, sem
eru til veiða á alþjóðlegum haf-
svæðum. Stjórnvöldum ber að
standa við bakið á útgerðum við
slíkar veiðar eins og réttur og efni
standa til.“
Gallar á
kvótakerfinu
í sjávarútvegskaflanum e_r
kvótakerfið ekki nefnt á nafn. Á
blaðamannafundinum sagði Davíð
Oddsson hins vegar að landsfundir
Sjálfstæðisflokksins hefðu fylgt
stefnu, sem byggði á aflamarki
og kvóta. Davíð sagði hins vegar
að mörg sjónarmið væru uppi í
flokknum í sjávarútvegsmálum og
lét þá skoðun í ljós að kerfíð hefði
að mati sjálfstæðismanna marga
galla, til dæmis að menn hentu
físki og nýting sjávarfangs væri
því slæm. „Kerfíð er í eðli sínu
andstætt hugsun Sjálfstæðis-
flokksins; að þurfa að kvótabinda
atvinnuleyfi,“ sagði Davíð en sagði
þó ekki hjá slíku komizt, þar sem
sóknargeta flotans væri orðin
meiri en fiskistofnar þyldu.
Morgunblaðið spurði Davíð
hvort hann teldi að Íagaákvæði
um að fiskimiðin væru sameign
þjóðarinnar væri virkt, eins og
framkvæmd kvótakerfisins væri
nú. Enginn gæti til dæmis farið í
bótamál við ríkið þótt ákvörðun
væri tekin um að skerða kvóta.
Þar með væri ekki verið að skerða
eignarréttindi. Friðrik Sophusson
sagði að afnotaréttur fiskimiðanna
gæti verið eignarréttur í skilningi
skattalaga, eins og til dæmis sér-
leyfi á fólksflutningum, sem menn
fengju frá ríkinu um tiltekinn tíma
og gæti gengið hratt á milli
manna. Skattleggja mætti slík
réttindi án þess að þau teldust
eignarréttindi. Það breytti ekki því
að fiskimiðin væru þjóðareign.
ESB-aðild ekki
kosningamál
Um Evrópumál segir_ meðal
annars í stefnuskránni: „Á þessu
stigi er ótímabært að stofna til
flokkadrátta um aðild íslands að
Evrópusambandinu. Þeir, sem það
gera, vilja draga athygli frá höfuð-
viðfangsefnum í íslenzkum stjórn-
málum á líðandi stundu.“
Jafnframt segir hins vegar í
stefnuskránni: „íslendingar geta
hvenær sem er gerzt aðilar að
Evrópusambandinu ef þeir laga
sig, innan tilskilins frests, að öllum
meginreglum þess og skilyrðum.
Sjálfstæðisflokkurinn telur að yfir-
ráð yfir fiskimiðum landsins séu
svo samofln fullveldisskilyrðum
þjóðarinnar að þau verði aldrei
gefin eftir.“
Friðrik Sophusson lagði áherzlu
á að Sjálfstæðisflokkurinn væri
ekki að útiloka neina kosti í Evr-
ópumálum. Davíð Oddsson sagðist
þeirrar skoðunar að ríkjaráðstefna
ESB, sem hefst á næsta ári, myndi
standa svo lengi að ekkert benti
til þess að á næsta kjörtímabili
yrðu íslendingar að gera upp hug
sinn til Evrópusambandsaðildar.
Vilja tveggja
flokka stjórn
Sjálfstæðisflokkurinn leggur
áherzlu á að mynduð verði tveggja
flokka stjórn að loknum kosning-
um og vill ekki taka þátt í þriggja
flokka stjórn, að sögn Davíðs
Oddssonar. Hann minnti á að eng-
in vinstri stjórn hefði setið út kjör-
tímabilið. „Hvenær springa ríkis-
stjórnir? Þær springa þegar fólk
þarf mest á þeim að halda, þegar
vandinn er mestur,“ sagði hann.
Davíð sagði hins vegar að Sjálf-
stæðisflokkurinn gengi óbundinn
til kosninga og kysi ekki einn sam-
starfsflokk frekar en annan. Eðli-
legt væri þó, ef núverandi stjómar-
flokkar héldu meirihluta sínum,
að þeir ræddu saman fyrst, vegna
þess að á meðan þeir ræddu ekki
saman, sæti stjórn þeirra áfram.
Þá væri Kvennalistinn illa fallinn
til stjórnarsetu vegna þeirra tíma-
freku aðferða, sem flokkurinn not-
aði við ákvarðanatöku.
Morgunbiaðið spurði Davíð,
hvort Alþýðubandalagið yrði úti-
lokað frá utanríkisráðuneytinu,
kæmi til samstarfs þess og Sjálf-
stæðisflokksins, eða hvort flokkur-
inn hefði breytzt þannig að treysta
mætti honum fyrir utanríkismál-
um að mati sjálfstæðismanna. „Ég
á von á að í slíkri stjórn myndi
Sjálfstæðisflokkurinn leggja mikið
kapp á að fá utanríkisráðuneytið.
Ég ætla þó heldur ekki að lýsa
því yfir að einhver íslenzk ráðu-
neyti séu þess eðlis að einhveijir
stjórnmálaflokkar, sem nú starfa,
séu forboðnir í þau ráðuneyti,"
sagði Davíð.
Skatthlutföll
verði lækkuð
í kosningastefnuskránni kemur
meðal annars fram að leiða verði
leitað til að útrýma miklum lau-
namun kynjanna. Lagt er til að
áfram verði unnið að því að jafna
kosningarétt og fækka þingmönn-
um. Skatthlutföll í tekjuskatti og
virðisaukaskatti verði ekki hækk-
uð. Vinna þurfi að því að breikka
skattstofna, lækka skatthlutföll
og draga úr tekjutengingu.
Frambjóðendur á fundi hjá Lands-
sambandi lögreglumanna
Hlutverk lögreglunnar
þarf að vera vel skilgreint
NAUÐSYN á öflugri menntun lög-
reglumanna, lækkun starfsloka-
aldurs þeirra og skipting landsins
í færri löggæslusvæði var meðal
þess sem fulltrúar þeirra flokka
sem bjóða fram á landsvísu til al-
þingiskosninganna voru sammála
um á fjölmennan fundi með lög-
reglumönnum, sem Landssam-
band lögreglumanna boðaði til í
Borgartúni 6 í gær.
Á fundinn mættu þau Anna
Ólafsdóttir Björnsson, Kvenna-
lista, Ágúst Einarsson, Þjóðvaka,
Bjöm Bjarnason, Sjálfstæðis-
flokki, Finnur Ingólfsson, Fram-
sóknarflokki, Guðmundur Árni
Stefánsson, Alþýðuflokki og Sva-
var Gestsson, Álþýðubandalagi og
óháðum.
í upphafi fundarins gerði Jónas
Magnússon, formaður Landssam-
bands lögreglumanna, meðal ann-
ars að umtalsefni menntunarmál
lögreglumanna, gífurlegan niður-
skurð sem orðið hefði á fj árveiting-
um til löggæslu í landinu, sem oft
og tíðum hefði haft í för með sér
að björgunarsveitarmenn og aðrir
áhugahópar væru famir að sækja
inn á svið löggæslunnar. „Hlut-
verk lögreglunnar í þjóðfélaginu
þarf að sjálfsögðu að vera vel skil-
greint, staða þeirra, menntun og
margt annað,“ sagði hann.
Lítill flokkspólitískur
munur
í máli frambjóðendanna kom
fram að flokkspólitískur munur
gæti ekki verið mikill á viðhorfum
til löggæslumanna þar sem lög-
gæslan væri einn af hornsteinum
lýðræðisins, og störf lögreglu-
manna þess eðlis að um þau ættu
ekki að ríkja ágreiningur. Voru
þeir sammála um nauðsyn þess
að menntunarmál lögreglumanna
þyrftu að vera sem best verði á
kosið, bæði hvað varðar grunn-
mentun og endurmenntun.
Bent var á að íslendingar stæðu
nú á vissum tímamótum hvað
varðar samskipti víð aðrar þjóðir,
þar sem meðal annars hefði verið
rætt um að ísland yrði nokkurs
konar hlið Evrópusambandsins í
vestri, og ýmis vandamál væru því
framundan sem kölluð á endurskil-
greiningu lögreglunnar. Meirihluti
frambjóðendanna var á því að lög-
gæslusvæði á landinu þyrftu að
vera færri og stærri, og æskilegt
Morgunblaðið/Árni Sæberg
FRÁ fundi lögreglumanna með frambjóðendum.
væri að kanna hvort æskilegt
væri að stofna embætti ríkislög-
reglustjóra.
Endurskoðun starfsloka
í fyrirspurn til frambjóðend-
anna var bent á að lífaldur lög-
reglumanna væri lægri en annarra
stétta, og vilji lögreglumanna
stæði til þess að starfslokaaldur
þeirra yrði lækkaður. Töldu þeir
t.d. ótækt að lögreglumenn á sjö-
tugsaldri þyrftu að ganga vaktir
í miðbæ Reykjavíkur og lenda þar
jafnvel í stympingum við fólk.
Voru frambjóðendurnir sem fyrir
svörum sátu á einu máli um að
nauðsynlegt væri að taka þetta
mál til rækilegrar skoðunar.
Fundarmönnum lék forvitni á
að kynnast afstöðu frambjóðend-
anna til þess hver ætti að sjá um
reksturs neyðarnúmers, en í máli
lögreglumanna sem til máls tóku
gæti ótta um að einkaaðilum yrði
falinn rekstur þess. Voru fram-
bjóðendurnir sammála um að
rekstur neyðarnúmers ætti að vera
undir förystu lögreglu og slökkvil-
iðs.