Morgunblaðið - 12.11.1996, Blaðsíða 14
14 ÞRIÐJUDAGUR 12. NÓVEMBER 1996
Formaður atvinnumálanefndar um
fækkun íbúa á Akureyri á árinu
Stórframkvæmdir
og þensla syðra
soga til sín fólk
ÍBÚUM á Akureyri hefur fækkað
um 61 á fyrstu 10 mánuðum árs-
ins. Alls hafa 210 manns flutt burtu
úr bænum en 149 til bæjarins á
þessu tímabili samkvæmt upplýs-
ingum frá Hagstofu íslands. Fækk-
unin í kjördæminu, Norðurlandi
eystra, í heild nemur 82 íbúum.
Jakob Björnsson, bæjarstjóri á
Akureyri, nefndi á morgunverðar-
fundi Verslunarráðs fyrir helgi að
aðeins hefði fjölgað um 8 manns í
bænum á síðasta ári, „við höldum
ekki lengur'í við fólksfjölgun í land-
inu, það flytja fleiri úr bænum en
til okkar,“ sagði hann. Hann kvaðst
vita dæmi þess að fólk væri að
huga að flutningi frá Akureyri og
suður á höfuðborgarsvæðið. Astæð-
an væri ekki sú að þetta fólk væri
atvinnulaust, heldur byðust betri
kjör þar en fyrir norðan.
Atvinnuástand
með besta móti
Guðmundur Stefánsson formað-
ur Atvinnumálanefndar Akureyrar
segir að þessar tölur komi sér
óþægilega á óvart. „Atvinnuástand
er með besta móti um þessar mund-
ir og betra en verið hefur mörg
undanfarin ár. Þá hefur þjónusta
við bæjarbúa verið að aukast og
er með því besta sem þekkist," seg-
ir Guðmundur. „í fljótu bragði get
ég því ekki séð að skýringanna á
þessari fækkun sé að leita í ástandi
mála í bænum. Ég veit að t.d. hjá
iðnaðarmönnum í sumum starfs-
greinum er atvinna með mesta
móti og verkefnastaða margra fyr-
irtækja er mjög góð.“
Taldi Guðmundur að nú væri að
koma á daginn, það sem menn
hefðu óttast um skeið, að hinar
miklu framkvæmdir og þensla sem
væru á höfuðborgarsvæðinu væru
að segja til sín. Fólk væri að flytja
suður þar sem biðu þeirra hærri
laun og betri kjör. „Ég held að
þetta sé hluti af skýringunni."
Stórframkvæmdir
soga að sér fólk
Brottfluttir umfram aðflutta í
Norðurlandskjördæmi vestra eru
32, á Austurlandi 21 og 58 á Vest-
fjörðum. „Þau kjördæmi sem fjærst
eru suðvesturhorninu eru að missa
frá sér fólk, en samt hafa á sumum
þessara svæða ekki verið aðrar eins
fjárfestingar í atvinnulífi um langt
skeið. Það má líka benda á að í
Reykjavík er töluvert atvinnuleysi.
Maður fer að velta fyrir sér hvernig
atvinnuástandið á höfuðborgar-
svæðinu er í raun og veru þegar
þetta svæði sogar til sín fólk ann-
ars staðar að af landinu en þó er
samt þetta mikið atvinnuleysi á
svæðinu. Það er greinilegt að þetta
sog höfuðborgarsvæðisins frá
landsbyggðinni er að ágerast og það
getur varla stafað af öðru en þeim
stórframkvæmdum sem þar eru í
gangi,“ segir Guðmundur.
Matseðlar með blindra-
letri o g stækkuðu letri
TVEIR veitingastaðir á Akureyri,
Fiðiarinn og Pizza 67, bjóða nú
gestum sem á þurfa að halda að
skoða matseðla staðanna með
blindraletri eða mikið stækkuðu
letri.
í sumar var unnið að viðamiklu
verkefni um ferlimál fatlaðra á
Akureyri og segir Rut Sverrisdótt-
ir, ein þeirra sem að verkefninu
unnu, að m.a. hafi verið rætt við
eigendur veitingastaða. Það hafi
svo verið að frumkvæði forsvars-
manna umræddrar veitingastaða
að boðnir eru matseðlar með
blindraletri og stækkuðu letri.
„Þetta er mjög jákvætt,“ segir
Rut. „Þetta eru fyrstu veitinga-
staðir landsins sem hafa matseðla
með blindraletri og stækkuðu letri,
en slíkir matseðlar gagnast fleiri
en þeim sem eru sjónskertir."
Rut væntir þess að fleiri veit-
ingastaðir taki þetta upp og
nefndi einnig að til greina kæmi
að bjóða gestum Pizza 67 veitinga-
staðanna víðar slíka matseðla.
„Mér finnst þetta alveg meirihátt-
ar gott. Þegar ég hef farið út að
borða þarf ég að biðja samferða-
fólk mitt að lesa hvað er á matseðl-
inum fyrir mig, mér finnst þetta
veita mér ákveðið frelsi, að geta
sjálf lesið seðilinn."
Blaðberar
Óskum eftir blaðburðarfólki til að bera út
blaðið um leið og það kemur í bæinn.
Kaupvangsstræti 1, sími 461 1600.
TANNLÆKNIR
Hef hafiö störf í Kaupangi
v/Mýrarveg, Akureyri
Tímapantanir í síma 462 1223.
Guðrún Rut Guðmundsdóttir
tannlæknir.
CilGA. IHWIftHOIt
MORGUNBLAÐIÐ
Morgunblaðið/Kristján
RUT Sverrisdóttir skoðar matseðilinn á Pizza 67 á Akureyri, en
þar og á Fiðlaranum geta þeir gestir sem á þurfa að halda skoð-
að matseðlana með blindraletri eða mikið stækkuðu letri. Með
henni á myndinni er Jón Vidalín einn eigenda staðarins.
AKUREYRI
Morgunblaðið/Kristján
Fjölmenni á skautasvellinu
SKAUTASVELLIÐ á Akureyri
var opnað almenningi í fyrsta
skipti á þessum vetri sl. föstu-
dagskvöld. Bæjarbúar og þá að-
allega börn og ungmenni voru
fljót að taka við sér og fjöl-
menntu á svellið alla heigina. A
laugardag komu um 200 manns
á skauta og aðsókn á föstudag
og sunnudag var einnig mjög
góð. Hún Arna Lind Viðarsdóttir
var á skautum á laugardag og
æfði sig af miklum krafti. Einnig
var ágætis gönguskíðafæri í
Kjarnaskógi og þangað kom
fjöldi manns um helgina til að
ganga bæði á skiðum og tveimur
jafnfljótum.
Eldsvoðinn
í Vallakirkju
Beðið eftir
skýrslum
um ástand
bygging-
arinnar
ENN liggur ekki fyrir hvort
hægt verður að endurbyggja
Vallakirkju í Svarfaðardal
sem varð eldsvoða að bráð í
byijun nóvembermánaðar.
Elínborg Gunnarsdóttir,
formaður sóknarnefndar
Vallakirkju, sagði að Magnús
Skúlason, arkitekt og starfs-
maður húsafriðunarnefndar
ríkisins, hefði skoðað kirkj-
una í gær og myndi hann við
fyrsta tækifæri skila skýrslu
um ástand byggingarinnar.
Þá hefðu fulltrúar frá Vá-
tryggingafélagi íslands kom-
ið og skoðað verksummerki
og Þór Magnússon þjóðminja-
vörður kannaði ástand gripa
sem í kirkjunni voru.
Orgelið
bjargaðist
Orgel kirkjunnnar bjargað-
ist þar sem ekki var búið að
koma því fyrir eftir umfangs-
miklar endurbætur sem og
messuskrúði. Aðrir gripir eru
illa farnir eða ónýtir, en
gaumgæfilega verður skoðað
hvort hægt verður að lagfæra
einhveija þeirra. Akvörðun
um hvort farið verður í að
endurbyggja kirkjuna, sem
byggð var árið 1861, verður
ekki tekin fyrr en fyrir liggja
skýrslur um málið og kostn-
aðaráætlun við hugsanlega
endurbyggingu.
i
Fíkniefna-
vandi ræddur
á mömmu-
morgni
JÓNA Lísa Þorsteinsdóttir
fræðslufulltrúi flytur fyrir-
lestur um fíkniefnavandann á
mömmumorgni í Safnaðar- 1
heimili Akureyrarkirkju á
morgun, miðvikudaginn 13.
nóvember, frá kl. 10 til 12.
Allir foreldrar eru vel-
komnir með börn sín. Gengið
er inn um kapelludyr.
Flutningabíll á leið frá Fáskrúðsfirði til Grindavíkur
Yalt í S-
FLUTNINGABÍLL frá Viggó hf. í
Neskaupstað lenti utan vegar og
valt skammt frá bænum Krossi í
Ljósavatnshreppi í Suður-Þingeyj-
arsýslu. Flutningabíllinn var með
40 feta gám, fullan af þorski, á
leið frá Fáskrúðsfirði til Grindavík-
ur. Ökumaður flutningabílsins, sem
var einn á ferð, slapp án teljandi
meiðsla og bíllinn og gámurinn
skemmdust lítið.
Starfsmenn Dreka á Akureyri
sáu um að losa gáminn, svo hægt
væri að koma bílnum og gámnum
á réttan kjöl og nutu aðstoðar fé-
laga í Björgunarsveitinni Þingey í
Ljósavatnshreppi. Bíll frá Dreka sá
svo um að koma fiskinum áfram
til Grindavíkur. Fljúgandi hálka var
í Ljósavatnshreppi er óhappið varð.
Þingeyjarsýslu
Morgunblaðið/Baldvin Björnsson