Morgunblaðið - 16.08.1997, Blaðsíða 12

12 LAUGARDAGUR 16. ÁGÚST 1997
AKUREYRI
MORGUNBLAÐIÐ
íslenskur búnaður um borð í bandarískum skipum í eigu Samherja
Guðbjörg ÍS hefur verið
leigð til þýskrar útgerðar
GUÐBJÖRG ÍS 46 heldur á næst-
unni til veiða á vegum þýska út-
gerðarfélagsins Klaus Hartmann
Eurotrawl GmbH í Bremerhaven,
en gengið hefur verið frá leigu á
Guðbjörginni til hins þýska félags.
Þorsteinn Már Baldvinsson for-
stjóri Samheija sem á Guðbjörgina
sagði að þýska félagið hefði átt tvö
ísfiskskip sem seld voru í vor, en
verið er að semja um smíði á nýjum
frystitogara fyrir félagið sem
væntanlega verður tilbúinn til
veiða síðla árs 1998. Guðbjörg ÍS
mun veiða kvóta félagins, m.a.
grálúðu við Austur-Grænland og
þorsk í Barentshafi. „Við horfum
til þess á næsta ári að veiða þorsk
í Barentshafi og grálúðu við Græn-
land auk möguleika sem við höfum
á að veiða svokallaðan úthafskarfa
innan og utan lögsögu Græn-
lands.“
Að sögn Þorsteins Más fylgja
engar uppsagnir í kjölfar leigu
Guðbjargar til Þýskalands, en áhöfn
skipsins verður skipuð Þjóðverjum
og íslendingum. „Þjóðveijar eru að
sækja sér þekkingu sem Samheiji
hefur yfir að ráða á veiðum, vinnslu
og sölumálum og vilja læra af okk-
ur. Þetta verkefni gefur okkur
ákveðna möguleika og ég á von á
að þetta verði spennandi bæði fyrir
útgerð og áhöfn skipsins," sagði
Þorsteinn Már.
Annað skip Samheija, Jón Sig-
urðsson GK 62, hefur verið seldur
til Færeyja og verður afhentur á
næstunni.
íslenskur búnaður um borð
í bandarískum skipum
Samheiji keypti síðasta vetur
hlut í útgerð í Maine í Bandaríkjun-
um, en fyrirtækið á tvö frystiskip,
um 40 metra löng og stunda þau
veiðar á síld, makríl og smokk-
fiski. Þorsteinn Már sagði að síð-
ustu mánuði hefði verið unnið við
breytingar á vinnslubúnaði skip-
anna, veiðarfærum og fiskleitar-
tækjum. Stærstur hluti nýs
vinnslubúnaðarins var keyptur af
íslenskum iðnfyrirtækjum og snn'ð-
aður hér á landi og unnu íslenskir
iðnaðarmenn við að koma honum
upp. Annað skipanna er farið til
veiða eftir brejitingar og hitt mun
hefja veiðar fljótlega en skipin
veiða við austurströnd Bandaríkj-
anna. Ástand síldar- og markríl-
stofna á veiðislóð skipanna er að
sögn Þorsteins Más talið gott.
„Við vonumst til að á næsta ári
komi í ljós hvernig til tekst með
þessa útgerð, en það er okkar
reynsla af verkefnum í sjávarút-
vegi erlendis að það taki um eitt
ár að koma breytingum og endur-
skipulagningu rekstrarins í það
horf sem við viljum. Þetta er að
okkar mati spennandi verkefni og
aflinn sem þarna veiðist er seldur
á helstu markaðssvæði okkar,
Frakkland, Rússland, Kína og Jap-
an.“
45 þúsund tonn af loðnu
Rekstur Samheija hefur gengið
vel á þessu ári, en fyrirtækið fékk
undanþágu Verðbréfaþings að
birta 6 mánaða uppgjör vegna
mikillar vinnu við að sameina
nokkur fyrirtæki í eitt, en Þor-
steinn væntir þess að 8 mánaða
uppgjör verður verði birt í fyrri
hluta októbermánaðar. Hann sagði
úthafskarfaveiði minni en í fyrra
en verð á afurðum betra. Veiðar á
öðrum tegundum voru í samræmi
við áætlanir og var Þorsteinn
ánægður með hve vel sumarloðnu-
veiði hefði gengið, en skip Sam-
herja og Fiskimjöls og lýsis hafa
veitt um 45 þúsund tonn af loðnu
frá 1. júlí síðastliðnum. „Við erum
þokkalega sáttir við reksturinn það
sem af er þessu ári,“ sagði Þor-
steinn Már.
Bæjarráð
heimilar
hafnarhús
BÆJARRÁÐ Akureyrar hefur veitt
heimild til að bjóða út og hefja
framkvæmdir við byggingu hafnar-
húss, en byggingin er ekki á fjár-
hagsáætlun þessa árs. Húsið verður
reist sunnan við Fiskihöfnina og
verður um 430 fermetrar. Þar verð-
ur öll starfsemi hafnarinnar og
landamærastöð Fiskistofu. Ný
hafnarvog verður við húsið. Heild-
arkostnaður, við lóð, byggingu og
vog er áætlaður um 57 milljónir
króna.
Einar Sveinn Ólafsson, formaður
Hafnarsamlags Norðurlands, sagði
að samkvæmt niðurstöðum ráð-
gjafafyrirtækis, sem skoðaði rekst-
ur hafnarinnar fyrir nokkrum
misserum, hefði þótt hagkvæmast
að leggja niður áhaldahús hafnar-
innar þar sem starfsemi á þess veg-
um var harla lítil orðin, enda skylt
að bjóða út allar ríkisstyrktar fram-
kvæmdir.
-----♦ - ----
Messur
AKUREYRARKIRKJA: Guðsþjón-
usta á morgun, kl. 11. Séra Svavar
A. Jónsson. Allir velkomnir til
messu.
GLERÁRKIRKJA: Kvöldguðs-
þjónusta verður í kirkjunni kl. 21 á
morgun, séra Hannes Örn Blandon
þjónar. Hnn þjónar prestakallinu í
sumarleyfi sóknarprests.
HVÍTASUNNUKIRKJAN: Safn-
aðarsamkoma kl. 11, ræðumaður
Jóhann Pálsson. Almenn samkoma
kl. 20, ræðumaður G. Rúnar Guðna-
son. Andlegar þjálfunarbúðir á mið-
vikudag kl. 20.30 á miðvikudag,
samkoma í umsjá ungs fólks á föstu-
dag kl. 20.30. Bænastundir á mánu-
dags-, miðvikudags-, og föstudags-
morgnum frá kl. 6-7 og þriðjudaga
og fimmtudaga kl. 14. Allir veíkomn-
ir. Vonarlínan, 462-1210, símsvari
allan sólarhringinn með orð úr ritn-
ingunni sem gefa huggun og von.
HJÁLPRÆÐISHERINN: Almenn
samkoma í litla salnum kl. 20 á
sunnudag.
KAÞÓLSKA KIRKJAN, Eyrar-
landsvegi 26: Messa kl. 18. í dag,
laugardaginn 16. ágúst og á morg-
un, sunnudag kl. 11.
Morgunblaðið/Björn Gíslason
STÖLLURNAR í Tehettunni Freyju, þær Sigurbjörg Snorradóttir, Sigríður Hafstað og Valva Gísla-
dóttir á Dalvík og Svarfaðardal notuðu væntanleg biskupsefni sem fyrirmyndir að þessum tehettum.
Fjölbreytt og vandað handverk
„SÝNINGIN finnst mér í heildina
mjög góð, hér er vandað hand-
verk og mikil fjölbreytni," sagði
Edda Herbertsdóttir í Nikulásar-
koti í Reykjavík en hún er ein
fjölda sýnenda á handverkssýn-
ingunni Handverk ’97 sem stend-
ur yfir í Iþróttahúsi Hrafnagils-
skóla. Tæplega 200 manns, hand-
verksfólk af öllu landinu sýnir
muni af ýmsu tagi á sýningunni
og hafa sýnendur aldrei verið
fleiri en nú þegar sýningin er
haldin í fimmta sinn. Á síðustu
árum hafa komið á bilinu 5-6000
gestir og er gert ráð fyrir svipuð-
um fjölda á sýninguna nú.
„Við höfum ekki tekið þátt í
þessari sýningu áður,“ sagði
Edda. „En við höfum sótt sýning-
ar af þessu tagi í útlöndum og
mér finnst þessi standa upp úr,
fjölbreytnin er mikil og hand-
verkið yfirleitt mjög gott.“
Laufey Skúladóttir á Litla verk-
stæðinu á Stóru-Tjörnum er einn-
ig að sýna handverk sitt í fyrsta
sinn, „ég hef fyrirfram engar
væntingar, er bara að prófa og
sjá hvernig til tekst,“ sagði hún,
en framleiðslan er einkum hús af
ýmsu tagi, eggjahús, fuglahús og
gardínuhús svo eitthvað sé nefnt.
„Eg hef mest verið að selja og
sýna mína framleiðslu heima en
það er gaman að prófa að vera
hér,“ sagði Laufey.
Dóra Sigfúsdóttir var í óða önn
að kenna Láru Júlíu að vefa á
pinnavefstól og fórst það vel úr
hendi, en unga stúlkan var afar
áhugasöm. „Það er oftast biðröð
af börnum að fá að prófa stólinn,
þeim þykir þetta spennandi. Það
er afskaplega gaman að horfa á
þessar litlu hendur vinna og það
er ótrúlegt hve fljót þau eru að
ná tökum á vefnaðinum,“ sagði
Dóra en hún tekur nú þátt í sýn-
ingunni í þriðja sinn og segir
aðsókn aukast ár frá ári.
SÍLDARSPEKÚLANTINN Óskar Halldórsson
er fyrirmynd Bjarna Þórs Kristjánssonar í þessu
verki, en hann sýnir með félögum sínum í hand-
verkshúsinu Hnossi í Reykjavík.
LÁRA Júlía sýndi mikla leikni þegar hún sat
við pinnavefstólinn hjá Drífu Sigfúsdóttur og
óf lítið teppi.
Bændur bjóða heim
Ráðunaut-
ar kynna
starf sitt
Á SVÆÐI Búnaðarsambands
Eyjafjarðar munu bændur á
fimm bæjum bjóða gestum
heim á sunnudag, 17. ágúst,
frá kl. 13-20. Þetta eru bæirn-
ir Bakki í Öxnadal, Stóri-Dun-
hagi í Hörgárdal og Víðigerði,
Hríshóll og Rifkelsstaðir II í
Eyjafi'arðarsveit. Á þessum
bæjum verða ráðunautar Bún-
aðarsambandsins, einn á
hveijum bæ og kynna þeir
starfsemi sambandsins frá kl.
13rt 7.
Á bæjunum verður boðið
upp á léttar veitingar og njóta
ábúendur þar aðstoðar
Mjólkursamlags KEA og
Kaffibrennslu Akureyrar.
Gestum gefst tækifæri á að
kynnast lífinu í sveitinni, dýr-
unum, vinnunni, framförunum
og nýjungunum.
Myndlist í
Kjarnaskógi
ELLEFU myndlistarmenn opna
sýningu í Kjarnaskógi í dag,
laugardaginn 16. ágúst kl. 14
en hún er haldin í tilefni af því
að 50 ár eru liðin frá því að
ræktun hófst í skóginum. Sýn-
ingin ber yfirskriftina Upp-
skera og stendur hún til 30.
september næstkomandi.
Myndlistarsýningum
að ljúka
Lokadagur sýninga Örnu
Valsdóttur í Deiglunni og Hlyns
Helgasonar í Ketilhúsinu verð-
ur á morgun, sunnudaginn 17.
ágúst. Sýningarnar eru opnar
frá kl. 14 til 18 um helgina.
Flaututónleikar
Manuela Wiesler heldur tón-
leika í Deiglunni á morgun,
sunnudaginn 17. ágúst kl. 17.
Hún leikur verk af nýjum
geisladiski sem kemur út í
næsta mánuði og heitir „Small
is beautiful." Aðgangseyrir er
1500 krónur, en 800 fyrir eldri
borgara og nemendur.
Bautamót
í golfi
BAUTAMÓTIÐ í golfi fer fram
á Jaðarsvelli næstkomandi
sunnudag, 17. ágúst. Það er
opið öllum kylfingum og er 18
holu höggleikur með og án for-
gjafar. Bautameistari og
kvennameistari Bautans verða
þau sem ná besta skori nettó
en einnig verður keppt um titil-
inn púttmeistari Bautans. Þá
verða veitt óvænt aukaverð-
laun, sem eru matarkörfum frá
Bautabúrinu. Bautinn býður
öllum þátttakendum upp á veg-
legt kaffihlaðborð í mótslok.
Gönguferð
um Oddeyri
GÖNGUFERÐ verður farin
um Oddeyri undir leiðsögn
Hönnu Rósu Sveinsdóttur
safnvarðar við Minjasafnið á
Akureyri, næstkomandi
sunnudag, 17. ágúst kl. 14.
Gengið verður um elsta hluta
Oddeyrar og saga byggðar og
húsa rakin. Lagt verður af
stað frá Gránufélagshúsunum,
Strandgötu 49, kl. 14. Gangan
tekur um eina og hálfa klukku-
stund og er leiðsögn á ís-
lensku. Þátttaka er ókeypis.