Morgunblaðið - 12.07.1995, Blaðsíða 48

t K
MTT#
alltaf á
Miðvikudögum
MORGUNBLADW, KRINGUN 1, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: HAFNARSTRÆTI 85
MIÐVIKUDAGUR 12. JÚLÍ 1995
VERÐ í LAUSASÖLU 125 KR. MEÐ VSK
Hagnaður
hjá Lands-
virkjun
Heildaraflinn skertur um
4,6% á næsta fiskveiðiári
Utflutningstekjur af sjávarafurðum
dragast saman um 3,6 milljarða króna
SAMKVÆMT ákvörðun sjávarút-
vegsráðherra um leyfilegan heild-
arafla á næsta fiskveiðiári, verður
þá leyft að veiða tæplega 5%
minna en á þessu, talið í þorsk-
ígildum. Sá samdráttur hefur í för
með sér að útflutningstekjur af
sjávarafurðum dragast saman um
3,6 milljarða króna á næsta ári
og rekstrarstaða sjávarútvegsfyr-
irtækja versnar um 1%.
Aflaheimildir eru skertar milli
ára í flestum fiskitegundum, en
nú er þó, í fyrsta sinn síðan 1988,
ekki lagt til að skerða frekar heim-
ildir til veiða á þorski milli ára.
Ákvörðun sem markar
nokkur tímamót
„Þessi ákvörðun um heildarafla
nú markar nokkur tímamót," seg-
ir Þorsteinn Pálsson sjávarútvegs-
ráðherra. „Þetta er í fyrsta skipti
síðan 1988 að ákvörðun um heild-
arafla felur ekki í sér niðurskurð
á þorskveiðiheimildum milli ára.
Þær verða nú óbreyttar milli fisk-
veiðiára. Það eru vissulega kafla-
skipti og við bindum vonir við að
framhaldið verði á þann veg, að
við getum hægt og bítandi aukið
þorskveiðiheimildir á næstu árum.
Þetta sýnir að sú stranga upp-
byggingarstefna, sem við höfum
fylgt er að byija að skila árangri.
Að hinu leytinu er ekki hægt
að horfa fram hjá því, að það er
samdráttur í flestum öðrum teg-
undum. Þar munar mest um karfa
og grálúðu. í heildina eru afla-
heimildir að dragast saman milli
4 til 5% í þorskígildum talið. Það
mun rýra útflutningstekjurnar um
3,6 milljarða og afkomuna um 1%
eða þar um bil. Það er vissulega
svo að við erum að horfast í augu
við áframhaldandi þrengingar í
sj ávarútveginum.
Þetta verða menn að lifa við,
ekki væri betra að ganga of nærri
fiskistofnunum. Það myndi ekki
bæta afkomu fiskvinnslunnar,"
segir Þorsteinn.
■ Ákvörðun/B5
■ Ekkiáóvart/4
HAGNAÐUR af rekstri Lands-
virkjunar fyrstu sex mánuði ársins
nam 158 milljónum króna. Áætlan-
ir fyrirtækisins gera hins vegar ráð
fyrir um 350 milljóna króna rekstr-
arhalla á árinu 1995. Tap af rekstri
Landsvirkjunar árið 1994 nam
tæpum 1.500 milljónum króna.
Halldór Jónatansson forstjóri
Landsvirkjunar segir nokkrar
ástæður liggja að baki bættri af-
komu nú. Meðal annars hafí orku-
verð til stóriðju farið hækkandi auk
þess sem skuldastaða fyrirtækisins
hafí batnað talsvert á undanföm-
um árum. Þá hafi aukið aðhald í
rekstri einnig verið að skila sér.
■ 158 milljóna króna/14
Félag flugum-
ferðarstjóra
Tveggja
vikna yf-
irvinnu-
bann
STJÓRN og trúnaðarráð Fé-
lags íslenskra flugumferðar-
stjóra ákvað á fundi sínum í
gærkvöldi að boða tveggja
vikna yfírvinnubann sem hefj-
ist að morgni 26. júlí og ljúki
að kvöldi 8. ágúst. Þorleifur
Björnsson, formaður félagsins,
segir að yfirvinnubannið taki
gildi beri samningafundur fé-
lagsins og samninganefndar
ríkisins þann 24. júlí ekki
árangur að mati stjórnar og
trúnaðarráðs.
Þorleifur kveðst túlka að
árangur muni hafa náðst ef
viðræðum verði fram haldið á
grundvelli krafna flugumferð-
arstjóra. „Ég ræddi við for-
mann samninganefndar ríkis-
ins, Birgi Guðjónsson, í gær-
morgun og hann tjáði mér að
vegna manneklu í samninga-
nefndinni væri ekki mögulegt
að halda samningafund fyrr
en eftir tæpar tvær vikur,“
segir Þorleifur.
Að sögn Þorleifs vilja flug-
umferðarstjórar hefja samn-
ingaviðræður þar sem hlustað
verði á kröfur þeirra. „Samn-
ingar okkar hafa verið lausir
frá áramótum og í síðustu
kjarasamningum höfum við
ávallt þurft að bíða lengi eftir
því að samningaviðræður hefj-
ist.“
Brosa!
ÞEGAR sólin skín er myndavélin
munduð við flestar aðstæður.
,Leið manns nokkurs lá um Laug-
arvatn í veðurblíðunni í gær og
leit hann þar lítinn gutta og konu
við hans hlið, sem hann gjarnan
vildi mynda. Lét hann ekki
ókleifa girðinguna aftra sér við
myndatökuna. Hins vegar varð
sá stutti hálfragur þegar smella
átti af svo telja varð í hann kjark-
inn þegar til kom.
Norska strandgæzlan meinar Má SH að koma í norska höfn
Novítja
TySvalbarði
BARENTSHAF
Bjamaríy .. —^Smugan
Jan Mayut
Tromsu
RUSSLAND
Honningsvag
Togarinn Már SH-127 frá Ólafsvík fékk
veiðarfæri i skrúfuna sunnarlega í Smugunni á
sunnudag og sigldi á hálfri ferð til Honningsvág
í Noregi, þar sem skipinu hafði verið lofað
aðstoð. Norska strandgæzlan stuggaöi við Má
út fyrir fjögurra mílpa landhelgi Noregs og er
skipið nú á leið til Islands. '’s- (
ISLAND
Morgunblaðið/Snorri Snorrason
TOGARINN Már SH 127 á siglingu.
íslenzk stjóm-
völd mótmæla
harðlega
ÍSLENZK stjórnvöld hafa mótmælt
harðlega við norsku ríkisstjómina
vegna þess að togaranum Má SH
127 frá Ólafsvík var meinað að koma
í norska höfn í gærmorgun. Norska
strandgæzlan stöðvaði Má er togar-
inn var að koma til Honningsvág í
Norður-Noregi til að láta skera úr
skrúfunni og vísaði honum út fyrir
fjögurra mílna landhelgi Noregs.
Togarinn var að veiðum sunnar-
lega í Smugunni á sunnudag, er
hann fékk net í skrúfuna. Hann
sigldi fyrir eigin vélarafli til Honn-
ingsvág, þar sem honum hafði ver-
ið heitið aðstoð. Skipið átti aðeins
nokkra metra ófarna að bryggju
að sögn Reynis Georgssonar skip-
stjóra, er boð bárust um að her-
málayfirvöld meinuðu skipinu að
leggjast að bryggju.
Strandgæzluskipið Nornin kom á
vettvang og töldu yfírmenn á því
að Már gæti komizt hættulaust og
af eigin rammleik til Islands. Skip-
inu var því vísað burt, í samræmi
við tæplega ársgamla reglugerð,
sem meinar skipum er veiða í Smug-
unni að sækja þjónustu til norskra
hafna.
Bíður við landhelgislínuna
Skipstjóri og útgerð togarans
telja að sigling til íslands geti tekið
átta sólarhringa og henni fylgi mik-
il áhætta. Að sögn Svavars Þor-
steinssonar útgerðarstjóra mun
skipið bíða við landhelgislínuna í
von um að mótmæli íslenzka utan-
ríkisráðuneytisins, sem afhent voru
norska sendiherranum í Reykjavík
í gær, beri árangur.
■ Skipi og áhöfn stefnt/4
Morgunblaðið/Golli
Annríki á fæðingar-
deild Landspítalans
MIKIÐ annríki hefur ríkt á fæðing-
ardeild Landspítalans að undan-
förnu vegna lokunar sængur-
kvennagangs B og hafa konur og
nýfædd börn þeirra legið á öllum
hæðum, að sögn Tönju Þorsteins-
son, deildarlæknis á kvennadeild.
Einnig hafa konur þurft að liggja
einn til tvo daga á fæðingargangi
áður en þær komast niður á sæng-
urkvennadeild.
„Sumarlokanir koma auðvitað
mjög illa bæði við sængurkonur og
starfsfólk. Konur halda áfram að
fæða sín böm án tillits til sumarlok-
ana og plássleysið getur verið tals-
vert streituvaldandi," segir Tanja.
Hún nefnir einnig að konur eigi
þess kost að fara heim skömmu
eftir fæðingu ef allt gengur vel.
„Þess eru dæmi að konur fari heim
aðeins fáeinum tímum eftir fæðingu
en það er plássleysinu óviðkom-
andi. Ef konur vilja nýta sér heima-
þjónustu fara þær til síns heima
fljótlega eftir fæðinu en fá ljósmóð-
ur í heimsókn næstu 10-12 daga,“
segir Tanja.
Fæðingardeild sjúkrahússins í
Keflavík hefur verið lokuð, auk
annarra á landsbyggðinni, þannig
að konur sem annars hefðu fætt í
sinni heimabyggð fæða börn sín á
Landspítalanum. Sængurkvenna-
gangur A verður opnaður bráðlega
en á móti kemur lokun Fæðingar-
heimilisins, þannig að plássleysið
mun áfram íþyngja sængurkonum
og starfsfólki á fæðingardeild
Landspítalans.