Morgunblaðið - 15.08.1995, Blaðsíða 38

MORGUNBLAÐIÐ
AO ~rriryrrvhfrry i - . 'rr r r, \ * rfrj rr
38 ÞRIÐJUDAGUR 15. ÁGÚST 1995
Dýraglens
Veittirðu því athygli að ég Ekki tala of snemma Þau geta ennþá dregið þig Ég ætla að fara og
fór ekki í sumarbúðir í ár? ... sumarið er ekki i burtu hlekkja mig við rúm-
búið ... ið mitt...
BREF
TIL BLAÐSINS
Kringlunni 1103 Reykjavík • Sími 569 1100 • Símbréf 569 1329
ÞAÐ ER oft hart barist á knattspyrnuvellinum.
Sanngjörn
knattspyma
Frá Sveini Guðjónssyni
NOKKRIR áhugamenn um sann-
gjarna knattspyrnu skrifuðu bréf í
Morgunblaðið nýverið af þeirri
græskulausu gamansemi sem knatt-
spyrnuáhugamönnum einum er lag-
ið. Hugmyndin er vissulega at-
hyglisverð, að selja KR-ingum bik-
arinn, en spurningin er bara: Hvað
á hann að kosta? Ég hef nefnilega
rökstuddan grun um að sjóðir KR-
inga um þessar mundir séu ekki eins
digrir og margir vilja vera láta, þótt
gjaldmiðill okkar íslendinga sé
kenndur við KR. Hitt er vitaskuld
rétt, að Knattspyrnufélag Reykja-
víkur stendur á traustum grunni,
bæði félagslega og fjárhagslega,
enda hefur því verið vel stjórnað í
gegnum árin.
Þrátt fyrir skondin og skemmtileg
tilskrif áhugamannanna af Suður-
nesjum í umræddu bréfi, virðist mér
undirtónninn samt grafalvarlegur.
Einn af höfundum bréfsins, Skarp-
héðinn Njálsson, er ágætur kunningi
minn og þekki ég þann mann ekki
af neinu öðru en drengskap og heið-
arleika. Mér dettur því ekki til hugar
að fullyrða að bréfið sé skrifað að
meðvitaðri illkvittni, heldur miklu
fremur af dómgreindarskorti eða
vanþekkingu á þeim reglum sem
dómurum er gert að fara eftir í knatt-
spymuleikjum. í reglunum eru skýr
ákvæði um að slái leikmaður annan,
eða geri tilraun til þess, eigi hann
umsvifalaust að víkja af leikvelli með
rautt spjald. Gildir þá einu hvemig
þolandinn fellur eða hvort hann yfir-
höfuð fellur við höggið. Umræðan
hefur hins vegar öll snúist um það
hvemig viðkomandi leikmaður KR-
inga bar sig til við fallið, sem í raun
skiptir engu máli út frá sjónarhóli
dómarans.
Það er hins vegar athyglisvert að
áhugamenn um sanngjarna knatt-
spyrnu minnast ekki einu orði á það
atvik, er leikmaður Keflavíkurliðsins
skaliaði niður fyrirliða KR, eftir at-
vikið umdeilda, og viðhafði með því
athæfi sínu þvílíka fúlmennsku að
fáheyrt er í samanlagðri sögu ís-
lenskrar knattspyrnu. Hjá öllum sið-
uðum þjóðum hefði viðkomandi leik-
maður fengið langt keppnisbann. Það
væri fróðlegt að fá fram umræður
um þetta atvik, til dæmis að Guðjón
Guðmundsson á Stöð 2, sem þekktur
er fyrir hlutleysi sitt og réttsýni í
umfjöllun um íþróttaviðburði, sýndi
atvikið hægt nokkrum sinnum og
fengi síðan til sín sparkfræðinga til
að ræða málið. En þetta er nú bara
vinsamleg ábending.
Við stuðningsmenn KR-inga erum
vel sjóaðir í því að sitja undir svívirð-
ingum á borð við þær sem fram hafa
komið í lesendabréfum og Víkveija
að undanförnu. Þetta er eitt af því
sem hefur þjappað okkur saman og
er hluti af þeim lífsstíl, sem fylgir
því að vera KR-ingur. Það er hins
vegar miður að þeir góðu drengir,
sem skipa meistaraflokk karla, skuli
þurfa að búa við stanslausar árásir
„sanngjarnra" knattspyrnuáhuga-
manna, eins og verið hefur í sumar.
Vonandi standast þeir álagið. Undir-
ritaður átti þess kost að vera með
þeim í keppnisferðalagi í Lúxemborg
nýverið og getur vottað að framkoma
þeirra, innan vallar sem utan, og
eins við heimkomuna til Keflavíkur,
var félaginu og þjóðinni allri til sóma.
SVEINN GUÐJÓNSSON
blaðamaður
Tjón tryggingafélaga
Frá Hauki Bjarnasyni:
FYRIR nokkrum árum gerðist það
að kunningi minn var að koma í heim-
sókn og varð það á í þrengslum, að
aka utan í bifreið mína og skemma
hana. Hann fór í sitt tryggingafélag
og gaf þar skýrslu sem tjónvaldur.
Það fórst fyrir að ég léti gera við
bifreið mína og að lokum seldi ég bíl
minn, án þess að láta gera við hann.
Nýi kaupandinn gerði svo við
skemmdina, án þess að spyijast fyr-
ir um hvort hún væri bótaskyld.
Löngu seinna færði ég þetta tilvik
í tal við kunningja minn, sem tjáði
mér að strax og tryggingafélögin
fengju svona skýrslur, eru þær af-
greiddar með því að færa tilsvarandi
áætlaða fjárupphæð á sérstakan
geymslureikning og þannig afgreiða
þetta tilvik, sem tjón frá félaginu.
Þessir sjóðir eru nú orðnir svo stórir,
að tryggingafélögin eru farin að lána
úr þeim til bifreiðakaupa til þeirra
er tryggja hjá þeim.
Er þetta virkilega satt?
HAUKUR BJARNASON,
Markarvegi 10, Reykjavík.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.