Morgunblaðið - 12.03.1997, Side 13

MORGUNBLAÐIÐ
MIÐVIKUDAGUR 12. MARZ 1997 13
FRÉTTIR
Fundur verður í Háskólanum í dag vegna fyrirhugaðs rektorskjörs
Fimm prófessorar
hafa gefið kost á sér
Prófkjör vegna kjörs rektors Háskóla íslands
verður haldið í háskólanum nk. föstudag en
sjálft rektorskjörið fer fram 16. apríl. Kynn-
ingarfundur verður í Háskólabíói í dag og
þar munu þeir fimm prófessorar sem opin-
berlega hafa lýst yfir áhuga á embættinu
halda stutt framsöguerindi.
FUNDURINN fer fram í hádeg-
inu og er á vegum Stúdentaráðs
HI, Félags Háskólakennara og
Félags prófessora við HI. Prófess-
orarnir fimm eru Jón Torfi Jónas-
son prófessor í uppeldis- og
menntunarfræði, Páll Skúlason
grófessor í heimspeki, Vésteinn
Ólason prófessor í íslenskum bók-
menntum, Þorsteinn Vilhjálmsson
prófessor í eðlisfræði og Þórólfur
Þórlindsson prófessor í félags-
fræði, en í raun eru allir starf-
andi prófessorar háskólans, um
140 manns, kjörgengir.
Ekki hafa allir verið á eitt sátt-
ir um hvernig standa bæri að
kynningu á frambjóðendum fyrir
kosningarnar. Margir hafa verið
á þeirri skoðun að skynsamlegt
væri að bíða með eiginlega kosn-
ingabaráttu þangað til eftir próf-
kjörið en aðrir hafa bent á að til
þess að hægt sé að byggja valið
í prófkjörinu á skynsamlegum
grunni verði frambjóðendur að
kynna sig og sínar áherslur fyrir
kjósendum.
Þannig stóð t.d. til að Frétta-
bréf Háskóla íslands legði nokkr-
ar spurningar um helstu stefnu-
mál fyrir þá sem þegar hafa gef-
ið kost á sér og svör þeirra birt
í fréttabréfinu fyrir prófkjörið.
Magnús Guðmundsson, deildar-
stjóri upplýsingadeildar og einn
af ritstjórum Fréttabréfs HI, seg-
ir í samtali við Morgunblaðið að
þegar farið hafi verið að athuga
það mál betur hafi menn komist
að þeirri niðurstöðu að með því
að taka út þá fimm menn sem
nú þegar hafa gefið kost á sér
og láta þá eina svara spurningun-
um væri verið að mismuna fram-
bjóðendum með því að hampa
nokkrum þeirra áður en prófkjör-
ið færi fram. Þannig væri verið
að hleypa of mikilli hörku í kosn-
ingabaráttuna löngu áður en
sjálft kjörið færi fram. Því hefur
verið ákveðið að fresta þeirri
umfjöllun fréttabréfsins fram yfir
prófkjör. „Að prófkjörinu loknu
standa væntanlega tveir fram-
bjóðendur eftir og þá er kannski
eðlilegra að láta þá svara svona
spurningum,“ segir Magnús.
Ollum prófessorum
háskólans boðið að
flytja erindi
Þetta voru stúdentar ekki alls
kostar sáttir við og ákváðu að
boða til fundar tveimur dögum
fyrir prófkjörið. Þeir buðu fyrr-
nefndum fimm prófessorum að
flytja erindi á fundinum en þegar
þeir voru gagnrýndir fyrir að mis-
muna frambjóðendum með því
móti brugðu þeir á það ráð að
senda öllum prófessorum háskól-
ans bréf. Þar var þeim boðið að
láta vita hefðu þeir áhuga á að
tala á fundinum. Að sögn Vil-
hjálms H._ Vilhjálmssonar, for-
manns SHÍ, heyrðist ekki frá öðr-
um en þessum fimm.
Auk þeirrar kynningar sem
fram fer á fundinum í dag gefur
Stúdentaráð út fjórblöðung, þar
sem margnefndir fimm prófessor-
ar svara þremur spurningum, sem
stúdentum þykir biýnt að fá svör
við áður en þeir gera upp hug
sinn. Fjórblöðungnum verður
dreift í háskólanum fyrir hádegi
í dag. Vilhjálmur segist telja það
sjálfsagt og eðlilegt að jafnt stúd-
entar sem starfsmenn fái upplýs-
ingar um hveiju frambjóðendur
hyggist beita sér fyrir áður en
HÁSKÓLI íslands.
valið er á milli þeirra í prófkjöri.
„Því að það er fáránlegt að aðeins
tveir af þessum fimm fari áfram
án þess að nokkuð hafi heyrst eða
birst um hvaða línur þeir hyggj-
ast leggja varðandi stjórnun skól-
ans,“ segir hann.
Sameiginlegur
fundur í dag
Hefð er fyrir því að Félag há-
skólakennara haldi kynningar-
fund vegna rektorskjörs. Nokkuð
var um það rætt hvort sá fundur
skyldi haldinn fyrir eða eftir próf-
kjörið og varð niðurstaðan sú að
boðað skyldi til fundarins fimmtu-
daginn 13. mars eða daginn fyrir
prófkjörið. Þá kom í Ijós að einn
frambjóðenda yrði ekki á landinu
þann dag og í fyrradag var að
lokum ákveðið að Félag háskóla-
kennara, Félag prófessora við HÍ
og Stúdentaráð HÍ myndu standa
fyrir sameiginlegum fundi í Há-
skólabíói kl. 12 í dag. Hver fram-
bjóðandi fær fimm til sjö mínútur
til umráða til þess að kynna
stefnu sína og helstu áherslur.
Að sögn Kristínar Einarsdóttur,
starfsmanns Félags háskólakenn-
ara, er annar kynningarfundur
fyrirhugaður þegar nær dregur
rektorskjöri og er þá gert ráð
fyrir að frambjóðendur hafi rýmri
tíma til þess að kynna stefnumál
sín.
Rektor er kjörinn til þriggja
ára í senn og tekur formlega við
embætti 5. september í haust.
Atkvæðisrétt eiga prófessorar,
dósentar og lektorar og allir þeir
sem ráðnir eru til fulls starfs til
lengri tíma en tveggja ára við
Háskóla íslands og stofnanir hans
og hafa háskólapróf. Einnig eiga
atkvæðisrétt allir stúdentar sem
skrásettir voru í Háskóla íslands
tveimur mánuðum fyrir rektors-
kjör. Greidd atkvæði stúdenta
gilda sem einn þriðji hluti
greiddra atkvæða alls.
Rúmlega 6.000
á kjörskrá
Á kjörskrá, sem lögð verður
fram 14. mars næstkomandi, eru
um 535 starfsmenn og 5.622
stúdentar. Kjörskráin liggur
frammi til og með 25. mars. Skulu
kærur hafa borist kjörstjórn eigi
síðar en 1. apríl og verða þær
úrskurðaðar fyrir 6. apríl en þá
hefst kosning utan kjörfundar.
Sjálft rektorskjörið fer svo fram
miðvikudaginn 16. apríl. Hljóti
enginn tilskilinn meirihluta
greiddra atkvæða verður kosið
að nýju milli tveggja efstu manna
23. apríl.
Sex manna kjörstjórn sér um
undirbúning og framkvæmd rekt-
orskjörs, fjórir úr hópi starfs-
manna og tveir úr hópi stúdenta.
Formaður kjörstjórnarinnar er
Guðvarður Már Gunnlaugsson,
sérfræðingur á Stofnun Árna
Magnússonar.
Keflavíkurflugvöllur
Fjölbýlishús í
Kínahverfinu rifin
Grindavík. Morgunblaðið.
UNNIÐ er að því að rífa og
fjarlægja fjölbýlishús fyrir
varnarliðið á Keflavíkurflug-
velli í hverfi sem gengið hefur
undir nafninu Kínahverfið eða
Chinatown frá árinu 1965.
Hverfi þetta var reist skammt
frá aðalhliðinu og voru húsin
timbureiningahús af banda-
rískri gerð og hafa verið afar
óhentug í íslenskri veðráttu.
Með tilkomu fjölda fjöl-
skylduíbúða sem reistar hafa
verið á undanförnum árum og
fækkun varnarliðsmanna er
þessara húsa, sem orðin eru
kostnaðarsöm í viðhaldi, ekki
lengur þörf. Alls voru reistar
252 íbúðir í 55 par- og raðhús-
um af þessari gerð á Kefla-
víkurflugvelli á sínum tíma. í
þessum áfanga sem nú er byrj-
að að vinna við verða 31 hús
með 140 íbúðum rifin og verð-
ur því lokið næsta sumar, en
gert er ráð fyrir að þau hverfi
öll á komandi árum.
íslenskir aðalverktakar ann-
ast verkið, en Keflavíkurverk-
takar eru undirverktakar
þeirra við að fjarlægja utan-
hússklæðningu sem er úr as-
Morgunblaðið/Kristinn Bonediktsson
GRAFAN brýtur húsin eins og væru þau eldspýtustokkar.
besti. Húsin eru brotin niður gangstígum og gengið frá lóð
og fjarlægð ásamt sökklum og með fyllingu og tyrft yfir.
Auglýsingar
á ofbeldisefni
Hótar
sjónvarps-
stöðvunum
málsókn
STEINGRÍMUR J. Sigfússon,
þingmaður Alþýðubandalags,
hótaði því á Alþingi s.l. mánu-
dag að lögsækja sjónvarps-
stöðvarnar fyrir að sýna og
auglýsa ofbeldisefni á þeim
tímum þegar börn og ungling-
ar væru að horfa á.
Þetta kom fram við umræð-
ur um þingsályktunartillögu
Steingríms og Sigríðar Jó-
hannesdóttur um aðgerðir til
að draga úr ofbeldisdýrkun.
„Þrátt fyrir ítrekaðar
ábendingar til sjónvarps-
stöðvanna og umræður á Al-
þingi sækir sífellt í sama horf-
ið á nýjan leik. Sjónvarps-
stöðvarnar sýna og auglýsa
ofbeldisefni á hvaða tíma
dagsins sem er. Það er full-
komlega ólíðandi að þær skuli
hundsa þannig lög í landinu,
svo sem eins og ákvæði sam-
keppnislaga um vernd barna
og unglinga fyrir skaðlegum
áhrifum auglýsinga," sagði
Steingrímur.
Þingmaðurinn sagði enn-
fremur að ef ekki rættist
skjótlega úr ætti hann, sem
foreldri, ekki annan kost en
að fara í mál við sjónvarps-
stöðvarnar.
í þingsályktunartillögunni
segir að dregið skuli úr hvers
kýns ofbeldi í sjónvarpi, kvik-
myndahúsum, myndböndum,
tölvuleikjum, tölvunetum,
bókum, blöðum og tímaritum
og að aðgengi barna og ungl-
inga að ofbeldisefni verði tak-
markað.
Yaldastöður
þjóðkirkj unnar
Konur alls
staðar í
minnihluta
KONUR eru í minnihluta í öll-
um helstu starfsstéttum og
valdastöðum innan þjóðkirkj-
unnar og ná hvergi 30 pró-
senta hlut nema i sóknar-
nefndum, þar sem þær eru
43% nefndarmanna.
í nefndum á vegum yfir-
stjórnar þjóðkirkjunnar eru
alls 135 manns, þar af 36
konur, eða 26,6%. Formenn
nefndanna eru 32 og þar af
eru sjö konur, eða 21,8%. Þetta
kemur fram í svari kirkjumála-
ráðherra við fyrirspurn
Guðnýjar Guðbjörnsdóttur um
stöðu jafnréttismála innan
þjóðkirkjunnar.
Sóknarprestar eru alls 98 á
landinu og þar af eru konur
17, eða 17,3%. Prófastar eru
samtals 16 og þar á meðal er
ein kona. í stjórn Prestafélags
Islands eru fimm manns í aðal-
stjórn, allt karlar. í varastjórn
er ein kona og einn karl. Á
kirkjuþingi er 21 fulltrúi og
þar af þijár konur, eða 14,2%.
Engin jafnréttisáætlun hef-
ur verið gerð innnan þjóðkirkj-
unnar. I tillögum dóms- og
kirkumálaráðuneytisins vegna
framkvæmdaáætlunar ríkis-
stjórnarinnar um aðgerðir til
að ná fram jafnrétti kynjanna
er þó stefnt að því að heildar-
þátttaka kvenna í nefndum og
ráðum á vegum þjóðkirkjunnar
verði 30% í lok gildistíma áætl-
unarinnar.