Morgunblaðið - 30.03.1995, Síða 44

44 FIMMTUDAGUR 30. MlÍRZ 1995
MORGUNBLAÐIÐ
Dýraglens
Grettir
06 FALDA (VWNPAVéUN
Í^NIROkJOJR HVERS VE6NA

Tommi og Jenni
UIHAT ARE Yl'M TAKIN6 DANCE VOU D0IN6/ LESSONS 50 I CAN HERE.KID? LEARNTO BE ^ —-Hi^MORE 0U160\H6y MAYBE IF l‘M MORE OUT60IN6,1 WON'T BE 50 LONELV..
u/c\ / L 2-<? / \
A5K ME TO DANCE, AND 1‘LL 0UT60 VOU RI6HT OVER VOUR HEAD!
J&Q )y\ / wMHlilmmmii i 0
ACTUALLV,
BEIN6 LONELV
ISN'T ALL
THAT BAP..
[Pzr
gera hér,
krakki?
Eg er ad læra
að dansa svo ég
verði opnari...
Ég verð
ekki svona einmana
ef ég er opnari...
Bjóddu mér upp í dans,
og ég skal opna þig upp
á gátt!
1 rauninni er
það ekki svo af-
leitt að vera ein-
BREF
TIL BLAÐSINS
Kringlan 1103 Reykjavik • Sími 569 1100 • Símbréf 5691329
Hundalógík
Hitlers og Jónasar
opið bréf til Jónasar Kristjánssonar
Frá Ingis Ingasyni:
í DV mátti þriðjudaginn 21. þ.m.
lesa leiðara um ábyrgð á verkfalls-
tjóni skrifaðan af Jónasi Kristjáns-
syni. í leiðara þessum kemst Jónas
að því, að stéttarfélög kennara hafi
með verkfallsaðgerðum sínum bakað
sér bótaskyldu gagnvart »þriðja að-
ila«. Það hljóti að teljast alger
hundalógík að ætla að gera ríkis-
valdið ábyrgt fyrir því að skólastarf
skuli nú hafa legið niðri í a.m.k. 5
vikur, þegar þetta birtist. Það hafi
jú verið kennarar, sem fóru í verk-
fall, en ríkið ekki sett verkbann á þá.
»Þriðji aðilinn« hlýtur í þessu til-
viki að vera sá hópur nemenda, sem
ekki fær kennslu meðan á verkfalli
stendur, og fjölskyldur þeirra, sem
með skattgreiðslum sínum er gert
að greiða fyrir þessa kennslu með
sköttum til ríkissjóðs. Ef undirritað-
an brestur ekki minni, voru útgjöld
til grunnskólans ákvörðuð í fjárlög-
um fyrir 1991 um 4,5 milljarðar
og til framhaldsskólans um 3,5
milljarðar. Heildarfjárlög íslenska
ríkisins voru það ár um 105 millj-
arðar. Samanlagt munu þessir tveir
póstar því hafa vegið um 8% af
heildarfjárlögum ríkisins. í ljósi fjöl-
margra yfirlýsinga Ólafs G. Einars-
sonar, menntamálaráðherra, þess
efnis, að hann hafi nú skilað skóla-
kerfinu aftur öllum þeim niður-
skurði, sem það hafi þurft að þola
á þessum áratug, verður að ganga
út frá því að til þessara skólastiga
eigi að ganga sama hlutfall af fjár-
lögum ríkisins fyrir þetta ár og fyr-
ir árið 1991. Skv. skattframtali
undirritaðs (sem enn hefur ekki
verið véfengt) greiddi hann ásamt
konu sinni á síðasta ári kr.
1.287.903,- í staðgreiðslu skatta.
Þau hjón eiga eitt bam á hvoru
fyrrgreindra skólastiga. Ef gengið
er út frá 8%-reglunni, hafa þau því
greitt um 103 þúsund kr. beint til
skólakerfisins. Það er varla ofætlað,
þótt reiknað sé með að fimmta hver
króna launafólks skili sér aftur
beint í ríkissjóð í formi virðisauka-
skatts og margs kyns gjalda til rík-
isins. Þar ættu því að hafa komið
um 71 þúsund kr. til viðbótar til
að mennta börn þeirra. Fyrir þessa
fjármuni ábyrgist ríkissjóður áður-
nefndum hjónum 9 mánaða grunn-
skólagöngu fyrir dótturina og 34
vikna framhaldsskólagöngu fyrir
soninn, hvorttveggja á ársgrund-
velli.
Nú stefnir hins vegar í það að
mati eins af forsvarsmönnum kenn-
ara, að ríkisvaldið, sem rukkar okk-
ur foreldrana, ætli ekki að efna
þennan samning, sem það gerir við
okkur með fjárlögum og fræðslu-
lögum, nema að litlu leyti. Þær
raddir hafa heyrst, að dóttirin fái
e.t.v. ekki nema þriggja mánaða
skólavist þetta árið og sonurinn 11
vikur. Allt er þetta sagt stafa af
því, að ríkisvaldið, sem ráðið hafði
kennara til að sjá um framgang
skólastarfsins, gleymdi því, að
samningar við þá runnu út um síð-
ustu áramót. Þegar ríkisvaldið var
svo ekki tilbúið til að koma með
drög að nýjum samningi, fyrr en
rúmum hálfum öðrum mánuði eftir
að gildandi samningar voru útrunn-
ir og skollið á verkfall til að knýja
fram samningaviðræður, fór málið
í þann hnút, sem enn er óleystur.
Mér fínnst nú eðlilegt að spyrja
áðurnefndan Jónas, hvort hann telji
óeðlilegt, að ríkissjóður endurgreiði
skattgreiðendum þessa lands fyrir
þá þjónustu, sem rukkað er fyrir
en ekki er veitt. Eða telur títtnefnd-
ur Jónas e.t.v. eðlilegra að þeim
fjármunum, sem sparast í augna-
blikinu með lömun skólakerfisins,
sé heldur varið til dagpeninga-
greiðslna til ráðherramaka, í af-
mælisveislur ritstjóra eða aðrar
slíkar nauðsynjar fyrir þjóðarbúið?
Það má vera, að það sé hunda-
lógískum þankagangi að kenna, en
mér finnst það afleitt réttlæti, að
greitt sé fyrir vöru eða þjónustu,
sem svikist er um að veita.
INGIS INGASON,
Eyjaseli 7, Stokkseyri.
„ Afl þeirra hluta
sem gera skal“
Frá Ólöfu P. Hraunfjörð:
VARÐANDI ummæli Jóns Bald-
vins Hannibalssonar utanríkisráð-
herra í sjónvarpsþætti um mennta-
mál mánudaginn 13. mars sl. þar
sem hann vitnar í hin frægu um-
mæli „peningar eru afl þeirra hluta
sem gera skal“, og hafði þau eftir
Steini Steinarr, sem getur vissu-
lega verið satt, en þau eru þó ekki
eftir Stein. Langar mig að koma
því á framfæri að þessi fleygu orð
eru eftir skáldkonuna Ólöfu frá
Hlöðum, f. 9. apríl 1857, d. 23.
mars 1933.
Ólöf tók þátt í verðlaunakeppni
um best sömdu smásögu árið 1910,
er mánaðarritið „Nýjar kvöldvökur"
á Akureyri efndi til. Ólöf samdi
söguna „Móðir snillingsins". Dóm-
nefndin ákvað sögu þessari auka-
verðlaun, en það hafði ekki verið
ætlast til að nema ein saga fengi
verðlaun. Sagan hennar Ólafar var
prentuð í Nýjum kvöldvökum IV
árg., Ak. 1910, bls. 257-280 og
274-283.
Einnig er saga þessi í Ritsafni
Ólafar frá Hlöðum á bls. 207-249
og setningin er á bis. 212.
ÓLÖF P. HRAUNFJÖRÐ,
Kópavogi.
Allt efni sem birtist í Morgunblaðinu og Lesbók verður framvegis. varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.