Morgunblaðið - 12.11.1996, Blaðsíða 21

MORGUNBLAÐIÐ
ERLENT
ÞRIÐJUDAGUR 12. NÓVEMBER 1996 21
Reuter
RÚSSNESKIR lögreglumenn standa yfir líki eins þeirra sem létu lífið í sprengingunni.
Tilræði í kirkjugarði tengist baráttu um líknarfélög
Blóði drifin barátta
milli fflæpasamtaka
Moskvu. Reuter.
HART er lagt að stjórnvöldum í
Rússlandi að heíja rannsókn á sam-
tökum uppgjafahermanna í landinu
eftir að 13 manns týndu lífi í
sprengingu í kirkjugarði í Moskvu
á sunnudag. Meðal þeirra voru
móðir, ekkja og frændi Míkhaíls
Líkhodeis, leiðtoga einna samtaka
uppgjafahermanna, en hann lét lífið
í sprengjutilræði fyrir tveimur
árum. Voru um 130 manns við-
staddir minningarathöfn um hann
í kirkjugarðinum.
Rússneska lögreglan telur, að
hryðjuverkið á sunnudag tengist
langvarandi átökum tveggja fylk-
inga uppgjafahermanna, sem tekist
hafa á um yfirráð yfir sjóði til
styrktar örkumlamönnum úr Afg-
anistanstríðinu. Hefur þingið eða
dúman skorað á ríkisstjórnina að
heíja opinbera rannsókn á þessum
samtökum og sumir sögðu, að kom-
inn væri tími til að endurskoða þau
fríðindi, til dæmis skattafríðindi,
sem þau hafa notið.
„Það er alkunna, að þessi samtök
veija mest 5% af tekjum sínum í
þágu félagsmanna en hitt hirða alls
konar glæpasamtök," sagði stjórn-
málamaðurinn Konstantín Borovoj
í viðtali við útvarpsstöðina Ekho
Moskvy.
Sprengjunni hafði verið komið
fyrir rétt við leiði Líkhodeis og við
rannsókn á vettvangi fundu lög-
reglumenn vírleiðslu, sem hafði leg-
ið frá henni og í rofa fyrir utan
kirkjugarðinn, í um 40 metra fjar-
lægð.
Morð og hryðjuverk
daglegt brauð
Er hryðjuverkið aðeins eitt af
mörgum í Moskvu á síðustu árum
en umskiptin yfir í markaðsbúskap
hafa ýtt undir grimmilega baráttu
milli glæpasamtaka. Fyrir aðeins
nokkrum dögum var bandarískur
kaupsýslumaður myrtur á götu í
borginni en hann átti í deilum við
rússneska viðskiptafélaga sína um
eignarhlut í hóteli.
Líkhodei hafði átt í útistöðum við
önnur samtök uppgjafahermanna
undir forystu Valerís Radtsjíkovs
en hann komst naumlega lífs af í
sprengjutilræði í október á síðasta
ári.
Dagblaðið Sevodnja hafði það
eftir skatteftirlitsmönnum, að
glæpamenn hefðu notað fyrrnefnd-
an sjóð til styrktar örkumlamönnum
til að koma peningum úr landi en
sjóðurinn hafði meðal annars heim-
ild til að stunda tollfijálsan inn- og
útflutning. Hefur sjóðurinn numið
um átta milljörðum ísl. kr.
Ábatasamur íþróttasjóður
Undir lok síðasta árs voru sam-
tök uppgjafahermanna og önnur
slík samtök svipt heimild til að flytja
inn tollfijálst áfengi og tóbak en
talið er, að hún hafi kostað rússn-
eska ríkissjóðinn hundruð milljarða
kr. í töpuðum sköttum. Það var þó
Rússneski íþróttasjóðurinn, sem
hafði grætt mest á þessu ákvæði,
en um tíma var hann með helming
alls innflutnings á áfengi og eignir
hans voru metnar á tugi milljarða
kr.
í sumar var Borís Fjodorov, for-
seta íþróttasjóðsins, sýnt banatil-
ræði, hann skilinn eftir í blóði sínu
með stungu- og skotsár, og í fram-
haldi af því var hann sjálfur kærður
fyrir kókaíneign. Voru ákærurnar
þó látnar niður falla vegna skorts
á sönnunum. Fjodorov sakaði hins
vegar Alexander Korzhakov, sem
Borís Jeltsín forseti rak úr embætti
yfirmanns lífvarðarins í sumar, um
að hafa reynt að kúga út sér meira
en 2,6 milljarða ísl. kr. og þar af
660 milljónir kr. í reiðufé.
Kirkjan í áfenginu
Rússnesk yfirvöld hafa hert veru-
lega á skattheimtu og skatteftirliti
í landinu en þótt búið sé að loka
mörgum smugum, þá eru ýmsar
opnar enn. Dagblaðið Moscow
Times sagði til dæmis frá því, að
rússneska rétttrúnaðarkirkjan hefði
flutt inn tollfijálst tóbak fyrir
hundruð milljóna kr. og ætti auk
þess ítök í olíuútflutningi þar sem
veltan væri áætluð um 130 milljarð-
ar ísl. kr. á þessu ári.
Bhutto
sigurviss
Islamabad. Reuter.
BENAZIR Bhutto, sem var vikið
úr embætti forsætisráðherra Pakist-
ans 5. nóvember, kvaðst í gær sann-
færð um að hæstiréttur landsins
mundi setja hana aftur til valda
innan mánaðar.
Bhutto var full sjálfsöryggis og
baráttuvilja í sjónvarpsviðtali við
Reuíers-fréttastofuna og sagði að á
næstu tveimur dögum hygðist hún
fara þess á leit við hæstarétt að hún
fengi völdin á ný.
Hún kvaðst telja að rétturinn
mundi verða við beiðni hennar því
að árið 1993 gerði hann ógilda
ákvörðun forseta um að reka Nawaz
Sharif, fyrirverandi forsætisráð-
herra, frá völdum.
„Ef rangt var að leysa upp þing
vegna Nawaz Sharif, þá eru ásakan-
irnar gegn mér enn haldminni og
hæstiréttur ætti að setja þing á ný
innan mánaðar," sagði Bhutto.
Bhutto verður ekki aðeins í hlut-
verki stefnanda fyrir pakistönskum
dómstólum á næstunni. Meraj
Khalid, settur forsætisráðherra,
sagði blaðamönnum á sunnudag að
stjórn hans væri að semja kæru á
hendur Bhutto og manni hennar,
Asif Ali Zardari. Þegar hann var
spurður hvort þau yrðu kærð fyrir
glæpi var svarið að um „alls konar
kærur" yrði að ræða.
Bhutto er orðin hagvön í réttar-
sölum lands síns. Henni var vikið
úr embætti forsætisráðherra árið
1990 eftir að hafa verið 20 mánuði
við völd og lögð fram kæra í átta
liðum á hendur henni um að hún
hefði misnotað vald sitt. Dómstólar
hreinsuðu hana þá af öllum ásökun-
um.
-----»..♦-»----
Jeltsín
braggast
Moskvu. Reuter.
HEILSU Borís Jeltsíns Rússlands-
forseta fer eðlilega fram, að sögn
lækna sem fylgjast með líðan hans
eftir hjartaskurðaðgerð, sem fram-
kvæmd var í Moskvu sl. þriðjudag.
Sergej Míronov, yfirlæknir
Kreml, sagði ailt benda til þess, að
forsetinn hæfi störf að nýju eftir
sex til átta vikur. Gert væri ráð
fyrir, að hann yrði rúma viku í við-
bót á sjúkrahúsi. Að því búnu biði
hans mánaðardvöl í endurhæfing-
amiðstöðinni Barvíkha utan
Moskvu.
Míronov sagði, að líkamshiti for-
setans hefði verið eðlilegur undan-
farna fjóra daga, matarlystin væri
komin til baka og hann gæti nú
setið uppréttur og gengið í um sex
stundir á dag.
^fyrir minni og meiri-
háttar gönguferðir.
Mikið úrval.
Verðfrá
VL EIGANl
ÚTIVISTARBÚÐIM
viö Umferöarmiöstööina
Sími: 551 9800 og 551 3072
# LOWARA
JARÐVATNS
DÆLUR
Gæöavara,
mikið úrval,
hagstætt verð,
örugg þjónusta.
= HÉÐINN =
VERSLUN
SELJAVEGI 2 SÍMI 562 4260
Blað allra landsmanna!
- kjarni málsins!
Premium
1 PCl
Bestu kaupln í tulwu í da0Í
Turnkassi Soundblaster 16VE
Pentium 120 örgjörvi Hátalarar
16MB EDO minni 15" hágæða litaskjár
1.2GB diskur Lyklaborð og mús
2MB PCI skjákort Windows 95 uppsett
8 hraða CD-drif Aðeins kr. 134.900 stgr.
FLEIRI UEITIIHSflHUS
Vatnagarðar 14 - 104 Reykjavík
Sími 533-5050 - Fax 533-5060