Morgunblaðið - 08.06.1995, Blaðsíða 6

MORGUNBLAÐIÐ
6 FIMMTUDAGUR 8. JÚNÍ 1995
FRÉTTIR
400 lækiiar
sækja norrænt
skurðlæknaþing
NORRÆNT skurðlæknaþing verður
sett í Háskólabíói í dag og sækja það
um 400 skurðlæknar, þar af 90 frá
íslandi. Tvö námskeið verða haldin
á meðan á ráðstefnunni stendur en
einnig verða fluttir meira en 60 fyrir-
lestrar, þar af ellefu aðalfyrirlestrar.
Páll Gíslason, læknir og formaður
ráðstefnunefndar, segir að alls séu
um 5.000 manns í Sambandi skurð-
læknafélaga á Norðurlöndum, sem
stendur að ráðstefnunni.
Námskeiðin fjalla um framfarir í
skurðaðgerðum á skjaldkirtli annars
vegar og bijóstakrabbameini hins
vegar. Páll segir að Norðurlöndin
hafí haft samvinnu um rannsóknir
og meðferð á hinu síðarnefnda.
Páll segir að aðalfyrirlesaramir
séu allir þekktir á sínu sviði. Meðal
þeirra má nefna David Bergqvist sem
er sérfræðingur í æðaskurðlækning-
um, Alfred Cuschieri, sérfræðingur
í kviðsjáraðgerðum, en hann flytur
fyrirlestur um magakrabbamein og
einnig kennir hann á öðru námskeið-
inu. Páll segir að undanfarin 4-5 ár
hafi kviðsjár valdið mikilli byltingu
í skurðaðgerðum og hefur notkun
þeirra stytt legutíma sjúklinga í sum-
um tilfellum verulega.
Fyrirlestur um fyrstu
viðbrögð við slysum
Þá ber að nefna John S. Naijarian
sem flytur fyrirlestur um líffæraflutn-
inga hjá sykursjúkum, John B.
McCraw sem kynnir nýjungar fyrir
konur sem hafa misst bijóst. Þá mun
J. Pillgram-Larsen fjalla um fyrstu
viðbrögð við slysum, en Páll segir að
mikil bylting hafi orðið á undanföm-
um árum, aðallega vegna þess hversu
sjúkraflutningar eru orðnir hraðir.
Ráðstefna þessi er haldin annað
hvert ár og skiptast Norðurlöndin á
um að halda hana. ísland hefur hald-
ið ráðstefnu sem þessa tvisvar, árið
1971 og 1981, en félagið er 102 ára
gamalt.
f tengslum við ráðstefnuna munu
fyrirtæki sem framleiða verkfæri og
tæki til skurðlækninga sýna vörur
sínar.
mui g uiiuiciuiu/ ovei i n
PÁLL Gíslason læknir. í baksýn má sjá sýningarsvæði ráðstefn-
unnar sem verið var að koma upp í gærdag.
MorgunDlaöiö/kinar b. JtJinarsson
UNGA fólkið í Grafarvogi sýnir geitungadrottningu í glerkrukku, sem Þórður Haraldsson meindýra-
eyðir hampar, mikinn áhuga. A neðri myndinni sést geitungabú sem Þórður eyddi.
Geitungabú
farin að
finnast í
görðum
TVÖ geitungabú fundust í
garði í Grafarvogi í Reykjavík
í vikunni. Þau voru undir
timburklæðningu við útidyr og
hafa sennilega verið um
tveggja vikna gömul.
Geitungarnir hafa verið
óvenju snemma á ferðinni í
vor, að sögn Eyjólfs Rósmunds-
sonar meindýraeyðis, og hefur
þeim farið fjölgandi ár hvert.
Geitungar hafa unnið sér
fastan sess í fánu íslands. Ekki
er óaigengt að fólk finni gei-
tungabú í görðum sínum og
njóti aðstoðar meindýraeyðis
til að losna við þau. Fólk verð-
ur helst vart við geitunga á
haustin, en einnig eru þeir
mikið á ferðinni í blíðviðri eins
og verið hefur undanfarið.
Geitungabú finnast gjarnan í
tijám og limgerði, undir pöll-
um, þakskeggjum og hraun-
hellum.
Ríkisendurskoðun telur ágreining stjórnar Brunamálastofnunar og brunamálastjóra hefta reksturinn
Stj ómarformaðurinn
ætlar að segja af sér
HULDA Finnbogadóttir, formaður
stjómar Brunamálastofnunar ríkis-
ins, hyggst segja af sér formennsk-
unni á stjómarfundi stofnunarinnar
sem haldinn verður á morgun, en þar
verður endurskoðunarskýrsla Ríkis-
endurskoðunar um Brunamálastofn-
un til umfjöllunar.
Að sögn Huldu segir hún af sér
vegna samstarfsörðugleika við
bmnamálastjóra og einnig vegna
þeirrar niðurstöðu Ríkisendurskoð-
unar að ekki sé allt með felldu varð-
andi rekstur stofnunarinnar. Berg-
steinn Gizurarson brunamálastjóri
segist vera tiltölulega ánægður í öll-
um aðalatriðum með niðurstöður Rík-
isendurskoðunar, og kveðst hann
fagna afsögn Huldu og vonast til að
sæmilegur vinnufriður verði í Bmna-
málastofnun þegar hún verði farin.
Stjóm Bmnamálastofnunar og
brunamálastjóra hefur m.a. greint á
um eftirlit með fjárreiðum stofnunar-
innar og um Bmnamálaskóla sem
ætlað er að sinna menntunarmálum
slökkviliðsmanna. í skýrslu Ríkisend-
urskoðunar kemur fram að stjóm
Bmnamálastofnunar hafi ritað fé-
lagsmálaráðherra bréf þann 31. des-
ember 1994 þar sem hún teldi sig
ekki geta fullnægt lagalegum skyld-
um sínum við eftirlit með fjárreiðum
stofnunarinnar sökum samstarfsörð-
ugleika við bmnamálastjóra. Enn-
fremur segi í bréfí stjómarinnar að
henni hafí borist óstaðfestar upplýs-
ingar um ýmis atriði er varði fjárreið-
ur stofnunarinnar, sem stjómin hafí
ekki aðstöðu til að sannreyna vegna
samstarfsörðugleika við bmnamála-
stjóra. í framhaldi af bréfí stjómar-
innar óskaði félagsmálaráðherra eftir
því við Ríkisendurskoðun þann 11.
janúar síðastliðinn að þau atriði sem
fram komu í bréfí stjómarinnar yrðu
könnuð.
Brýnt að leysa deilur
í niðurstöðum Ríkisendurskoðun-
ar segir m.a. að ágreiningur millí
stjórnar Brunamálastofnunar ríkis-
ins og bmnamálastjóra snúist ann-
ars vegar um framlagningu bók-
haldsupplýsinga á stjórnarfundum
og eftirlitsskyldu og ábyrgð stjórn-
ar, en hins vegar um Brunamálaskól-
ann, stöðu brunamálastjóra gagn-
vart skólanum, skólanefnd og skóla-
stjóra. Telur Ríkisendurskoðun að
ágreiningurinn standi rekstri stofn-
unarinnar fyrir þrifum, og brýnt sé
að leysa þær deilur sem uppi em
milli stjórnar og brunamálastjór'a.
Þá segir að í lögum um bmna-
varnir og bmnamál sé ekki að finna
nákvæma skilgreiningu á hlutverki
og störfum stjórnar stofnunarinnar
og brunamálastjóra, og eigi þetta
þó einkum við um brunamálastjóra.
Hann sé forstöðumaður stofnunar-
innar og beri ábyrgð gagnvart
stjórninni, en stjórn Brunamála-
stjórnar sé ætlað að hafa eftirlit með
rekstri og starfsemi stofnunarinnar.
Það eftirlit hljóti að byggjast á upp-
lýsingum eða gögnum sem bruna-
málastjóri láti stjórninni í té sam-
kvæmt beiðni eða kröfu hennar, en
Ríkisendurskoðun telur hins vegar
að ákvæði laganna ætli stjórninni
ekki að yfirfara gmndvallargögn,
fylgiskjöl eða dagbækur.
Osamræmi í lögum
og reglugerð
Að mati Ríkisendurskoðunar er
ástæðna deilna um Brunamálaskól-
ann m.a. tilkomin vegna ósamræmis
í lögum um Brunamálastofnun ríkis-
ins og reglugerð um Brunamálaskól-
ann, sem geri hlutverk og verksvið
þeirra aðila sem tengjast skólanum
óljós. Telur Ríkisendurskoðun að
breyta þurfi ákvæðum í reglugerð
varðandi stjómskipulega stöðu skól-
ans innan Brunamálastofnunar
þannig að brunamálastjóri, sem for-
stöðumaður stofnunarinnar, beri
ótvíræða fjárhagslega ábyrgð á fjár-
málum hans ásamt stjórn stofnunar-
innar eins og lög kveði á um.
Meðal þeirra atriða sem Ríkisend-
urskoðun gerir athugasemdir við í
skýrslu sinni er að brunamálastofn-
un hafi snemma árs 1994 keypt
notaða vörubifreið á 4,3 milljónir og
fjármagnað kostnaðinn af rekstri
stofnunarinnar án fjárheimildar;
reglur stofnunarinnar varðandi ein-
kennisfatnað hafi ekki verið virtar
og gagnrýnt er að engin viðveru-
skráning sé til staðar varðandi
brunamálastjóra og skrifstofustjóra.
Þá segir í skýrslunni að tvær epd-
urgreiðslur hafi borist á árinu 1995
vegna ferðakostnaðar árið áður og
þær stílaðar á brunamálastjóra.
Þessar greiðslur hafi ekki enn verið
færðar í bókhaldi stofnunarinnar.
Ástæða þessa sé að sögn brunamála-
stjóra óvissa með hvernig færa ætti
slíkar greiðslur. í ferðaheimildum
sé hins vegar getið að dagpeningar
verði greiddir af styrk frá fundahald-
ara. Telur Ríkisendurskoðun eðlileg-
ast að þessir ferðastyrkir komi til
lækkunar á ferðakostnaði í bókhaldi
stofnunarinnar.
Lítið tillit tekið
til athugasemda
Hulda Finnbogadóttir sagði í sam-
tali við Morgunblaðið að stjórn stofn-
unarinnar hefði á sínum tíma sent
félagsmálaráðherra og Ríkisendur-
skoðun athugasemdir við drög
skýrslunnar og lítið tillit verið tekið
til þeirra. Þar hefði því verið lýst
yfír að stjórnin liti það mjög alvar-
íegum augum hve víða virtist vera
pottur brotinn í meðferð brunamála-
stjóra á almannafé, og harmi hún
að hafa ekki getað fulinægt lagaleg-
um skyldum sínum við eftirlit með
fjárreiðum stofnunarinnar vegna
samstarfsörðugleika við brunamála-
stjóra. Stjórnin vilji ekki og geti
ekki tekið þátt í rekstri opinberrar
stofnunar þar sem farið sé með al-
mannafé á þennan hátt, og 9. maí
sl. hafi stjórnarmenn lýst því yfir
að þeir teldu sig ekki bera ábyrgð
á rekstri stofnunarinnar þaðan í frá.
„Því miður virðist ráðherra hafa
gefið þessari stofnun heilbrigðisvott-
orð, því hann segir í bréfí sínu [til
stjórnarformanhs Brunamálastofn-
unarj að ekki verði annað ráðið af
skýrslunni en að stjórnin hafi getað
framfylgt lagalegri skyldu sinni við
eftirlit með fjárreiðum stofnunarinn-
ar. En í niðurstöðum Ríkisendur-
skoðunar taka þeir fram að við hefð-
um greinilega ekki fengið þær upp-
lýsingar sem við báðum um til þess
að geta framfylgt okkar lagalegu
skyldum," sagði Hulda.
Hagsmunabarátta
Bergsteinn Gizurarson bruna-
málastjóri sagði að hann væri tiltölu-
lega ánægður með skýrslu Ríkisend-
urskoðunar þar sem almennt væru
þetta smáathugsaemdir og ekkert
bitastætt í sjálfu sér. Varðandi
ágreining hans við stjórn Brunamál-
stofnunar sagðist hann telja skýrsl-
una styðja sig í öllum aðalatriðum.
Bergsteinn sagði að rekja mætti
ágreining við stjóm Brunamála-
stofnunar langt aftur í tímann vegna
ákveðinnar hagsmunabaráttu sem
Landssamband slökkviliðsmanna
hefði háð gagnvart Brunamálastofn-
un. Landssambandið á einn fulltrúa
í stjórn Brunamálastofnunar, og
sagði Bergsteinn að Hulda hefði
stutt málstað Landssambandsins
gegn sér alla tíð frá því hún varð
formaður stjórnar stofnunarinnar.
Sagðist hann fagna því ef hún myndi
segja af sér sem formaður og vonað-
ist hann til að þá tækist að hafa
sæmilegan vinnufrið á stofnuninni.