Morgunblaðið - 04.10.1995, Blaðsíða 2

2 MIÐVIKUDAGUR 4. OKTÓBER 1995
MORGUNBLAÐIÐ
FRÉTTIR
Skur ðhj úkrunarfr æðingar náðu samkomulagi við vinnuveitendur
Vaktavinna
tekin upp
Morgunblaðið/Ásdís
ELÍN Ýrr Halldórsdóttir, talsmaður hjúkrunarfræðinga, og
Anna Stefánsdóttir, hjúkrunarframkvæmdastfóri á Landspítal-
anum, eftir erfiðar samningaviðræður í gær.
TALSMENN skurð- og svæfinga-
hjúkrunarfræðinga á Landspítala
og Borgarspítala náðu samkomu-
lagi við vinnuveitendur sína í gær.
Með samkomulaginu stunda hjúkr-
unarfræðingarnir vaktavinnu í stað
dagvinnu.
Anna Stefánsdóttir, hjúkrunar-
framkvæmdastjóri á Landspítala,
og Erna Einarsdóttir, hjúkrunarfor-
stjóri Borgarspítalans, segja sam-
komulagið spara sjúkrahúsunum
Jiegar til lengri tíma sé litið. Elín
Ýrr Halldórsdóttir, talsmaður
hjúkrunarfræðinganna, telur að
ekki verði umtalsverð breyting á
kjörum hjúkrunarfræðinganna.
Anna sagði að samið hefði verið
um að hjúkrunarfræðingarnir væru
vaktavinnufólk. Hjúkrunarfræðing-
ar af dagvakt verða leystir af síð-
degis. Sá hópur verður á kvöldvakt
til kl. 23 og svokallaðri bundinni
vakt fram á morgun. Bundnar vakt-
ir fela í sér að hjúkrunarfræöingur-
inn er í húsinu og svarar öllum
köllum strax. Á sama tíma verður
annar hópur á svokallaðri gæslu-
vakt, þ.e. útkallsvakt, og er kallað
eftir aðstoð hans eftir þörfum.
Anna Stefánsdóttir sagði að eitt
af meginmarkmiðunum hefði verið
að koma í veg fyrir að greiða þyrfti
tvöfalt yfirvinnukaup eftir sextán
tíma vinnu. Með samkomulaginu
væri að mestu komist fyrir að
greiða þurfi þann kostnað. Sam-
komulagið gerði einnig ráð fyrir
annarri leið og fælist hún í þvi að
hægt væri að semja við hvern og
einn um frídaga.
Yfirvinna minnkar
Aðspurð sagði Anna að sam-
komulagið hefði í för með sér að
yfirvinna minnkaði og taldi hún að
kostnaður sjúkrahúsanna myndi
minnka þegar til lengri tíma væri
litið. Hún sagði að nýja fyrirkomu-
lagið rúmaðist innan ramma kjara-
samninga eins og stefnt hefði verið
að.
Erna Einarsdóttir, hjúkrunarfor-
stjóri Borgarspítala, sagðist telja
að gert hefði verið gott samkomu-
lag. Samkomulagið hefði í för með
sér möguleika á betri tækjanýtingu,
betra starfsumhverfi og síðast en
ekki síst meira öryggi. Um fjár-
hagslegu hliðina sagðist hún telja
að spamaðurinn yrði ekki eins mik-
ill og gert hefði verið ráð fyrir.
Hins vegar teldi hún að sparnaður
myndi nást til lengri tíma. Hún
sagði að samningurinn hefði hlotið
góðar undirtektir hjá hjúkrunar-
fræðingunum og hefðu þeir skrifað
undir nýjan ráðningasamning í gær.
Eðlileg starfsemi hafin
Elín Ýrr Halldórsdóttir sagði að
hjúkrunarfræðingarnir hefðu verið
í erfiðri aðstöðu því yfirvinnan hefði
verið mismikil eða óþekkt stærð
fyrir. „Við höfúm því verið að reyna
að gefa okkur einhveijar forsendur
til að hægt sé að gera samanburð
og komast að samkomulagi. Með
bundnu vöktunum teljum við að
náðst hafi nokkur jöfnuður," sagði
hún og tók fram að samkomulagið
gæti hugsanlega haft í för með sér
að hæstu laun lækkuðu og lægstu
hækkuðu. Elín sagði að nokkuð
margir væru búnir að skrifa undir
nýjan ráðningarsamning og ekki
væri vitað um neinn sem ekki ætl-
aði að endurráða sig.
Þegar Elín Ýrr var spurð að því
hvort ekki hefði verið kominn tími
til að breyta vinnufyrirkomulagi
hjúkrunarfræðinganna, sem unnið
hafa allt að sólarhring í senn, sagði
hún að hjúkrunarfræðingar hefðu
alltaf verið tilbúnir til að gera
vinnutímabreytingar. Hins vegar
hefðu þeir ekki viljað fórna launun-
um sínum fyrir breytinguna.
Landsbanki Islands yfirtekur hluta af seiðum þrotabús Silfurlax hf.
Útlendingar með í
viðræðum um kaup
VIÐRÆÐUR standa nú yfir við að-
ila sem lýst hafa áhuga á að kaupa
rekstur þrotabús Silfurlax hf. í
Hraunsfirði á Snæfellsnesi _ og á
Núpum í Ölfusi. Að sögn Ásgeirs
Magnússo'nar, skiptastjóra þrota-
búsins, koma erlendir aðilar við sögu
í þessum viðræðum, en að öðru ieyti
vildi hann ekki tjá sig um þær í
samtali við Morgunblaðið.
Heildarskuldir þrotabúsins eru
um 500 milljónir króna og eru
kröfuhafar bæði erlendir og inn-
lendir. Stærstu innlendu kröfuhaf-
arnir eru Framkvæmdasjóður með
67 milljónir króna, Landsbanki ís-
lands með 45 milljónir og Byggða-
stofnun með 31 milljón, en Byggða-
stofnun á veð í fiski sem á að skila
sér í hafbeitarstöðina í Hraunsfirði
sumarið 1997.
í seiðaeldisstöð þrotabúsins á
Núpum í Ölfusi og leigustöðvunum
Læk í Ölfusi, Hallkelshólum í Gríms-
nesi og Laugum í Hrunamanna-
hreppi, sem er í eigu Framkvæmda-
sjóðs, voru við gjaldþrotið talsvert á
Qórðu milljón laxaseiða sem ala átti
fyrir seiðasleppingu vorið 1996, og
þar að auki talsvert á aðra milljón
hrogna og kviðpokaseiða, eða sam-
tals um 5,5 milljónir seiða.
Heiniilað að ráðstafa
seiðunum án endurgjalds
Að sögn Ásgeirs Magnússonar
hefur þrotabúið lýst því yfir að það
muni ekki nýta sér leigusamning-
ana við Framkvæmdasjóð áfram og
sjóðnum því heimilt að ráðstafa
stöðvunum til annarra leigutaka.
Þá hafi það orðið að samkomulagi
við Framkvæmdasjóð að þau seiði
sem í stöðvunum eru yrðu þar áfram
og þá hugsanlega til ráðstöfunar
fyrir þá leigutaka sem hugsanlega
myndu taka stöðvarnar yfir eða
aðra aðila.
Hann sagði að þeim aðilum, sem
ættu veð í seiðum þrotabúsins, hefði
verið tilkynnt að þrotabúið sæi sér
ekki fært að fóðra seiðin áfram með
tilheyrandi kostnaði og ef það ætti
að gerast yrðu veðhafarnir sjálfir
að ábyrgjast það vegna búsins. Veð-
hafamir hefðu ekki taiið forsendur
fyrir því þar sem svo mikil óvissa
væri fyrir sölu á seiðunum og lýstu
þeir yfir að þeir myndu ekki taka
þá ábyrgð á sig og þann kostnað.
Skiptastjóra hefði því verið heimilað
að ráðstafa þessum seiðum án
endurgjalds.
Ásgeir sagði að Landsbankinn,
sem ér aðalveðhafinn í þeim stöðvum
sem þrotabúið á, hefði hins vegar
lýst því yfir að hann hefði hug á því
að taka við þeim hluta seiðanna sem
væri yfir 20 grömm, en bankinn
hyggst gera ráðstafanir til að unnt
verði að sleppa-þeim í sjó á næsta
ári. Um er að ræða 1,2-1,5 milljónir
seiða, og samkvæmt heimildum
Morgunblaðsins hefur Landsbankinn
þegar hafið flutning á umræddum
seiðum í lón sem er við eldisstöðina
í Hraunsfírði.
Tvö sýslu-
mannsem-
bætti lögð
niður
TVÖ sýslumannsembætti, í Ólafs-
firði og Bolungarvík, verða lögð
niður 1. mars á næsta ári, sam-
kvæmt tillögum sem fyrir liggja
og eru hluti af sparnaðartillögum
dómsmálaráðuneytisins. Tillögurn-
ar eru settar fram í frumvarpi til
fjárlaga fyrir næsta ár, sem kynnt
var á Alþingi í gær.
Lagt er til að embættið í Bolung-
arvík sameinist embætti sýslu-
manns á ísafirði og sýslumanns-
embættið í Ólafsfirði sameinist
embætti sýslumanns á Akureyri.
Högni Kristjánsson, fulltrúi í
dómsmálaráðuneytinu, sagði að við
það að leggja þessi tvö embætti
niður myndi nást tæplega 15 millj-
óna króna sparnaður.
Ólafsfirðingar hyggjast ekki
gefa sýslumannsembættið _ eftir
baráttulaust, en bæjarráð Ólafs-
fjarðar fjallaði um málið á fundi í
gærkvöld.
Jónas Guðmundsson, sýslumað-
ur í Bolungarvík, vildi ekki tjá sig •
um málið í gær að öðru leyti en
því að enginn verkefnaskortur væri
hjá embættinu. Við embættið eru
3,5 stöðugildi og að auki tveir lög-
regluþjónar í fullu starfí.
■ Gefa ekki eftir/12
-----♦ ♦ ♦-----
Skorað á
Salóme í vara-
formennsku
ÁSKORUN á Salóme Þorkelsdótt-
ur, fyrrverandi forseta Álþingis, að
sækjast eftir kjöri sem varaformað-
ur Sjálfstæðisflokksins á landsfundi
í næsta mánuði, kom fram á fundi
sjálfstæðiskvenna á Reykjanesi í
fyrrakvöld.
„Það er rétt að þetta kom fram
á fundinum, en það er nú alltaf
verið að nefna nöfn í sambandi við
alls konar framboð. Það er ekki um
það að ræða að bjóða fram í kjöri
um formann eða varaformann, það
eru allir í kjöri,“ sagði Salóme.
„Ég vil annars ekkert um þetta
segja. Þetta er mál, sem er til
skoðunar hjá konum í flokknum,"
sagði Salóme. „En það er mikill
hugur í konum.“
Tillögu Landssambands sjálf-
stæðiskvenna, um að fjölgað verði
í flokksforystunni, hefur verið vísað
til framkvæmdastjórnar Sjálf-
stæðisflokksins. Samkvæmt upp-
lýsingum Morgunblaðsins var
meirihluti fulltrúa á miðstjómar-
fundi flokksins, sem haldinn var í
gær, ekki hlynntur slíkri skipulags-
breytingu fyrir landsfundinn.
Umræður
um stefnu-
ræðu í
kvöld
FORSÆTISRÁÐHERRA
Davíð Oddsson flytur stefnu-
ræðu ríkisstjómar sinnar á
Alþingi í kvöld og að því loknu
hefjast umræður. Umræðurn-
ar heQ'ast klukkan 20.30 og
þeim verður sjónvarpað og
útvarpað beint.
Fulltrúar allra flokka sem
eiga fulltrúa á þingi fá af-
markaðan ræðutíma vegna
umræðurnar.
Eigendum Lyfju sagt upp
RÓBERT Melax og Inga Guðjónssyni lyfjafræð-
ingum, sem hyggja á rekstur apóteks í Reykja-
vík og hafa fest kaup á 300 fermetra rými á
jarðhæð Globus-hússins í Lágmúla 5 undir fyrir-
tæki sitt, Lyfju hf., var síðastliðinn laugardag
fyrirvaralaust sagt upp störfum hjá lyfjafyrir-
tækinu Astra ísland, sem er í eigu Astra Dan-
mark og Pharmaco er með umboð fyrir hér á
landi.
Að sögn Róberts er ástæða uppsagnarinnar
sú að Astra og Pharmaco óttast um viðskipti
sín við apótekara. Sindri Sindrason, fram-
kvæmdastjóri Pharmaco, segir að ástæða upp-
sagnarinnar sé að það henti ekki að starfsmenn
Pharmaco séu jafnframt í samkeppni við við-
skiptavini Pharmaco.
Róbert, sem var yfirmaður Astra Islands,
hefur þegar látið af störfum, en Ingi vinnur út
Starfsmenn eiga ekki að
vera í samkeppni við við-
skiptavini, seg'ir fram-
kvæmdastjóri Pharmaco
sinn uppsagnarfrest sem er til áramóta. Róbert
sagði að uppsögn þeirra félaga sýndi að krafti
apótekara hefði verið beitt gegn þeim vegna
þess að þeir ætluðu að reyna að komast inn á
lyfsölumarkaðinn.
„Þetta er búið að vera einokun í 300 ár og
það gerist ekki átakalaust að þetta brotni upp,“
sagði hann.
„Það hentar ekki að starfsmenn Pharmaco
séu jafnframt í samkeppni við viðskiptavini
Pharmaco. Það er ósköp einfalt,“ sagði Sindri
Sindrason. „Pharmaco myndi sjálft ekki, miðað
við aðstæður eins og þær eru, fara út í að reka
smásöluverslun í samkeppni við sína viðskipta-
vini og það hentar að sjálfsögðu ekki heldur að
starfsmenn í forsvari og í stjómunarstöðum þar
séu í slíkri samkeppni,“ sagði Sindri.
Trúnaðarbrestur
Hann sagði að síðan hefði komið upp sá mögu-
leiki að hugsanlegt væri að það drægist um ein-
hveija mánuði að þeir opnuðú verslunina, en það
breytti því ekki að það hefði átt sér stað ákveð-
inn trúnaðarbrestur gagnvart þeim stöðum sem
þeir hefðu gegnt í fyrirtækinu. Það ætti einkum
við um annan starfsmannanna, sem hefði verið
í forsvari. Hann hefði látið af störfum en hinn
myndi vinna út sinn uppsagnarfrest.