Morgunblaðið - 04.10.1995, Blaðsíða 19

MORGUNBLAÐIÐ
LISTIR
MIÐVIKUDAGUR 4. OKTÓBER 1995 19
Bubbi Morthens með nýja plötu
Haukur Morthens Bubbi Morthens
I minningu
Hauks frænda
SKÍFAN mun á næstunni gefa út
plötuna I skugga Morthens, þar
sem Bubbi Morthens syngur lög
sem kunnari eru í flutningi frænda
hans, Hauks heitins Morthens.
Að sögn Bubba er hugmyndin
að plötunni runnin undan rifjum
Jóns Ólafssonar, forstjóra Skífunn-
ar. „Mér þótti þetta ákveðin áskor-
un og ákvað því að slá til. Þetta
er kjörið tækifæri fyrir mig til að
syngja á allt öðrum nótum en ég
hef gert áður. Svona gerir maður
ekki nema einu sinni en þessi plata
er fyrst og fremst gerð til að heiðra
minningu Hauks,“ segir Bubbi.
Bubbi hefur lengi verið í eldlín-
unni sem tónlistarmaður en er
sennilega kunnari fyrir flest annað
en túlkun sína á gömlum íslensk-
um dægurflugum. Skyldi þessi
tónlist höfða til hans? „Eg hef allt-
af verið afskaplega hrifinn af tón-
list frá þriðja áratugnum og upp
úr, þótt ég vilji helst syngja lög
sem ég bý til sjálfur.“
Syngja dúett
Honum þótti hins vegar við
hæfi að spreyta sig á lögunum sem
gerðu frænda hans að einum ást-
sælasta söngvara þjóðarinnar.
„Það fer auðvitað enginn í skóna
hans Hauks og ég reýni því að
marka mín eigin spor í minni túlk-
un.“
Bubbi segir að á plötunni verði
fjöldinn allur af landskunnum lög-
um í bland við minna þekkt lög.
„Svo mun ég syngja dúett með
Hauki sjálfum en við sungum aldr-
ei saman inn á plötu meðan hann
var á lífi. Með nútíma tækni er
allt hægt.“
Bubbi er þessa dagana í hljóð-
veri undir verkstjórn Þóris Bald-
urssonar sem söngvarinn segir
bera hitann og þungann af útgáfu
plötunnar. Fyrirhugað er að platan
komi út á næstu vikum og mun
Bubbi efna til útgáfutónleika í
Borgarleikhúsinu í desember.
MYNDLIST
Menningarmiðstöðin
Gcrðuberg
HÖGGMYNDIR
Inga Ragnarsdóttir. Opið kl. 13-19
mánud. - fimmtud. og kl. 13-16
föstud.-sunnud. til 16. nóvember.
Aðgangur ókeypis
SÝNINGARHALD er hafið af
fullum krafti í Gerðubergi, þar sem
nú hefur verið opnuð önnur sýning
utan hins hefðbundna sýningar-
rýmis staðarins. í anddyri á fyrstu
hæð hússins hafa til þessa verið
höfð á veggjum stór listaverk úr
eigu Listasafns Reykjavíkur, en
nú hafa þau vikið um sinn fyrir
uppsetningu á sex málmskúlptúr-
um Ingu Ragnarsdóttur.
Listmenntun og ferill Ingu er
um margt frábrugðinn því sem
gengur og gerist um myndhöggv-
ara, en hefur eflaugt átt sinn þátt
í að hún hefur litið til mun víðara
sviðs í leit að viðfangsefnum en
almennast er, og því kunna verk
hennar hér að koma ýmsum á
óvart. Inga útskrifaðist úr
keramikdeild Myndlista- og hand-
íðaskóla íslands 1977, og fór til
framhaldsnáms í leirmunagerð við
Listaakademíuna í Múnchen. Hún
starfaði síðan um nokkurra ára
skeið við þá grein, áður en hún
fór til náms við myndhöggvara-
deild akademíunnar í Múnchen,
þar sem hún naut m.a. tilsagnar
heimskunnra listamanna. Hér
heima var Inga um tíma aðstoðar-
maður Ragnars Kjartanssonar
myndhöggvara, en vann einnig að
eigin verkefnum í Þýskalandi, þar
sem hún býr að mestu.
Inga hélt sína fyrstu einkasýn-
ingu hér á landi í Nýlistasafninu
1991, og notaði þá bílahluta sem
uppistöðu verka sinna; á sýningu
í Gallerí einn einn tveimur árum
síðar var hún farin að nota báru-
járn og blikkrennur sem hráefni í
höggmyndum sínum, líkt og aðrir
listamenn kjósa að nota járn,
brons, grágrýti eða marmara.
Inga heldur áfram á sömu braut
í verkum sínum hér. Þetta efnisval
Báru-
járn og
blikk-
rennur
Inga Ragnarsdóttir: Hörgur.
1995.
er ótvírætt fyrsta ögrunin sem
fólk þarf að tak'ast á við í verkum
listakonunnar; ódýrt og auvirðilegt
efni er hér sett á stall í nýju hlut-
verki, sem er langt fjarri þeim
hversdaglega heimi, sem við
þekkjum það í. En hér er það ekki
efnið sem skiptir öllu máli, heldur
á hvern hátt það er notað; staða
bárujárnsins í þjóðarvitundinni er
slík, að fátt ætti að henta betur
sem hráefni listaverka, sem vísa
með einum eða öðrum hætti aftur
til landsins.
Þau verk sem listakonan sýnir
hér vísa á kunnugleg stef meðal
okkar. Með því að bæta við gosefn-
um - gjósku og hrafntinnu - er
komið baksvið nýstárlegra tilvís-
ana fyrir íslendinga. Þessi efni
notar hún til að skapa samsett
verk, þar sem tækni- og náttúrutil-
vísanir takast á; „Tígl“ (nr. 6) vís-
ar jafnt til formsins, byggingar-
lags og hörku hrafntinnunnar;
„Sylla“ (nr. 3) kann að minna á
vatnsrennu, en er um leið örlítil
fótfesta í þverhníptu bjargi eða
örlítil grastó þar sem fuglar hafs-
ins raða sér þétt saman til að verpa
eggjum sínum og stofna til næstu
kynslóðar; og „Grasseytla“ (nr.
4) minnir á að þjóðtrúin geymir
margar sögur um grösuga dali
milli þröngra fjalla órafjarri
mannabyggðum.
Þessi samvinna efnanna er ef
til vill best í „Hörgur" (nr. 1) þar
sem fornt orð fær á sig nýja merk-
ingu, eins og Hannes Sigurðsson
bendir á í inngangi sýningarskrár;
orðið verður hluti verksins og eflir
um leið ímynd þess.
Sá undirtónn sem kemur þó
sterkast fram í þessum verkum
er hversu skemmtilega þessir ólíku
þættir geta unnið saman, en um
þetta segir Hannes í sýningar-
skránni:
„Hér er leikið á húmorískan
hátt með óbeinar tilvísanir í ís-
lenskt landslag, krafta þess og
töfra, og hráefnaiðnaðinn sem
umlykur okkur allt í kring. Sá
naumhyggjudumbungur er í fyrstu
kann að virðast hvíla yfir verkun-
um víkur fyrir kátbroslegum hlið-
um á sambúð manns og náttúru
þar sem hið notalega og hrikalega
hefur verið fellt í eina sæng.“
Þannig er birta og léttleiki yfir
sýningunni, þegar betur er að
gáð, og helsti annmarki hennar
að ekki séu þar fleiri verk, þar sem
rýmið býður auðveldlega upp á
það.
Er vonandi að við fáum að sjá
meira til verka Ingu í framtíðinni.
Eiríkur Þorláksson
MESSING BLÓMAPOTTAR,
SKÁLAR, SKRAUTVARA.
EMÍR^
JL-húsinu.
Opið: Virka daga kl. 13-18,
laugardaga kl. 10-16.
Kartöflumýs
Nýr geisladiskur
• ÚT ER kominn geisladiskur með
tólf iögum og nefnist hann Kart-
öflumýs í lummubakstri. Lögin
eru öll frumsamin og textar á ís-
lensku. Þetta er fyrsta verk Kart-
öflumúsa og útgáfa í þeirra hönd-
um. Innihald disksins er fjölbreytt
og ýmis stílbrigði að finna. Má þar
nefna rútubílarokk, leikhúsmúsík,
gælur og músapopp.
Margir tónlistarmenn ljá Kart-
öflumúsum lið, meðal annars Sig-
urður Rúnar Jónsson, Pétur Hjalt-
ested, Bjöm Thoroddsen, Friðrik
Karlsson o.fl. Þær sjá sjálfar um
allan söng og útsetningar að
mestu.
Japis dreifir og er diskurinn
þegar kominn í verslanir og kostar
kr. 1.999.

FIMMTUDAG KL 15:00- 16:00
í NÓATÚNI VESTURBÆ OG NÓATÚNI 17
SCANDIC HÓTEL LOFTLEIÐUM UM KVÖLDIÐ
SEHH0S scanpic Hunts
LOPTLIIBIR
1. október
Ritsíininn
Þarftu a& senda skeyti?
1, október 1995 - þriggja stafa þjónustunúmer Pósts og síma
tekin í notkun til samræmis við önnur lönd Evrópu. 06 breytist í 146
POSTUR OG SIMI