Morgunblaðið - 27.09.1995, Blaðsíða 12
12 MIÐVIKUDAGUR 27. SEPTEMBER 1995
MORGUNBLAÐIÐ
FRÉTTIR
AKUREYRI
Utanríkisráðherra ávarpar allsherjarþing SÞ
Bindandi sáttmála
gegn mengun hafsins
Reuter
HALLDÓR Ásgrímsson utanríkisráðherra ávarpar allsherjar-
þing Sameinuðu þjóðanna í New York á mánudag.
HALLDÓR Ásgrímsson utanríkis-
ráðherra mælti með gerð bindandi
alþjóðasamnings um varnir gegn
mengun heimshafanna er hann
ávarpaði allsheijarþing Samein-
uðu þjóðanna, sem var sett í New
York á mánudag. Ráðherrann lýsti
jafnframt stuðningi Islands við að
Þýzkaland og Japan fengju fast
sæti í Öryggisráði SÞ.
Alvarleg áhrif á byggðir
í sumum heimshlutum
Halldór vék að því í ræðu sinni
að mengun hafanna gæti haft al-
varleg áhrif á byggðir í sumum
heimshlutum, ekki sízt samfélög
frumbyggja.
Mengun vegna lífrænna efna-
sambanda væri sérstakt áhyggju-
efni heilla þjóðfélaga, sem byggðu
afkomu sína á nýtingu lifandi auð-
linda sjávarins.
„ísland er staðfastlega þeirrar
skoðunar að þessari ógn verði að-
eins mætt með alþjóðlegum og
lagalega bindandi sáttmála, svip-
uðum þeim, sem spoma á gegn
loftslagsbreytingum og eyðingu
ózonlagsins," sagði utanríkisráð-
herra. „Af þessum sökum leggur
ríkisstjórn mín sérstaka áherzlu á
ráðstefnuna um varnir gegn
mengun sjávar frá landstöðvum,
sem halda á í Washington síðar á
þessu ári, og hvetur aðildarríkin
til að taka virkan þátt í ráðstefn-
unni.“
Allar tegundir
verði nýttar
Halldór benti á að sjávarauð-
lindir gætu átt ríkan þátt í að
tryggja nægt framboð matvæla í
heimi, þar sem fólki fjölgaði hratt.
Hins vegar væri áhyggjuefni að
í nýlegri skýrslu Matvælastofnun-
ar SÞ kæmi fram að 70% hefð-
bundinna fiskstofna væru full-
nýttir, ofveiddir, eyddir eða að
ná sér eftir rányrkju. „Ljóst er
að eftirspurn þjóða heims eftir
matvælum úr sjónum verður ekki
fullnægt á komandi árum nema
með ábyrgri fiskvernd og fisk-
veiðistjórnun,“ sagði Halldór.
„Við ættum ævinlega að líta á
vistfræði hafsins sem heild og
nýta allar tegundir þessarar víð-
áttumiklu en viðkvæmu auðlindar
með sjálfbærum hætti.“
Ráðherra sagði að í þessu ljósi
væri niðurstaða úthafsveiðiráð-
stefnu Sameinuðu þjóðanna engan
veginn síðasta'orðið um fiskveiði-
stjómun.
Stuðningur við Þýzka-
land og Japan
Halldór Ásgrímsson sagði ís-
lenzk stjórnvöld hlynnt því að
stækka Öryggisráð Sameinuðu
þjóðanna. Fjölga ætti bæði þeim
aðildarríkjum, sem ættu þar fast
sæti, og hinum, sem skiptast á.
„í þessu sambandi vil ég lýsa
stuðningi ríkisstjórnar minnar við
fasta aðild Þýzkalands og Japans
að Öryggisráðinu,“ sagði Halldór.
Sérslátta forsetamyntar uppseld hjá Seðlabankanum
Aðeins tvö þúsund
eintök eru eftir
ÞRJIJ þúsund eintök af
sérunninni gljásláttu
minnispeninganna
þriggja sem Seðlabanki
Islands gaf út í tilefni af
50 ára afmæli lýðveldis-
ins eru nú uppseld. Enn
er hins vegar óseld um
2.000 eintök af venjulegri
sláttu myntarinnar að
andvirði rúmlega 10
milljóna króna.
Stefán Þórarinsson
starfsmannastjóri Seðla-
banka segir eintökin
2.000 sem eftir eru vera
verðmæta eign og um
margt góða fjárfestingu,
enda sé í þeim góðmálmur
og hafi silfurverð farið
hækkandi seinustu mán-
uði.
Aukast gð verðgildi
„Ut af fyrir sig gerir þessi at-
riði peningana eftirsóknarverða,
en einnig má benda á öruggt má
telja að samskonar minnispening-
ar verði gefnir út í framtíðinni
með forsetum lýðveldisins. Pen-
ingarnir hafa því ótvírætt söfnun-
argildi og eru því eigulega eign
sem eykst að verðgildi með árun-
um,“ segir Stefán. „Ég því ekki
von á öðru en þessi 2.000 eintök
verði fljót að fara.“
Minnispeningarnir þrír eru úr
925/1.000 silfur, 39 millimetrar í
þvermál og hver þeirra
30 gi-ömm að þyngd. Þeir
eru gjaldgengir, 1.000
krónur að nafnvirði og var
upplag takmarkað við
7.000 af hveijum peningi,
þar af 3.000 í sérunninni
gljásláttu. Fimm þúsund
sett eru nú seld en tvö
þúsund eftir eins og áður
sagði. Upphaflega átti
upplagið að vera tak-
markað við 9.000 af
hveijum peningi en vegna
viðbragða erlendis frá var
ákveðið að takmarka upp-
lagið við 7.000 eintök að
sögn Stefáns.
Ánægja með sölu
Hann segir langstærst-
an hluta myntarinnar
hafa selst hér heima og sé sérstök
ánægja með góða sölu á sérslátt-
unni.
Ágóði af sölu myntarinnar renn-
ur í Þjóðhátíðarsjóð sem stofnaður
var árið 1977 yil þess að stuðla
að vernd þjóðlegra menningar-
minja.
Morgunblaðið/Hilmar T. Harðarson
Bjargað úr sjónum
SJÓMENN á Akureyri tóku í sem m.a. var æfð björgun úr
gær þátt í námskeið í Sæbjörgu, sjó, en Sæbjörg hefur verið í
slysavarnaskóla sjómanna þar Eyjafirði síðustu daga.
Tíu ára út-
gáfa dagblaðs
STARFSFÓLK Dags fagnaði því
í gær að tíu ár eru liðin frá því
blaðið var gert að dagblaði. Dagur
er eina dagblaðið sem gefið er út
á landsbyggðinni. Mun lengra er
síðan útgáfa blaðsins hófst en
fyrsta tölublaðið kom út 12. febr-
úar árið 1918.
5,5 milljónir í hagnað
„Útgáfa Dags hefur vissulega
ekki alltaf verið auðveldur róður,
það þekkja lesendur blaðsins,"
skrifar Óskar Þór Halldórsson rit-
stjóri í afmælisblaðið í gær. „í
tvígang á liðnum sex árum hefur
Dagsprent hf. sem gefur Dag út
fengið heimild til greiðslustöðvun-
ar en í bæði skiptin hefur fyrirtæk-
ið staðið erfiðleikana af sér. í harð-
ar aðhaldsaðgerðir var ráðist á
liðnu ári og hafa þær skilað tilætl-
uðum árangri. Fyrstu sex mánuði
þessa árs var fyrirtækið rekið með
5,5 milljóna króna hagnaði. Þessi
rekstrarbati sýnir að fyrirtækið
er á réttri leið, styrkari fjárhagur
er forsenda þess að unnt sé að
bæta útfáfuna og efla.“
Fyrir tíu árum voru starfsmenn
blaðsins 34 að tölu en nú eru þeir
27. Ritstjórinn orðar það svo í
grein sinni að Dagur hafi verið
eins konar „blaðamannauppeldis-
stöð“ fyrir aðra fjölmiðla, en bróð-
urpartur þeirra blaðamanna sem
brautina ruddu fyrir tíu árum eru
nú starfandi á öðfUm ijölmiðlum,
einungis Ingibjörg Magnúsdóttir
blaðamaður á Húsavík hefur starf-
að hjá Degi frá því útgáfa dag-
blaðs hófst.
Morgunblaðið/Hilmar T. Harðarson
Gert við
Glerárstíflu
Djákni á
mömmu-
morgni
VALGERÐUR Valgarðsdótt-
ir djákni flytur fyrirlestur á
„Mömmumorgni" í Safnaðar-
heimili Akureyrarkirkju í
dag, miðvikudaginn 27. sept-
ember en hann stendur frá
kl. 10 til 12.
UNNIÐ er að viðhaldi stíflunnar
í Glerá, en hún var hluti af Glerár-
stöð sem var fyrsta virkjun Raf-
veitu Akureyrar. Stíflan var byggð
árið 1921 og stöðin tekin í notkun
ári síðar. Allnokkuð er síðan raf-
stöðin var rifin, en stíflan var end-
urbyggð fyrir um tíu árum.
Svanbjörn Sigurðsson rafveitu-
stjóri sagði að stíflan þjónaði því
hlutverki nú að hindra malar- og
sandburð úr Glerár niður á eyrarn-
ar við ósa hennar og væri lónið
tæmt árlega. „Það mæðir mikið á
stíflunni óg því þarf að huga reglu-
lega að viðhaldi hennar,“ sagði
Svanbjörn.