Morgunblaðið - 07.05.1997, Qupperneq 46

46 MIÐVIKUDAGUR 7. MAÍ 1997
MORGUNBLAÐIÐ
Dýraglens
bú svArsr af þée )
/VUNNTUMHS
A AD50FA
LÍKAi'H'A-
oesiNU
Tommi og Jenni
Ljóska
4
í
1
$■
THI5 I5N T ALL FROM
T0DAY..S0ME0F IT*5 LEFT
OVER FROM LA5T YEAR..
THI5 15 THE FIR5TINNIN6 OF
Ol/R FIRST 6AME,AND YOU'RE
ALREADY COVEREP WITH DIRT..
„Sóði,“ ég skil þig ekki. Þetta er fyrsta lotan í fyrsta Þetta er ekki allt frá því í dag...
leiknum og þú ert strax orðinn sumt af því er frá siðasta ári...
útataður...
BREF
TIL BLADSINS
Kringlan 1103 Reylqavík • Sími 569 1100 • Símbréf 569 1329
O-vinir svara
Frá Elísabetu Ólafsdóttur og
Fríðu Rós Valdimarsdóttur
í MORGUNBLAÐINU 30. apríl
síðastliðinn skrifaði maður að nafni
Arnar Valgeirsson um þau Markús
og Selmu Ó-þáttagerðarmenn.
Sagði hann meðal annars að þætt-
irnir væru orðnir að egótrippi þeirra
og talaði hvað mest um afmælis-
þáttinn („sem sýndi bara hvað þau
eru klár“) og hringferðina um land-
ið sem var síðasti þáttur.
Rosalega er sorglegt þegar einn
maður misskilur eitthvað svona
heiftarlega. í þættinum hafa nokk-
ur þúsund unglinga komið fram og
teljum við þá fáa unglingana sem
eiga ekki vini sem hafa komið eða
hafa komið sjálfir fram í Ó-inu
nema þá kannski bréfritarann Arn-
ar. Þessi afmælisþáttur stiklaði á
stóru í fortíð Ó-sins og veitti án efa
öllum þessum unglingum ómælda
gleði. Það er alltaf svo gaman að
líta yfir farinn veg. Amari fannst
þetta vera montþáttur af hálfu
þáttagerðarmanna ... er það ekki
bara öfund í garð Markúsar og
Selmu sem greinilega njóta mikillar
hylli um land allt?
Svo er það síðasti þátturinn,
hringferð um landið sem sýndi hvað
unglingar úti á landi gera sér til
skemmtunar. Eitthvað er að athygl-
isgáfu Arnars vegna þess að hann
„varð ekki nokkru nær eftir þáttinn
um hvað ungt fólk úti á landsbyggð-
inni gerir“, þrátt fyrir að hafa tek-
ið upp þrjú til fjögur atriði. Þar á
meðal ungan Akureyring sem stofn-
aði félag ungra sósíalista á Akur-
eyri, og sagðist Arnar viss um að
fólk á Akureyri gerði eitthvað fleira
en að stofna sósíalistafélög. Þykj-
umst við vita að Arnar Valgeirsson
er 32 ára gamall og kominn á þann
aldur ætti hann að gera sér grein
fyrir að þátturinn er um það bil 30
mínútur og ómögulegt er að spjalla
við alla á Akureyri.
Selma og Markús fóru hringferð
um landið, töluðu við fólk á förnum
vegi og var greinilegt að flestum
ef ekki öllum líkaði vel við þau, þau
eru líka svo indæl. Arnar skildi
bara ekki brandarana þeirra, Selma
í pæjugöngunni við svart/hvítt
rokkvideo og leynda Pajero-auglýs-
ingin.
Persónulega finnst okkur stór-
skemmtilegt að sjá fólk kafna úr
hlátri. Eitt þarf að vera á hreinu,
Ó-ið er skemmtiþáttur ekki heimild-
armynd og ef maður hefur ekki
húmor fyrir því sem þau eru að
gera er ekkert auðveldara en að
slökkva á sjónvarpinu.
Markús og Selma eru þáttagerð-
armenn Ó-sins og þau vinna með
sérstökum hópi unglinga úr öllum
skólum höfuðborgarsvæðisins sem
hjálpa við að semja þætti þannig
að hugmyndir koma úr öllum áttum.
Þau, sem kynnar og andlit þáttar-
ins, halda utan um þessar hug-
myndir og koma í framkvæmd. Þau
hafa unnið mjög vel í vetur fyrir
okkur, áhorfendur, ekki til að sýna
hvað þau eru „dugleg og sniðug".
Væri ekki tilvalið að endursýna
seinasta þáttinn í Sjónvarpinu, hann
var svo skemmtilegur!
Viljum við að lokum þakka Ó-inu
kærlega fyrir þrusuþriðjudagskvöld
síðustu ár og höfum það hugfast
að láta ekki skoðanir þröngsýnna
manna hafa of djúp áhrif á okkur.
Kæru Ó-vinir gleðilegt sumar!
ELÍSABET ÓLAFSDÓTTIR,
Bakkahjalla 9, Kóp.
FRÍÐA RÓS V ALDIMARSDÓTTIR,
Brekkutúni 16, Kóp.
Um húsaleigubætur
Frá Jóni Kjartanssyni:
NÝVERIÐ gerðust þau merku tíð-
indi að stjórn Sambands ísl. sveitar-
félaga tilkynnti að sveitarfélögin
öll væru tilbúin að greiða húsaleigu-
bætur til allra leigjenda án tillits
til eignarhalds á íbúðum, ef ríkið
léti nokkurt viðbótarfé í jöfnunar-
sjóð sveitarfélaganna og skattar af
bótunum yrðu felldir niður. Til
glöggvunar skal upplýst að beinn
styrkur til húsnæðismála er um 5
milljarðar kr. á ári og skiptist þann-
ig: Vaxtabætur 64%, niðurgr.
verkamannabústaða 22%, niðurgr.
sveitarfélaga 10% og húsaleigubæt-
ur 4%. Aðeins síðustu 4% eru skatt-
lögð. Það sýnast því fleiri en útburð-
arstjómin í Reykjavík telja fólkið í
leiguíbúðunum vera ríkasta fólkið
í landinu. Auk þess að vera réttlæt-
ismál er það brot gegn jafnræðis-
reglu að skattleggja suma en ekki
aðra. Það eiga allir að vera jafnir
fyrir skattalögunum.
Á fundi 4. apríl sl. samþykkti
stjórn Leigjendasamtakanna eftir-
farandi ályktun: „Stjórn Leigjenda-
samtakanna fagnar framkomnum
tillögum Sambands ísl. sveitarfé-
laga um húsaleigubætur og lýsir
yfír eindregnum stuðningi við þær.
Stjórnin skorar á ríkisstjórn og Al-
þingi að beita sér í þessu mikla
réttlætismáli og væntir þess að fyrr-
greindar tillögur verði lögfestar fyr-
ir áramót.“ Samkvæmt lögum um
húsaleigubætur á að endurskoða
þau fyrir áramótin, átti reyndar að
gera fyrir síðustu áramót en var
frestað um eitt ár og því er þessi
viðmiðun í tillögunni.
Ég hef beðið um sinn eftir við-
brögðum t.d. stjórnarandstöðu og
„verkalýðsforystu" en án árangurs.
Ályktunin var send flestum fjölmiðl-
um en hefur mér vitanlega hvergi
birst nema í Alþýðublaðinu.
Kannski er skýringin fólgin í orðum
fréttamanns Sjónvarpsins er sagði:
Fréttir eru frávik frá hinu venju-
lega! (Er það kannski þess vegna
sem stjórnmálamenn eru svona
rúmfrekir í fréttum?) Ég tel það
ekki venjulegt að Samband ísl.
sveitarfélaga og formaður þess,
sem er borgarfulltrúi sjálfstæðis-
manna í Reykjavík, skuli ásamt
bæjarfulltrúa sama flokks í Kópa-
vogi ganga fram og beijast fyrir
húsaleigubótum og því tel ég að
undirtektir við tillögur þeirra hljóti
einnig að þykja fréttnæmar. Ég tel
það einnig fréttnæmt að „vinstri
menn“ og „verkalýðsforysta" skuli
þegja.
JÓN KJARTANSSON frá Pálmholti,
form. Leigjendasamtakanna.
MORGUNBLAÐIÐ, Kringlunni 1, 103 Reykjavík. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjórn 569 1329, fréttir 569 1181, íþróttir 569 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG:
MBL@CENTRUM.IS / Áskriftargjald 1.700 kr. á mánuði innanlands. í lausasölu 125 kr. eintakið.