Morgunblaðið - 16.01.1996, Side 8

8 ÞRIÐJUDAGUR 16. JANÚAR 1996
MORGUNBLAÐIÐ
FRÉTTIR
Launahækkanlr ýmissa stétla:
Mál höfðað gegn fjórum hreppum á Austurlandi
Greiddu kennurum ekki
laun fyrir gæslu
MÁL hefur verið höfðað á hendur
nokkrum hreppum á Austurlandi sem
eiga aðild að rekstri Skjöldólfsstaða-
skóla og Brúarásskóla, þar sem þeir
hafa neitað að greiða kennurum fyrir
gæslu á heimavist o.fl. meðan á verk-
falli þeirra stóð í fyrra.
Málavextir eru þeir að meðan á
verkfalli kennara stóð frá 19. febrúar
til 29. mars í fyrra héldu nemendur
þessara skóla heim, þannig að kenn-
arar sem ráðnir höfðu verið til gæslu
í þeim þurftu ekki að sinna gæslu-
störfum á heimavist og öðru slíku.
Kennarasamband íslands fer með
málið í umboði Kennarasambands
Austurlands.
Tveir vinnuveitendur
„Þessir kennarar eru annars vegar
ráðnir sem kennarar af ríkinu en hins
vegar til ákveðinna starfa hjá sveitar-
félaginu, þ.e. vinnuveitendur eru
tveir. Síðan er boðað verkfall gegn
ríkinu en ekki gegn sveitarfélögunum,
en vegna þess að nemendur komu
ekki í skólann sóttu þeir ekki heima-
vistina. Hreppamir neita að greiða
kennurunum laun en greiddu engu
að síður öðrum, svo sem ræstinga-
fólki, kaup fyrir þennan tíma,“ segir
Guðni Haraldsson lögmaður sem fer
með málið fyrir hönd kennaranna.
Hann segir að áður hafí verið stefnt
í málum sem þessum og hafí laun í
þeim tilvikum verið greidd af viðkom-
andi sveitarfélögum. „Þessir hreppar
eru næstum þeir einu sem neita að
greiða þessi laun, fyrir utan sveitarfé-
lög sem standa að Varmalandsskóla
í Borgarfirði."
Guðni segir sér vera óheimilt að
gefa upp hversu háa íjárhæð er verið
að innheimta með þessum hætti, en
um allmarga kennara sé að ræða.
Ekki liggur fyrir greinargerð frá
hreppunum um málið, sem verður
rekið fyrir Héraðsdómi Austurlands.
Guðni kveðst gera ráð að málfluting-
ur fari fram á vormánuðum, náist
ekki samkomulag fyrir þann tíma.

Morgunblaðið/J6n Stefánsson
Endurnýjað í hólf og gólf
GAGNGERAR endurbætur og
breytingar standa nú yf ir á Átt-
hagasal Hótel Sögu. Að sögn
Konráðs Guðmundssonar fram-
kvæmdastjóra verða m.a. loftræst-
ing salarins og allar innréttingar
endurnýjaðar og skipt verður um
húsgögn. „Það er allt endurnýjað
í hólf oggólf,“ sagði hann. Salur-
inn er lokaður vegna framkvæmd-
anna, en búist er við að unnt verði
að opna hann á nýjan leik um
næstu mánaðamót. Átthagasalur-
inn er einkum notaður fyrir fundi,
klúbba og einkasamkvæmi.
Hifaveituprófessor í Háskólanum
Islenska hvíta
gullið er spenn-
andi viðfangsefni
Páll Valdimarsson
PÁLL Valdimarsson
vélaverkfræðingur er
settur prófessor við
véla- og iðnaðarverkfræði-
skor verkfræðideildar Há-
skóla íslands. Hitaveita
Reykjavíkur styrkir stöðuna
með því að greiða allan
launakostnað. Honum er
fyrst og fremst ætlað að
stunda grunnrannsóknir á
sviði hitaveiturannsókna í
vélaverkfræði og leiðbeina
nemendum í rannsóknar-
tengdu framhaldsnámi.
Hvað er vélaverkfræði?
„Hún er um vélbúnað,
rekstur og framleiðslu. Hún
hefur þróast mikið á undan-
förnum árum og nú er svo
komið að um helmihgur
nemenda er í iðnaðarverk-
fræði. Sem dæmi má nefna
að Sláturfélag Suðurlands er með
nokkra iðnaðarverkfræðinga við
framleiðslu á pylsum.
Framleiðsla er nefnilega stór
þáttur í verkfræðinni og deildin í
Háskólanum hefur í áratugi kennt
gæðastjórnun þótt margir telji að
hugtakið sé nýtt af nálinni. Spurn-
ingin er „Hvað stýrir gæðunum
og eru gæðin sem kaupandi vænt-
ir uppfyllt?“
Hvert er þitt sérsvið?
Ég hef mest fengist við varma-
fræði sem snýst um orku, varma
og hita. Einfalt dæmi um slíkt er
matseld á heimilum. Aðalsvið mitt
er tengt vélum, til dæmis díselvél-
um og gashverflum.
Ég hef unnið við hönnun á dísel-
vélum í Kaupmannahöfn og hjá
Flugleiðum hafði ég umsjón með
viðhaldi á hreyflum. En 1986 hóf
ég rannsóknir á hitaveitum við
Háskóla íslands, til dæmis um
vatnsrennsli, vatnsnotkun fólks
eftir veðri og hvernig það hegðar
sér þegar það kólnar í veðri. Ég
hef þróað nýjar reikniaðferðir á
varma og vatni.“
Þú hefur starfað við Jarðhita-
skóla Sameinuðu þjóðanna, hvað
er hann?
„Jarðhitaskólinn starfar hér á
landi og er að mínu mati merk-
asta þróunaraðstoð íslendinga.
Hingað kemur menntað fólk frá
þróunarlöndunum, sest á skóla-
bekk og öðlast mikilvæga þekk-
ingu fyrir þjóðfélag sitt.
Þessum nemendum kemur mjög
á óvart hversu stutt er síðan ís-
land var í raun þriðja heims ríki.“
Hvernig standa íslendingar í
rannsóknum á hitaveitum?
„Hitaveitukerfið hér er frá-»
brugðið því sem er erlendis. Þar
er allt frá kola- og orkuverum.
Hér á landi er enginn
upphitunarkostnaður á
vatninu, við fáum það
heitt upp úr jörðinni og
kostnaðurinn er bund-
inn vatnsmagninu.
Hitastigsfall er lítið en
það merkir varma sem
breytist úr háum í lágan hita.
Vatnið kemur 80 gráðu heitt upp
úr jörðinni og er kælt í 30 gráð-
ur. Hitaveitan hér er í raun vatn-
sveita.’
Hvað er það sem gerir þetta
spennandi svið?
„Allir eru í mest spennandi
grein í heimi. Áhugasvið mitt er
einfaldlega tengt vélbúnaði og
varma. Hvíta gullið er spennandi
viðfangsefni hér á landi. Það er
líka merkilegt að búa svona norð-
arlega en finna lítið fyrir upphit-
unarkostnaði. Tonn af heitu vatni
kostar 45 krónur.
► PÁLL Valdimarsson er
fæddur 11. júní 1954 í Reykja-
vík. Hann varð stúdent frá
Menntaskólanum í Hamrahlíð
1974 og lauk CS-prófi í véla-
verkfræði frá Háskóla íslands
árið 1978, Dipl.-Ing-prófi í véla-
verkfræði frá Teehnische Uni-
versitat í Karlsruhe, Þýskalandi
árið 1980 og dr. scient.ing-
gráðu frá HÍ 1993. Páll er
kvæntur Björk Pálsdóttur.
Mér finnst líka spennandi að
vinna með ungu fólki, 23-25 ára,
í Háskólanum sem er að læra af
fúsum og frjálsum vilja. Þetta er
mjög duglegt fólk og gaman að
vinna með því. En með háskóla-
kennslunni gefst einnig tækifæri
til að grúska og stunda rannsókn-
ir. Kennslan er nefnilega bæði öflun
og miðlun þekkingar, og gefandi
að senda fólk út í lífið með góðan
„verkfærakassa" með sér.“
Hvernig líst þér á að fyrirtæki
taki þátt í kostnaði við starfsmenn
Háskólans?
„Vel, þetta hefur verið gert áður,
Þorsteinn Ingi Sigfússon, starfar á
svipuðum nótum fyrir Jámblendið,
og hefur það skilað góðum árangri.
Ég held það það sé mjög mikil-
vægt fyrir fyrirtæki að geta haft
aðgang að manni sem þarf ekki
að vera upptekinn af daglegum
rekstri þess. Hann leggur stund á
rannsóknir sem nýtast sumar strax
en aðrar eftir lengri tíma.
Oft verða nefnilega lausnirnar
til á undan vandmálunum. Fyrir-
tækið gæti borið vandamálin undir
rannsóknarmanninn og þá kemur
ef til vill í ljós að hann á lausnina
í pokahorninu. Akademísk vanga-
velta í fílabeinsturni fræðanna get-
ur leitt til lausnar á
vandamálum sem verða
til eftir á.
Ávinningurinn af
svona samstarfi er á
báða bóga, fyrir Há-
skólann, nemendur og
Hitaveituna í þessu til-
felli. En ég tel að Háskólinn verði
ávallt að halda sínum kjarna, en
geta einnig hagnast á lífinu í at-
vinnunni og áhuganum þar.“
Hvernig líst þér á nýja emhætt-
ið?
„Þetta er góð staða og gott að
fá hana eftir að hafa verið 10 ár
í lausamennsku. Hún eykur líka
atvinnutækifæri verkfræðinga, en
því miður hafa þeir í auknum
mæli þurft að leita til útlanda
eftir atvinnu. Tækifærin eru hér
á landi og nóg af verkefnum.
Þekkingin hefur samt ekki ennþá
verið nýtt.“
Ávinningur
af svona
samstarfi
á að vera á
báða bóga