Morgunblaðið - 19.10.1996, Blaðsíða 43

MORGUNBLAÐIÐ
LAUGARDAGUR 19. OKTÓBER 1996 43
I
I
!
I
í
1
!
i
;
i
i
<
i
<
<
<
<
<
<
<
<
<
<
<
<
ÁRNI
PÉTURSSON
+ Árni Pétursson fæddist í
Vestmannaeyjum 4. febrúar
1941. Hann lést á heimili sínu
í Garðabæ 9. október síðastlið-
inn og fór útför hans fram frá
Háteigskirkju 18. október.
Hvað er langlífi?
Lífsnautnin fijóa,
alefling andans
og athöfn þörf.
Margoft tvítugur
meira hefur lifað
svefnugum segg,
er sjötugur hjarði.
(Jónas Hallgr.)
Arni Pétursson er fallinn frá
langt um aldur fram. Hann var
borinn og barnfæddur í Vestmanna-
eyjum, sonur hjónanna Lilju Sigfús-
dóttur og Péturs Guðjónssonar í
Kirkjubæ. Árni ólst upp í Eyjum í
stórum systkinahópi í nábýli við
stóran frændgarð sem setti mikinn
svip á samfélagið þar.
Árni var sannur Vestmannaey-
ingur, eins og þeir gerast bestir.
Hann var afar skoðanafastur en
ávallt glaður og reifur og hvers
manns hugljúfi. Hann kunni að efla
andann og féll sjaldan verk úr
hendi. Hann leyfði sér líka að njóta
lífsins í ríkum mæli þegar tækifæri
gafst. Árni varð stúdent frá
Menntaskólanum á Laugarvatni
árið 1962 og lauk kennaraprófi
vorið 1965. Það haust réðst hann
til starfa við Hlíðaskóia í Reykjavík
þar sem hann starfaði til dauða-
dags. Mörg undanfarin ár gegndi
hann starfi aðstoðarskólastjóra.
Árni var í námsleyfi í vetur og
stundaði nám í íslensku við Há-
skóla íslands en sú grein var honum
jafnan hugleikin.
Árna fórst kennarastarfið með
afbrigðum vel úr hendi. Hann var
fæddur kennari og naut hverrar
stundar í kennslunni. Frá upphafí
kenndi hann unglingum og mátti
vart á milli sjá hvorir voru ánægð-
ari með samstarfið hann eða nem-
endur og fóru þeir ekki dult með
það hversu vel þeir kunnu að meta
hann, bæði sem kennara og félaga.
Árni naut ekki síður vinsælda með-
al samstarfsmanna sinna enda
fylgdi honum ávallt hressandi blær
og jglaðværð.
Arni kvæntist Láru Guðmunds-
dóttur árið 1974. Þeim varð tveggja
barna auðið. Þau eru Þórunn Anna,
tvítugur laganemi, og Þorsteinn
Júlíus, átta ára. Árni var einstakur
eiginmaður og heimilisfaðir. Sam-
heldni þeirra Láru og gestrisni var
við brugðið en þau bjuggu sér glæsi-
legt heimili í Garðabæ.
Það var gott að eiga Árna að
frænda og vini. Frá barnsaldri
fannst mér fátt skemmtilegra en
fá að heimsækja fjölskyldu Árna
en við vorum systraböm og jafn-
aldra. Með mæðrum okkar var mjög
kært og hvert tækifæri nýtt til að
komast til Eyja. Ég naut þeirrar
ánægju að fá að dveljast þar heilt
sumar í fiskvinnu á unglingsaldri
og þá var margt brallað sem geym-
ist í minningunni. Sem starfssystkin
áttum við ýmislegt sameiginlegt og
gott að hafa samráð við hann í fag-
legum efnum.
Nú er komið að kveðjustund fýrr
en skyldi. Ég og fjölskylda mín biðj-
um konu hans, börnum og öðrum
ástvinum huggunar í þungri raun
og þökkum langa og góða sam-
fyigd.
Veri hann kært kvaddur.
Þóra Kristín Jónsdóttir.
Við erum þakklát fyrir að hafa
haft Árna P. okkur til leiðsagnar
og stuðnings á þeim mótunarárum
sem gagnfræðaskólinn svo sannar-
lega er.
Flest kynntumst við Árna fyrst
í barnaskóla sem manninum með
mjólkurmiðana, þegar hann geyst-
ist inn í stofuna okkar sönglandi,
kastaði bindinu upp á vinstri öxl,
smellti saman klossunum og bauð
góðan daginn. Manninum á bak við
þessa kraftmiklu framkomu kynnt-
umst við svo betur þegar við urðum
umsjónarbekkur hans í gagnfræða-
skóla. Allt frá byrjun náði hann
mjög góðu sambandi við bekkinn,
bæði sem kennari og vinur. Árni
setti sig aldrei á háan stall en naut
þó ávallt ómældrar virðingar. Hann
innrætti okkur metnað, ekki aðeins
í námi heldur einnig í lífínu öllu.
Sem dæmi um sannfæringarkraft
Árna tókst honum þrátt fyrir að
vera reykingamaður sjálfur að láta
okkur líta reykingar homauga. Með
lífsgleði sinni og lifandi kennsluað-
ferðum vakti hann mikla samkennd
og væntumþykju innan bekkjarins.
Árni var greinilega á réttri hillu í
lífinu.
Árni er veigamikiil og ómetanleg-
ur þáttur af æsku okkar og er okk-
ur afar sárt að kveðja hann. Minn-
ing hans mun lifa með okkur um
aldur og ævi.
Fyrir hönd Á.P. bekkjarins árin
’89-’92.
Gerður Beta, Flóki,
Ragnheiður og Stefán Ingi.
Það var eitt kvöld að mér heyrðist hálfveg-
is barið,
ég hlustaði um stund og tók af kertinu skarið,
ég kallaði fram og kvöldgolan veitti mér
svarið:
Hér kvaddi lífið sér dyra og nú er það farið.
(Jón Helgason)
Það er erfitt að sætta sig við að
þú sért farinn frá okkur öllum án
þess að við fengjum að kveðja þig,
en við gerum það í þessari grein.
Okkur finnst eins og það hafí
verið í gær þegar þú söngst fyrir
okkur óákveðnu fornöfnin og rakst
okkur úr skónum. Þú hafðir það
fyrir vana að hefja aldrei kennslu
fyrr en allir voru farnir úr skónum.
Éða þegar við fórum í skólaferðalag
MINNINGAR
í Landmannalaugar og við spiluðum
tónlist alla nóttina og héldum fyrir
þér og Kristjáni vöku, en daginn
eftir vakti þú okkur klukkan 8 með
því að kveikja á græjunum og
hækka í botn. Líka þegar þú komst
í Levi’s 501 buxunum þínum í skól-
ann og tilkynntir það öllum sem
mættir voru og varst mjög stoltur
af því að vera eins og við.
Það var oft sagt að við værum
erfíðasti bekkurinn í skólanum og
enginn gæti ráðið við okkur, en þú
fékkst það erfíða verk að aga okkur
þegar við fórum í 8. ÁP til þín. Þú
náðir strax góðu sambandi við okk-
ur og varst mjög stoltur af okkur,
sama hvað við gerðum. Þú skildir
okkur og hlustaðir á okkur kvarta
en kvartaðir samt aldrei sjálfur og
við höldum að þú hafír lært álíka
mikið af okkur og við af þér.
Það verður leiðinlegt og sárt að
geta aldrei fengið að sjá þig aftur,
og þín mun verða sárt saknað með-
al okkar. Þú munt alltaf eiga góðan
stað í hjarta okkar sem besti kenn-
arinn okkar.
Að endingu viljum við votta nán-
ustu ættingjum dýpstu samúð okk-
ar. Við vonum að Guð styrki þá í
sorginni.
Því hamingjan þín mælist
við það, sem þér er tapað,
og þá er lífið fagurt
og eftirsóknarvert,
ef aldrei hafa fegurri
himinstjörnur hrapað
en himinstjömur þær,
er þú sjálfur hefur gert.
(Tómas Guðm.)
8. ÁP-10. ÁP
1992-1995.
Með örfáum orðum langar mig
sem foreldri að minnast Árna Pét-
urssonar kennara og aðstoðarskóla-
stjóra Hlíðaskóla, sem nú er fallinn
frá.
Kynni mín af Áma urðu nokkuð
náin síðastliðinn vetur, er hann
gegndi stöðu skólastjóra í árs leyfí
Árna Magnússonar.
Vegna áfalls innan fjölskyldu
minnar þurfti ég oft að leita til
Árna og þessi rólyndi maður var
alltaf jafn skilningsríkur, réttsýnn
og tilbúinn til aðstoðar. Allt hans
fas, bjart brosið og hlýjan í augum
hans, bar þess vitni að þarna fór
einstakur mannvinur.
Missir allra þeirra bama og ungl-
inga sem urðu þess að njótandi að
fá að kynnast Áma á einn eða ann-
an hátt er mikill.
Ég vil votta þeim, fjölskyldu
Árna, samkennurum og öllu starfs-
fólki Hlíðaskóla mína dýpstu sam-
úð.
Minning um góðan dreng mun
lifa í hjörtum okkar allra.
Kristjana Snæland.
t
Elskulegur faðir okkar,
ÉRLING RAGNARSSON,
Raufarhöfn,
lést á heimili sínu 16. október sl. Jarðarförin auglýst síðar.
Fyrir hönd aðstandenda,
Börn hins látna.
t
Eiginmaður minn, faðir okkar, tengda-
faðir og afi,
KRISTJÁN ÓLASON
klæðskeri
og fyrrverandi kennari
við Iðnskólann í Reykjavík,
Funafold 69,
lést í Sjúkrahúsi Reykjavíkur 9. október.
Útförin hefur farið fram í kyrrþey að ósk
hins látna.
Þökkum auðsýnda samúð.
Elín Sólveig Guðjónsdóttir,
Brynjar Kristjánsson, Elín Sesselja Guðmundsdóttir,
Ingólfur Kristjánsson, Brynhildur Bragadóttir,
Helgí Kristjánsson,
Magnús Kristjánsson, Guðrún Marfa Þórðardóttir,
Guðbjörg Torfhildur Kristjánsdóttir
og barnabörn.
t
Móðir okkar, tengdamóðir og amma,
KRISTÍN GUÐMUNDSDÓTTIR,
er látin.
Bálför hennar hefur farið fram.
Helga Rúna Gústafsdóttir, Stefán Örn Hauksson,
Margrét Gústafsdóttir,
Kristín Gústafsdóttir,
Guðmundur Teitur Gústafsson, Katrín Guðjónsdóttir,
Páll Gústaf Gústafsson
og barnabörn.
+
Systir okkar,
GUÐBJÖRG BERGSTEINSDÓTTIR,
Baldursgötu 15,
verður jarðsungin frá Dómkirkjunni í
Reykjavík mánudaginn 21. október
kl. 13.30.
Þeim, sem vilja minnast hennar, er vin-
samlega bent á Styrktarfélag krabba-
meinssjúkra barna, sími 588 7555.
Opið frá kl. 10.00-15.00.
Sigrún Bergsteinsdóttir,
Sigriður Bergsteinsdóttir.
+
Innilegar þakkir til allra þeirra, sem sýndu mér samúð og hlýhug
við fráfall og útför eiginkonu minnar,
ELÍNAR STEFÁNSDÓTTUR
frá Varðgjá,
Vi'ðilundi 24,
Akureyri.
Kjartan Guðmundsson.
+
Innilegar þakkir fyrir hlýhug og auðsýnda samúð við andlát og
útför eiginmanns, föður, tengdaföður og afa,
ÞIÐRIKS BALDVINSSONAR,
Þorsteinsgötu 5,
Borgarnesi.
Guð blessi ykkur öll.
Ingibjörg Magnúsdóttir,
Rebekka Björk Þiðriksdóttir, Viðar Pétursson,
Hjalti Viðarsson,
Kári Viðarsson,
Ingibjörg Viðarsdóttir,
Þiðrik Örn Viðarsson.
+
Innilegar þakkir til allra þeirra, sem
sýndu okkur samúð og vinarhug við
andlát og útför elskulegrar eiginkonu,
móður okkar, tengdamóður, ömmu og
langömmu,
SIGRÚNAR JÚLÍU
SIGURJÓNSDÓTTUR,
áðurtil heimilis
á Suðurbraut 12,
Hafnarfirði.
Alexander Guðjónsson,
Aðalheiður Alexandersdóttir, Magnús Ingi Ingvarsson,
Hulda Alexandersdóttir, Magnús Nikulásson,
Svanhildur Alexandersdóttir, Ágúst B. Karlsson,
barnabörn og barnabarnabörn.
+
Innilegar þakkir færum við öllum þeim,
sem sýndu okkur samúð og hlýhug við
andlát eiginmanns míns, föður okkar
og stjúpföður,
JÓNS ÁSGEIRS JÓNSSONAR,
Bolungarvík.
Sérstakar þakkir til læknishjónanna og
annars starfsfólks Sjúkrahúss Bolung-
arvíkur fyrir góða umönnun.
Lfna Dalrós Gfsladóttir,
Alda Jónsdóttir,
Sigurvin Jónsson,
Sveinn Viðar Jónsson,
Guðmunda Jóhannsdóttir,
Guðbjörg Jóhannsdóttir,
ÓskarJóhannsson,
Áslaug Jóhannsdóttir,
Jóhann Líndal Jóhannsson,
Ingibergur Jensen,
Steinunn Felixdóttir,
Auður Vésteinsdóttir,
Kristján Pálsson,
Elsa Friðriksdóttir,
Elsa Gestsdóttir,
barnabörn og aðrir aðstandendur.