Morgunblaðið - 21.06.1996, Blaðsíða 4
4 FÖSTUDAGUR 21. JÚNÍ 1996
MORGUNBLAÐIÐ
-
FRÉTTIR
Formaður Al|)ýðubandalagsins vill að stjórnarandstöðuflokkar ræði aukið samstarf flokkanna
Þjóðvaki og- Kvenna-
listi tilbúnir í viðræður
MARGRÉT Frímannsdóttir, for-
maður Alþýðubandalagsins, hefur
bréflega farið þess á leit við for-
menn Alþýðuflokks og Þjóðvaka
og formann þingflokks Samtaka
um kvennalista að tilnefndir verði
fulltrúar stjómarandstöðuflokk-
anna í viðræðunefnd um aukið
samstarf flokkanna á vettvangi
kjarabaráttu, sveitarstjórna og
landsmála.
Margrét segir í bréfínu að gott
samstarf hafi tekist með flokkun-
um á síðasta þingi og það gefi
tilefni til að kanna með hvaða
hætti haga skuli samstarfi í fram-
tíðinni. Með þessu vilji hún fylgja
eftir samþykktum landsfundar
Alþýðubandalagsins þar sem hvatt
hafi verið til frekara samstarfs.
Jóhanna Sigurðardóttir formað-
ur Þjóðvaka og Guðný Guðbjörns-
dóttir formaður þingflokks Sam-
taka um kvennalista segja ekkert
vera því til fyrirstöðu að hefja við-
ræður við aðra stjórnarandstöðu-
flokka um samstarf. Þær segja
þó fullsnemmt að segja til um
hvert slíkar viðræður muni leiða
flokkana.
Bréfið hefur lítillega verið rætt
í þingflokki Kvennalistans og á
þeim fundi var ákveðið að senda
það framkvæmdaráði samtakanna
til umsagnar. Málið hefur ekki
verið tekið fyrir í þingflokkum
Alþýðuflokks og Þjóðvaka. Jón
Baldvin Hannibalsson formaður
Alþýðuflokksins vildi ekki tjá sig
um efni bréfsins fyrr en það hefði
verið tekið fyrir á þingflokksfundi.
Þjóðvaki vill ganga lengra
„Það fer enginn í grafgötur um
vilja Þjóðvakafólks til þess að efna
til samfylkingar jafnaðarmanna
og það kom skýrt fram á lands-
fundi okkar nýverið. Öll skref sem
stigin eru í þá átt eru skref til
framfara,“ sagði Jóhanna Sigurð-
ardóttir.
Jóhanna bendir á að í bréfinu
sé eingöngu rætt um samstarf en
ekki sameiningu. Hún telur
ómögulegt að segja til um hvert
þær viðræður, sem formaður Al-
þýðubandalagsins hefur boðað,
muni leiða flokkana.
„Við vitum enn ekki að hveiju
er stefnt með þessum viðræðum
en það er engin ástæða til að úti-
loka samtök okkar frá viðræðun-
um að óreyndu," sagði Guðný
Guðbjörnsdóttir.
Besta byrj-
un í Langá
í 20 ár
LAXVEIÐI hófst á miðsvæð-
um Langár á Mýrum síðdegis
í gær og urðu menn mikið
varir við lax þótt aðeins tveir
veiddust, 10 og 13 punda.
Ingvi Hrafn Jónsson, einn
leigutaka Langár, sagði í sam-
tali við Morgunblaðið í gær-
kvöldi að hann myndi ekki
eftir að hafa séð jafn mikið
af laxi svo snemma sumars.
„Menn lögðu upp með hefð-
bundinn júníútbúnað, en lax-
inn var ekki til viðtals fyrr en
menn köstuðu smáum flugum,
nr. 10 og 12,“ sagði Ingvi
Hrafn.
Hann hafði það einnig eftir
veiðimönnum á neðstu
svæðunum að „bullandi göng-
ur“ væru í ánni og þar væri
talað um bestu byrjun í Langá
í 20 ár.
Vinnuslys í Þör-
ungaverksmiðjunni
Grófst und-
ir þangi
MAÐUR um fertugt slasaðist tals-
vert í Þörungaverksmiðjunni á Reyk-
hólum um klukkan hálfellefu í gær-
morgun, þegar innihald um tveggja
og hálfs tonna þungs þangpoka
hvolfdist yfir hann.
Til að losa úr netpokunum í flutn-
ingavagna er togað í hnúta á þeim,
en fyrir kemur að þeir gefi ekki eft-
ir og verði þá að skera á línuna að
sögn Bjarna Halldórssonar fram-
kvæmdastjóra verksmiðjunnar.
Fékk yfir 2 tonn yfir sig
„Maðurinn hljóp inn í til að losa
línuna sem festist, og umsvifalaust
fór úr netpokanum yfir manninn og
samstarfsmann hans, með þeim af-
leiðingum að hann grófst undir þang-
inu, en það var blautt og þungt í
því. Hinn maðurinn slapp ómeiddur
fyrir utan smá tognun,“ segir hann.
Maðurinn lærbrotnaði en virðist
að öðru leyti hafa sloppið betur en
við mátti búast í fyrstu samkvæmt
upplýsingum frá Borgarspítala.
Hann var fluttur með þyrlu Land-
helgisgæslunnar á Borgarspítala og
var gripið til þess ráðs þar sem ekki
var hægt að fá sjúkraflugvél að sögn
Bjarna.
Aðpurður um öryggisráðstafanir í
kjölfar slyssins, segir Bjami að Þör-
ungaverksmiðjan sé undir ströngu
öryggiseftirliti og Ijóst sé að slys af
þessu tagi leiði til þess að úrbætur
verði gerðar, til að reyna að fyrir-
byggja að slíkt endurtaki sig.
Brúar-
framkvæmdir
að hefjast
FRAMKVÆMDIR við þverun Gils-
fjarðar ganga nokkurn veginn
eftir áætlun. Vegurinn er kominn
800 metra út í fjörðinn að sunnan-
verðu og verður ekki meira gert
þar í sumar, að sögn Björns Inga
Sveinssonar verkfræðings hjá
Klæðningu hf. sem er verktaki við
framkvæmdirnar. Að sunnan-
verðu er búið að fylla upp svæðið
þar sem brúin verður byggð og
hefst brúarsmíðin í næstu viku.
Búið er að flylja steypustyrktar-
járn á brúarstæðið eins og sést á
myndinni. Sement, möl og annað
efni er einnig komið á svæðið.
Björn Ingi segir að áfram verði
haldið við sprengingar og að
keyra grjótvörn utan á veginn sem
búið er að leggja. Einnig verði
unnið við veginn upp túnið og að
núverandi þjóðvegi í Saurbænum.
Kosninga-
skrifetofa
Upplýsingar um forseta-
kosningarnar eru gefnar
á kosningaskrifstofunni
í Borgartúni 20 og í
síma 588 6688
Upplýsingar um kjörskrá
og atkvæðagreiðslu utan
kjörfundar eru gefnar í
síma 553 3209
Pétur
Haístein
■traustsins
verður
Morgunblaðið/RAX
*
Arsreikningar Reykjavíkur-
borgar lagðir fram í borgarstjórn
Skuldir jukust
um 1.504 millj-
ónir króna
PENINGALEG staða borgarsjóðs
Reykjavíkur versnaði um 1.115
milljónir króna á árinu 1995 og
skuldir jukust um 1.504 milljónir.
Ársreikningar Reykjavíkurborgar
fyrir árið 1995 voru teknir til fyrri
umræðu á fundi borgarstjórnar í
gær. Á fundinum var kosið í ýmis
embætti og m.a. var Guðrún Ág-
ústsdóttir endurkjörin forseti borg-
arstjórnar til eins árs.
Ingibjörg Sólrún Gísladóttir
borgarstjóri gerði grein fyrir helstu
niðurstöðum ársreikninganna. Pen-
ingaleg staða, þ.e. skuldir umfram
peningalegar eignir, var í árslok
neikvæð um tæpa 9,9 milljarða og
versnaði um 1.115 mkr. á árinu.
Peningalegar eignir jukust um 389
milljónir króna sem koma á móti
skuldaaukningu upp á 1.504 millj-
ónir. Hún gat þess til samanburðar
að peningaleg staða hefði versnað
um 3,3 milljarða króna árið 1994
og 2,8 milljarða árið 1993. Veltu-
fjárhlutfall jókst úr 0,5% árið 1994
í 0,62% árið 1995.
Vextir og vaxtagjöld Iækkuðu
Borgarstjóri vakti athygli á að
vegna skuldbreytinga hefðu vextir
á skammtímaskuldum lækkað um
60 milljónir króna milli ára og af
sömu ástæðu hafi vaxtagjöld í
heildina orðið 86 milljónum króna
lægri árið 1995 en áætlað var í fyár-
hagsáætlun. Nettóskuldaaukning á
íbúa hefði lækkað úr 32 þúsundum
króna árið 1994 í 10 þúsund krónur
árið 1995. Borgarstjóri sagði að
peningalegar eignir á íbúa hefðu
hækkað úr 36 í 39 þúsundir króna,
heildarskuidaaukning á íbúa hefði
lækkað úr 26 í 13 þúsund krónur
og ráðstöfun umfram tekjur ársins
á íbúa hefði lækkað úr 32 í 19
þúsund krónur.
Til skýringar á 1.504 milljóna
króna skuldaaukningu sagði borg-
arstjóri að raunbreyting peninga-
legrar stöðu næmi 852 milljónum
króna, 263 mkr. væru vegna verð-
breytinga árið 1995 og 389 milljón-
ir króna vegna aukningar óinn-
leystra tekna í árslok. Þær eru að
stærstum hluta telq'ur vegna des-
ember sem greiðast ekki inn í borg-
arsjóð fyrr en í janúar 1996.
Ingibjörg Sólrún sagði að í árs-
reikningum kæmu fram ýmis bata-
merki í rekstri borgarsjóðs, t.d.
hefði rekstur málaflokka lækkað
úr 9,6 milljörðum króna árið 1994
í 9,1 milljarð árið 1995. Hins vegar
væri þyngd greiðslubyrði lána úr
31 mkr. árið 1991 í 452 mkr. árið
1994 og í 1.260 mkr. árið 1995
afleiðing þeirrar skuldaaukningu
sem átt hefði sér stað á síðasta
kjörtímabili. Hún sagði mjög brýnt
að draga úr skuldaaukningu og
væri það stefna borgarstjórnar und-
ir forystu R-listans að snúa þeirri
þróun við.
Fyrsta fjárhagsáætlun
fær falleinkunn
Vilhjálmur Þ. Vilhjálmsson,
borgarfulltrúi Sjálfstæðisflokksins,
kvaddi sér hljóðs að loknum skýr-
ingum borgarstjóra á ársreikning-
um og sagði augljóst þegar árs-
reikningar væru komnir fram að
fjárhagsáætlun meirihlutans fengi
falleinkunn. Hann nefndi þar fyrst
að áform sérstakrar spamaðar-
nefndar hefðu ekki gengið eftir en
hún fékk það verkefni að ná spam-
aði upp á 260 milljónir króna.
Áætlanir um 185 milljóna króna
skuldaaukningu hafi algjörlega
brostið, enda sé niðurstaðan 1.504
milljóna króna skuldaaukning eða
3.1 milljón króna á hveijum degi
ársins.
Þetta hafí gerst á sama tíma og
skatttekjur borgarsjóðs hafi aukist
um 200-300 milljónir umfram fjár-
hagsáætlun og þrátt fyrir holræsa-
gjaldið sem lagt var á árið 1995
og nam 560 milijónum króna. Auk
þess hafi arðgreiðslur fyrirtækja
borgarinnar aukist um 580 mkr. á
árinu 1995 frá því sem þær voru
árið 1994. „Ef ekki hefðu komið
til þessar auknu álagningar, hefðu
skuldir borgarsjóðs aukist um tæp-
lega 2,3 milljarða króna eða um
6.2 milljónir króna á hveijum degi
ársins. Þegar ég segi þetta þá gef
ég mér að framkvæmdir árið 1995
og rekstrargjöld hefðu orðið þau
sömu,“ sagði Vilhjálmur.
Borgarstjórn samþykkti að vísa
ársreikningum til síðari umræðu á
næsta fundi borgarstjórnar.
I
>
i
\
I
I
i
\
l
I
I
L
fi
I
l
{
I
i