Morgunblaðið - 12.11.1996, Blaðsíða 4

4 ÞRIÐJUDAGUR 12. NÓVEMBER 1996
MORGUNBLAÐIÐ
Unnið var við að fylla að Skeiðarár-
brú í gær og veita vatni burtu
Jakar við Gígju
brotnir, færðir
eða sprengdir
UM 12 manns unnu við að fylla að
Skeiðarárbrú í gær og við það að
veita burtu vatni. Þá hafa tæki ver-
ið flutt að Gígju og ruddi fyrsta jarð-
ýtan sér leið niður í farveginn í
gær. „Við gerum ráð fyrir að kljást
við fyrstu jakana [í dag]. Þeir verða
brotnir, færðir eða sprengdir, og
komið burtu með þeim aðferðum sem
menn þekkja best,“ segir Rögnvald-
ur Gunnarsson, forstöðumaður
framkvæmdadeildar Vegagerðar-
innar.
Rögnvaldur segir stefnt að því að
koma efni og mönnum að Gígju til
þess að setja upp bráðabirgðabrú
strax og fært verður gegnum ísinn.
„Ætli ég sé ekki búinn að setja á
blað, bara í dag, [þ.e í gær] um 100
tonn til að flytja austur. Það er ver-
ið að sækja efni norður í land og
fyrstu bílarnir fara austur á þriðjir-
dag með timbur, staura og stálbita,"
segir hann.
Byijað var á slóðagerð í gegnum
íshrönglið til að komast niður á
vinnusvæðið við Skeiðarárbrú á
föstudag. „Síðan var sett lauslega
undir brúna þar sem stöpullinn fór
til að tryggja að hún fjúki ekki.
Settar voru stálstoðir undir og
brúnni lyft upp að hluta til en síðan
er verið að undirbúa traustari undir-
stöður svo hægt sé að keyra yfir,“
segir Rögnvaldur.
Einnig er byijað á fyllingum til
þess að hægt sé að keyra upp á
brúna og voru 12 manns á tækjum
við það í gær og að veita vatninu
af vinnusvæðinu segir Rögnvaldur.
Búist er við að hægt verði að aka
yfir brúna eftir 6-8 vikur.
Tveir til
þrír skjálft-
ar á dag
SKJÁLFTAVIRKNI mælist enn í
Grímsvötnum og segir Páll Einars-
son, prófessor í jarðeðlisfræði við
Háskóla íslands, að 2-3 litlir skjálft-
ar ríði yfir á dag.
„Mælamir sýna að umbrotin í ísnum
sjáífum fara minnkandi. Það varð vart
við mikla ísdynki eftir hlaupið sem
dregið hefur úr dag frá degi. Hins
vegar er dálítil skjálftavirkni í jarð-
skorpunni ennþá, sem á upptök norð-
arlega í Grímsvötnum," segir Páll.
Sterkustu skjáiftarnir hafa verið
2,5 á Richter og verið 2-3 á dag
að Páls sögn. „Þetta sýnir ekki ann-
að en einhverjar spennubreytingar í
Grímsvötnum, hvort sem það er af-
leiðing þess sem þegar hefur orðið
eða vegna þrýstingsbreytinga í
kvikuhólfi þar undir. Það er ekki
gott að segja,“ segir hann.
Andlát
GUÐMUNDUR
ARNLAUGSSON
GUÐMUNDUR Arn-
laugsson, fyrrverandi
rektor Menntaskólans
við Hamrahlíð, lést á
Landspítalanum laug-
ardaginn 9. nóvember á
84. aldursári.
Guðmundur fæddist
1. september 1913 í
Reykja.vík, sonur Am-
laugs Ólafssonar verka-
manns og konu hans,
Guðrúnar Guðmunds-
dóttur.
Guðmundur lauk
stúdentsprófi frá MR
1933 og cand. mag.
prófi með stærðfræði
sem aðalgrein frá Kaupmannahafn-
arháskóla 1942. Hann var kennari
við Menntaskólann á Akureyri
1936-39, við skóla í Danmörku
1942-1945 og við MR frá 1945 til
1965 en kenndi einnig við MA 1945.
Þá var hann jafnframt stundakenn-
ari við Verzlunarskóla íslands og
Háskóla íslands og dósent við verk-
fræðideild HÍ 1962-1967. Árið 1965
var Guðmundur skipaður fyrsti rekt-
or Menntaskólans við Hamrahlíð og
gegndi því embætti til ársins 1980.
Fjöldi ritverka liggur
eftir Guðmund, þar á
meðal fræðibækur,
kennslubækur í stærð-
fræði og þýðingar. Guð-
mundur átti sæti í ýms-
um nefndum og stjóm-
um og var m.a. ritari
raunvísindadeildar Vís-
indasjóðs í 22 ár.
Guðmundur var lengi
landsliðsmaður í skák
og einu sinni skákmeist-
ari íslands. Hann ritaði
fjölmargar bækur og
greinar um skák auk
þess sem hann flutti
skákþætti í útvarpi og
sjónvarpi. Guðmundur var viður-
kenndur alþjóðlegur skákdómari
fyrstur íslendinga árið 1972 og var
útnefndur heiðursfélagi Skáksam-
bands íslands 1975 og Skáksam-
bands Bandaríkjanna 1972. Hann
var sæmdur riddarakrossi Fálkaorð-
unnar árið 1979 og útnefndur heið-
ursdoktor við Háskóla íslands á síð-
asta ári.
Kona Guðmundar, Halldóra Ólafs-
dóttir hjúkrunarkona, lést 1978, en
þau eignuðust 3 börn.
FRETTIR
Morgunblaðið/Guðlaugur Albertsson
Báturinn fylltist
á tveimur mínútum
MAGNÚS Áskelsson, skipbrots-
maður af Birninum BA 85 sem
lenti í hrakningum á föstudags-
kvöld, segir að báturinn hafi
fyllst af sjó á um tveimur mínút-
um. Hann kann engar skýring-
ar á því af hverju það gerðist.
Vel gekk að koma út björgunar-
bát, en Felix Haraldsson, félagi
Magnúsar, lenti hálfur útbyrðis
þegar hann var að stökkva í
bátinn. Þeir vilja báðir skila
þakklæti til áhafnarinnar á tog-
aranum Klakki frá Grundar-
firði, sem bjargaði þeim. Mynd-
in var tekin þegar skipverjar
af Birninum fóru úr björgunar-
bátnum og um borð í Klakk.
Langholtssókn
Nýr prestur val-
inn á kjörfundi
KJÖRMENN í Langholtssókn
velja nýjan sóknarprest á fundi á
morgun. Sjö eru í kjöri, fjórir vígð-
ir prestar og þrír guðfræðingar.
Sá sem valinn verður þarf að fá
50% atkvæða til að kosning hans
sé gild og því gæti þurft að kjósa
oftar en einu sinni á fundinum.
Kjörnefnd hefur rætt við urn-
sækjendur undanfama daga. Á
morgun kl. 18 kemur nefndin sam-
an og velur nýjan prest. Aðal- og
varamenn í nefndinni eiga rétt á
að kjósa eða samtals 14 menn.
Einn nefndarmanna er látinn og
ekki er heimilt að kjósa mann í
hans stað fyrr en á aðalsafnaðar-
fundi á næsta ári. Annar nefndar-
maður verður að öllum líkindum
erlendis þannig að horfur eru á
að 12 kjörmenn verði á fundinum.
Sjö umsækjendur
Þeir sem sótt hafa um prests-
embættið eru guðfræðingarnir
Bára Friðriksdóttir, Sveinbjöm R.
Einarsson og Hans Markús Haf-
steinsson og prestarnir sr. Guðný
Hallgrímsdóttir, sem unnið hefur
m.a. sem prestur fatlaðra og að
fræðslustarfi kirkjunnar, sr. Helga
Soffía Konráðsdóttir, aðstoðar-
prestur í Háteigsprestakalli, sr.
Jón Helgi Þórarinsson, sóknar-
prestur á Dalvík, og sr. Pjetur
Þorsteinn Maack, sem hefur starf-
að hjá SÁÁ um árabil.
Innan kjömefndar hafa verið
raddir um að rétt sé að prestur
verði kosinn í almennri atkvæða-
greiðslu meðal safnaðarins. Sam-
kvæmt lögum er ekki heimilt að
láta slíka kosningu fara fram fyrr
en að lokinni kosningu kjörnefnd-
ar. 25% sóknarbama þurfa að fara
fram á slíka kosningu til að af
henni verði. Ef slík undirskrifta-
söfnun fer af stað í Langholtssókn
þarf að safna um 1.200 undirskrift-
um til að hún leiði til prestkosninga.
Ekki hefur komið til prestkosn-
inga í Reykjavíkurprófastdæmum
frá því að lögum um prestkosning-
ar var breytt árið 1987.
Listræn
Tuktí
Síðumúla-
fangelsi
SÝNING á innsetningum 16
listamanna, undir yfirskrift-
inni Tukt, verður opnuð í Síðu-
múlafangelsinu laugardaginn
16. nóvember. Guðmundur
Gíslason, fyrrveraridi forstöðu-
maður fangelsisins, segir að
húsið verði nýtt í því ásig-
komulagi sem það er nú en
að listamennirnir hafi frelsi til
að breyta hveijum klefa eftir j
hentugleikum.
Eitt verk er sett upp í hveij-
um klefa, sem eru 16 talsins,
og á Guðmundur eitt verkanna
á sýningunni. „Við ætlum að
reyna að hafa umhverfið sem
hversdagslegast, eins og þarna
sé enn starfandi fangelsi.
Gestirnir koma inn í fangelsi I
til að skoða sýninguna og þótt
klefarnir séu jafn misjafnir og
þeir eru margir eftir að lista-
mennirnir hafa lagt sitt af :
mörkum, verður fangelsið og
umhverfi þess óbreytt,“ segir j
hann.
Þá víkur Guðmundur að ;
tengslum verkanna við sýning- ;
arstaðinn. „Listformið er kall- \
að innsetning en sama orð er
einmitt notað yfir fangelsun
og talað um fjölda innsetninga
í hvert fangelsi á hveiju ári,“
segir hann.
Sýningunni lýkur 1. desem- !
ber og verður húsnæðið selt ;
að henni lokinni.
Minni tekjur
af skíða- og
sundstöðum
MINNI tekjur af skíðasvæðum :
og sundstöðum síðastliðinn
vetur en áætlanir gerðu ráð
fyrir eru ástæða framúr-
keyrslu íþrótta- og tómstunda-
ráðs Reykjavíkur í bókhaldi
borgarinnar.
ÍTR fékk aukafjárveitingu j
að upphæð 38,6 milljónir :
króna þegar endurskoðuð fjár- j
hagsáætlun fyrir árið 1996 var ■;
samþykkt á fundi borgarráðs j
í síðustu viku. Ómar Einars- í
son, framkvæmdastjóri ÍTR, ;
segir að gert hafi verið ráð i
fyrir 44,5 milljóna tekjum af
sölu skíða- og lyftukorta á
skíðasvæðunum í Skálafelli,
Hengli og Bláfjöllum en sökum
snjóleysis hafi tekjurnar að-
eins orðið 22,6 milljónir það
sem af er ári og ekki miklar
líkur á að verulega rætist úr
það sem eftir lifi árs. Þannig
sé mismunurinn um 22 millj-
ónir og á sundstöðunum muni
lauslega áætlað um 15 milljón-
um á raunverulegum og áætl-
uðum tekjum ársins.
Ómar segir að verðskrá
skíðasvæðanna verði óbreytt
nú í vetur, hækkanir hafi ver-
ið gerðar á síðasta ári og Blá-
fjallanefnd hafi ekki gert til-
lögur um breytingar nú.
Skemmdir o g
þjófnaður
INNBROT í Hvassaleitisskóla
uppgötvaðist í gærmorgun.
Töluverðar skemmdir voru
unnar í skólanum, auk þess
sem ýmsum búnaði var stolið.
Þjófamir höfðu skemmt og
brotið sex hurðir í skólanum í
leit sinni að verðmætum. Þeir
höfðu á brott með sér sjón-
varp, myndbandstæki og pen-
inga.