Morgunblaðið - 11.08.1996, Blaðsíða 2

]
2 SUNNUDAGUR 11. ÁGÚST 1996
MORGUNBLAÐIÐ
FRETTIR
Alvarleg líkamsárás í miðbæ Reykjavíkur
Sparkað í höfuð
16 ára stúlku
SEXTÁN ára stúlka hlaut alvarlega
áverka á höfði þegar sparkað var
í hana í Hafnarstræti í Reykjavík
í gærmorgun.
Stúlkan var á gangi í Hafnar-
stræti við Eimskipafélagshúsið
ásamt fimm piltum á líkum aldri,
eða 16 til 18 ára. Að sögn lögreglu
ber vitni að þau hafi eitthvað verið
að þrátta og hafi það endað með
því að einn strákanna sparkaði
„karatesparki" í höfuðið á henni.
Vitni gerði lögreglu á miðbæjar-
stöð viðvart. Lögregla fór á staðinn
og kallaði til sjúkrabíl sem flutti
stúlkuna á slysadeild Sjúkrahúss
Reykjavíkur. Samkvæmt upplýs-
ingum læknis þar er stúlkan með
alvarlega áverka. Hún þurfti þó
ekki að gangast undir aðgerð og
er að öllum líkindum ekki í lífs-
hættu. Líðan hennar er eftir atvik-
um.
Piltamir fimm náðust fljótlega
eftir ábendingum vitnis, þ.á m.
meintur árásarmaður, og hafði lög-
regla þá í haldi þegar síðast fréttist.
Unnið að úrbótum í
miðborginni
Borgarstjóri skipaði fram-
kvæmdahóp í september sl. til að
vinna að úrbótum í málefnum mið-
bæjarins í samráði við lögreglu.
Hópurinn var skipaður í kjölfar til-
lagna starfshóps um málefni mið-
borgarinnar frá því í maí á síðasta
ári. Tillögur starfshópsins fólust
m.a. í uppsetningu eftirlitsmynda-
véla, aðgerðum löggæslu og félags-
málayfirvalda til að halda börnum
og unglingum yngri en 15 ára frá
miðborginni að næturlagi, að draga
úr fjölda ungs fólks á aldrinum
16-19 ára á svæðinu á þeim tíma
og unnið var méð hugmyndir um
breyttan afgreiðslutíma vínveit-
ingahúsa og sölustaða.
Boðið í Vigur
VIGURBÆNDUR og Ferðaþjón-
usta Konráðs Eggertssonar og
sona, buðu nýju Isfirðingunum frá
fyrrverandi Júgóslavíu í skemmti-
siglingu út í Vigur. Farið var með
bátnum Halldóri Sigurðssyni en
hann er sérstaklega útbúinn fyrir
ferðamenn, með yfirbyggingu úr
gleri sem tekur um 50 manns.
Ferðin þótti takast með afbrigðum
vel. Yngri kynslóðin lék við hvern
sinn fingur og klappaði húsdýrun-
um og lét vel að þeim.
Sautján herskip heimsækja Reykjavík innan skamms
Yerslanir opnar lengur
VERSLUNAREIGENDUR við
Laugaveg munu lengja afgreiðslu-
tíma meðan á heimsókn sautján her-
skipa frá aðildarlöndum Atlants-
hafsbandalagsins stendur síðar í
mánuðinum. Um borð í skipunum
verða rúmlega 4.800 sjóliðar.
Skipin koma i tveimur hópum. í
fyrsta hópnum eru sjö skip frá Bret-
landi, Kanada, Bandaríkjunum,
Þýskalandi, Hollandi, Danmörku og
Spáni sem koma 21. og 22. ágúst
og dvelja til hins 24. Seinni hópur-
inn, sem í eru tíu skip frá Bandaríkj-
unum og Kanada, kemur 27. ágúst
og fer hinn 30.
Vamarmálaskrifstofa utanríkis-
ráðuneytisins hefur undirbúið komu
skipanna um nokkurt skeið. Verslun-
areigendur við Laugaveg hafa verið
beðnarum að lengja afgreiðslutíma
sinn meðan á heimsóknunum stend-
ur til þess að hópurinn dreifist um
miðbæinn í stað þess að safnast á
skemmtistaðina.
Opið til miðnættis
Guðbrandur Jónsson, varafor-
maður Laugavegssamtakanna, segir
að verslanir í miðbænum verði opnar
til tíu, ellefu eða tólf, þau kvöld sem
sjóliðarnir eru í bænum. Meðan á
seinni heimsókninni stendur munu
hafnaryfirvöld starfrækja upplýs-
ingamiðstöð við Miðbakka fyrir sjól-
iðana og þangað munu rútur og
strætisvagnar sækja þá.
Skipin munu liggja við Reykjavík-
urhöfn og Sundahöfn og þegar seinni
hópurinn kemur mun jafnframt eitt
skipanna liggja úti fyrir höfninni og
eitt olíuskip verður í Helguvík.
Strætisvagnar Reykjavíkur verða
með sérstakar ferðir í miðbæinn fyr-
ir þá sjóliðanna sem staðsettir verða
í Sundahöfn. Sjóliðarnir verða ekki
í einkennisbúningum sínum meðan
þeir dveljast í bænum. Þeim verður
ekki leyft að dveljast næturlangt í
landi og þriðjungur áhafna verður
ávallt um borð í skipum sínum á
hveijum tíma. Þó má gera ráð fyrir
að bæjarlífið verði meira eða minna
undirlagt af sjóliðunum. Þegar mest
verður má búast við að um tvö þús-
und sjóliðar verði í landi í einu.
Morgunblaðið/RAX
Borðar þú kjöt? Hve oft? Hvaða tegundir?
Daglega Q1,6%
4-5 s. í viku
2-3 s. í viku
Vikulega
2-3 s. í mán. 5,7%
Sjaldnar |1,6%
Aldrei Q 1,0%
53,5%
Nei, 1,0%
Lambakjöt
Kjúklingar
Nautakjöt
Nýtt svínakjöt
Reykt svínakjöt
Annað fuglakjöt
Annað kjöt
NEYSLUKÖNNUN FÉLAGSVÍSINDASTOFNUNAR1996. Úrtak 1.200 manns, 882 svöruðu.
ÞÝÐI neyzlukönnunarinnar, þ.e. sá hópur þjóðarinnar sem úrtakið var tekið úr.eru allir Islendinaar
á aldrinum 14-80 ára. Þetta eru 185.173 einstaklingar, samkvæmt upplýsingum frá Hagstofu lil.
Hvert prósentustig i könnuninni samsvarar þvl um 1.850 manns. Taka verður tillit til skekkjumarka,
sem eru á niöurstööum I könnun sem þessari, þegar prósentustig eru umrelknuð I mannfjölda.
Tyrft við Geysi
VERIÐ var að laga til í kringum
söluskálann við Geysi í vikulokin
og menn voru önnum kafnir við
að leggja túnþökur þegar yós-
myndari Morgunblaðsins leit við.
Morgunblaðið/Halldór Sveinbjörnsson
íslandsmót í
hestaíþróttum
Einkunna-
met í fjór-
gangi
Á íslandsmótinu í hestaíþróttum sem
nú fer fram á Varmárbökkum í Mos-
fellsdai, fékk íslandsmeistarinn í fjór-
gangi, Ásgeir S. Herbertsson, 8 í
einkunn í forkeppni fjórgangs á Far-
sæli frá Arnarhóli. Er það af fróðum
mönnum talin hæsta einkunn sem
gefin hefur verið í þessari grein og
þykja þeir félagar líklegir til að vetja
titilinn í úrslitum á sunnudag.
Sigurbjörn Bárðarson er nú þegar
farinn að safna titlum á mótinu. Á
föstudagskvöldið sigraði hann í
hindrunarstökkskeppninni á Hær-
ingi og virðist kominn með aðra
höndina á titilinn í stigakeppninni.
Þá er hann efstur í fimikeppninni
að lokinni forkeppni.
♦ ♦ ♦-----
Ódýr fargjöld til
Bandaríkjanna
Haustferðir
fyrir 24.500
FLUGLEIÐIR munu á næstu dögum
bjóða ferðir til Boston og Baltimore
á 24.500 krónur fyrir fullorðna og
16.420 fyrir börn 12 ára og yngri.
Tilboðið gildir fyrir tímabilið 7. októ-
ber til 12. desember. Verða ferðirnar
til sölu á öllum ferðaskrifstofum.
Að sögn Einars Sigðurðssonar,
aðstoðarmanns forstjóra, er greini-
legt að Isiendingar ferðast mikið um
þessar mundir. Því hafí verið ákveðið
að bjóða ferðir til Bandaríkjanna á
fargjöldum sem ekki hafa áður verið
á þeim markaði. Ferðirnar verða
seldar í skamman tíma eða frá næst-
komandi mánudegi fram til miðviku-
dags og gilda eins og áður segir á
tímabilinu 7. október til 12. desem-
ber. Miðað er við að dvöl erlendis
vari allt frá einni viku upp f mánuð.
Ekki fékkst uppgefið hversu mörg
sæti eru í boði en að sögn Einars
er um töluverðan fjölda að ræða.
„Við gerum ráð fyrir að þeir sem
sækja í þetta séu fyrst og fremst ís-
lendingar sem gefst kostur á að heim-
sækja vini og ættingja," sagði Einar.
Gróf líkamsárás
í V estmannaeyjum
ÞRIR ungir menn veittu tvítugum
manni talsverða áverka í andliti í
Vestmannaeyjum á fyrsta tímanum
í fyrrinótt.
Samkvæmt upplýsingum frá
rannsóknardeild lögreglunnar í
Vestmannaeyjum höfðu piltarnir,
sem eru á aldrinum 16 til 18 ára,
manninn grunaðan um dreifingu
fíkniefna. Þeir voru ósáttir við það
og ætluðu að taka lögin í sínar hend-
ur. Þeir bönkuðu upp á hjá mannin-
um sem opnaði fyrir þeim og þeir
ruddust inn. Þeir veittu honum tals-
vert mikla áverka í andliti og unnu
skemmdir á innanstokksmunum.
Piltarnir voru undir áhrifum áfengis.
Vitni að árásinni lét lögreglu vita,
sem kom á staðinn og kom mannin-
um undir læknishendur. Hann var
lagður inn á Sjúkrahúsið í Vest-
mannaeyjum, mikið bólginn í andliti
og með skurði en óbrotinn. Hann
kærði árásina og voru tveir hinna
þriggja pilta handteknir strax og
yfirheyrðir í gærmorgun. Þriðji
maðurinn náðist skömmu eftir há-
degið.
► 1-44
Einsetning og heils-
dagsskóli viðamestu
verkefnin
►Fræðslumiðstöð Reykjavíkur
veltir 5 milljörðum króna á ári eða
þriðjungi fjárhagsáætlunar borg-
arinnar. Gerður G. Óskarsdóttir
er fræðslustjóri þessa stórfyrir-
tækis. /10
Evrópuvæðist Ítalía —
Ítalíuvæðist Evrópa?
►Hugmyndin um sameinaða Evr-
ópu á sér djúpar rætur á Ítalíu,
en einskorðaðist lengi vel við orðin
ein. /12
Trjálundurinn harði
►Stór græn spilda í gráu hijóstr-
inu í hlíð Grimmannsfells. Þarna
er skógur með tijám af ýmsum
gerðum og stærðum. Enda heitir
garðyrkjustöð Björns Sigurbjörns-
sonar Gróandi á Grásteinum. /16
Merkisberar SAS
►í Viðskiptum/Atvinnulífi á
sunnudegi er rætt við Bryndísi
Torfadóttur, framkvæmdastjóra
Scandinavina Airlines System á
íslandi. /18
B
► 1-28
Þurrkur, solera
og sherrí
►Sérrí hefur átt undir högg að
sækja í heiminum síðustu árin.
Steingrímur Sigurgeirsson var ný-
lega á ferð um sérríslóðirnar.
/1&14-15
Lífið í kirkjugörðunum
►Unga fólkið sem starfar í
Kirkjugörðum Reykjavíkurpróf-
astsdæma býr yfir björtu brosi og
mikilli glaðværð. /2
Harmonikkan andar
►Hrólfur Vagnsson, einn fremsti
harmonikkuleikari og jafnframt
einn sá umdeildasti, í viðtali. /28
C
FERÐALOG
► 1-4
Fimmvörðuháls
►Vinsæl en varhugaverð leið. /2
Caymaneyjar í
Karíbahafi
►Öfugt við mynd John Grisham
af Caymaneyjum í bókinni Fyrir-
tækið eru eyjarnar friðsælar. /3
D
BILAR
► 1-4
Reyna fyrir sér í
Bandaríkjunum
►impetus, sem rekið er af Guð-
laugi Búa Þórðarsyni og Hákoni
Halldórssyni, er nú að hasla sér
völl á Bandaríkjamarkaði með
vindskeiðar á Honda Civic. /2
Reynsluakstur
►Ódýrari Volkswagen Vento með
nýrri 1,61 vél. /4
FASTIR ÞÆTTIR
Fréttir 1/2/4/8/bak Skák 32
Leiðari 22 Fólkífréttum 34
Helgispjall 22 Bió/dans 36
Reykjavíkurbréf 22 Útvarp/sjónvarp 40
Minningar 24 Dagbók/veður 43
Myndasögur 30 Mannlífsstr. 6b
Bréf til blaðsins 30 Gárur 6b
ídag 32 Dægurtónlist 4b
Brids 32 Kvikmyndir 8b
Stjömuspá 32 Skoðun 26b
INNLENDAR FF „ÉTTIR:
2-4-8-BAK
ERLENDAR FRETTIR:
1&6