Morgunblaðið - 11.06.1995, Blaðsíða 9

MORGUNBLAÐIÐ
SUNNUDAGUR 11. JÚNÍ 1995 9
Formaður skólanefndar Brunamálaskóla
Starfsemi skólans
lögnm samkvæmt
JÓN Viðar Matthíasson, fráfarandi
formaður skólanefndar Brunamála-
skólans, vísar því á bug sem fram
kemur í skýrslu Ríkisendurskoðunar
um stofnunina og í viðtali við Berg-
stein Gizurarson brunamálastjóra
sem birtist í Morgunblaðinu í gær,
að það hafi stangast á við lög að
hefja starfsemi skólans á síðasta
ári. Til þess hafi verið veitt ein millj-
ón króna á fjáraukalögum og fyrir
hafi legið yfirlýsingar félagsmálaráð-
herra, formanns fjárlaganefndar Al-
þingis, og fjármálastjóra félagsmála-
ráðuneytisins um að skólastarfið
gæti hafist á árinu og ekki væri
verið að bijóta lög með setningu
hans 24. nóvember síðastliðinn.
„Það sem brunamálastjóri er að
lýsa viðkomandi skólanum er engan
veginn rétt. Það þurfti ítrekað að
þræta við hann um hver ætti að fá
umrædda milljón króna, en hann
hélt því fram að peningarnir ættu
að renna inn í stofnunina til greiðslu
á launum starfsmanna stofnunarinn-
ar eða annars sem stofnunin ætti
að greiða. Nú hefur hann hins vegar
lýst því yfír í fjölmiðlum að pening-
arnir hafi verið fyrir skólann. Þetta
lýsir starfsháttum brunamálastjóra.
Þarna þóknast honum að taka millj-
ónina á skólann og á hinum vettvang-
inum þóknaðist honum að deila um
hana, þó svo að komið væri bréf frá
ráðuneytinu um að umrædd upphæð
væri fyrir skólann. Það voru allir sem
lögðust á eitt með að gera það mögu-
legt að skólinn gæti tekið til starfa,
nema brunamálastjóri sem reyndi að
gera það ómögulegt," sagði Jón Við-
ar.
Eitthvað meira
en lítið að
Þeir Jón Viðar og Gísli Kr. Lórenz-
son, fráfarandi fulltrúi Landssam-
bands slökkviliðsmanna í stjórn
Brunamálastofnunar, segja alrangar
þær yfirlýsingar brunamálastjóra um
að Hulda Finnbogadóttir, fráfarandi
formaður stjórnar Brunamálastofn-
unar, hafi ein átt í útistöðum við
brunamálastjóra. Það sýndi glögg-
lega afsögn allra stjórnarmanna,
varamanna þeirra og aðal- og vara-
manna í skólanefnd Brunamálaskól-
ans, sem allir hafi sagt af sér vegna
samstarfsörðugleika við brunamála-
stjóra.
„Það gekk fram af mér smábarna-
háttur brunamálastjóra á stjórnar-
fundi í gær [föstudag], þegar hann
fagnaði því að stjórn stofnunarinnar
væri að segja af sér. Ég er viss um
að hann gerði sér ekki grein fyrir
því hvað var að gerast. Þetta finnst
mér benda til þess að það sé eitthvað
meira en lítið að. Þessi maður hefur
leynt stjórnina upplýsingum, og jafn-
vel má segja að vegna góðvildar
stjórnarmanna hefur ekki verið
höggvið frá sér, og það hefur ekki
verið höggvið enn,“ sagði Gísli.
Þess skal getið að í Morgunblaðinu
í gær var Hulda Finnbogadóttir rang-
lega sögð vera Jakobsdóttir og er
beðist velvirðingar á því.
Sjómannadagurinn í Reykjavík
Dagskrá við
höfnina frá kl. 13
DAGSKRÁ Sjómannadagsins í
Reykjavík hefst þegar klukkan 8
þegar fánar verða dregnir að húni á
skipum í Reykjavíkurhöfn. Kl. 11
hefst minningarguðsþjónusta í Dóm-
kirkjunni. Biskupinn yfir íslandi,
herra Ólafur Skúlason, minnist
drukknaðra sjómanija. Sr. Jakob
Hjálmarsson þjónar fyrir altari.
Blómsveigur verður lagður á leiði
óþekkta sjómannsins í Fossvogs-
kirkjugarði.
Útihátíðahöld við höfnina
Við Reykjavíkurhöfn verður boðið
í skemmtisiglingu kl. 13 með
skemmtiferðaskipinu Árnesi frá
Faxagarði. Ávörp verða flutt kl. 14
og ræðumenn verða Þorsteinn Páls-
son sjávarútvegsráðherra, Arthur
Bogason formaður Sambanda smá-
bátaeigenda, Sævar Gunnarsson for-
maður Sjómannasambands íslands
og Guðmundur Hallvarðsson, alþing-
ismaður og formaður Sjómannadags-
ráðs sæmir aldraða sjómenn heiðurs-
merki Sjómannadagsins.
Þyrla Landhelgisgæzlunnar sýnir
björgun og björgunarsveitir SVFÍ
sýna ýmis átriði varðandi björgun
o g björgunarbúnað. Koddaslagur,
flekahlaup og kappróður skipshafna
verður einnig meðal skemmtiatriða.
Stórt tjald verður á svæðinu, þar
sem boðið verður upp á kaffí, kökur,
gos og sælgæti.
Opið hús verður á dvalarheimilum
aldraðra sjómanna í Reykjavík og
Hafnarfirði milli kl. 13.30 og 17 á
sunnudag og frá kl. 9 til 16 á mánu-
dag. Þar verður sýning og sala á
handunnum munum Hrafnistufólks.
Skip fá viðurkenningu
Siglingamálastofnun veitir í dag
áhöfn og eigendum sjö skipa viður-
kenningu fyrir fyrirmyndar um-
gengni um skip og öryggisbúnað.
Þessi skip eru Guðmundur Ólafur
ÓF-91, Ljósafell SU-70, Guðmundur
VE-29, Gunnar Sigurðsson ÍS-13,
Þorsteinn KE-10, Auðbjörg SH-197
og Hásteinn ÁR-8.
Skráning í HI er
svipuð og í fyrra
SKRÁNINGU nemenda í Háskóla
íslands fyrir haustmisseri lauk á
fimmtudaginn. Þórður Kristinsson
kennslustjóri sagði aðsóknina venju
samkvæmt, en það hafi þó myndast
dálítil örtröð eftir helgina.
Ástæðan hafi verið sú að fram-
haldsskólarnir hafi útskrifað nem-
endur óvenju seint vegna verkfalls-
ins. Brugðist hafí verið við því með
því að framlengja skráningarfrestinn
um tvo daga.
Þórður segist reikna með svipuð-
um fjölda nemenda og í fyrra, þótt
nýnemum fjölgi alltaf eitthvað ár frá
ári. „Vegna annríkis við brautskrán-
inguna fáum við líklega ekki að sjá
neinar tölur fyrr en í byijun júlí,“
bætir hann við. Ekki er öll von úti
fyrir þá sem ekki náðu að skrá sig
í tæka tíð.
Enn hægt að skrá sig
„Fólk sem af einhveijum ástæðum
hefur ekki náð að skrá sig þrátt fyr-
ir vel auglýstan skráningartíma, get-
ur lagt inn beiðni um skráningu og
hún verður þá tekin fyrir,“ segir
Þórður. „Það verður þó ekki tekið
við neinum slíkum beiðnum eftir 20.
ágúst."
FRÉTTIR
Hálfrar aldar afmælis UA minnst með veglegiim hætti
Morgunblaðið/Rúnar Þór
UM 1.200 gestir voru viðstaddir 50 ára afmælisveislu Útgerðarfélags Akureyringa.
Verðmætasta eign
félagsins undir einu þaki
HÁLFRAR aldar afmælis Út-
gerðarfélags Akureyringa var
minnst með veglegri veislu sem
haldin var í íþróttahöllinni á
Akureyri á föstudagskvöld. Um
1.200 gestir sóttu veisluna, allt
starfsfólk félagsins ásamt mök-
um auk fjölda gesta.
Verðmætasta eignin
Gunnar Ragnars fram-
kvæmdastjóri félagsins minnt-
ist upphafsins í ávarpi sínu og
sagði að oft væru eignir þess
taldar í skipum og fasteignum,
„en nú eru saman komin á ein-
um og sama stað verðmætasta
eign félagsins þegar nær allt
starfsfólk þess er hér undir
einu þaki í tilefni þessara tíma-
móta,“ sagði framkvæmda-
stjórinn og bætti við að sérlega
ánægjulegt væri að margir af
eldri starfsmönnum ÚA, þeir
sem átt hefðu sinn þátt í að
leggja „stein undir framtíðar-
höll“ og vísaði í heiti bókarinn-
ar um 50 ára sögu ÚA. „Félag-
ið hefur átt því láni að fagna
að hafa ætíð haft á að skipa
tryggu starfsfólki sem margt
hefur unnið hjá því áratugum
saman.“
Gunnar afhenti Þorsteini
Pálssyni sjávarútvegsráðherra
eintak af sögu Ú A eftir Jón
Hjaltason. Ráðherrann sagði
veisluna í samræmi við liið
inikla afl sem einkennt hefði
Útgerðarfélag Akureyringa á
liðnum árum. Það hefði verið
forystuafl í íslenskum sjávarút-
vegi um langa hríð og framsýni
og áræðni höfð að leiðarljósi
við stjórnun þess. „í mínum
huga er það eitt orð sem lýsir
félaginu og það er myndar-
skapur,“ sagði Þorsteinn og
flutti ÚA og starfsfólki þess
árnaðaróskir ríkisstjórnarinn-
ar.
Konurnar ómissandi
Forseti bæjarstjórnar Akur-
eyrar, Sigfríður Þorsteinsdótt-
ir sagði m.a. í ávarpi sínu í
veislunni að frá upphafi hefðu
miklar vonir verið bundnar við
að stofnun Útgerðarfélags Ak-
ureyringa bryti blað í atvinnu-
sögu Akureyringa og það hefði
ekki brugðist, félagið hefði ver-
ið og væri hornsteinn í atvinnu-
lífi bæjarins. Hún sagði konur
ÞORSTEINN Pálsson sjávarútvegsráðherra lítur yfir veislu-
borðið, en einnig má þekkja þær Guðríði Eiríksdóttur, eigin-
konu Gunnars Ragnars, Lindu Björnsson, eiginkonu Jakobs
Björnssonar bæjarstjóra á Akureyri, á myndinni.
genga mikilvægu hlutverki í
starfsemi Ú A, þær væru jafn
ómissandi og fiskurinn sjálfur
og ættu sinn þátt í þeim fjölda
viðurkenninga sem félagið
hefði fengið á liðnum árum
fyrir góða framleiðslu.
Óskar Ægir Benediktsson
formaður starfsmannafélags
ÚA sagði stjórnendur fyrirtæk-
isins hafa á því skilning að til
að ná góðum hagnaði þyrfti
gott starfsfólk og nefndi hann
m.a. að allur aðbúnaður á
vinnustað væri til fyrirmyndar.
Boðið var upp á fjölbreytt
skemmtiatriði að loknu borð-
haldi, m.a. sungu Borgardætur
fyrir viðstadda, einnig hinir
siglfirsku Fílapenslar, Jóhann-
es Kristjánsson eftirherma lék
á alls oddi og þá komu félagar
úr Karlakór Ákureyrar-Geysi
fram og sungu nokkur lög.
Veislustjóri var Sunna Borg
leikari. Dansað var við und-
irleik tveggja hljómveita, í aðal-
salnum lék „Norðan þrír"
ásamt Ragnari Bjarnasyni en í
kaffiteríu á efri hæð lék Kvart-
ett Kristjáns Eldelsteins jass-
lög.
ÞAU skemmtu sér konunglega í veislunni.