Morgunblaðið - 07.07.1996, Blaðsíða 40
40 SUNNUDAGUR 7. JÚLÍ 1996
MORGUNBLAÐIÐ
Börn í sumarbúðum á
vegum Paul Newman
HÓPUR barna og unglinga er
þessa dagana í sumarbúðum á ír-
landi og í Bandaríkjunum á vegum
Paul Newman eins og greint hefur
verið frá hér í Morgunblaðinu.
„Þessar sumarbúðir eru reknar
fyrir ágóða sem hlýst af sölu á
Paul Newman’s vörum eins og ör-
'-bylgjupoppi, spagettisósum o.fl.,“
segir í frétt frá Styrktarfélagi
krabbameinssjúkra barna.
Þar segir ennfremur: „Styrktar-
félagi krabbameinssjúkra barna
barst boð um að senda unglinga í
félaginu í sumarbúðir á vegum
Paul Newmans annars vegar á ír-
landi, fimm einstaklinga ásamt
tveimur hjúkrunarfræðingum og
hins vegar USA, tvo einstaklinga
ásamt einum hjúkrunarfræðingi.
Dvölin í sumarbúðunum er þátttak-
endum að kostnaðarlausu en SKB
og einstaklingarnir sem fara verða
að standa straum af ferðakostnaði.
Félagið lítur á þetta sem kosta-
boð sem ekki sé hægt að hafna.
Ljóst er þó að kostnaðurinn sem
af ferðunum hlýst, um það bil
650.000 kr., er nefndum aðilum
ofviða. Því var ákveðið að leita til
nokkurra fyrirtækja varðandi
fjárstuðning í þessu sambandi.
Eftirtalin fyrirtæki tóku þessari
bón SKB mjög vel en þau eru
Karl K. Karlsson hf., Glaxe
Wellcome ehf., Pharmaco hf., Vífil-
fell hf., Visa-ísland, Sjóvá-
Almennar, Sölumiðstöð hraðfrysti-
húsanna, Stefán Thorarensen hf.,
Islenskar sjávarafurðir og Jöklar
hf. Flogið er með Flugleiðum til
beggja áfangastaða.“
ÁGÚST Thorsteinsson, heilbrigðisfulltrúi, afhendir Erlu Þor-
leifsdóttur, starfsmanni Emmessíss, viðurkenningarskjal fyrir
GÁMES eftirlitskerfi.
Emmessís fær viður-
kenningu Heilbrigðis-
eftirlits Reykjavíkur
HEILBRIGÐISEFTIRLIT Reykja-
víkur hefur veitt Emmessís hf. við-
urkenningu fyrir að hafa komið á
sérstöku kerfi sem nefnist GÁMES
við innra eftirlit með framleiðslu
fyrirtækisins. „GÁMES kerfínú er
ætlað að tryggja öryggi og hrein-
læti við framleiðslu og dreifingu
matvæla og er Emmessís í hópi
fyrstu fyrirtækja í landinu sem
hljóta viðurkenningu fyrir að
, starfa samkvæmt slíku eftirlits-
kerfi,“ segir í tilkynningu frá Em-
messís.
Þar segir að með GÁMES
(greining áhættuþátta og mikil-
vægra eftirlitsstaða) sé sett upp
eftirlit á öllum stigum framleiðslu
og dreifingar þar sem hætta sé á
að smit eða óhreinindi komist í
vöruna. Settar séu reglur um fyrir-
byggjandi aðgerðir og viðbrögð við
frávikum frá fyllstu öryggiskröf-
um.
Fram kemur að Emmessís hefur
starfað samkvæmt GÁMES kerf-
inu frá því um síðustu áramót. Nú
hafi Heilbrigðiseftirlitið gert úttekt
á eftirlitskerfi ísgerðarinnar og
staðfest að kerfið uppfylli allir
kröfur GÁMES. Umsjón með upp-
setningu kerfisins annaðist Guðjón
Reynir fyrir Emmessís en honum
til ráðgjafar var Ágúst Þorbjörns-
son á vegum Hagvangs.
Vinningar í happdrætti
Hamrahlíðarkórsins
Dregið var í happdrætti Hamrahlíð-
* arkórsins þann l.júlí sl. Vinningar
komu á eftirtalin númer: 1928,
2244, 160, 2482, 1327, 61, 2208,
96, 430, 1459, 108, 1500, 1845,
910, 853. 92, 546, 146, 413, 1334,
2210, 978, 1410, 2416, 2285, 98,
2126, 2426, 1848, 157, 677, 2262,
2039, 698, 420, 1103, 1803, 1927,
J 21, 1478, 258, 498, 1925, 1129,
260, 484, 402, 2403, 956, 116,
1958, 94, 1867, 1033, 113, 95, 99,
1237, 1060, 2171, 899, 1221,1236,
1747, 2481, 947, 2322, 2085, 1678,
955, 1207, 1307, 898, 1349, 1225,
2271, 1315, 888, 2027, 227, 216,
2454, 393, 1469, 944, 2421, 288,
2247, 27, 1113, 616, 110, 1126,
1099, 1056, 1415, 1110, 1877,
1679, 985, 1115, 1489, 91. (Vinn-
ingsnúmerin eru birt án ábyrgðar).
ÍDAG
VELVAKANDI
Svarað í síma 569 1100 frá 10-12 og 14-16 frá mánudegi til föstudags
Netfang: lauga@mbl.is
Bréf frá
Namibíu
VELVAKANDA barst eft-
irfarandi bréf:
„Á dögunum barst mér
í hendur himnasending
nokkur, sem samanstóð af
tveimur Morgunblöðum.
Það eldra var frá fimmtu-
deginum 30. maí en það
nýrra frá 1. júní.
Nú kann svo að vera að
fæstum þyki mikill akkur
í mánaðargömlum dag-
blöðum en hjá okkur hér í
útkjálkabyggð er þetta
hvalreki og nánast lesið
upp til agna.
I blaðinu 30. maí (bls.
17) rakst ég á smá klausu,
ásamt mynd af konum í
Brynjubæ, þar sem þær
skoðuðu nýfædda kiðlinga,
„sem skjögruðu í túninu
undir árvökulu auga móð-
ur sinnar". Mér er nær að
halda að hyrnda skepnan
á myndinni sé móðirin (í
og með vegna þess að auð-
sjáanlega er hún ekki laus
við hildirnar) og finnst mér
mikið hafa breyst á íslandi
nú hin seinni ár, ef sauð-
kindin þar er farin að bera
kiðjingum.
í blaðinu laugardaginn
1. júní (bls. 14) er svo allít-
arleg grein ásamt myndum
um „Jól allt árið í Eyja-
fjarðasveit". Ég gáði mar-
goft á dagsetningu blaðs-
ins hvort ekki stæði þar
1. apríl.
Með bestu kveðjum frá
Namibíu,“
Skúli A. Elíasson.
Vanþóknun á
Sigmund
ÉG GET ekki orða bundist
yfir vanþóknun minni á
mynd eftir Sigmund í
Morgunblaðinu 2. júlí.
Að birta ómerkilega
grínmynd af nýkjömum
forseta Islands og gera því
skóna að þar flytjist til
Bessastaða maður með
hamar og sigð og anda
Stalíns inn í húsið. Þvílík
smekkleysa.
Það er skylda okkar sem
landið byggjum að standa
að baki forsetanum og
sýna honum ekki lítilsvirð-
ingu, hvaða stjórnmála-
flokki sem við fylgjum,
kannski í blindni. Mér
finnst skömm að því fyrir
Morgunblaðið að birta
þessa mynd og ekki síður
skömm fyrir þann mann
sem teiknaði myndina. Var
ekki nóg komið?
Ólöf
Tapað/fundið
Taska á
Tjarnarborg
SVÖRT taska, sem gæti
hafa verið utan um mynd-
bandstökuvél, var skilin
eftir á dagheimilinu Tjarn-
arborg, líklega á sumarhá-
tíðinni sem haldin var fyrir
skömmu. í töskunni var
myndavél og linsa. Upplýs-
ingar í síma 551-7975.
Leðurjakki týndist
SVARTUR mótorhjóla-
jakki var tekinn í misgrip-
um á Olís-bensínstöðinni í
Garðabæ milli kl. 22-23 sl.
fimmtudagskvöld. Verið
var að þrífa bíl og var jakki
sem í bílnum var lagður á
planið. Þegar búið var að
þrífa bílinn gleymdist að
taka jakkann. Var komið
að vörmu spori aftur en
þá var jakkinn horfinn.
Annar maður á planinu sá
konu á Toyotacorolla-
station taka jakkann í mis-
gripum. Hundur var í bíl
konunnar. Konan er vin-
samlegast beðin um að
hafa samband í síma
565-7590 eða 565-1906.
Jakkans er sárt saknað.
Peysa tapaðist
GRÆN peysa á 12 ára
merkt Nike tapaðist fyrir
u.þ.b. 3-4 mánuðum.
Finnandi hringi í síma
561-1640.
Með morgunkaffinu
Ást er...
7-1
... að eldast saman.
TM R«s U S Ptt. Otf — all rtfits resflfVBS
(c) 1986 Los Angeles Tirees SyrnlicBte
ÞÚ segir þetta um blómin
og býflugumar bara til
að þurfa ekki að svara
mér.
HVAÐ meinarðu með að
nú þurfir þú víst að koma
þér heim? Þú ert heima!
ÉG vil gjarnan eignast
börn, en konan mín er
hrædd við storkinn.
Víkveiji skrifar...
HELFT ársins er liðin. Tíminn
er fugl sem flýgur hratt. Og
í dag hefst 28. vika ársins. En við
eigum þrátt fyrir allt hásumarið
framundan.
Vonandi verður sumarið, eða
það sem eftir lifir þess, okkur gott,
hlýtt og sólríkt. Það er þó engan-
veginn á vísan að róa þegar sólrík-
ir dagar eiga í hlut. Fátt er víst
óstöðugra í henni veröld en ís-
lenzkt veðurfar, nema ef vera
kynni íslenzkt almenningsálit.
En við eigum samt sem áður,
hvert og eitt, leik á borði. Við eig-
um veðurveröld innra með okkur,
þar sem við sjálf erum veðurspá-
menn - og gott betur, getum látið
spárnar rætast. Sól í sinni hét það
á kjarnyrtu máli ömmu okkar og
afa.
Það eru sem betur fer alltaf
stöku mannverur í návist okkar
sem stafa sólgeislum, hvernig sem
úti viðrar. Þær gera jafnvel grá-
myglurnar þolanlegar.
xxx
VRÓPUBOLTINN er að baki.
Að ekki sé nú talað um for-
setakosningamar. Og það er fátt
um fína drætti í flóru daganna
framundan. Og þó. Sjálfir hunda-
dagarnir eru rétt ókomnir, en þeir
eru sagðir standa frá 13. þessa
mánaðar til 23. þess næsta.
Jörgen Jörgensen, eða Jörundur
hundadagakonungur, eins og hann
var nefndur, tók sér æðstu völd á
íslandi þessa daga árið 1809. „All-
ur danskur myndugleiki var upp-
hafinn á íslandi“, eins og sagði í
hundadagakonungs boðskap.
Völd hans lifðu stutt og endalok
þeirra urðu með endemum. Samt
sem áður höfum við Mörlandar
grillað fjallalamb [eða verðhrunið
svínakét] og rennt úr bjórkollu af
minna tilefni en í minningu þessa
eina kóngs sem við höfum ekki
þurft að deila með norskum eða
dönskum frændum okkar. Víkverji
telur það enga goðgá að hrópa
eins og eitt lítið húrra fyrir hans
hátign.
XXX
EFTIRLAUNAMAÐUR, fyrr-
um starfandi hjá ríkisstofn-
un, átti erindi við Víkveija á dög-
unum. Lífeyrismál bar á góma,
meðal annars staða hinna ýmsu
lífeyrissjóða. Eftirlaunaþeginn
sagði efnislega:
Það er mikið fimbulfambað um
slæma stöðu Lífeyrissjóðs opin-
berra starfsmanna. Mikið er sagt
á skorta að hann eigi fyrir skuld-
bindingum. En færri orð eru höfð
um_ ástæður.
Á frjálsum markaði greiða
vinnuveitendur 6% á móti 4% [af
launum] launþega, mánaðarlega, á
sama tíma og launþeginn - um
leið og laun eru greidd. Iðgjöld
koma frá báðum samtímins til
ávöxtunar og bættrar sjóðsstöðu í
bráð og lengd.
Annað er upp á teningnum hjá
„stóra bróður", vildi viðmælandinn
meina. Ríkið greiðir ekki með sama
hætti og samtímis og launþeginn
mótframlög til ávöxtna hjá sjóðn-
um þeim, sagði hann. Þarna munar
miklu, staðhæfði eftirlaunaþeginn.
xxx
NÝJAR tillögur Hafrann-
sóknarstofnunar fela í sér
verulega aukinn þorsk- og loðnu-
afla næsta fiskveiðiárið, en minni
afla af ýsu, ufsa og grálúðu. Talað
er um 20% meiri þorskafla. Það
munar um minna, enda er þorskur-
inn gjöfulasti fiskurinn í þjóðar-
búið, sannkallaður „gullstofn“.
Þetta minnir Víkverja á að
stærstur hluti þeirrar auðlegðar,
sem íslenzkt samfélag tjaldar, þar
með talið gjörvallt húsnæði lands-
manna og aðstaða hvers konar í
samfélaginu, hefur að stærstum
hluta verið sótt í sjávardjúpið.
Það var ekki fyrr en um og upp
úr síðustu aldamótum, þegar Is-
lendingar tóku tæknina í þjónustu
fiskveiða og fiskvinnslu, sem þeir
þokuðust úr fátækt til bjargálna,
úr torfkofum fyrri tíðar og í nú-
tímalegt húsnæði o.sv.fv.
Það verður á hinn bóginn að
nýta sjávarauðlindina af hyggind-
um; forða því að „gullstofnarnir"
hrynji vegna ofveiði, eins og síldin,
„silfur hafsins", um miðja öldina.