Morgunblaðið - 22.01.1998, Qupperneq 14

14 FIMMTUDAGUR 22. JANÚAR 1998
MORGUNBLAÐIÐ
LANDIÐ
Sameining sveitarfélaga í vestanverðum Flóa
Yrði tæplega 5.500
manna sveitarfélag
Selfossi - Sveitarstjórnir Selfoss-
bæjar, Eyrarbakkahrepps, Stokks-
eyrarhrepps og Sandvíkurhrepps
samþykktu á fundum sínum undir
lok síðasta árs að efna til atkvæða-
greiðslu um sameiningu þeirra í eitt
öflugt sveitarfélag. Var sú ályktun
gerð í kjölfar ítarlegrar úttektar á
rekstri sveitarfélaganna sem fram
fór á síðasta ári. Skipuð samstarfs-
nefnd um sameiningu sveitarfélag-
anna kynnti á dögunum skýrslu sem
fjallar um þá möguleika sem eru í
stöðunni varðandi sameiningu.
I sameiginlegri ályktun 10 manna
sameiningarnefndar, þar sem full-
trúar sveitarfélaganna fjögurra eiga
sæti, segir eftirfarandi: „Ljóst er að
skiptar skoðanir eru um það meðal
íbúanna hvort sameina beri sveitar-
félögin fjögur. Eftir ítarlega athug-
un á málinu er mat okkar hins veg-
ar það að kostirnir séu mun fleiri en
gallarnir. Eftir sameiningu yrði til í
vestanverðum Flóa langöflugasta
sveitarfélag Suðurlands; kröftugt
vaxtarsvæði og sannkallaður höfuð-
staður fjórðungsins."
Kosið 7. febrúar
I skýrslunni má finna margvís-
legar upplýsingar um þetta mál þar
sem núverandi skipan mála er reif-
uð og lagðar fram hugmyndir um
það sem tæki við eftir sameiningu.
Skýrslunni er skipt upp eftir mála-
flokkum og leitast er við að gera
texta og aðrar upplýsingar aðgengi-
legar til að allir geti myndað sér
skoðun og tekið afstöðu í atkvæða-
greiðslu laugardaginn 7. febrúar nk.
Ibúafjöldi í sameinuðu sveitarfé-
lagi Selfossbæjar, Eyrarbakka-
hrepps, Stokkseyrarhrepps og
Sandvíkurhrepps yrði 5.472 manns
miðað við 1. desember 1997. íbúa-
fjöldi í hverju þessara sveitarfélaga
þá var sem hér segir: Selfossbær
4.321 íbúi, Eyi-arbakkahreppur 529
íbúar, Stokkseyrarhreppur 512 íbú-
ar, Sandvíkurhreppur 110 íbúar.
Þess má geta að hið nýja sveitarfé-
lag yrði það 7. fjölmennasta í land-
inu og 3. stærsta á landsbyggðinni.
9 fulltrúar í sveitarstjórn
Núna eru 9 fulltrúar í bæjar-
stjóm Selfoss, hreppsnefndir Eyr-
arbakka- og Stokkseyrarhrepps eru
skipaðar 7 fulltrúum hvor en 5 full-
trúar sitja í hreppsnefnd Sandvík-
urhrepps. Samtals stýra því 28
manns þessum sveitarfélögum.
Stöðugildi á skrifstofum sveitarfé-
laganna eru 11,3. Gert er ráð fyrir
að í sveitarstjórn sameinaðs sveitar-
félags verði 9 fulltrúar og nefnist
hún bæjarstjórn, en það er í sam-
ræmi við það sem gerist í sveitarfé-
lögum af viðlíka stærð. Byggðarráð
verði skipað þremur fulltrúum úr
hópi kjörinna fulltrúa og nefnist
bæjarráð.
Fjögur meginsvið
Nýtt skipurit fyrir hið nýja sveit-
arfélag hefur ekki verið að fullu
mótað. í undirbúningi málsins hef-
ur þó verið gert ráð fyrir því að
stjómskipulag nýs sveitarfélags
skiptist í fjögur meginsvið: Fjár-
mála- og stjórnsýslusvið, félags-
þjónustusvið, fræðslu- og menning-
arsvið, tækni- og umhverfissvið.
Fyrir hverju sviði fari forstöðumað-
ur er heyri beint undir bæjarstjóra
en hann sækir umboð sitt til bæjar-
stjórnar.
Vænleg íjárhagsstaða
Fjárhagsstaða sveitarsjóðanna
nú er nokkuð mismunandi.
Nettóskuldir sveitarsjóðanna með
skuldbindingum í árslok 1996 á
hvern íbúa vom minnstar í Selfoss-
bæ og námu þær 107.000 kr., í Eyr-
Oifusá

Morgunblaðið/Sig. Fannar
YFIRLITSMYND af vestanverðum Flóa þar sem kosið verður um sam-
einingu hinn 7. febrúar næstkomandi.
arbakkahreppi 169.000 kr. og í
Stokkseyrarhreppi 186.000 kr. í
Sandvíkurhreppi var peningaleg
staða jákvæð um 15.000 kr. á íbúa.
Hér er miðað við sveitarsjóðina án
félagslegra íbúða og orkuveitu. Að
meðaltali námu nettóskuldir því
118.000 kr. á hvem íbúa.
Þegar eignastaða félagslegra
íbúða og Selfossveitna bs. er tekin
inn í þessa mynd kemur í ljós að
skuldir umfram eignir nema aðeins
32.000 kr. á hvern íbúa í nýju sveit-
arfélagi. Það er því Ijóst að hið
nýja sveitarfélag væri vel sett í
þessum efnum og fjárhagsleg staða
þess með því besta sem gerist í
landinu.
Á komandi dögum verða haldnir
kynningarfundir vegna kosning-
anna og verða þeir á eftirtöldum
stöðum. Sandvíkurhreppur: Mánu-
daginn 26. janúar kl. 21.00 á Hótel
Selfossi. Selfoss: Þriðjudaginn 27.
janúar kl. 20.30 á Hótel Selfossi.
Eyrarbakki: Miðvikudaginn 28. jan-
úar kl. 20.30 í samkomuhúsinu Stað.
Stokkseyri: Fimmtudaginn 29. jan-
úar kl. 20.30 í samkomuhúsinu
Gimli.
Morgunblaðið/Aldís Hafsteinsdóttir
Geymsluskúr brann í Hveragerði
Sameiningarmál í Grindavik
Sameinaður listi
jafnaðar- og fél-
agshyggjufólks
Hveragerði - Slökkvilið Hveragerð-
is var kallað út um síðustu helgi
vegna bruna í geymsluskúr við Far-
fuglaheimilið Ból í Hveragerði. Að
sögn lögreglunnar á Selfossi gekk
greiðlega að slökkva eldinn en mikl-
ar skemmdir urðu vegna elds og
vatns á munum og tækjum Far-
fuglaheimilisins, sem geymd voru í
geymslunni. Hitakerfi alls hússins
var í geymsluskúrnum og skemmd-
ist það töluvert. Á laugardag gáfu
sig fram við lögregluna tveir dreng-
ir sem játuðu að hafa kveikt í skúrn-
um og telst málið nú upplýst.
Grindavík - Sameiningarbylgjan er
komin til Grindavíkur og stefna Al-
þýðuflokkurinn, Alþýðubandalagið
og óháðir að því að bjóða fram sam-
eiginlegan lista í komandi bæjar-
stjómarkosningum. Nokkuð langt
er um liðið síðan fyrstu hugmyndir
um sameiginlegt framboð áður-
nefndra aðila komust í umræðuna,
en nú virðist kominn skriður á mál-
ið.
Ljóst er að þessi sameining
breytir nokkuð pólitísku landslagi í
Grindavík. Valkostirnir verða því
líklega þeir að velja annaðhvort
nýja listann eða sama meirihluta
aftur, sem Framsóknarflokkur og
Sjálfstæðisflokkur mynda.
Að sögn Pálma Ingólfssonar,
bæjarfulltrúa Alþýðuflokks, var
nefnd skipuð tveimur fulltrúum frá
Alþýðuflokki og tveimur frá Al-
þýðubandalagi fengin til að vinna að
stofnun þessa nýja félags, sem ber
nafnið „Bæjarmálafélag jafnaðar-
og félagshyggjufólks í Grindavík".
Fyrir Álþýðuflokk sátu í nefnd-
inni formaður flokksins í Grindavík,
Sigurður Gunnarsson, og Pálmi
Ingólfsson, en formaður Alþýðu-
bandalags Grindavíkur, Valgerður
Áslaug Kjartansdóttir, og Hörður
Guðbrandsson fyrir Alþýðubanda-
lag. Á félagsfundi var þessi samein-
ing síðan samþykkt í báðum flokk-
um samhljóða.
Þegar Sigurður Gunnarsson var
spurður hvernig honum litist á
framboðið sagði hann: „Mér líst
mjög vel á þetta, enda er þetta lang-
þráður draumur. Núverandi meiri-
hluti er búinn að sitja fjögur kjör-
tímabil og það er komið að því að
skipta um meirihluta."
Hörður Guðbrandsson var líka
mjög bjartsýnn á árangur væntan-
legs framboðs og sagði: „Það eru
miklar vonir bundnar við þennan
nýja lista og við ætlum að velta nú-
verandi meirihluta."
Nýi listinn mun bjóða fram undir
nafninu Grindavíkurlistinn en ekki
hefur verið rætt um listabókstaf.