Morgunblaðið - 15.08.1995, Blaðsíða 4

4 ÞRIÐJUIJM5UK' 15. ÁGÚST 1995
MORGUNBLAÐIÐ
FRETTIR
Umhverfisráðuneytið gerir athugasemdir við aðalskipulag í Bessastaðahreppi
Loðið orðalag kollvarpaði
deiliskipulagi hesthúsahverfis
UMHVERFISRÁÐUNEYTIÐ fettir
fingur út í ónákvæmt orðalag í-
texta aðalskipulags Bessastaða-
hrepps þar sem fjallað er um hest-
húsahverfi hreppsins. Niðurstaða
ráðuneytisins gerir það að verkum
að breyta þarf aðalskipulaginu ef
haida á áfram uppbyggingu hest-
húsa á sama stað í samræmi við
deiliskiþulag. Stefán Thors, skipu-
lagsstjóri ríkisins, segir að þetta sé
vissulega óheppileg handvömm því
með góðum vilja megi mistúlka
orðalagið, sem sé miður. Deiliskipu-
lag hverfisins fæst því ekki sam-
þykkt í núverandi mynd.
Við endurskoðun aðalskipulags-
ins var hesthúsahverfi Bessastaða-
hrepps tilgreint sem íþróttasvæði,
með áherslu á að þar væri svæði
undir hestaíþróttir frekar en gripa-
hús. Skýrt var tekið fram við kynn-
ingu skipulagsins að hesthúsahverf-
ið yrði áfram á sama stað. Stefán
Thors sagði að í kjölfar þess að
aðalskipulagið var staðfest hafi ver-
ið gefin heimild fyrir auglýsingu á
deiliskipulagi fyrir hesthúsasvæðið.
Ekki nægilega skýrt
í greinargerð
„Það kemur ekki nægilega skýrt
fram í greinargerð með aðalskipu-
laginu að þarna eigi að vera hest-
hús áfram og eftir framkomnar
kærur hefur umhverfisráðuneytið
úrskurðað að þau hús sem fyrir eru
megi standa en þau sem eiga að
bætast við samkvæmt deiliskipu-
laginu séu ekki í samræmi við stað-
fest aðalskipulag. Það er síðan
hreppsnefndar að ákveða hvort
skipulaginu verði breytt eða nýr
staður fundinn fyrir hesthúsin,"
sagði Stefán.
Kvartað undan nálægð
hesthúsanna
Umrætt hesthúsahverfi er ná-
lægt íbúðabyggð og bárust nokkrar
kvartanir þar að lútandi frá íbúum
sem vildu skilgreina hverfið sem
gripahús í sveit. Þar gilda aðrar
reglur um fjarlægð frá íbúðabyggð
en þegar íþróttasvæði á í hlut. Að
sögn Gunnars Vals Gíslasonar,
sveitarstjóra í Bessastaðahreppi,
var tilgangurinn með því að gera
deiliskipulag að hverfinu einmitt sá
að bæta ásýnd þess því það hefur
ekki þótt neitt augnayndi. Hann
sagði að menn hefðu ekki horfið frá
því markmiði.
„Við munum leita eftir fundi með
umhverfisráðherra og lögfræðing-
um hans til að fá nánari skýringar
á því hvað þessi úrskurður þýðir.
Eins og málið liggur fyrir virðast
núverandi hesthús mega standa þar
sem þau eru en við megum ekki
bæta við húsum nema að breyta
aðalskipulagi jafnframt. Hrepps-
nefnd mun væntanlega koma sam-
an í byijun september og þá verður
tekin ákvörðun um framhaldið,"
sagði Gunnar Valur.
Leiðréttingaskráin ^
Kostnaður
yfir einni
milljón
LEIÐRÉTTIN G ASKRÁ fyrir |
símaskrána 1995 er komin út og "
verður hún sett í póst í dag og
dreift á heimiii og til fyrirtækja á
næstu dögum. Að sögn Guðbjargar
Gunnarsdóttur, upplýsingafulltrúa
Pósts og síma, kostar útgáfa skrár-
innar 1,1 milljón króna.
Leiðréttingaskráin er prentuð í
sömu stærð og símaskráin sjálf en L
á glanspappír. Nafnaskráin er ein
opna eða fjórar síður en atvinnu- I..
skráin tvær síður. Alls eru tæplega |
sex hundruð villur leiðréttar í
skránni.
Að sögn Guðbjargar hefur ekki
verið ákveðið með hvaða hætti
verði komið í veg fyrir að mistökin
endurtaki sig.
Góður árangur af borun eftir heitu vatni í Skógum
Könnun Verslunarráðs vegna símaskrár
BORINN Narfi í Fjóskrika við byggðina í Skógum, en hola sem
var boruð gefur fjóra sekúntulítra af 60 stiga heitu vatni.

masson safnvörður
með borkrónuna úr Narfa.
Miklir möguleikar
á uppbyggingu
Selfossi. Morgunblaðið.
MJÖG góður árangur náðist við borun eftir heitu
vatni á Skógum á stað sem nefnist Fjóskriki og er
rétt ofan við bæjarhlöðin. Holan, sem er 1.200 metra
djúp, gefur fjóra sekúndulítra af sjálfrennandi 60
stiga heitu vatni. Með djúpdælingu er hægt að fá
úr holunni 20 sekúndulítra af um 70 stiga heitu
vatni. í áætlunum var gert ráð fyrir því að 5 sek-
úndulítrar nægðu til þess að hita upp hús á Skóga-
svæðinu. Árangurinn er því iangt umfram vonir
manna. Það voru Austur-Eyjafjallahreppur, Skóga-
skóli og Byggðasafnið I Skógum sem stóðu að borun
holunnar. Borun hófstí júní og það var síðan 11.
ágúst sem komið var niður á vatnsæðina sem skil-
aði mestum árangri.
Þetta gjörbreytir stöðunni hér
„Þetta er alveg ótrúlegt og gefur mikla mögu-
Ieika hér á Skógum. Staðan verður allt önnur bæði
hjá sveitarfélaginu og einstaklingum til uppbygging-
ar. Það var samstaða um það hér í sveitinni að fara
út í þessa borun og við fengum stuðning margra
aðila. Ég tel að þetta gjörbreyti stöðunni fyrir sveit-
arfélagið. Ég sé fyrir mér mikla uppbyggingu á
sviði ferðaþjónustu en hingað koma 6-700 manns á
dag yfir sumartímann,“ sagði Margrét Einarsdóttir
oddviti Austur-Eyjafjallahrepps.
„Þetta breytir miklu hérna. Við sjáum möguleika
á að nýta vatnið og auka ferðaþjónustuna hér til
muna og gera hana betri,“ sagði Ólafur Eggertsson
bóndi á Þorvaldseyri, hreppsnefndarmaður og for-
maður undirbúningsnefndar um hitaveitufram-
kvæmdir. Hann sagði að áætlanir um svæðið gerðu
ráð fyrir að með 5 sekúndulítrum væri hægt að ná
sama orkuverði og væri á Reykjavíkursvæðinu mið-
að við að greiða framkvæmdir upp á 20 árum og
miðað við sömu orkunotkun, en reyndin væri allstað-
ar sú að hún ykist. „Það er hægt að virkja holuna
fyrir byggðina hérna, skólann og byggðasafnið.
Þetta á eftir að skila verulegri uppbyggingu og
hagræðingu til lengri tíma litið.“
Litlu munaði að hætt yrði að bora á Skógum
nokkrum metrum áður en komið var niður á vatns-
æðina sem gaf mestan hita í holuna. Borunarsamn-
Morgunblaðið/Sig. Jóns.
HIMINLIFANDI með heita vatnið. Margrét Ein-
arsdóttir oddviti og Ólafur Eggertsson hrepps-
nefndarmaður.
ingurinn var upp á 1.000 metra holu og í þeirri
dýpt gaf holan 2 sekúndulítra og 38 stiga heitt vatn.
Ákveðið var að halda áfram og borað var í einn
dag án þess að staðan breyttist. Ekki vildu menn
þó gefast upp heldur tóku nokkrir áhugamenn um
borunina á sig kostnað við borun í einn dag til við-
bótar. Eftir þann dag kom í ljós að æðin í botni
holunnar var 96 stiga heit en þá var borinn á 1.100
metra dýpi.
Fagnaðardagur á Skógum
„Þetta er rnikill fagnaðardagur hér í Skógum,“
sagði Þórður Tómasson safnvörður. Til að minnast
dagsins fékk hann afhenta borkrónuna úr bornum
Narfa sem boraði niður á heita vatnið í Fjóskrika.
Hann sagði að heita vatnið gæfi möguleika á ódýr-
ari upphitun auk þess að koma nauðsynlegum hita
í endurbyggðu húsin á staðnum sem eru án upphit-
unar. „Þetta hefur stórkostlega þýðingu fyrir safn-
ið og alla hér í Skógum,“ sagði Þórður.
Oánægja með
símaskrána
UM FIMMTUNGUR svarenda í
upplýsinga- og skoðanakönnun
sem Verslunarráð íslands efndi til
meðal fyrirtækja sem eiga aðild
að ráðinu segir að skráning fyrir-
tækisins í símaskrá Pósts og síma
1995 sé ekki í samræmi við beiðni.
Um sjötíu prósent svarenda telja
að skipting símaskrárinnar í tvær
bækur sé annað hvort skaðleg eða
óþörf.
Þijár spurningar voru lagðar
fyrir í skoðanankönnuninni: „Birt-
ist skráning fyrirtækis þíns í Síma-
sskrá P&S ’95 í samræmi við
beiðni?“ „Hver er reynsla fyrirtæk-
is þíns af viðskiptum við Símaskrá
P&S?“ og „Hvaða afstöðu hefur
þú til skiptra símaskrárbóka
P&S?“
Reynsla af viðskiptum
við Póst og síma athugaverð
Rúmur þriðjungur sagði að
reynsla fyrirtækisins af viðskipt-
um við Póst og síma vegna síma-
skrár væri athugaverð. Kvartað
var undan of löngum skilafresti
vegna upplýsinga, úreltum vinnu-
brögðum og óljósri ábyrgð, stirð-
um samskiptum og alls konar vill-
um. Af fimmtíu athugasemdum
telst tuttugu og ein vera alvarlegs
eðlis. Þar af teljast sextán tilvik
þar sem hagsmunum viðkomandi
símnotenda er raskað verulega. í
þeim hópi eru m.a. tvö af stærstu
flutningafyrirtækjum landsins,
þijú af stærstu verslunarfyrir-
tækjunum, þijú af helstu fjármála-
fyrirtækjunum og eitt af stærstu
þjónustufyrirtækjum landsins.
Um 52% svarenda voru þeirrar
skoðunar að skipting símaskrár-
innar í tvær bækur væri óþörf og
um 18% töldu hana skaðlega. Ein-
ungis um 4% svarenda fannst
skiptingin óhjákvæmileg. Fjórð-
ungur taldi að hún væri eðlileg.
Um fimmtungur svarenda sagði
að skráning viðkomandi fyrirtækis
hefði ekki verið í samræmi við
beiðni.
Send til 305
fyrirtækja
Könnunin var send til 305 fyrir-
tækja innan Verslunarráðsins og
bárust 159 svör eða frá um helm-
ingi fyrirtækjanna. Var könnunin
gerð vegna fjölmargra athuga-
semda sem ráðinu. hafa borist út
af símaskránni sem og vegna opin-
berrar umræðu um hana. Fram
kemur hér í blaðinu að leiðrétt-
ingaskrá vegna símaskrárinnar
kemur út í dag og verður hún
borin í hús næstu daga. í leiðrétt-
ingaskránni eru tæplega sex
hundruð villur leiðréttar.
Andlát
ÓLIKR.
GUÐMUNDSSON
ÓLI Kristinn Guð-
mundsson, læknir í
Reykjavík, andaðist
sunnudaginn 13. ág-
úst síðastliðinn sjö-
tugur að aldri.
Óli Kr. var fæddur
í Löndum á Miðnesi
27. mars 1925. Hann
lauk læknisnámi og
varð viðurkenndur
sérfræðingur í hand-
lækningum 1962 og í
almennum skurð-
lækningum í Svíþjóð
1974. Hann starfaði í
Svíþjóð, var héraðs-
læknir á Blönduósi um
tíma og yfir- uðust sjö
læknir á Sjúkrahúsinu á
Selfossi 1962-1971.
Næstu árin var Óli að-
stoðarlæknir á Borgar-
spítalanum, yfirlæknir í
Vestmannaeyjum og
-síðan sérfræðingur á
Landspítalanum 1972-
1980. Hann tók þátt í
klínískri kennslu lækna-
nema samhliða störfum
á Landspítalanum og
kenndi öðru hverju við
Hjúkrunarskólann.
Eftirlifandi eiginkona
Ola er Halla Hallgríms-
dóttir. Þau hjónin eign-
dætur.
*
i
I
i
i
i
i
I
I
I
1
i
I