Morgunblaðið - 12.07.1995, Blaðsíða 5
MORGUNBLAÐIÐ
MIÐVIKUDAGUR 12. JÚLÍ 1995 5
FRÉTTIR
Grindavíkurhöfn
Skipí
vanda
Grindavík, Morgunblaðið.
GOTT veður og góðar aðstæður
komu í veg fyrir að vandræði
hlytust af þegar mjölskipið
Trinket, sem er 1.600 tonn,
skráð í Limassol á Kýpur, fékk
ankeri í skrúfuna rétt þegar
búið var að leysa landfestar í
Grindavíkurhöfn.
Búið var að lesta 1.000 tonn
af loðnumjöli í skipið þegar það
var að fara frá bryggju. Þegar
skipið hafði leyst landfestar og
var á leið út úr höfninni festist
einhver aðkomuhlutur í skips-
skrúfunni og komst það við illan
leik út fyrir innsiglinguna og
tókst kafara að leysa úr skrúf-
unni nælontóg sem var áfast
við 6-8 m keðju og um 20 kg
ankeri fest við.
Ankerið var plógankeri sem
er oddhvasst og mikil mildi að
það hafi ekki slegist við skipss-
íðuna og valdið skemmdum. Að
sögn hafnsögumanns varð skip-
ið ekki stjórnlaust en eins og
aðstæður voru þegar óhappið
varð tókst að sigla því út úr
hafnarmynninu og skoða nánar
hvað var á ferðinni. Hann sagði
að það væri vítavert að skilja
ankerið eftir í höfninni án þess
að gera nokkrum viðvart.
B-álma Borgarspítala
Gengið að til-
boði Búlka hf.
BORGARRÁÐ samþykkti á
fundi sínum í gær að ganga
að tilboði Búlka hf. í lokafrá-
gang 7. hæðar B-álmu Borgar-
spítalans.
Haldið var opið útboð og
bárust fimm tilboð í verkið.
Tilboð Búlka hf. var lægst og
hljóðaði upp á 38.410.953 kr.,
eða 109,11 % af kostnaðar-
áætlun hönnuða.
Auk Búlka hf. buðu í verkið
ístak hf., Sökkull sf., Jón B.
Jónsson og fleiri og Viðey hf.
byggingarfélag.
Olís sækir
um lóð
Á FUNDI Borgarráðs í gær
var tekin fyrir umsókn Olíu-
verzlunar íslands hf. um lóð í
Grafarholtshverfi.
Samkvæmt aðalskipulagi
Reykjavíkur tferður næsta
byggingarsvæði borgarinnar í
Grafarholti. Olíuverzlun Is-
lands fyrirhugar byggingu
þjónustustöðvar með bensínaf-
greiðslu í hverfinu og óskar
eftir viðræðum við borgaryfir-
völd um staðsetningu, stærð
og fyrirkomulag. Borgarráð
vísaði umsókninni til skipu-
lagsnefndar.
Sigurður
Daði fékk
fullt hús
SIGURÐUR Daði Sigfússon
vann allar skákir sínar á Boðs-
móti Taflfélags Reykjavíkur
sem lauk á mánudag.
Sigurður Daði fékk 7 vinn-
inga úr 7 skákum en Torfi
Leósson, Sigurbjörn Björns-
son, Kristján Eðvarðsson,
Bjarni Magnússon og Páll
Agnar Þórarinsson fengu allir
5 vinninga.
Morgunblaðið/Aðalheiður Högnadóttir
KARTÖFLUGRÖSIN koma myndarleg undan plastinu,
sem nýbúið er að taka af.
Horfur á þokkalegri
kartöfluuppskeru
Hcllu, Morgunblaðið
Að sögn formanns Landssam-
bands kartöflubænda, Sigurbjart-
ar Pálssonar í Þykkvabæ, eru horf-
ur á þokkalegri kartöfluuppskeru
í ár.
„Það eru þó enn nokkuð mörg
„ef“ í þessu sambandi, það þarf
ekki annað en átta vindstig í
nokkra klukkutíma til að allt fjúki
út í veður og vind.“
„Þrátt fyrir að sett hafi verið
niður í seinna lagi er staðan nokk-
uð góð vegna hagstæðs tíðarfars
um sunnanvert landið allt austur
á Hornafjörð. En fyrir norðan er
útlitið fremur dapurt og ekki von
á að úr rætist nema við fáum
gott haust. Þá má nefna að hjá
einum bónda á Vesturlandi gerði
næturfrost í síðustu viku, þannig
að þetta lítur nú ekkert alltof vel
út á landsvísu, óvissuþættirnir eru
svo margir.
Það má ekki rigna of mikið,
ekki vera of mikill þurrkur, ekki
gera næturfrost of snemma og
ekki hvessa um of,“ sagði Sigur-
bjartur.
4RA DYRA
FRÁ KR. 1. 195.000.
ÁGÖTUNA
Ármúla 13 • S: 553 1236