Morgunblaðið - 02.08.1996, Blaðsíða 2

MORGUNBLAÐIÐ
2 FÖSTUDAGUR 2. ÁGÚST 1996
FRÉTTIR
Borgarstjóri segir ekki útilokað að
verði af byggingu við Kirkjusand
Arkitekt og
Borgarskipulag
leita lausna
FULLTRÚAR Ármannsfells hf.
áttu fund með borgaryflrvöldum í
gær vegna fyrirhugaðrar húsbygg-
ingar fyrirtækisins á Kirkjusandi.
Ekki hefur verið komist að endan-
legri niðurstöðu og segir Ingibjörg
Sólrún Gísladóttir borgarstjóri að
Borgarskipulag og arkitekt Ár-
mannsfells muni leita lausna á út-
færslu húsanna í sameiningu.
„Þeir munu skoða þetta áfram
eftir helgi og vonandi skýrist það
undir lok vikunnar," segir borgar-
stjóri. Skipulagsnefnd hafnaði út-
færslu húsanna þriggja á fundi 24.
júlí síðastliðinn vegna ófullnægjandi
hljóðvistar og segir Ingibjörg Sól-
rún alls ekki útilokað að af bygg-
ingu húsanna verði.
Hún segir ennfremur aðspurð að
afgreiðsla umsóknar Ármannsfells
vegna fyrirhugaðrar byggingar á
lóðinni hafi markað tiltekna stefnu
hjá borginni. „Hávaðastig vegna
umferðar við nýbyggingar hefur
ekki komið upp með þessum hætti
fyrr en nú, sem kannski má að hluta
til rekja til reglugerða frá 1994,
þar sem minni frávik á hljóðstigi
eru heimiluð en áður. Það má því
kannski segja að þama sé ákveðinn
vendipunktur," segir borgarstjóri.
Gengið var út frá því framan af
við vinnslu tillagna að úrbótum
vegna umferðarhávaða á lóðinni að
um endumýjaða byggð væri að
ræða, sem þýðir að hávaði má mest
reiknast 70 desibel við helming
íbúða. í niðurstöðu skipulagsnefnd-
ar var hins vegar gengið út frá 55
dB, samkvæmt nýrri reglugerðum,
en Ingibjörg Sólrún vill ekki meina
að borgaryfirvöld hafi skipt um
skoðun. „Menn töldu að tillögumar
væm í lagi í upphafi en fóm kannski
ekki nógu vel ofan í þessar reglu-
gerðir. Síðan kemur það upp í lok
júní eða byijun júlí að túlka eigi
mengunarvamareglugerð með
þessum hætti og okkar lögfræðing-
ar voru þeirrar skoðunar að líta
ætti á lóðina sem nýbyggingar-
svæði. Við urðum einfaldlega að
hlíta því og töldum okkur ekki geta
teygt það eða togað nema með
formlegum undanþágum," segir
borgarstjóri.
Skipulagsnefnd hafnaði tillögum
að útfærslu húsanna sjö vikum eft-
ir að graftrarleyfi fékkst á lóðinni.
Ingibjörg^ Sólrún er spurð hvort
umsókn Ármannsfells og atburða-
rás í kjölfarið muni leiða til breyt-
inga við meðferð skipulagsmála hjá
borginni. „Það er augljóst af þessu
að menn þurfa að skoða fleiri þætti
eftirleiðis og framar í ferlinu," seg-
ir borgarstjóri.
Morgunblaðið/Ámi Sæberg
Syngja sjávarútvegs-
ráðherra friðarsöng
DANSKUR stúlknakór frá Es-
bjerg í Danmörku^er staddur hér
á landi og mun meðal annars
syngja fyrir Þorstein Pálsson sjáv-
arútvegsráðherra kl. 11 í dag að
beiðni Sjómannasambandsins í
Esbjerg.
Troels Sörensen kórsljóri segir
að kórinn sé hér á landi til þess
að heimsækja vinabæ Esbjerg,
Neskaupstað. „í tengslum við þessa
heimsókn vorum við beðin um að
syngja eitt lag fyrir íslenska sjáv-
arútvegsráðherrann. Þetta verður
mjög friðsamlegur söngur en
ástæðan er vissulega ágreinings-
mál þjóðanna á sviði sjávarútvegs-
mála,“ sagði Sörensen.
Sörensen segir að feður margra
af kórfélögunum séu sjómenn frá
Esbjerg og ef til vill sé það ástæð-
an fyrir þessari beiðni. „Við viljum
ekki blanda okkur i pólitísk þrætu-
mál en við höfum meðferðis bréf
til sjávarútvegsráðherrans frá
Vemer Christensen, formanni
Sjómannasamtakanna i Esbjerg,
og Sutrup, borgarstjóra í Esbjerg.
Bréfin eru í opnum umslögum og
þar er m.a. mælst til þess að þjóð-
irnar leysi sín ágreiningsmál með
samningaviðræðum og efli vináttu
milli danskra og islenskra sjó-
manna,“ segir Sörensen.
30 stúlkur em í kómum sem
dvelur hér á landi í eina viku.
Veður best
fyrir austan
VEÐURSTOFAN spáir rign-
ingu eða súld vestan- og suð-
vestanlands i dag. Á Norður-
landi verður skýjað en þurrt að
mestu og bjartviðri með allt að
19 stiga hita á Austurlandi.
Á laugardag er búist við suð-
lægri eða breytilegri vindátt
með rigningu og skúrum víða
um land, en síst norðanlands
og austan. Hiti verður á bilinu
10-18 stig, að sögn Veðurstofu.
Á sunnudag birtir að líkindum
til um tíma en síðan fer aftur
að rigna með austan strekk-
ingi, fyrst sunnanlands. Frídag
verslunarmanna er búist við
vætu um mestallt land og sums
staðar nokkrum strekkingi. Hiti
verður 8-17 stig.
V erslunarmannahelgarumferðin hafin
Flestir á leið til Eyja
og Akureyrar
Teknir með
fíkniefni
FJÓRIR piltar voru teknir með
fíkniefni á tjaldsvæðinu á Ak-
ureyri í gærkvöld, að sögn lög-
reglu þar. Þeim var vísað burt
af tjaldsvæðinu. Á áttunda
hundrað gesta voru komnir til
Vestmannaeyja með Heijólfi í
gærkvöldi. Lögreglan tók fíkni-
efni af einum pilti, sem var
settur í fangageymslur.
MEGINSTRAUMUR þeirra sem
leggja land undir fót um verslunar-
mannahelgina virðist ætla að liggja
til Vestmannaeyja og Akureyrar,
a.m.k. ef marka má bókanir hjá
Flugleiðum og BSÍ. Það segir þó
ekki alla söguna, þar sem margir
ferðast á einkabílum og á mörgum
stöðum þarf ekki að panta miða fyr-
irfram.
Hjá Flugleiðum fengust þær upp-
lýsingar að straumurinn lægi aðal-
lega til Vestmannaeyja en einnig
væri mikið um bókanir til Akureyrar.
Að sögn Einars Sigurðssonar,
blaðafulltrúa Flugleiða, verða flogn-
ar níu aukaferðir til Eyja í dag eða
tólf ferðir í allt. Gert er ráð fyrir
16 ferðum frá Eyjum á mánudag.
Fullt er orðið í allar sex ferðirnar
til Akureyrar í dag og mjög þéttbók-
að alveg fram á mánudag. Til ann-
arra áfangastaða er áætlun eins og
venjulega og allsstaðar vel bókað
en ekki uppselt, að sögn Einars.
Björgvin Pétursson, starfsmaður
í afgreiðslu íslandsflugs, segir að
þar á bæ séu flestir á leið til Eyja
og Neskaupstaðar.
Gunnar Sveinsson, framkvæmda-
Morgunblaðið/Þorkell
ÞAU eru á leið á þjóðhátíð í Eyjum. Myndin var tekin á Reylqa-
víkurflugvelli síðdegis í gær.
stjóri BSÍ, gerir ráð fyrir að um
4.500-5.000 manns renni í gegnum
Umferðarmiðstöðina í dag, en föstu-
dagurinn fyrir verslunarmannahelgi
er þyngsti dagur ársins þar í flutn-
ingum. Hann reiknar með um 80-90
brottförum frá BSÍ í dag, en á venju-
legum degi eru þær um 40-50. Hann
segir flesta vera á leið til Akureyrar
og Vestmannaeyja, en einnig séu
nokkuð margir á leið í Galtalæk og
á Siglufjörð.
Fórstu/ferð þú í frí innanlands?
Síðastliðna
12 mánuði?
Já
82,2
Ferðaðist þú
á einkabíl?
Ferðaðist þú
m. flugi/rútu?
Næstu
12 mánuði
k
Sund
Veiði
Lengri gönguferð
Sigling
Hálendis/jeppaferð
Hestaferð
Skfðaferð
23,9%
18,8%
15,2%
Gerðir þú eitthvað
af ofantöldu í fríinu?
NEYSLUKÖNNUN FÉLAGSVÍSINDASTOFNUNAR1996. Úrtak 1.200 manns, 882 svöruðu.
ÞÝÐI neyzlukönnunarinnar, þ.e. sá hópur þjóðarinnar sem úrtakið var tekið úr, eru allir
(slendingar á aldrinum 14-80 ára. Þetta eru 185.173 einstaklingar, samkvsemt upþlýsingum
frá Hagstofu íslands. Hvert þrósentustig i könnuninni samsvarar því um 1.850 manns.
Taka verður tillit til skekkjumarka, sem eru á níðurstöðum í könnun sem þessari, þegar
prósentustig eru umreiknuð í mannfjölda.
Heimilis- og heilsugæslulæknar segja upp störfum
Neyðarlínan veitir
upplýsingar um aðstoð
FJÖLDI heimilis- og heilsugæslu-
lækna hefur sagt upp störfum og
hefur heilbrigðis- og trygginga-
málaráðuneytið óskað eftir því að
starfsmenn Neyðarlínunnar veiti
upplýsingar um hvar og hvernig
fólk leiti aðstoðar ef enginn heimil-
is- eða heilsugæslulæknir er tiltæk-
ur þegar á þarf að halda.
Heilsugæslustöðvar verða opnar
á dagvinnutíma en læknar verða á
fæstum þeirra við dagleg störf.
Aðeins þeim erindum sem ekki geta
beðið verður sinnt á stöðvunum.
í Reykjavík munu heimilislæknar
utan heilsugæslustöðva (sjálfstætt
starfandi heimilislæknar) gegna
vaktþjónustu fyrir sína skjólstæð-
inga. Hægt er að hafa samband við
þá beint á stofu eða í heimasíma. Á
höfuðborgarsvæðinu er þeim, sem
nauðsynlega þurfa á læknishjálp að
halda, bent á bráðavakt Landspít-
ala, í síma 560-1010, bráðavakt
Sjúkrahúss Reykjavíkur í síma
525-1700 og Neyðarlínuna í síma
112.
Neyðarnúmerið 112
Upplýsingar um vaktþjónustu er
að fínna á símsvara á heilsugæslu-
stöðvum um land allt utan dag-
vinnutíma. Frekari upplýsingar
veita héraðslæknar í hverju héraði.
Neyðarlínan veitir upplýsingar
um hvar hægt er að leita sér læknis-
hjálpar í héruðum þar sem heimilis-
læknar hafa sagt upp störfum. í
frétt frá Neyðarlínunni segir að sér-
staklega mikilvægt sé að festa neyð-
arnúmerið, 112, í minni nú þegar í
hönd fer mesta ferðahelgi ársins.
Heilbrigðis- og tryggingamálaráðu-
neytið hefur óskað eftir því að Neyð-
arlínan búi sig undir að veita upplýs-
ingar um hvar og hvemig fólk leitar
aðstoðar ef enginn heimilis- eða
heilsugæslulæknir er tiltækur þegar
á þarf að halda. Starfsmenn Neyð-
arlínunnar munu veita þá þjónustu
í neyðarnúmerinu 112.
j
I
I
I
I
I
*
\
\
I
\
\
1
I
\
I
I