Morgunblaðið - 27.09.1995, Blaðsíða 13
MORGUNBLAÐIÐ
MIÐVIKUDAGUR 27. SEPTEMBER 1995 13
LANDIÐ
Kvöldroði
yfir Snæ-
fellsjökli
FRÉTTARITARI Morgun-
blaðsins, Finnbogi G. Lárus-
son, tók þessa mynd af Snæ-
fellsjökli frá Hellnum í Snæ-
fellsbæ ekki alls fyrir löngu.
Morgunblaðið/Finnbogi G. Lárusson
NÝI völlurinn á Húsavík til hægri á myndinni.
Morgunblaðið/Silli
Tveir grasvellir -
enginn malarvöllur
Húsavík - Lengi hefur íþróttafélagið
Völsungur barist fyrir því að malar-
vellinum, sem verið hefur við hlið
grasvallarins á íþróttasvæði Húsavík-
ur, yrði breytt í grasvöll svo hlífa
mætti aðalvellinum og að hann yrði
ávallt í hinu besta ásigkomulagi fyrir
kegpni. Þetta er nú orðið að veruleika.
í sumar hefur verið unnið að þess-
um framkvæmdum sem hófust með
því að grafa skurð umhverfis völlinn
til að taka á móti jarðvatni úr fjall-
inu að vori, skipt var um jarðveg og
nýr heppilegri og gróðursælli jarð-
vegur settur í staðinn. Endanlega
var völlurinn svo þakinn þökum sem
sóttar voru suður í Landeyjar en þær
voru fengnar af túnum sem ræktuð
höfðu verið á sandi en þær þykja
mun betri til vallargerðar en þær
þökur sem hægt er að fá á Norður-
landi.
Kostnaður við þessa framkvæmd
er um 7,5 milljónir og mun hafa orð-
ið undir áætlun.
Völsungar hafa undanfarið leikið
knattspyrnu í 3. deild en urðu í sum-
ar íslandsmeistarar í þeirri deild svo
þeir leika í 2. deild og hafa þá upp
á að bjóða góða aðstöðu til keppni.
Gott framtak í góða þágu
Hátt í tvöhundruð
þúsund söfnuðust
Hornafirði - Tíu ára drengur, Gutt-
ormur Orrason, sem þjáðst hefur af
krabbameini frá unga aldri átti hug
Hornfirðinga allan um síðastliðna
helgi. Jafnaldrar hans, fimmti bekk-
ur Nesjaskóla, hélt með góðra manna
hjálp skemmtun fyrir fullu húsi í
Sindrabæ til styrktar Guttormi og
fjölskyldu, en hann tekst brátt á
hendur erfítt ferðalag til Svíþjóðar
til lækninga.
Fyrsta skóladaginn í Nesjaskóla
er nemendur höfðu kynnt sig fyrir
nýjum kennurum var orðið gefið
laust. Stendur þá upp ung stúlka,
Hólmfríður Þrúðmarsdóttir, og vekur
máls á jafnaldra sínum sem vafa-
laust sæti með þfeim þennan skóla
wef hann ekki glímdi við erfíð veik-
indi og með fulltingi bekkjarins henn-
ar skyldi haldin samkoma honum til
styrktar. Varð úr þessu mikil vakn-
ing og gekk maður undir manns
hönd að hjálpa til við undirbúning.
Samkoman, sem var í daglegu
tali nefnd „Guttahátíð“, hófst með
fáeinum orðum frá kennara í Nesja-
skóla, síðan var hljóðfæraleikur, þá
lék fimmti bekkur leikrit sem þeir
kusu að kalla Ævintýrablöndu, en
þar var tvinnað saman syrpu af
Grimmsævintýrum. Nokkur hlýleg
orð voru flutt til Gutta frá bekkjar-
systkinum áður en bingó hófst að
lokinni skemmtidagskrá, en dagskrá-
in var öll tekin upp á myndband fyr-
ir hann því ekki var unnt fyrir hann
að vera viðstaddan sökum veikind-
anna. Á bingóinu voru svo margir
vinningar að enginn fór fýluferð á
sviðið þó að fleiri fengju bingó á
sama vinning, þá var deilt út auka-
vinningum. Miðaverð var 100 kr. en
algengt var að menn borguðu með
1.000 kr. seðlum og vildu ekki fá til
baka. „Einn gesturinn borgaði meira
að segja 15.000 kr. og viidi ekki fá
til baka, sagði það vera frá hennar
heimili," sögðu krakkarnir í 5. bekk.
„Og við seldum allan vaminginn sem
okkur var gefínn til að selja á hátíð-
inni, grænmeti, egg, kökur og handa-
vinnu.“
Lag var leikið á hátíðinni sem var
sagt uppáhaldslagið hans Gutta og
varð það til þess að honum var gef-
inn ferðageislaspilari og diskur með
laginu hans. Eftir að Gutti fékk í
hendur lagið sitt og myndbandið
sagðist hann fær í flestan sjó og
kviði ekki utanferðinni.
187.000 kr. söfnuðust á hátíðinni
og afhentu bömin upphæðina per-
sónulega daginn eftir. Haft er eftir
foreldrum Guttorms að ekki einasta
peningamir kæmu sér vel heldur
væri ómetanlegt að sjá samhug
Hornfírðinga með þeim í þessum erf-
iðu veikindum sonarins. Opnaður
hefur verið reikningur nr. 65000 fyr-
ir framlög til handa Guttormi í
Landsbankanum, Hornafírði.
■iii I i------------------------
Morgunblaðið/Sigrún Sveinbjömsdóttir
5. BEKKUR, Teddi, Una, Dóra, Hörður og Fríða eru ánægð með undir-
tektirnar sem framtak þeirra fékk og vilja koma á framfæri þakklæti
til allra sem gerðu hátíðina mögulega. Á myndina vantar Elínu.
Utför sr. Jóns
Einarssonar
Grund, Skorradal - Mikið ijölmenni
var við útför sr. Jóns Einarssonar,
prófasts í Saurbæ, sem fram fór frá
Hallgrímskirkju í Saurbæ sl. laugar-
dag.
Yfír 800 manns, þar á meðal um
50 prestar, voru við útför sr. Jóns
Einarssonar og er þetta ein allra fjöl-
mennasta útför sem fram hefur farið
í Borgarfirði. Prestur var sr. Björn
Jónsson, Akranesi. Biskup íslands,
herra Olafur Skúlason, flutti þakkar-
orð, Kirkjukór Leirár- og Saurbæjar-
sóknar og Kór Innri-Hólmskirkju
sungu undir stjórn Kristjönu Hösk-
uldsdóttur. Orgelleik fyrir athöfn
annaðist Haukur Guðlaugsson.
Úr kirkju báru kistuna prófastarn-
ir sr. Guðmundur Þorsteinsson, sr.
Ingiberg J. Hannesson, sr. Sváfnir
Sveinbjarnason og sr. Bragi Bene-
diktsson og prestarnir sr. Gunnar
Kristjánsson, sr. Heimir Steinsson,
sr. Árni Pálsson og sr. Þorbjörn Hlyn-
ur Arnarsson.
I garðinn báru kistuna sveitungar,
synir og tengdasonur sr. Jóns þeir
Jón Valgarðsson, Jónas Guðmunds-
son, Hallfreður Vilhjálmsson, Guð-
mundur Friðjónsson, Gísli Búason,
Guðjón Ó. Jónsson, Einar K. Jónsson
og Gunnlaugur Aðalbjömsson.
Að lokinni athöfn í kirkju og
kirkjugarði var öllum boðið að þiggja
veitingar í félagsheimilinu að Hlöð-
um.
Heilsustofnun NLFÍ 40 ára
Hveragerði - Þess var minnst við
hátíðlega athöfn hinn 20. september
að fjörutíu ár eru liðin frá stofnun
Heilsustofnunar Náttúrulækningafé-
lags Islands í Hveragerði.
Þennan dag fyrir 125 árum fædd-
ist Jónas Kristjánsson læknir er var
einn af stofnendum Náttúrulækn-
ingafélags íslands og einn helsti
frumkvöðull náttúrulækninga hér á
landi.
í tilefni afmælisins tilkynnti Gunn-
laugur Kr. Jónsson, forseti NLFÍ,
stofnun rannsóknarstofnunar til
minningar um Jónas Kristjánsson
lækni. Verður hún til húsa í Heilsu-
stofnun NLFÍ í Hveragerði. Megintil-
gangur stofnunarinnar verður að efla
alla rannsóknastarfsemi innan NLFÍ
og bjóða einstaklingum sem vinna
að rannsóknarverkefnum aðstöðu hjá
Heilsustofnuninni.
í ávarpi sagði Gunnlaugur að leit-
ast yrði við að bjóða þessa aðstöðu
einstaklingum er vinna að verkefnum
sem sérstaklega tengjast hugmynda-
fræði Jónasar og annarrra náttúru-
lækningamanna.
Ólafur B. Thors, formaður rekst-
arstjómar NLFÍ, sagði m.a. í ávarpi,
að Heilsustofnunin væri mikilvægur
valkostur til að draga úr rekstrar-
kostnaði í heilbrigðiskerfinu því
kostnaður hins opinbera við hvem
dvalargest á stofnuninni væri mun
minni en á öðrum tilsvarandi stofn-
unum. „Auk þess sem að kenningin
og stefnan sem í starfínu býr og
boðar aukinn skilning og aukna
ábyrgð á eigin heilbrigði getur dreg-
ið stórlega úr kostnaði."
Jónas Kristjánsson ritstjóri flutti
ávarp og minntist Jónasar, nafna
síns og náins ættingja. Margir aðrir
fluttu einnig ávörp og færðu stofnun-
inni ámaðaróskir í tilefni þessara
tímamóta á milli þess sem hinir fjöl-
mörgu gestir hlýddu á tónlist og
gæddu sér á krásum tilreiddum úr
smiðju matreiðslumeistara Heilsu-
stofnunarinnar Francoise Fons.
Morgunblaðið/Aldis Hafsteinsdóttir
ÓLAFUR B. Thors, Árni Gunnarsson og Gunnlaugur Kr. Jónsson
voru að vonum ánægðir með þennan merka áfanga.