Morgunblaðið - 30.11.1996, Page 4

4 LAUGARDAGUR 30. NÓVEMBER 1996
MORGUNBLAÐIÐ
FRETTIR
Ágreiningur meðal sjálfstæðismanna í Hveragerði
• *
mannsins lagt niður
BIRNI Pálssyni verkstjóra í áhalda-
húsi Hveragerðisbæjar og formanni
Sjálfstæðisfélagsins Ingólfs í Hvera-
gerði, var sagt upp störfum fyrir-
varalaust í gær þegar starf hans var
lagt niður frá og með 1. desember.
Að sögn Gísla Pálssonar forseta
bæjarstjórnar, er uppsögnin liður í
skipulagsbreytingu í stjórn bæjarins,
sem verið hefur í undirbúningi síðan
í maí 1995, en hefur ekkert með
pólitískar deilur í bænum að gera.
Bæjarstjórn Hveragerðis sam-
þykkti samhljóða á fundi sínum á
fimmtudag, að leggja niður starf
Bjöms frá og með 1. desember. „Ég
er búinn að búast við þessu lengi í
hjarta mínu,“ sagði Björn Pálsson.
„Bæjarstjórinn hefur beðið lengi eftir
að fá að skrifa þetta bréf. Hann hef-
ur verið að stíga á mig síðan hann
kom hér til starfa.“ Bjöm sagði að
væringar hans og Gísla í pólitíkinni
hefðu gert útslagið en Bjöm stóð með
Knúti Bruun fyrrverandi forseta bæj-
arstjómar í deilum hans við aðra
bæjarfulltrúa Sjálfstæðisflokksins.
Skrípaleikur
„Þetta er skrípaleikur að leggja
niður starf verkstjóra í áhaidahúsi
og kalla það öðm nafni," sagði Björn.
„Einn annar fékk uppsagnarbréf auk
mín en það er 72 ára gamall maður,
sem hættir um áramót." Bjöm sagði
að hann hefði haft umsjón með verk-
legum framkvæmdum síðan hann
kom til starfa hjá bænum fyrir fjórt-
án áram en nú ætti að ráða til þess
Skipulagsbreyt-
ing, segir forseti
bæjarstjórnar
tæknifræðing. Þessari ráðstöfun
væri því augljóslega beint gegn hon-
um en ekki til hagræðingar eða
sparnaðar.
„I staðinn á að setja flokksstjórann
í áhaldahúsið, sem hækkar þá í laun-
um og tæknifræðingurinn hlýtur að
fá hærri laun auk þess sem við eram
með annan tæknifræðing hjá bæn-
um,“ sagði hann. „Það eru læti í
pólitíkinni hjá okkur. Ég er yfirlýstur
andstæðingur þessa samstarfs og þar
með allra bæjarstjórnarfulltrúa, sem
allir samþykktu þetta undir yfirskini
skipulagsbreytinga. Þetta er fólkið,
sem ég lagði mikla vinnu í að vinna
fyrir við síðustu sveitarstjórnarkosn-
ingar og ég tók að mér embætti for-
manns í sjálfstæðisfélaginu eftir að
hafa meðal annars verið hvattur til
þess af þessu sama fólki. En af því
að ég er ekki sammála þeim er ég
óvinur númer eitt.“
Tæknifræðing-ur ráðinn
Gísli Pálsson sagði að starf Bjöms
hafi verið lagt niður vegna breytinga
! rekstri bæjarins. Ráðinn yrði nýr
tæknifræðingur sem umsjónarmaður
verklegra framkvæmda og yrði hann
jafnframt yfir áhaldahúsinu. „Hann
mun nýtast okkur betur en verkstjór-
inn á næstu áram við að undirbúa
JÉÉ
útboðsgögn og annað vegna gatna-
framkvæmda í bænum,“ sagði hann.
„Við spörum því peninga og fáum
að auki meira fyrir þá. Það stendur
mikið til í framkvæmdum hjá bænum
og núverandi bæjartæknifræðingur
kemst ekki yfir allt sem heyrir undir
undirbúning.“
Gísli sagði að Björn fengi greidd
biðlaun í sex mánuði. Ekki væri lapgt
síðan ákvörðun um uppságnirnar
hafi verið tekin en að vinná við skipu-
lagsbreytingar í rekstri bæjarins
hefði staðið síðan í maí 1995. Sagði
hann að Birni hafi ekki verið boðið
annað starf hjá bænum en að hann
gæti sótt um starf ef það losnaði.
Ekki væri þó útlit fyrir að það yrði
á næstunni.
Er að spara 34 milljónir
Gísli neitaði því að uppsögn Björns
tengdist pólitískum væringum þeirra.
„Ég vissi að þeir myndu túlka upp-
sögnina þannig en ég veit í hjarta
mínu að ég er að gera rétt fyrir
bæinn og hitt skiptir ekki máli,“
sagði hann. „Ég er að gera bænum
gagn með því að spara 34 milljónir
á ári og þá er mér sama hvað ein-
hveijir menn segja úti í bæ.“ Auk
þess að leggja niður tvær stöður
verður sparnaðinum náð með því að
tölvuvæða lagerinn að sögn Gísla.
Dregið verður úr bakvöktum á nótt-
unni hjá áhaldahúsinu og bitnar sú
aðgerð jafnt á öllum starfsmönnum,
vinnutíma verður breytt og dregið
úr yfirvinnu hjá bænum.
Morgunblaðið/Árni Sæberg
MIKIL sala hefur verið á lúsakömbum og -hársápu.
Lúsakambamir
uppseldir
LÚSAKAMBAR eru uppseldir hjá
heildsölum sökum mikillar eftir-
spurnar að undanförnu.
Ingolf segir ekki nóg að kemba
einu sinni, það verði að kemba í
nokkra daga til að ganga úr
skugga um að ekki sé nit eða lús
í hárinu. Hann bendir á atriði sem
stundum vilji yfirsjást og það séu
ullarhúfurnar, sem ekki þoli þvott
yfir fimmtíu gráðu hita. Það sé
ekki nóg til að drepa nitina og
því ráðleggur hann að húfurnar
séu settar í plastpoka og í frysti
í nokkra klukkutíma.
Ingibjörg Jónsdóttir, eigandi
hársnyrtistofunnar Pílusar í Mos-
fellsbæ, segir lúsafaraldurinn ekki
hafa mikil áhrif á viðskiptin en
þó komi kannski eitthvað færri
börn í klippingu en venjulega á
þessum tíma. Þar í bæ var skólum
lokað í gær vegna lúsafaraldurs.
„Við höfum ekki orðið varar við
neitt kvikindi hér en fólk hefur
mikið verið að hringja til þess að
fá ráðleggingar. Lúsin er auðvitað
aðalumræðuefnið á hárgreiðslu-
stofunni þessa dagana og alla
klæjar alveg rosalega en hér er
allt sótthreinsað vel og vandlega,“
segir Ingibjörg.
Erling Ólafsson skordýrafræð-
ingur segir að ekki séu til nógu
vísindaleg gögn um útbreiðslu
lúsar á undanförnum árum til að
hægt sé að draga ályktanir af viti.
„Lúsin sprettur alltaf upp á haust-
in og henni verður seint eða aldr-
ei útrýmt.
Stundum hefur tekist að þagga
þetta niður í ákveðnum skólum
þannig að það hefur ekki komist
í fréttir en það er ekkert að
marka. Svo virðist sem umræðan
sé orðin meiri og opnari en áður,“
segir Erling. Hann segir að í raun
sé enginn vandi að losna við lús-
ina, sé málið bara tekið nógu föst-
um tökum frá upphafi.
Þýsk kona tekin í Leifsstöð
Reyndi að flytja inn
rúm 6 kg af hassi
TOLLGÆSLAN á Kefiavíkurflugvelli fann mikið magn af hassi í fórum
þýskrar konu sem var að koma til íslands frá Spáni í gegnum Kaup-
mannahöfn á föstudagskvöldið í fyrri viku.
Morgunblaðið/Kristinn
SEX kílóin af hassi sem fund-
ust í ferðatösku þýsku konunn-
ar. Þetta er ein stærsta hass-
sending sem löggæslumenn á
Islandi hafa Iagt hald á.
Tollverðir leituðu á konunni og
fundu töluvert magn af hassi í
farangri hennar og kom síðar í ljós
að um var að ræða tæplega 6,2
kíló af hassi og 200 grömm af
hassolíu. Konan var handtekin og
málið sent fíkniefnadeild lögregl-
unnar í Reykjavík til framhalds-
rannsóknar.
í framhaldi af því handtók fíkni-
efnalögreglan einnig íslenskan
karlmann sem talinn er tengjast
málinu og er grunaður um að vera
viðtakandi fíkniefnanna. Hafa þau
bæði verið úrskurðuð í gæsluvarð-
hald til 7. og 9. desember á meðan
rannsókn málsins heldur áfram.
Opið í dap
10-18
KRINGMN
Morgunblaðið/Ámi Sæberg
FRÁ afhendingxi Landgræðsluverðlaunanna 1996 í Gunnarsholti. Frá vinstri eru Sveinn Runólfsson
Iandgræðslustjóri, frú Vigdís Finnbogadóttir, Sigurður Jakobsson, sem veitti verðlaununum viðtöku
fyrir hönd föður síns, Ragnheiður Júlíusdóttir, sem veitti verðlaununum viðtöku fyrir hönd Hesta-
v ; mannafélagsins Mána, Björn Bjarnason og Guðmundur Bjarnason landbúnaðarráðherra.
Landgræðsluverðlaunin 1996 afhent í Gunnarsholti
--------------------------------*
Fyrrverandi forseti
meðal verðlaunahafa >
FRÚ Vigdís Finnbogadóttir fyrrver-
andi forseti íslands, Jakob Jónsson,
bóndi að Varmalæk í Borgarfirði,
Bjöm Bjamason, bóndi í Birkihlíð í
Skriðdal og Hestamannafélagið Máni
í Keflavík fengu í gær landgræðslu-
verðlaun fyrir árið 1996. Guðmundur
Bjarnason landbúnaðarráðherra af-
henti verðlaunin við hátíðlega athöfn
í Gunnarsholti í gær að viðstöddum
fjölda gesta.
Sveinn Runólfsson landgræðslu-
stjóri sagði m.a. við verðlaunaaf-
hendinguna að með verðlaununum
vildi Landgræðslan sýna frú Vigdísi
Finnbogadóttur örlítinn þakklætis-
vott fyrir hennar ötula starf að land-
græðslumálum. Hún hefði allan
starfsferil sinn sem forseti Islands
lagt ríka áherslu á að hvetja lands-
menn til dáða við að takast á við
eyðingu gróðurs og jarðvegs, sem
væri eitt mesta umhverfisvandamál
þjóðarinnar. Með áhuga sínum og
stöðugri hvatningu hafi Vigdís náð
til þjóðarinnar allrar og átt ríkan
þátt í að gera gróðurvernd og skóg-
rækt að sameiginlegu baráttumáli
landsmanna, ungra jafnt sem ald-
inna.
Bjöm Bjamason hefur stundað
gróðurbætur á jörð sinni Birkihlíð í
Skriðdal um áratuga skeið, en árið
1960 reisti hann fyrstu skógræktar-
girðingu sína og hóf að planta þar
tijám. Árið 1982 hafði Björn lokið
við að girða alla jörð sína án utanað-
komandi aðstoðar og hefur síðan
stundað þar öflugt uppgræðslu- og
skógræktarstarf á eigin kostnað.
Jakob Jónsson hefur stundað upp-
græðslu á jörð sinni Varmalæk í
Borgarfírði í áratugi og hefur hann
grætt tugi hektara af örfoka melum
með ýmsum aðferðum. Þá þykir land-
nýting ábúenda á Varmalæk einnig
vera til fyrirmyndar, en Jakob og
Sigurður sonur hans hafa komið upp
beitarhólfum til að stjórna því að
beitarálag sé hóflegt.
Hestamannafélagið Máni hlýtur
verðlaunin fyrir ötult uppgræðslu-
starf á Mánagrund við Keflavík, en
árið 1968 kom félagið upp land-
græðslugirðingu á Mánagrund með L
lítilsháttar aðstoð Landgræðslunnar
og hóf þar viðamikið uppgræðslu-
starf með liðsinni Landverndar. Síð-
an hefur tugum hektara af örfoka *
melum verið breytt í gróskumikið
land sem reynst hefur úrvals beiti-
land fyrir hross.
Landgræðsluverðlaunin vora nú
veitt í fimmta sinn. Leitað er eftir
tilnefningum um verðlaunahafa frá
öllum búnaðarsamböndum og um-
hverfisnefndum landsins, en dóm-
nefnd skipuð Huldu Valtýsdóttur,
Sigurgeiri Þorgeirssyni, Níelsi Árna
Lund, Sigurði Þráinssyni og Sveini |
Runólfssyni valdi verðlaunahafana *
úr tilnefningunum. .