Morgunblaðið - 01.03.1996, Page 13

MORGUNBLAÐIÐ
AKUREYRI
FÖSTUDAGUR 1.MARZ1996 13
Tvær myndlistarsýningar í Listasafninu á Akureyri
TVÆR myndlistarsýningar
verða opnaðar í Listasafninu á
Akureyri á morgun, laugardag-
inn 2. mars, kl. 14.
í austur- og miðsal sýnir ljós-
myndarinn og bókagerðarmað-
urinn Guðmundur P. Ólafsson
ljósmyndir en sýningin nefnist
„í náttúru íslands - yósmyndir
og bækur“. Bækurnar eru meðal
annrra Fuglar í náttúru íslands,
Perlur í náttúru íslands og
Ströndin í náttúru Islands. Guð-
mundur hefur fyrir löngu ort sig
inn I hjarta þjóðarinnar með bók-
um sínum þar sem hann með list-
rænu næmi vefur saman myndir
ogtexta.
I vestursal safnsins er sýning
Náttúra
*
Islands og
málverk
á verki rússnesku listamannanna
Komar og Melamid um „eftirsótt-
asta og síst eftirsóttasta málverk
íslensku þjóðarinnar“, auk þess
sem gefur að líta sams konar
verk frá Bandaríkjunum.
Komar og Melamid sýndu „eft-
irsóttasta og síst eftirsóttasta"
málverk bandarísku þjóðarinnar
í Alternativ-safninu í New York
árið 1994 en þau byggðu á skoð-
anakönnun meðal úrtaks Banda-
ríkjamanna um hvernig slík verk
ættu að vera. Hagvangur hefur
gert skoðanakönnun meðal 1.000
Islendinga um smekk, þekkingu
og viðhorf og voru málverk gerð
eftir niðurstöðu hennar sýnd á
Kjarvalsstöðum í febrúar síðast-
liðnum.
Á sýningunni er einnig eftir-
sóttasta og síst eftirsóttasta mál-
verk bandarísku þjóðarinnar og
vekur athygli hversu lík þau eru
íslensku verkunum. Rússnesku
listamennirnir hafa gert slík
verk í 12 þjóðlöndum ogþykja
verkin afar lík innbyrðis.
HEFUR ÞÚ SÉÐ
2. TBL. EIÐFAXA 1996 ?
MEÐAL EFNIS:
Viðtal við Andreas Trappe hrossaræktanda.
Eflum tengsl íslenska hestsins við menningu og listir.
Vakri-Skjóni í Villta Vestrinu.
Auk þess fylgir blaðinu veggspjaldið HESTAÞING 1996.
ÁSKRIFTARSlMI 588 2525
EIÐFAXI ehf.
Ármúla 38, 108 Reykjavík
Sími 588 2525, fax 588 2528
Heimsókn-
arþjónusta
kirkjunnar
AÐ GLÆÐA von er heiti á fyrir-
lestri sem Sigrún Gísladóttir fram-
kvæmdastjóri ellimálaráðs Reykja-
víkurprófastsdæmis flytur á
fræðslufundi í Safnaðarheimili Ak-
ureyrarkirkju á morgun, laugardag-
inn 2. mars, frá kl. 13.30 til 15.30.
Fundurinn er á vegum Eyjafjarðar-
prófastsdæmis, en samstarfshópur
prófastsdæmisins um málefni aldr-
aðra annast undirbúning og fram-
kvæmd.
Efni fundarins er heimsóknar-
þjónusta kirkjunnar, en hún er fólg-
in í því að starfsfólk eða sjálfboða-
liðar á vegum safnaðanna heim-
sækja reglulega aldraða og jafnvel
aðra, sem slíks þarfnast. Heimsókn-
arþjónustan er hugsuð sem kær-
leiksþjónusta kirkjunnar og er
áhersla lögð á að sjálfboðaliðar
komi að henni en meginmarkmiðið
er að rjúfa einangrun og vera vinur
í nafni kristinnar trúar.
Sóknarprestar og sóknarnefnd-
arfólk er sérstaklega hvatt til að
mæta en allir sem áhuga hafa á
málefninu og eru tilbúnir að liðsinna
sem sjálfboðaliðar eru velkomnir.
Aðalsteinn
Svanur
sýnir í
Karólínu
SÝNING á verkum Aðalsteins
Svans Sigfússonar listmálara
verður opnuð á Café Karólínu
á morgun, laugardaginn 2.
mars.
Þetta er 10. einkasýning
Aðalsteins á Akureyri, auk
þess sem hann hefur sýnt verk
sín í Reykjavík og víðar. Síðast
sýndi hann í Listasafninu á
Akureyri haustið 1995.
Að þessu sinni sýnir Aðal-
steinn landslagsmálverk sem
hann hefur málað á spónaplöt-
ur með olíulitum. „Þetta eru
augnabliksmyndir af áningar-
stöðum, minningarbrot úr ferð
sem aldrei var farin. Við þræð-
um ströndina til að kanna ytri
mörk eyjarinnar og við leitum
inn að miðju hennar til að
þekkja kjarnann. Áningarstað-
irnir eru alþekktir: Fjalla-
drottningin sjálf og eyjar og
drangar, sem við þekkjum af
póstkortum, varða veginn sem
hverfur í móðu. Hvort heldur
er til hafs eða á eyðimörkum
hásléttunnar. Og hið raunveru-
lega myndefni er áfangastaður
í fjarska þar sem jörð, vatn og
loft renna saman í eina sjónar-
rönd,“ segir í lýsingu mynd-
anna í sýningarskrá.