Morgunblaðið - 16.08.1997, Blaðsíða 45

MORGUNBLAÐIÐ
LAUGARDAGUR 16. ÁGÚST 1997 45
I
!
I
I
I
I
<
<
(
(
(
<
(
i
(
(
(
(
(
\
(
i
(
(
(
<
FRÉTTIR
Háskólinn
Námskeið í
íslensku
fyrir út-
lendinga
Á HAUSTMISSERI mun Endur-
menntunarstofnun Háskóla Islands
í samvinnu við skor í íslensku fyrir
erlenda stúdenta, bjóða upp á þrjú
námskeið í íslensku fyrir útlendinga.
Námskeiðin eru á þremur stigum:
Byrjendanámskeið, framhald 1 og 3.
í námskeiðunum er lögð megin-
áhersla á talað og ritað mál, en sam-
hliða kennd grunnatriði íslenskrar
málfræði. Æskilegt er að nemendur
hafi stúdentspróf eða sambærilega
menntun. Skráningarfrestur er til
25. ágúst.
Námskeiðin standa yfir frá 16.
september til 9. desember. Á bytj-
endanámskeiði og framhaldi 1 er
kennt síðdegis, tvisvar sinnum í viku
kl. 17.15-19.45, alls 100 kennslu-
stundir. Þátttökugjald er 39.700
krónur. Framhald 3, sem er ein-
göngu fyrir þá sem lokið hafa fram-
haldi 2, er kennt 2 s'tundir í viku,
alls 26 stundir. Þátttökugjald er
17.000 krónur.
Bæklingur með nákvæmum nám-
slýsingum og frekari upplýsingar
fást á skrifstofu Endurmenntunar-
stofnunar, Tæknigarði.
Naustkjallarinn
opinn
NAUSTKJALLARINN er opinn
um helgina.
Hljómsveitin BJB ásamt söngv-
urunum Má Elíssyni og Rut Regin-
alds leika föstudags- og laugar-
dagskvöld.
Gengið um
vesturhluta
Engeyjar
HAFNARGÖNGUHÓPURINN
stendur fyrir gönguferð um Engey
vestanverða sunnudaginn 17. ág-
úst. Mæting er við Hafnarhúsið
kl. 14 og farið þaðan um borð.
Landtaka verður í Austurvör og
gengið um traðirnar að bæjar-
stæðunum og síðan um vestu-
reyna. Margt ber fyrir augu í ferð-
inni.
Fuglalíf er mikið og mikil
gróska. Landbrot af völdum sjávar
er greinilega töluvert á vestu-
reynni. Margskonar minjar bú-
skapar og útræðis er þar að finna
en byggð var samfelld á eynni frá
söguöld eða jafnvel landnámsöld
fram til 1947. Síðan hefur náttúr-
an sjálf séð um eyna að mestu.
Greinilegar minjar eru á vestu-
reynni frá stríðsárunum, einhveij-
ar þær heilstæðustu á landinu.
Eyjan hefur tengst innsiglingunni
til Reykjavíkur frá fyrstu tíð.
Gönguferðin tekur tvo tíma. Allir
eru velkomnir í ferð með Hafnar-
gönguhópnum.
Morgunblaðið/Kristinn
DAGRÚN Hjartardóttir og Jónína Erna Arnardóttir.
Tónleikar í
Reykholtskirkju
DAGRÚN Hjartardóttir sópran-
söngkona og Jónína Arnardóttir,
píanóleikari, halda tónleika í
Reykholtskirkju sunnudaginn 17.
ágúst kl. 21. Efnisskrá tónleik-
anna verður helguð þremur tón-
skáldum; Schubert, Brahms og
Liszt.
Dagrún Hjartardóttir hefur
undanfarin ár verið kennari við
Tónlistarskóla Borgarfjarðar.
Hún stundaði framhaldsnám í
söng við Franz Liszt tónlistaraka-
demíuna í Budapest og síðar hjá
Maríu Teresu Uribe þar í borg.
Hún hefur auk söngkennslunnar
tekið virkan þátt í sönglífi hér á
landi sem félagi í kór Islensku
Operunnar og sem söngstýra
ýmissa kóra.
Jónína Erna Amardóttir píanó
leikari stundaði framhaldsnám
við Grieg tónlistarakademíuna í
Bergen og starfar nú sem píanó-
kennari við Tónlistarskóla Borg-
arfjarðar.
KRISTÍN Friðriksdóttir, Kristín Stefánsdóttir og Helga Sæunn
Árnadóttir í hinu nýja húsnæði umboðsfyrirtækis No Name.
No Name snyrti-
vörur flytja
UMBOÐS- og dreifingarfyrirtæki
No Name Cosmetics hér á landi
hefur flutt í nýtt og glæsilegt hús-
næði að Hverfisgötu 76. Fyrirtækið
er í eigu Kristínar Stefánsdóttur,
snyrti- og förðunarfræðings.
I húsnæðinu verður einnig starf-
ræktur nýr förðunarskóli sem kennir
tísku- og ljósmyndaförðun ásamt
leikhúsförðun. Áfram verður boðið
upp á kvöldnámskeið en þetta er 10.
árið sem Kristín býður upp á þau.
Til liðs við sig í kennslu við skólann
fær Kristín stöllu sína Kristínu Frið-
riksdóttur, förðunarmeistara á Stöð
2, en þær gáfu út fyrir tveimur árum
fyrsta kennslumyndbandið um förð-
un. Gestakennarar innlendir sem
erlendir munu bjóða upp á námskeið.
Markmið skólans er að kenna alla
almenna tísku- og ljósmyndaförðun
ásamt því nýjasta sem er að gerast
hveiju sinni. Fyrsta námskeiðið
verður 20. september með alþjóðleg-
um förðunarmeistara, Söndru Burg-
hardt, en hún hefur starfað við öll
helstu tískutímarit í heiminum í dag.
Skráning á námskeiðið stendur nú
yfir.
Ný sölukona þefur tekið til starfa,
Helga Sæunn Árnadóttir, nagla- og
förðunarfræðingur að mennt.
Afmælishátíð
Olís við
Gullinbrú
OLÍS stendur í dag, laugardaginn
16. ágúst, frá kl. 10-16, fyrir ijöl-
breyttri afmælishátíð á þjónustu-
stöð Olís við Gullinbrú í tilefni af
70 ára afmæli félagsins. Svipaðar
hátíðir hafa verið haldnar á öllum
stærstu Olísstöðvunum á höfuð-
borgarsvæðinu í sumar og hafa
verið mjög fjölsóttar og vinsælar.
Hátíðirnar tengjast afmælisleik
Olís sem hófst í maí.
SS pylsur verða á grillinu, Vífil-
fell býður gosið og Gevalia kaffið
og svo fá allir Ol-ís. Skólahljóm-
sveit Grafarvogs leikur milli kl. 13
og 14 og Fjölnis-steipur þvo bíla
ókeypis milli kl. 12 og 15. Olli
mætir í veisluna, bömin komast í
skemmtileg leiktæki, fá óvæntan
glaðning og fleira verður á dag-
skrá.
LEIÐRÉTT
Höfundarnafn féll niður
NAFN Huldu Ágústsdóttur féll
niður með umsögn hennar í blað-
inu í gær um sýningu Hlyns
Helgasonar í Ketilhúsinu á Akur-
eyri. Einnig var rangt farið með
heiti á verkinu sem sýnt var með
umsögninni en það heitir Í minn-
ingu. Beðist er velvirðingar á
þessum mistökum.
Björk fékk
fálkaorðuna
í GREIN í Morgunblaðinu t gær
undir yfirskriftinni Stjörnuregn á
íslandi kemur sú skoðun Ingvars
Þórðarsonar tónleikahaldara fram,
að Björk Guðmundsdóttir ætti að
fá fá.lkaorðuna. Hið rétt er að for-
seti íslands sæmdi Björk fálkaorð-
unni á sumardaginn fyrsta sl.
Nafn misritaðist
ÞAU leiðu mistök urðu við vinnslu
blaðsins í gær að nafn starfsmanns
í handverkshópnum Bolla Búðardal
misritaðist, en rétt nafn er Anna
Markrún Sæmundsdóttir.
Bílvelta
á Laugarvatnsvegi
MISHERMT var í blaðinu í gær
að bíll hefði oltið á miðvikudags-
kvöld á sama stað og ekið var á
hest á Laugarvatnsvegi kvöldið
áður. Samkvæmt upplýsingum frá
Guðmundi Hartmannssyni, varð-
stjóra hjá lögreglunni í Árnessýslu,
átti bílveltan sér stað um 1,7 kíló-
metra frá þeim stað þar sem ekið
var á hrossið. Rétt mun þó vera
að ástæðu seinna óhappsins megi
rekja til hins fyrra, þ.e. að öku-
manninum hafi brugðið við að sjá
hræ hestsins í vegkantinum. Því
hafi ökumaðurinn orðið annars
hugar og í uppnámi og verið kom-
inn yfir á rangan vegarhelming.
Skömmu seinna hafi annar bíll
komið á móti og þá hafi ökumaður-
inn kippt sínum bíl of snöggt yfir
á réttan vegarhelming, lent í lausa-
möl í kantinum og bíllinn þess
vegna oltið.