Morgunblaðið - 19.09.1995, Blaðsíða 16

16 ÞRIÐJUDAGUR 19. SEPTEMBER 1995
VIÐSKIPTI
MORGUNBLAÐIÐ
Sex lífeyrissjóðir formlega sameinaðir í einn í októbermánuði
Nýi sjóðurínn
sá næststærsti
Fimm lífeyrissjóðir sameinaðir
og hann verður sá næst stærsti L. verslunarmanna Eignir 1993 30.736 Eignir 1994 34.906 Eignir/ skupdb. 107% Ávöxtun - kostn./ Eignir 6,50%
L. Dagsbrúnar & Framsóknar 9.593 10.746 92% 6,90%
L. Sóknar 3.962 4.409 90% 7,10%
L. verksmiðjufólks 2.938 3.214 84% 7,30%
L. Hlífar og Framtíðarinnar 2.815 3.090 91% 5,70%
L. starfsm. í veitingahúsum 904 1.052 76% 5,60%
Fimm sameinaðir 20.212 22.511
L. starfsmanna ríkisins 19.455 20.838 21% 5,70%
L. sjómanna 17.323 19.856 84% 7,00%
Sameinaði L.sj. 10.717 12.032 108% 6,90%
ANNAR stærsti lífeyrissjóður lands-
ins verður stofnaður þann 16. októ-
ber næstkomandi þegar lífeyrissjóðir
Dagsbrúnar og Framsóknar, Iðju,
Hlífar og Framtíðarinnar, Sóknar og
Félags starfsfólks í veitingahúsum
verða formlega sameinaðir.
Heildarskuldbindingar hins nýja
lífeyrissjóðs eru tæpir 23 milljarðar
króna miðað við eignir hinna ein-
stöku sjóða í árslok 1994. Samkvæmt
þeim tölum er einungis einn lífeyris-
sjóður stærri en það er Lífeyrissjóður
verslunarmanna.
Halldór Bjömsson, varaformaður
Dagsbrúnar, segir að þessi samein-
ing muni hafa i för með sér mikinn
spamað og hagræðingu fyrir lífeyr-
issjóðina. „Sjóðimir munu vinna að
uppgjöri sinna mála fram að aðal-
fundinum sem reiknað er með að
verði í júní 1996. Skrifstofur sjóð-
anna munu hins vegar allar loka um
áramót og þá tekur nýi sjóðurinn
við.“
Hann segist ekki reikna með því
að neinar uppsagnir muni fylgja í
kjölfarið á sameiningunni, enda hafí
alltaf verið stefnt að því frá upphafí
að sameiningin færi fram í sátt og
samlyndi. Einhver fækkun verði þó
sjálfkrafa á starfsfólki sem vinni að
rekstri þeirra þar sem þrír sjóðanna
hafí hingað til látið endurskoðunar-
skrifstofu sjá um daglegan rekstur.
Því eigi ekki að þurfa að koma til
neinna uppsagna.
Halldór segir að undanfarið hafí
farið fram ítarleg úttekt á stöðu
þessara sjóða. Annars vegar hafí
sjóðimir sjálfír gengið frá uppgjöri
sínu og hins vegar hafí verið fenginn
tryggingafræðingur til þess að ör-
uggt væri að sömu aðferðum væri
beitt við öll uppgjör. „Það má segja
að staða sjóðanna sé því sem næst
á núlli gagnvart hveijum öðrum. Það
er í það minnsta ljóst að það lækkar
enginn í lífeyrisréttindum frá því sem
er í dag. Hins vegar fer lokauppgjör
fram nú um áramótin, þá miðað við
árið 1995. Þá geta auðvitað einhveij-
ar breytingar átt sér stað, en ekki
neitt sem mun breyta því sem þegar
hefur verið gengið frá.“
Að sögn Halidórs hefur þegar ver-
ið gengið frá því að Karl Benedikts-
son, núverandi framkvæmdastjóri líf-
eyrissjóðs Dagsbrúnar og Framsókn-
ar, muni stýra nýja sjóðnum. Hann
verður til húsa að Suðurlandsbraut
30 og reiknar Halldór með því að
aðrar eignir verði seldar í kjölfar
sameiningarinnar.
Anægja með sam-
ræmdan DVD
myndgeisladisk
Tókýó. Reuter.
SAMKOMULAGI Sony og Toshiba
um tæknisamræmingu nýs mynd-
geisladisks, DVD, hefur verið vel
tekið og bent er á að það geti leitt
til þess að komið verði upp margra
milljóna dollara markaði fyrir slíka
diska á skömmum tíma.
Með samkomulagi Toshiba og
samtaka undir forystu Sony og
Philips Electronics NV var bundinn
endi á níu mánaða baráttu um beztu
tæknina til að geyma texta, hljóð
og myndir á DVD myndbandsdisk-
um. DVD-tækni verður notuð í
ýmsum tækjum, þar á meðal geisla-
diskum, myndbandstækjum, vídeó-
leiktækjum og einkatölvum.
„Samkomulagið virðist bezta
lausnin til að tryggja hag framleið-
enda jafnt sem neytenda og efla
markaðinn í framtíðinni," segir sér-
fræðingur Yamaichi-rannsóknar-
stofnunarinnar. „Það sýnir einnig
áhuga rafeindafýrirtækja á DVD,
sem þau telja að geti orðið síðasta
og vinsælasta tækið á þessum
markaði á þessari öld.“
Áður hefur verið talið að heims-
markaður fyrir DVD-spilara muni
aukast í 10 milljarða dollara fyrir
árið 2000, en samkæmt þeirri spá
var gert ráð fyrir ólíkum tækjum
frá Toshiba og Sony. Þar sem sam-
komulag hefur náðst um að sam-
ræma kerfin er gert ráð fyrir miklu
örari vexti á þessum markaði.
Bent er á að samkomulagið af-
stýri sams konar deilum og geisuðu
um og eftir 1980 um ólík mynd-
bandskerfi. Beta-kerfí Sonys beið
lægri hlut í þeirri viðureign fyrir
VHS-kerfí Matsushita.
Verðið 500 dollarar
Með tímanum eiga DVD að leysa
myndbandstæki og CD-ROM drif
tölva af hólmi. í fýrra var áætlað
að markaður væri fyrir 42 milljónir
myndbandstækja í heiminum og 24
milljónir CD-ROM tölvudrifa. DVD-
myndbandstæki eiga að kosta um
500 dollara, eða um 33 þúsund
krónur og DVD-ROM drif um 200
dollara, eða um 13 þúsund krónur.
Morgunblaðið/Júlíus.
STJÓRN Alþjóðasamtaka lífrænna bænda og framleiðenda.
Lífrænir bændur
hittast á Islandi
STJÓRN Alþjóðasamtaka lífrænna
bænda og framleiðenda heldur nú
ársfund sinn hér á landi. Samtökin
koma fram fyrir hönd framleiðenda
í lífrænum landbúnaði við ýmis
tækifæri, svo sem á ráðstefnum og
fundum um umhverfismál. 500
samtök og stofnanir í 95 löndum
standa að samtökunum.
Að sögn Baldvins Jónssonar,
verkefnisstjóra, munu stjórnar-
menn væntanlega nota tækifærið
og heimsækja íslenska bændur, sem
stunda lífrænan búskap. Auk þess
munu þeir flytja erindi um margvís-
lega þætti lífræns landbúnaðar á
opinni ráðstefnu að, sem haldin
verður í tengslum við ársfundinn,
nk. fimmtudag að Hótel Sögu. „Líf-
rænn landbúnaður og þýðing hans
fýrir ísland og heimsbyggðina" er
heiti ráðstefnunnar og að henni
standa Bændasamtökin, Landbún-
aðarráðuneytið, Náttúruvemdarár
Evrópu 1995, og Áform, átaksverk-
efni um framleiðslu og markaðs-
setningu lífrænna og vistvænna
afurða.
Við fylgjumst með því
sem þú þarft að vlta
Útboð ríkisbréfa
Skrefíaf-
námi verð-
tryggingar
FYRSTA útboð á 5 ára óverðtryggð-
um ríkisbréfum fer fram þann 20.
september næstkomandi. Þessi bréf
eiga að leysa af hólmi 5 ára verð-
tryggð spariskírteini ríkissjóðs og
segir Sigurgeir Jónsson, forstjóri
Lánasýslu ríkisins, þetta vera lið í
stefnu ríkisstjómarinnar að draga
úr verðtryggingu fjárskuldbindinga.
Sigurgeir segir þetta vera mjög
mikilvægt skref í því brautryðjenda-
starfí sem hafí hafist síðastliðið vor
með útgáfu 3ja ára ríkisbréfa. Til-
gangurinn sé að þróa hér markað
fyrir óverðtryggð ríkisbréf til lengri
tíma en áður. Hann segir nýju bréfín
koma í stað þeirra verðtryggðu bréfa
sem í boði hafa verið hingað til.
„Ríkisbréf þessi em sambærileg við
þau bréf sem algengust eru á erlend-
um verðbréfamörkuðum og með þeim
gefst fjárfestum kostur á því að
ávaxta fé sitt á sama grundvelli og
erlendir fjárfestar, þ.e. að vega sjálf-
ir saman verðlagshorfur og ávöxtun-
arkröfu verðbréfa til nokkurra ára,“
segir Sigurgeir.
Heildarfjárhæð útboðsins er áætl-
uð allt að 1 milljarði króna og er þar
bæði um að ræða 5 ára ríkisbréf sem
og 3ja ára óverðtryggð ríkisbréf sem
bóðin hafa verið út mánaðarlega frá
því í maí si.
-----»—»■■■♦.—
Seðlabankinn
lækkar vexti
SEÐLABANKINN hefur ákveðið að
lækka vexti í viðskiptum sínum við
innlánastofnanir um 0,5%. Þá hefur
og verið ákveðið að lækka ávöxtun
í viðskiptum bankans á Verðbréfa-
þingi íslands um 0,5%. Hér er ein-
ungis um vexti á óverðtryggðum
skuldbindingum að ræða.
Að sögn Birgis ísleifs Gunnarsson-
ar, formanns bankastjómar Seðla-
bankans, er skýringar á þessari
vaxtalækkun einkum að fínna í betra
jafnvægi á peningamarkaði hér á
landi og lækkun sambærilegra vaxta
erlendis að undanförnu. Hann telur
að lækkunin ætti að stuðla að al-
mennri lækkun vaxta á skemmri
skuldbindingum hér á landi en að
ótímabært sé að segja til um hvort
vænta megi frekari lækkana á næst-
unni.
-----» ♦ ♦----
Tölvusýning
Sfningarrfm-
ið uppselt
SÝNINGARRÝMI er uppselt á tölvu-
sýninguna „Tækni og tölvur inn í
nýja öld,“ sem haldin verður í Laug-
ardalshöll 29. september til 1. októ-
ber næstkomandi. Rúmlega sjötíu
aðilar hafa skráð sig á sýninguna,
sem nær yfir um 1.500 fermetra.
Tölvusýningin verður hin stærsta
sem haldin hefur verið hérlendis.
Sýningin er haldin á vegum Sam-
taka tölvuseljenda og sér Sýningar-
kerfi hf. um framkvæmd hennar.
Guðni Sigfússon, framkvæmdastjóri
sýningarinnar, segir það ekki hafa
gerst áður á svo stórri tölvusýningu
hérlendis að rýmið seljist upp nokkr-
um vikum fyrir opnun. Þrátt fyrir
að uppselt sé á sjálfu sýningarsvæð-
inu segir Guðni að mögulegt sé að
koma nýjum sýnendum fyrir annars
staðar í húsinu.
I2ICMIEGA
vítamín og kalk
fæst í apótekinu