Morgunblaðið - 10.04.1996, Blaðsíða 12

12 MIÐVIKUDAGUR 10. APRÍL 1996
MORGUNBLAÐIÐ
FRÉTTIR
Jörð skalf í
Þrengslum
ÞRÍR jarðskjálftar urðu syðst
á Hengilssvæðinu við Þrengsla-
veginn nálægt Krossfjalli að
morgni skírdags og mældust
þeir á bilinu 3,3 til 3,5 á Ric-
hter-kvarða. Talið er að þess-
ari hrinu sé lokið í bili.
„Það má segja að skjálftarn-
ir hafí að undanförnu verið að
færast fram og til baka frá
þessu svæði og að svæði norðan
við Hveragerði," sagði Páll
Halldórsson eðlisfræðingur.
„Það sem okkur finnst vanta
þegar við horfum á eldri tíma-
bil, eins og til dæmis 1953 til
1955, er að þá enduðu jarð-
skjálftarnir með einum afger-
andi skjálfta. Það hefur ekki
gerst núna. Það er eins og
þetta eigi eftir að klára sig og
hangi í viðvarandi skjálfta-
virkni. Þannig að við getum
ekki afskrifað neitt ennþá.“
Arekstur og'
ekið á mann
EKIÐ var á mann á Vestur-
landsvegi, skammt frá
Hvammsvík í Kjós, á páska-
dagskvöld.
Tveir bílar lentu saman í
hálku, en þegar ökumaðu'r
annars þeirra var að gæta að
skemmdum kom þriðji bíllinn
aðvífandi. Ökumaður hans
náði ekki að stöðva og rann
bíllinn á manninn. Hann var
fluttur á slysadeild.
4 slösuðust í
árekstri
risanna
HARÐUR árekstur varð á
mótum Flatahrauns og Álfa-
skeiðs í Hafnarfirði á skírdag,
þegar strætisvagn og flutn-
ingabíll skullu saman.
Ökumaður strætisvagnsins
náði ekki að stöðva við bið-
skyldu, heldur rann vagninn
áfram í hálkunni og í veg fyr-
ir flutningabílinn. Risarnir
skullu harkalega saman, þarna
nánast í hlaðinu hjá lögregl-
unni í Hafnarfirði, en lögreglu-
stöðin stendur við Flatahraun.
Fjórir farþegar í strætis-
vagninum slösuðust lítillega.
Eldur í íbúð
og bílskúr
ELDUR kom upp í bílskúr
húss við Bjarnastaðavör í
Bessastaðahreppi um kl. 20.40
á mánudagskvöld. Talsverðar
skemmdir urðu á bílskúrnum.
Þá komst bæði reykur og vatn
í íbúðarhúsið.
Eldur kom einnig upp í íbúð
á annarri hæð fjölbýlishúss við
Suðurvang í Hafnarfirði föstu-
daginn langa. Þar hafði kvikn-
að í gluggatjöldum og skáp
út frá logandi kerti.
Engan sakaði í þessum
brunum.
Maríhúana
íbíl
LÖGREGLAN í Kópavogi
lagði hald á 10 grömm af
maríhúana, þegar bíll var
stöðvaður í almennu eftirliti á
páskadag.
Bíll með þremur mönnum
var stöðvaður og fannst efnið
bæði á þeim og í bílnum. Tveir
þeirra voru í vörslu lögreglu
fram á annan dag páska.
Morgunblaðið/Rax
Morgunblaðið/Björn Blöndal
42 BÍLAR skemmdust í árekstrum í umdæmi lögreglunnar í Kópavogi á skírdag. Keflvíkingar þurftu að grípa í snjóskóflurnar eftir
fannfergið á skírdag til að greiða fólki Ieið út úr húsum og bílum út úr innkeyrslum.
Bílstjórar komust ekkert áleiðis í óveðri í Svínahrauni
24 bílar í árekstrum á stuttum tíma
LÖGREGLAN í Kópavogi og
Reykjavík og björgunarsveitar-
menn tóku höndum saman, þegar
mikið óveður gerði ökumönnum líf-
ið leitt í Svínahrauni ofan við Litlu
kaffistofuna um hádegi á skírdag.
Fjölmargir árekstrar urðu, oft
lentu 3 eða 4 bílar saman og
skemmdust alls 24 bílar á skammri
stund. Lítil eða engin meiðsli urðu
á fólki í þessum óhöppum. Þá
skemmdust 18 bílar í nokkrum
árekstrum í Kópavogi og fjöldi bíla
einnig í Reykjavík.
Að sögn lögreglunnar í Kópa-
vogi urðu óböppin flest í umdæmi
Selfosslögreglunnar, en þar sem
hún var teppt handan við heiði
fóru lögreglumenn úr Kópavogi og
Reykjavík til hjálpar, ásamt björg-
unarsveitarmönnum. Óhöppin byrj-
uðu um hádegið og á mjög skömm-
um tima höfðu 24 bílar skemmst
meira eða minna. Árekstrana mátti
rekja til hálku, en ekki síður til
þess, að bílstjórar sáu ekki út úr
augum, en óku samt, en slíkt seg-
ir lögreglan allt of algengt.
Lögreglan í Reykjavík greip
fljótlega til þess ráðs að snúa öllum
bílum við sem ætluðu Suðurlands-
veg og ljósaskilti við Gunnars-
hólma tilkynnti ökumönnum að
Hellisheiðin væri ófær. Þá voru til-
kynningar lesnar í útvarpið um hið
sama. Samt sem áður virtust marg-
ir ætla að freista þess að leggja á
heiðina.
Síðdegis á skírdag byrjaði svo
árekstrahrina í Kópavogi og
skemmdust 18 bílar á tæpum
klukkutíma. Að sögn lögreglunnar
í Kópavogi muna menn ekki aðra
eins törn, úr hrinu þar sem 24 bíl-
ar skemmdust í árekstra þar sem
18 bílar komu við sögu, eða alls
42 bilar.
Svipað var uppi á teningnum í
Reykjavík. Þar skullu fjórir bílar
saman á mótum Háaleitisbrautar
og Miklubrautar síðdegis á skírdag
og þrír bílar skömmu síðar á mót-
um Grensásvegar og Miklubrautar.
í þeim árekstri meiddist ökumaður
og tvö börn í einum bílanna, en
meiðsli þeirra voru þó lítil.
Bíll valt á fimmtudagskvöld á
Suðurlandsvegi við Bláfjallaaf-
leggjara og annar undir miðnætti
á Vatnsmýrarvegi í Reykjavík.
Erfitt að greiða úr flækjunni
Samkvæmt upplýsingum lög-
reglu getur verið erfitt að greiða
úr flækjunni, þegar margir bílar
lenda saman, því finna þarf út í
hvaða röð bílarnir skullu saman,
svo tryggingafélögin geri upp tjón
í samræmi við það. Þannig er
meginreglan sú, að sá sem ekur
aftan á annan er í órétti.
Hafi bílstjóri náð að nema stað-
ar, en annar kemur aftan á hans
bíl og kastar honum á þann þriðja,
þá ber sá síðasti sök á skemmdum
á fram- og afturhluta miðbílsins,
enda hafði hann náð að nema stað-
ar í tæka tíð. Lögreglan segir að
oftast nær sé hægt að greiða úr
þessum málum, þar sem ljóst sé
hver hafi gert hvað á hvaða tíma.
Að sögn varðstjóra í Kópavogi
er ómögulegt að reyna að giska á
tjónið, sem varð við alla þessa
árekstra. Veður hafi ekki verið
slíkt að menn hafi getað staldrað
við, skoðað skemmdir og lagt mat
á þær.
Annar viðmælandi blaðsins
sagði ljóst að tjón vegna umferð-
aróhappa þennan dag hafi numið
tugum milljóna, því þrátt fyrir að
lögreglu hafi verið tilkynnt um
fjölda óhappa sé þó reglan sú, að
annan eins fjölda hafi ökumenn
gert upp sín á milli.
Fjölgun úrsagna úr
þjóðkirkjunni
Veður á Selfossi með versta móti
Fólk selflutt um bæinn á snjóbíl
Morgunblaðið/Sig. Jóns.
ÞEIR stóðu í ströngu félagarnir í björgunarsveitinni Tryggva.
ÞAÐ reyndi hressilega á björg-
unarsveitarmenn á Selfossi þegar
óveðrið gekk yfir á skírdag og
föstudaginn langa og allar götur
á Selfossi urðu ófærar. Veðrið var
með því allra versta sem gert hef-
ur þar um slóðir í mörg ár, að því
er lögreglan segir. Félagarnir í
björgunarsveitinni Tryggva voru á
ferðinni á torfærubílum sínum og
snjóbílnum við að flytja fólk til og
frá vinnu og þjónusta þá sem áttu
í erfiðleikum vegna veðursins.
Snjóbíllinn reyndist mjög vel.
Það var sama hvað skaflarnir voru
háir, alltaf komst hann leiðar
sinnar, hvort sem farið var með
fólk til vinnu á stofnunum eða
með frístundabændur til gegn-
inga. Engin óhöpp urðu á Selfossi
í veðrinu en eins og gefur að skilja
var allt gistirými fullt og meira
en j)að.
Á fimmtudagskvöld og fram á
aðfaranótt föstudags varð að
skilja fimmtán bíla eftir á veginum
milli Hveragerðis og Selfoss, en
þeir komust ekki lengra vegna
ófærðar og kafblindu, en rafkerfi
sumra bílanna blotnaði í bylnum
og þeir komust því hvorki lönd
né strönd.
Þrátt fyrir óveðrið var lítið um
óhöpp, enda fóru allir afar hægt
yfir og aðeins einn ökumaður var
grunaður um ölvun um páskana
og man lögreglan ekki svo rólega
tíð fyrr. Lögreglan á Selfossi seg-
ir að ófært hafi verið upp um all-
ar sýslur, undir Ingólfsfjallinu
hafi vegurinn lokast snemma á
skírdag og Grímsnesið var ófært.
Austan við Óseyrarbrú var allt
ófært og höfðu björgunarsveitar-
menn nóg að gera við að aðstoða
fólk þar.
Lögreglan á Selfossi sagði að
um leið og veður var gengið niður
þar hafi margir borgarbúar ætlað
sér yfir Hellisheiðina og ekki tek-
ið mark á viðvörunum um ófærð.
Veðrið hafi enda verið mjög bund-
ið við Suðurlandsundirlendið og
til dæmis mætti nefna, að strax
og komið var í Þrengslin hafi ver-
ið ágætt færi.
Óvæntir sjúkraflutningar
eftir erfiða ferð
Lögreglumenn á Selfossi lögðu
af stað til Þorlákshafnar upp úr
miðnætti aðfaranótt föstudagsins
langa. Að sögn varðstjóra var
ætlunin að kanna hvort leiðin
væri fær, en lögreglumönnunum
var sagt að tefla ekki á tvær
hættur. Þeir komust til Þorláks-
hafnar eftir 3*/2 stundar akstur.
Um svipað leyti var óskað eftir
sjúkraflutningabíl, þar sem koma
þyrfti barnshafandi konu til
Reykjavíkur. För lögreglumann-
anna nýttist því vel og óku þeir
með konuna til móts við sjúkrabíl
úr Reykjavík og mættust bílarnir
í Þrengslunum. Fór vel um konu
og sjúkraflutningamenn á leiðinni.
Strax og lægði hófst mokstur
á götum Selfoss og fljótlega varð
fært um allar götur en mikið verk
var að hreinsa þann mikla snjó
sem safnaðist í bæinn.
Tekjur
HI aukast
TEKJUR Háskóla ísiands aukast
nokkuð vegna fjölgunar þeirra sem
sagt hafa sig úr þjóðkirkjunni á sein-
ustu mánuðum. Háskólinn fær í sinn
hlut sóknargjöld þeirra sem skrá sig
utan trúfélaga. Samkvæmt upplýs-
ingum Hagstofunnar voru fleiri
skráðir úr þjóðkirkjunni á fyrsta
fjórðungi ársins en allt seinasta ár.
Af þeim 790 sem skráðir voru úr
þjóðkirkjunni fyrstu þijá mánuði árs-
ins létu 622 skrá sig utan trúfélaga.
Upphæð sóknargjalda er nálægt
5.000 kr. á ári á hvern skattgreið-
anda. Því má gera ráð fyrir að um
þrjár milljónir kr. renni til Háskólans
í formi sóknargjalda vegna þeirra
einstaklinga sem skráð hafa sig úr
þjóðkirkjunni og utan trúfélaga frá
áramótum.
Féð fer til menningarmála
Samkvæmt upplýsingum Gunn-
laugs H. Jónssonar háskólaritara fær
Háskólinn árlega um 20 millj. kr.
tekjur af sóknargjöldum en það er
rúmlega 1% af fjárveitingu Háskól-
ans. „Þetta hefur ekki verið það
mikið hingað til að það hefði veruleg
áhrif á fjárhag Háskólans," segir
Gunnlaugur.
Margir hafa haft samband við
Háskólann og spurst fyrir um hvert
féð rynni, að sögn Gunnlaugs. Hann
segir að féð renni í sérstakan Há-
skólasjóð, sem háskólaráð eða rektor
í umboði þess úthluti svo úr og fer
það til menningarmála af ýmsu tagi,
sem Háskólinn hefði að öðrum kosti
ekki getu til að sinna, að sögn Gunn-
laugs. Hefur Háskólakórinn m.a.
notið þessara styrkja.