Morgunblaðið - 08.06.1996, Blaðsíða 46

Morgunblaðið - 08.06.1996, Blaðsíða 46
46 LAUGARDAGUR 8. JÚNÍ 1996 MORGUNBLAÐIÐ BREF > FORSETAKJOR Svínsminni Frá Aðalsteini Davíðssyni: ORÐIÐ „svinsminni" er haft í Lax- dæla sögu (48. kafla) um það þegar menn þóttu gleyma mótgerðum og svívirðingum furðu fljótt. Því miður hefur það viðgengist að stjórnmálamenn hafí látið sér í léttu rúmi liggja loforð sín og treyst á skammvinnt minni og umburðar- lyndi kjósenda. Orðið „kosningalof- orð" hefur einfaldlega fengið aðra merkingu en orðið „loforð" en síst eykur það tiltrú á Alþingi eða eflir virðingu þess. Á síðari árum er virðingarleysi fyrir loforðum komið á mun hærra stig en að muna ekki það sem „lof- að var í hita leiksins". Einstaka þingmenn hafa skarað fram úr öðr- um í því að baka Alþingi Islendinga skömm á þennan hátt. Þessu hafa kennarar kynnst eftirminnilega enda er reynsla þeirra og vonbrigði kveikjan að þessu bréfi. Fyrir nokkrum árum fóru BHMR-menn í fyrsta sinn í verk- fall - eins og þjóðinni er enn í minni. Þeir gengu aftur til vinnu í það skiptið framar öðru út á loforð um að kjör þeirra skyldu leiðrétt út frá samanburði við kjör annarra stétta. Þessi loforð fengu verkfalls- menn raunar undirskrifuð. Loforð þessi gleymdust þrátt fyrir undir- skriftina. Næsta BHMR-verkfall leystist ekki með undirskrifuðum loforðum heldur með undirskrifuðum samn- ingum við fjármálaráðherra, Ólaf Ragnar Grímsson. Þegar þar að kom að samningarnir öðluðust gildi átti hins vegar að svíkjast um að greiða eftir þeim en þeir voru þá áréttaðir með dómi. Þá beið fjár- málaráðherra eftir því að losna við þingið í sumarfrí og setti síðan bráðabirgðalög til að ógilda eigin samninga. Nú býður Ólafur Ragnar Gríms- son sig fram til forsetaembættis, sá maður, sem stóð fremstur í flokki á sínum tíma að ganga á grið og samninga. Það væri með endemum ef hann yrði kosinn í þetta virð- ingarembætti sem eins konar yfir- vörður stjórnarskrár og þingræðis og sameiningartákn þjóðarinnar. Hann, sem svo herfilega gekk á orð sín þegar hann stóð fyrir því 1989 í fjarveru þingsins að misbeita lög- gjafarvaldi til að ógilda þá samn- inga sem hann hafði sjálfur undir- ritað nokkrum mánuðum fyrr. Framkoma sem þessi, að ganga á gerða samninga eftir geðþótta, hét áður fyrr griðrof, þeir sem breyttu svo hétu griðníðingar eða ódrengir eða jafnvel hvers manns níðingar. Það er líka alvarlegur hlutur að rjúfa orð sín og eiða. Það er nógu illt að geta ekki treyst lof- orðum. Ennþá verra er þegar undir- staða mannlegs samfélags, samn- ingar og reglur um samskipti eru hundsuð af fullkomnu samvisku- leysi, og það af þeirra hálfu sem ættu að standa vörð um lögin. Eins og málum var þarna háttað var engin afsökun eða réttlæting að svara „nauðsyn brýtur lög". Hvert leiðir þróunin ef þetta eiga að verða leikreglur? Hvar endar það ef al- menningur hefur enga tryggingu fyrir því að stjórnvöld haldi samn- inga og lög eða virði dóma? Nú er nauðsyn að menn taki sig á. Nú þarf að sanna að þjóðin hafi mannsminni en ekki svínsminni. Stöndum eftir getu vörð um lög og samskiptareglur siðmenntaðs þjóð- félags. Veljum orðheldinn dreng- skaparmann, karl eða konu, á for- setastól á meðan því embætti verð- ur haldið uppi. AÐALSTEINN DAVÍÐSSON, Löngubrekku 11, Kópavogi. IDAG Til umhugsunar fyrir íslensku þjóðina Frá Sigurgeiri Ólafssyni: UNDANFARIÐ, hefur Guðrún Pét- ursdóttir, forsetaframbjóðandi, hamrað á því, að það hljóti að vera fótakefli fyrir frambjóðendur til for- setakosninga, að hafa verið þátt- takendur í stjórnmálum. Nú er það svo, að einn af fyrstu opinberu stuðningsmönnum Guðrúnar Pét- ursdóttur, var Þorsteinn Pálsson, ráðherra í ríkisstjórn Davlðs Odds- sonar. Varla getur það nú talist • ópólitískur stuðningur. Gott og vel. Það sem Guðrún Pétursdóttir hefur svo snyrtilega forðast að nefna, er það að hún sjálf ferðaðist um alla Vestfirði með ræðuhöldum og póli- tískum áróðri fyrir síðustu kosning- ar, í prófkjöri Sjálfstæðisflokksins! í þætti Hannesar Hólmsteins (hug- myndafræðings hennar) og Marðar, lýsti hún því yfir, að „hún hefði gengið í Sjálfstæðisflokkinn af lífs- skoðun". Guðrún, er þetta að vera ópólitískur frambjóðandi til emb- ættis forseta Íslands? Hvílík hræsni! Þú fæddist með silfurskeið Engeyj- arættarinnar í munninum og ert frambjóðandi Þorsteinsarms Sjálf- stæðisflokksins. Þú ert ailt annað en ópólitísk. Ættarveldið, sem þú ert í forsvari fyrir, á tvo ráðherra í núverandi ríkisstjórn, þá Halldór Blöndal og Björn Bjarnason, frænd- ur þína og stuðningsmenn! Þú ert afkomandi og merkisberi Thors- og Engeyjarættanna, sem eru bakbein Sjálfstæðisflokksins og kolkrabb- ans og varla verða flokkaðar ópóli- tískar. Eða hvað? Ætlar þú, Guðrún Pétursdóttir, að bjóða íslensku þjóðr inni upp á þann málflutning, að þú sért ópólitískur frambjóðandi? Er það raunverulega skoðun þín, að íslenska þjóðin, sé samansafn bjálfa sem eru ófærjr.um að mynda sér vitsmunalegar skoðanir, byggðar á upplýsingu og þekkingu? Þinn mál- flutningur hefur til þessa verið hel- ber dónaskapur við alla landsmenn. Það þarf meira en skröksögur og blekkingar til að sannfæra þjóðina. Ég skora á þig að koma hreint til dyranna og fletta af þér hræsni- skápunni. Þú getur engu því tapað sem þú hefur ekki nú þegar gert, því að eins og málum er nú kömið, er þitt framboð byggt á ósannind- um. SIGURGEIR ÓLAFSSON, Hörgsholti 27, Hafnarfirði. mgtöm !!»%>.!> >H blabib - kjarni málsins! Sjáöu hlntina í víbara samhengi! SKAK Umsjön Margeir Pétursson Hvíturmátar í átta leikjum STAÐAN kom upp á Eim- skipsmótinu, Skákþingi ís- lands, landsliðsflokki, sem lauk á mánudaginn í Garðabæ. Jón Viktor Gunnarsson (2.180), yngsti keppandinn á mót- inu; hafði hvítt og gg| átti leik gegn þeim elsta, Sævari Bjarnasyni (2.305), alþjóðlegum meist- ara. 31. Hxf7+! (Vonandi hefur engum dottið í hug að valda h peðið með 31. Hh2??, sem leyfir 31. -Dfl+) 31. - Kxf7 32. Dxg6+ - Kf8 33. Df6+ (Velur örugga vinningsleið, en stysta leiðin var 33. Bh4! Og svartur er mát í mest fimm leikjum) 33. - Ke8 34. Dxh8+ - Kd7 35. Dh7+ - Kc6 36. Dd3 - Hc4 37. h6 og svart- ur gafst upp. HOGNIHREKKVISI »Sue/S U/ð Að^i/m tser/ðniái/riðep&ari Farsi MR. P0TT£P VA/S6i-/4ff£/CdOCTM4/2-T 01894 F«nu» CeitamtÆlttrfaaed by Unlwrnl Ptew Syndcala , 7/anru Aefor t/eriá' d rxkmskeibc um re£strar\Aa*cfa, -Pt/ririæik/a.." VELVAKANDI Svarar í síma 569 1100 frá 10-12 og 14-16 frá mánudegi til föstudags Netfang: lauga@mbl.is Þakkir til Bústaðasóknar VIÐ undirritaðar viljum færa kærar þakkir til sóknarprests, organista og „kærleikskvennanna" fyrir ógleymanlega mið- vikudaga ásamt ferðum vor og sumar undir frá- bærri leiðsögn Áslaugar Gísladóttur. Við vitum að allir sem hafa tekið þátt í þessu saman þakka hjartanlega. Guð blessi ykkur 511. Marta, Ingibjörg, Sigrún. Virðingarleysi KONA, sem er að selja íbúðina sína og er búin að setja hana á sölu, hringdi til Velvakanda. Hún vill kvarta yfir slæmri umgengni þeirra sem koma að skoða íbúð- ina. Hún gerir sér að sjálf- sögðu grein fyrir því að fólk verður að fá að koma og sjá íbúðina til að geta gert upp hug sinn varð- andi sölu, en hún sagði að sumt af þessu fólki gengi um eins og það ætti þegar heima þarna. Það sendir börnin inn í barnaherbergin til að leika sér og virðist ekki gera sér grein fyrir því að þetta sé heimili fólks heldur ein- ungis eitthvert húsnæði sem því sé frjálst að ganga um eftir vild. Konan vill benda fólki á að fara hægar í sakirnar þegar það kemur til að skoða íbúðir þar sem fólk býr í og heldur sitt heimili. Tapað/fundið Frakki tapaðist STUTTUR frakki hefur líklega verið tekinn í mis- gripum á Kaffí Óperu laugardaginn 11. maí sl. Frakkinn er ljós á litinn. Sú sem hefur tekið frakkann í misgripum er vinsamlegast beðin um að hringja í síma 557-9098. Handprjónaður poki tapaðist LÍTILL, handprjónaður poki, útprjónaður með • myndum af fjórum kind- um, tapaðist í Aflagranda eða nágrenni í lok apríl. Pokinn er grænleitur á litinn og kindurnar voru fjólubláar. í pokanum eru þrjár steinvölur. Pokans er sárt saknað vegna þess að hann var skírnargjöf. Ef einhver hefur fundið pokann vinsamlegast hringið í síma 562-7510. Budda tapaðist BRÚN budda tapaðist annaðhvort við Hólmasel í Breiðholti eða strætis- vagni nr. 11 á milli kl. 12 og^ 1 sl. föstudags- kvöld. í henni var skápa- lykill, bankakort, varalit- ur og peningar. Buddan sjálf er lítil kubbsleg leð- urbudda með tveimur hólfum. Finnandi er vin- samlega beðinn að skila buddunni, og hafa sam- band í síma 557-8838. Fríða. Ast er.. ¦ ¦ ¦ þegarkríliðgubbar á sparískyrtuna þína. TM Reg. U.S. Pat. OH. — bii rtghta resarved (c) 1B96 Los Angetei Times Syndœate MORGUNBLAÐIÐ birtir tilkynningar um af- mæli, brúðkaup, ættarmót o.fl. lesendum sínum að kostnaðarlausu. Tilkynn- ingarnar þurfa að berst með tveggjajaga fyrirvara virka daga og þriggja daga fyrir- vara fyrir helgar. Fólk getur hringt í síma 569-1100, sent í bréfsíma 569-1329 sent á netfangið: gusta@mbl.is. Einnig er hægt að skrifa: Dagók Morgunblaðsins, Kringlunni 1, 103 Reykjavík. Vikverji skrifar... ÞAÐ getur verið erfitt og dýrt á köflum að vera grænmetis- neytandi á íslandi en það er að minnsta kosti aldrei einhæft. Sveifl- urnar í framboði á tegundum, gæð- um, ferskleika og ekki síst verði eru það miklar að neytándinn veit aldrei að hverju hann gengur. Nú er genginn í garð sá tími að framboð íslensks grænmetis er það mikið að verð er orðið vel viðráðan- legt fyrir almennt launafólk. Vík- verji fékk einhverja bestu tómata í Nóatúni á dögunum sem hann hefur séð svo mánuðum skiptir. Stórir, bragðmiklir, safaríkir og á góðu verði. xxx VÍKVERJI rak í þessum sama verslunarleiðangri augun í að byrjað væri að selja frosið og hálf- bakað franskt bakkelsi í stórmörk- uðum. Þessar vörur hafa verið á boðstólum hér um nokkurt skeið en einungis í sérverslunum. Þar sem Víkverji tilheyrir þeim hópi sem í gegnum árin og margar Frakklands- heimsóknir hefur ánetjast smjör- hornum (crðissants) og súkkulaði- brauðum að ekki sé minnst á löngu, mjóu „baguette"-franskbrauðin er það himnasending að geta gengið að þessum vörum vísum í stórmörk- uðunum, þar sem daglegar nauð- synjar eru oftast keyptar. Þótt smjörhorn og „snittubrauð" séu vissulega seld í flestum íslensk- um bakaríum er hreinlega ekki um sama hlutinn að ræða. Víkverji leggur það því gjarnan á sig að klára baksturinn sjálfur á smjör- hornunum fyrir franska helgar- morgunverðinn. xxx ÞAÐ eru ekki allir sammála um ágæti þeirrar „fótboltaveislu" sem nú er að hefjast. Gera má ráð fyrir því að á mörgum heimilum og jafnvel vinnustöðum muni almenn starfsemi leggjast niður í lengri og skemmri tíma á meðan. Sem betur gerir hins vegar fjölgun sjónvarps- stöðva það að verkum að þeir sem ekki myndu kenna þessa uppákomu við „veislu" af neinu tagi geta hald- ið sálarró sinni. HVER þjóð hefur sína siði. ís- lendingar telja það ekki í frá- sögur færandi að veiða og snæða hvali og seli þó svo að í mörgum öðrum ríkjum flokki flestir slíkt und- ir villimennsku. Hér á íslandi myndi líklega fólk rísa upp til handa og fóta ef hafnar yrðu veiðar á smáfugl- unum sem gleðja okkur yfír sumarið með söng sínum. I sumum ríkjum á meginlandi Evrópu eru hins vegar smáfuglarnir okkar flokkaðir sem sælkeramatur sem menn leggja mikið á sig til að komast yfir. I franskri matarbók, sem Víkverji fletti á dögunum, var til að mynda að finna margar upp- skriftir að hvernig matreiða mætti þresti og einnig var tekið fram að lóa teldist vera einhver gómsætasti fugl sem til væri og hefði notið vin- sælda allt frá sautjándu öld. Hrossa- gaukur nýtur einnig nokkurra vin- sælda og er yfirleitt matreiddur á sama hátt og skógarsnípa.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.