Morgunblaðið - 01.08.1997, Side 19

MORGUNBLAÐIÐ
FÖSTUDAGUR 1. ÁGÚST 1997 19
LISTIR
Rúrik
Haraldsson
Ingrid
Jónsdóttir
Kristbjörg
Kjeld
Sumarsnældur
Morgunblaðið/Amaldur
Götuleik-
húsið kveður
LOKASÝNING Götuleikhússins
á höfuðborgarsvæðinu á þessu
sumri var á miðvikudag. Hófst
hún á Laugaveginum og lauk á
Austurvelli. Götuleikhúsið verð-
ur á Vopnafirði um verslunar-
mannahelgina.
I Götuleikhúsinu í sumar
starfa 30 leikarar á öllum aldri,
auk fimm leiðbeinenda, en þetta
er fjórða árið sem leikhúsið
starfar. Götuleikhúsið hefur
komið víða við og skemmt land-
anum með uppákomum og litrík-
um búningum.
SÉRLÁKUR
Hólms ber aldur-
inn býsna vel
þótt greinilega sé
hann ekkert ung-
lamb lengur,
enda rétt 110 ár
frá því hann
fyrst tók að
glíma við ráðgát-
ur með aðstoð
vinar síns, Wat-
sons læknis.
Undanfarna öld
hafa þeir verið
iðnir við að dvelja
dægrin fyrir
fólki, fyrst og
fremst sem per-
sónur í sögum
Sir Arthurs Conan Doyle, en einnig
sem persónur á leiksviði eða í kvik-
myndum.
Ágætt barn
síns tíma
Nú í sumar komu Ævintýri
Sherlock Holmes út á hljóðbók hjá
Hljóðbókaklúbbnum. Bókin hefur
að geyma þrjár stuttar sögur í þýð-
ingu Lofts Guðmundssonar og akk-
úrat réttri túlkun Rúriks Haralds-
sonar. Tvær snældur, rúmir 3 tímar
af fyrirtaks sumarafþreyingu.
Margt breytist á hundrað árum
og lesandi Sherlocks fer ekki var-
hluta af því. Þótt Holmes hafi á
seinni árum verið vinsælt skoðunar-
efni bókmenntafræðinga fyrir
ályktunarhæfni sína og undraverða
rökhugsun, fer ekki hjá því að
ýmislegt í viðhorfi manna um síð-
ustu aldamót stingi nokkuð í augu
í lok 20. aldar. Afstaða fólks hvers
til annars hefur t.d. orðið talsvert
„láréttari“ með tímanum, miðast
ekki jafn afdráttarlaust við stefn-
una „ofan frá og niður“ eins og
áður var algengt. Undir þetta fellur
viðhorfíð til kvenna og þjónustu-
fólks, sem í sögum frá þessum tíma
verður sjaldnast hneykslanlegt,
enda er það samgróið viðteknum
hugsunarhætti tímans. Vísinda-
hyggjan og hin harða rökspeki hafa
líka ofurlítið látið undan síga á
umliðinni öld.
Það væri þó nokkuð þótt bók-
menntirnar sýndu okkur ekki annað
en þá hægfara þróun sem mann-
kynið þrátt fyrir allt er í. Sherlock
Holmes er barn síns tíma og hreint
ágætur sem slíkur.
Út á guð og
gaddinn
Tvær gamlar
konur heitir
seinni sumarbók
Hljóðbóka-
klúbbsins í ár.
Sagan kom út á
prenti fyrir
tveimur árum í
þýðingu Gyrðis
Elíassonar. Höf-
undurinn, Velma
Wallis, er af at-
habaska-ætt-
flokki indíána í
Alaska. Hún er
vart nema hálf-
fertug og endur-
segir hér með eigin orðum sögn sem
borist hefur mann fram af manni
um tvær gamlar konur sem einn
harðan vetur voru skildar eftir af
ættbálknum til að mæta örlögum
sínum í freðinni auðninni. Sagan
segir frá baráttu kvennanna, á átt-
ræðis- og níræðisaldri, fyrir lífi sínu
í fimbulkulda vetrarins.
Þetta er dæmisaga um hvernig
maðurinn getur valið að bregðast
við frammi fyrir grimmum örlögum,
um baráttuþrek, sektarkennd og
fyrirgefningu. Einnig gæti sagan
með óbeinum hætti ýjað að hlut-
skipti aldraðra i nútímanum með
vísun í það grimmilega úrræði for-
tíðarinnar að setja aldrað fólk út á
guð og gaddinn þegar að kreppti í
lífi samfélagsins - þannig varð
færri munna að metta.
Þýðing Gyrðis er vönduð og sama
er að segja um lestur Ingridar Jóns-
dóttur leikara. Sagan er tvær
snældur, u.þ.b. 3'A tími að lengd.
Heitir ágústdagar
í fyrrasumar gaf klúbburinn út
Brýrnar í Madisonsýslu eftir Robert
James Waller, litla, áhrifaríka ást-
arsögu sem notið hefur verðskuld-
aðra vinsælda á síðustu árum. Sag-
an er í ágætri þýðingu Péturs Gunn-
arssonar sem flytur formála og eft-
irmála höfundar. Sjálf ástarsagan
gerist á fáeinum heitum ágústdög-
um í Madisonsýslu í Iowa. Skáld-
sagan spannar hinsvegar nokkra
áratugi, enda urðu áhrif þessara
heitu sæludaga langvinn. Sagan er
á þremur snæsdum, u.þ.b. 5 klst.
að lengd, og er í frábærum flutn-
ingi Kristbjargar Kjeld.
Fiðluleikaranum og
meistara rökhugsunar,
Sherlock Holmes, hefur
orðið margra lífdaga
auðið. Kjartan Arna-
son slóst í för með
spæjaranum og einnig
Tveimur gömlum
konum og brá sér yfir
Brýrnar í Madisonsýslu.
Formálar nýrra ævin-
týra í Stöðlakoti
tu.Auim
GUNNARJ.
Straumland opnar
myndlistarsýningu í
Stöðlakoti, Bók-
hlöðustíg 6, á morg-
un, laugardag, kl.
14.
Sýnipgin er tví-
skipt. Á jarðhæð
verða olíumálverk
úr syrpu lífrænna
helgimynda og verk
tengd Sköpunar-
sögu 1. Mósebókar.
I risi verða sýndar
pennateikningar úr myndaröð-
inni „Formálar nýrra ævintýra"
og verður gestum gefinn kostur
á að prjóna við þau ævintýri sem
bryddað er upp á í teikningun-
um.
Þetta er sjötta einkasýning
Gunnars, en hann hefur auk
þess tekið þátt í fjölda samsýn-
inga hér á landi og erlendis á
undanförnum árum.
Sýningin verður opin alla
daga vikunnar frá kl. 14-18 og
lýkur laugardagskvöldið 16. ág-
úst á Menningarnótt í Reykja-
vík.
Japanir kynna sér Ragnarök
SVEIT manna frá svæðisstöð
japanska ríkissjónvarpsins í Hi-
roshima var stödd hér á landi á
dögunum í því skyni að mynd-
rita leikþáttinn Ragnarök úr
Völuspá, sem er hluti af sýningu
Ferðaleikhússins Light Nights.
Fyrir sveitinni fóru leikstjórinn
Mindru Otani og óperusöngkon-
an Shinobu Sato, sem hyggjast
selja Niflungahring Richards
Wagners á svið ytra í haust.
Að sögn Kristínar G. Magnús
hjá Ferðaleikhúsinu er fyrir-
hugað að flétta afrakstur heim-
sóknarinnar inn í þátt sem sjón-
varpið í Hiroshima hyggst sýna
í tengslum við fyrrnefnda upp-
færslu á Niflungahringnum, en
sjónvarpsmenn lögðu leið sína
jafnframttil Sviss, Svíþjóðar og
Rússlands. Auk leikþáttarins
voru teknar upp umræður, þar
sem Kristín og Sato veltu vöng-
um yfir Ragnarökum úr Völu-
spá.
Nýlistasafnið
„ON Ice-
land 1997“
ALþJÓÐLEG gerninga- og mynd-
bandahátíð var opnuð í Nýlistasafn-
inu, Vatnsstíg 3b og í MIR-salnum,
Vatnsstíg 10 í Reykjavík laugar-
daginn 26. júlí sl.
Hátíðin lýtur að tímatengdri
myndlist, þ.e. verkum þar sem ljós-
myndir, myndbönd, tölvur og gern-
ingar eða afleidd tækni eru megin
miðlarnir. ON Iceland er viðamesta
verkefni sinnar tegundar sem sett
hefur verið upp á íslandi. Fjöldi
innlendra sem erlendra myndlistar-
manna taka þátt í hátíðinni og gef-
in hefur verið út sýningarskrá og
nákvæm dagskrá með tímasetning-
um einstakra viðburða. Helgina 2.
og 3. ágúst flytja eftirfarandi lista-
menn gerning: Laugardaginn 2.
ágúst kl. 14.: Julian Smith og Tob-
ias Sjödin í Nýlistasafninu og Alex-
andra Kostrubala og Karl Ramberg
í MÍR-salnum kl. 15. Alexsandra
flytur ennfremur geminginn
„Himnastigi“ fyrir aftan Loftleiða-
bygginguna kl. 11 á laugardags-
morguninn. Sunnudaginn 3. ágúst
býður finnski listhópurinn ne+ultra
upp á hafnabolta, mæting í Nýlista-
safninu kl. 16. Auk gerninganna
eru uppi myndbandaverk og inn-
setningar eftir gerninga m.a. inn-
setning írska myndlistarmannsins
Alaster McLennan.
ON Iceland lýkur sunnudaginn
10. ágúst, aðgangur er ókeypis og
safnið er opið um helgar frá kl.
14-18. Verkefnið er styrkt af Nor-
ræna menningarsjóðnum.
JAPÖNSKU sjónvarpsmennirnir að störfum í Tjarnarbíói.