Morgunblaðið - 21.06.1996, Blaðsíða 6

6 FÖSTUDAGUR 21. JÚNÍ 1996
MORGUNBLAÐIÐ
FRETTIR
Landsbankinn reiðubúinn að aðstoða við sameiningu sjávarútvegsfyrirtækja á Vestfjörðum
v
'IÐRÆÐUR og þreifingar um
sameiningu sjávarútvegsfyrir-
tækja í tveimur blokkum á norð-
anverðum Vestijörðum ganga
eftir áætlun, eftir því sem næst verður
koinist. Stjórnendur Frosta hf. í Súðavík
og íshúsfélags ísfirðinga hf. segja að við-
ræður þeirra gangi vel og gera ráð fyrir
niðurstöðu um eða fljótlega eftir næstu
mánaðamót. Viðræður eigenda rækjuverk-
smiðjanna Básafells hf. og Rits hf. á
ísafirði,_ útgerðarfyrirtækjanna Togaraút-
gerðar ísafjarðar hf. og Sléttaness hf. á
Þingeyri og fiskvinnslunnar Fáfnis hf. á
Þingeyri eru skemmra á veg komnar en
viðmælendur vonast eftir að skriður kom-
ist á þær næstu daga.
Finna rekstrargrundvöll
„Þetta er í góðum farvegi hjá okkur,“
segir Auðunn Karlsson stjórnarformaður
Frosta hf. um viðræðurnar við Ishúsfélag-
ið. Hann segir að vinnan hingað til hafi
beinst að því að finna sem bestan rekstrar-
grundvöll fyrir nýja fyrirtækið. Benedikt
Jóhannesson hjá Talnakönnun hf. er með-
al ráðgjafa við þessa vinnu.
Erfiðleikar bolfiskvinnslunnar, sem er
uppistaðan í vinnslunni hjá íshúsfélaginu,
stuðluðu að því að viðræðurnar hófust.
Taprekstur frystingarinnar er jafnframt
eitt erfíðasta málið við sameiningu. Ekki
er áhugi á því í Súðavík að nota þann
hagnað sem nú er af rækjuvinnslunni til
að greiða tap af bolfiskvinnslu á Ísafirði,
þó áhugi sé á því að hafa rekstur í báðum
greinum til þess að minnka sveiflurnar.
Auðunn Karlsson vill ekki gera mikið úr
þessu, segir að stjómendur fyrirtækjanna
séu að reyna að finna nýjar leiðir í þessum
rekstri og er þokkalega bjartsýnn á að það
takist.
Erfiðleikar knýja á
Litlar fréttir er að hafa af viðræðum
ESSO-hópsins, hjá rækjufyrirtækjunum á
ísafirði og Þingeyrarfyrirtækjunum.
Sumum viðmælendum finnst hægt ganga.
Málið hefur verið unnið áfram og vonast
Gunnar Birgisson vipskiptafræðingur hjá
Vátryggingafélagi ísiands til að hægt
verði að hefja formlegar viðræður á næst-
unni og ljúka þeim í byijun næsta mánað-
ar. Olíufélagið hf. (ESSO), VÍS og ís-
lenskar sjávarafurðir hf, hafa
unnið að málinu.
Til þess að af sameiningu
verði þarf að tryggja samþykki
eigenda sem hafa 67% hlutafjár
í hveiju félagi á bak við sig.
Virðist það hafa tekist, þó menn séu mis-
trúaðir á að sameining með Fáfni innan-
borðs gangi. Eigendur Básafells vilja vera
með og stjórn Togaraútgerðar ísafjarðar
hf. hefur samþykkt þátttöku í viðræðun-
um. Básafell hefur boðið í öll hlutabréfin
í Rit hf., með það fyrir augum að taka
félagið með sér inn í hið sameinaða fyrir-
tæki, að sögn Arnars Kristinssonar fram-
kvæmdastjóra. Hefur Básafell fengið já-
kvæð svör frá eigendum 68% hlutafjár
en íshúsfélag ísfirðinga, sem á 26%, hef-
ur ekki svarað tilboðinu enn sem komið
Tímapressa á
ESSO-hópnum
Landsbankinn hefur lýst sig
reiðubúinn til að aðstoða þau
vestfírsku sjávarútvegsfyrír-
tæki sem nú ræða saman ef
það mætti verða til þess að
þau sameinuðust. Viðræðurnar á milli ísagarðar og
Súðavíkur ganga eftir áætlun og ESSO-hópurinn á
Þingeyri og ísafirði er í mikilli tímapressu vegna
rekstrarerfiðleika sumra fyrirtækjanna. í grein Helga
Bjamasonar kemur fram að búist er við því að línur
skýrist í byrjun næsta mánaðar.
Erfiðleikar
knýja á um
sameiningu
er. Vonast er til þess að kaupin leysi ein-
hveija hnúta í sameiningarferlinu. Arki-
tektar sameiningar hafa fullt vald á Þing-
eyrarfyrirtækjunum.
Þó sameining verði ákveðin tekur
nokkra mánuði að koma fram formsatrið-
um, svo sem auglýsingum í Lögbirtingar-
blaði og fleiru og gæti nýja fyrirtækið
því varla tekið til starfa fyrr en í septem-
ber.
Ljóst er að erfiðleikar sumra fyrirtækj-
anna knýja mjög á um að verkinu verði
hraðað. Fáfnir á Þingeyri á í miklum
rekstrarerfiðleikum. Ritur hf. er sömuleið-
is illa staddur. íslandsbanki hefur þrengt
mjög að afurðalánamöguleikum hans,
samkvæmt upplýsingum Morg-
unblaðsins, og krafist lækkunar
iánanna. Sameiningarsinnar
vonast til þess að með kaupum
_________ Básafells á Rit verði hægt að
reka það með óbreyttu sniði
fram að sameiningu. Byggðastofnun lán-
aði Fáfni 10 milljónir á dögunum til að
reyna að fleyta fyrirtækinu fram að sam-
einingu, en ljóst virðist að sú fyrirgre-
iðsla hefur dugað skammt.
Velvilji stjórnvalda
Einar Kristinn Guðfinnsson, fyrsti þing-
maður Vestfirðinga og stjórnarmaður í
Byggðastofnun, segir að vilji sé til þess
hjá stjórnvöldum að greiða fyrir því að
rekstri verði haldið áfram á Þingeyri.
Bendir hann á að mikið sé í húfi, þar sem
atvinnulífið á staðnum byggist á Fáfni og
Sléttanesi. Engin ákvörðun hafi hins vegar
verið tekin.
í fyrri grein um þetta mál kom fram
að fyrirgreiðsla stjórnvalda til að rétta
Fáfni af væri forsenda þess að hin fyrir-
tækin gætu tekið hann inn í sameining-
una. Byggðastofnun hefur ekki treyst sér
til að veita Fáfni frekari fyrirgreiðslu nema
sýnt verði fram á stöðvun taprekstrar og
ljóst er að erfitt er að bæta reksturinn
meira en þegar hefur verið gert nema með
sameiningu við önnur fyrirtæki. Rætt hef-
ur verið um að ríkið komi inn í dæmið
með því að veita víkjandi lán, svipað og
Vestfjarðaaðstoðin byggðist á. Hins vegar
má velta því fyrir-sér hvort þeim ------
opinberu íjármunum sem þannig
kynni að verða veitt til Þingeyrar
er betur varið með því að bæta
fyrir gamlar syndir núverandi _____
fyrirtækis eða sem framlag í
uppbyggingu nýs atvinnufyrirtækis á
svæðinu. Embættismenn og stjórnmála-
menn standa frammi fyrir því að svara
þessari samviskuspurningu.
Norðurtanginn ekki með
Hraðfrystihúsið Norðurtanginn hf. á
ísafirði hefur staðið utan við sameiningar-
viðræðurnar í þessari lotu. Talið er að fé-
lagið eigi í erfiðleikum, þar sem til viðbót-
ar við almenna erfiðleika í bolfiskvinnslu
hefur það orðið fyrir þungu höggi vegna
vélabilana í frystitogaranum Orra, sem
Lánastofnanir
fylgjast með
gangi mála
hefur verið frá veiðum vikum og mánuðum
saman. Norðurtanginn á hlutafé í ýmsum
félögum með íshúsfélaginu og Frosta hf.
og er í SH eins og þau og virðist því passa
betur inn í þá sameiningu en ESSO-hóp-
inn. Vitað er um áhuga í bankastofnunum
að Norðurtanginn og Fiskiðjan Freyja á
Suðureyri, sem Norðurtanginn og Frosti
eiga að mestu leyti, gangi á einhveiju stigi
inn í viðræðurnar.
Auðunn Karlsson og Magnús Reynir
Guðmundsson stjórnarformaður íshúsfé-
lagsins segjast ekki hafa fengið beinar
óskir um þetta efni. Magnús Reynir segir
að eigendur fyrirtækjanna hafi í upphafi
ákveðið að reyna til þrautar að ná saman
um sameiningu þessara tveggja fyrir-
tækja. Ef það gangi gæti komið til greina
að víkka hópinn út síðar. Halldór Guð-
bjarnason, bankastjóri Landsbanka ís-
lands, segist ekkert geta sagt um málið
þegar hann er spurður hvort bankinn hafi
áhuga á að Norðurtanginn komi inn í við-
ræðurnar.
Landsbankinn tilbúinn
Bankar og sjóðir hafa fylgst með sam-
einingarþreifingunum fyrir vestan. Þannig
hafa Byggðastofnun og fleiri lánardrottnar
ráðið rekstrarráðgjafa_ til að aðstoða við
sameininguna á milli ísafjarðar og Þing-
eyrar. Landsbanki íslands hefur einnig
fylgst með málum á báðum vígstöðvum
og Jakob Bjarnason framkvæmdastjóri
Hamla hf., eignarhaldsfélags Landsbank-
ans, fór vestur á dögunum til að ræða við
forsvarsmenn ýmissa fyrirtækja.
Auðunn Karlsson segir að eigendur
fyrirtækjanna muni að sjálfsögðu ieggja
málin fyrir viðskiptabanka sína áður en
af sameiningu verður, það sé hins vegar
ekki tímabært nú. íshúsfélagið er í við-
skiptum við íslandsbanka en Frosti og
Norðurtanginn í Landsbankanum eins og
fyrirtækin á Þingeyri og Básafell. Halldór
Guðbjarnason tekur undir skoðun Auðuns.
Segir aðaiatriðið að eigendurnir komi sér
saman um grundvöll fyrirtækjanna í fram-
tíðinni. Bendir hann á að einingarviðræð-
um fyrir vestan frá 1992. Lengi hafi legið
fyrir að viðskiptalegar forsendur mæltu
með sameiningu. Hins vegar hafi málið
ávallt stöðvast á hinum mannlega þætti,
eigendur fyrirtækjanna hafi ekki náð sam-
an. Segir Halldór að bankinn
vilji leggja sitt lóð á vogarskál-
arnar þegar þar að komi.
Halldór telur ekki tímabært
_________ að fjalla um það með hvaða
hætti bankinn gæti komið til
skjalanna, hvort það yrði með því að breyta
skuldum í hlutafé og/eða taka yfir illa
nýttar fasteignir eins og hann hefur gert
á nokkrum stöðum síðustu árin. Leggur
hann áherslu á að bankinn þurfi fyrst og
fremst að veija hagsmuni sína, lán sín til
fyrirtækjanna. Á ýmsum stöðum hafi ver-
ið hægt að gera það með því að hjálpa til
við að bjarga illa stöddum fyrirtækjum og
byggja þau upp að nýju með þeim hætti
sem hér var nefnt, til hagsbóta fyrir
„skráða“ eigendur félaganna, starfsfólk
þeirra og byggðariögin í heiid.
FORSETAKJÖR 1996
fíg
ÓLAPUR RAGNAR GRÍMSSON
Þorlakshöfn
Fundur með Ólafl Ragnari
og Guðrúnu Katrínu
í Duggunni
kl. 10:00 í fyrramálið.
Viðræður, ávörp og fyrirspurnir
Allir velkomnir!
Stuðnlngsfólk Ólafs Ragnars Grímssonar Suðurlandl.
Leikfélag Reykjavíkur
Brynja fær sex
mánaða laun
LEIKÉLAG Reykjavíkur hefur fall-
ist á að greiða Brynju Benediktsdótt-
ur, leikstjóra, sex mánaða laun í fjár-
bætur í tengslum við ráðningu nýs
leikhússtjóra við Borgarleikhúsið á
síðasta ári.
Brynja og Þórhildur Þorleifsdóttir,
leikstjóri, leituðu til Skrifstofu jafn-
réttismála eftir að Viðar Eggertsson
var ráðinn leikhússtjóri Borgarleik-
hússins á síðasta ári. Kærunefnd
jafnréttismála úrskurðaði í fram-
haldi af því að báðar væru konurnar
hæfari umsækjendur til að gegna
starfinu en Viðar. Samkomulag náð-
ist svo í viðræðum lögfræðings Jafn-
réttisráðs og lögfræðings leikhús-
ráðs í tengslum við kröfu um fjár-
bætur vegna starfsheiðursmissis og
starfsmissis. Samkvæmt því felst
LR á að greiða Brynju sex mánaða
laun.
Fyrr í vetur var Viðari vikið úr
starfi í Borgarleikhúsinu og tekur
Þórhildur við starfinu 1. september.
Fullnaðarsigur unninn
Brynja lýsti yfir ánægju sinni með
samkomulagið í samtali við Morgun-
blaðið. „Mér finnst ég hafa unnið
fullnaðarsigur og tel málalyktirnar
fordæmisgefandi fyrir konur,“ sagði
hún og þakkaði árangurinn stuðn-
ingi Jafnréttisráðs.