Morgunblaðið - 26.02.1998, Blaðsíða 14

14 FIMMTUDAGUR 26. FEBRÚAR 1998
MORGUNBLAÐIÐ
AKUREYRI
Meistara-
+
mót Islands
MEISTARAMÓT íslands í frjálsum
íþróttum innanhúss fyrir 12 til 14 ára
fer fram í íþróttahöllinni á Akureyri
um næstu helgi, 28. febrúai- og 1.
mars. Mótshaldari er Ungmenna-
samband Eyjafjarðar, UMSE.
Skráningu á mótið er lokið og er
þátttaka mjög góð eða um 330
keppendur. Keppt er í sex greinum;
50 metra hlaupi, hástökki, kúlu-
varpi, þrístökki án atrennu, lang-
stökki án atrennu og langstökki
með atrennu.
UMSE vill hvetja sem flesta til að
koma og horfa á unglingana. Mótið
hefst með skrúðgöngu og setningu
kl. 9.15 á laugardagsmorgun, en
mótið stendur til kl. 18 þann dag og
á sunnudag verður haldið áfram en
mótsslit eru áætluð um kl. 16.
-----------------
Ólafur skák-
meistari Akur-
eyrar
ÓLAFUR Kristjánsson varð skák-
meistari Akureyrar, en Skákþingi
Akureyrar lauk á mánudagskvöld.
Ólafur fékk 7 1/2 vinning af 8 mögu-
legum. I öðru sæti varð Rúnar Sig-
urpálsson með 6 1/2 vinning og í
þriðja sæti Þór Valtýsson með 5 1/2
vinning.
Askorendamót hófst hjá Skákfé-
lagi Akureyrar í gærkvöld og verða
tefldar alls 6 umferðir á þriðjudags-
kvöldum kl. 19.30. Þeir einir koma
til greina til verðlauna sem hlotið
hafa 2000 ELO stig eða minna, en
hér er verið að gefa stigalausum eða
stigalágum kost á að afla sér stiga.
Hraðskákmót Akureyrar verður
haldið á sunnudag, 1. mars og hefst
það kl. 14.
Morgunblaðið/Kristján
Nýjar
varmadæl-
ur ræstar
NÝJAR varmadælur hafa verið
teknar í notkun hjá Hita- og vatns-
veitu Akureyrar og leysa þær af
hólmi eldri varmadælur, sem hafa
verið í notkun í tæp 14 ár. Nýju
dælurnar eru frá Gram A/S í Dan-
mörku og keyptar af Kværner
Fiskitækni í Reykjavík.
Heildarkostnaður við kaupin er
um 25 milljónir króna. Samanlögð
hitaafköst dælanna er 3.740 kíló-
vött við 809 kílóvatta raforkunotk-
un og er gert ráð fyrir að orku-
framleiðsla í nýjum dælunum verði
ódýrari en í þeim eldri.
Það var Svavar Ottesen, formað-
ur stjórnar veitustofnana, sem
ræsti nýju dælurnar með viðhöfn í
vikunni.
Jóna sterka
djassar
JÓNA sterka og fleiri koma fram
á alakureysku djasskvöldi í
kvöld, fimmtudagskvöldið 26.
febrúar í Deiglunni en þeir hefj-
ast kl. 21.
Jóna sterka er dixilandhljóm-
sveit skipuð þeim Reyni Jónssyni
á klarinett, Þorsteini Kjartans-
syni á tenór-saxófón, Atla Guð-
laugssyni á trompet, Guðlaugi
Baldurssyni á básúnu, Heimi
Ingimarssyni á túbu, Gunnari H.
Jónssyni á banjó, Guðjóni Páls-
syni á píanó og Karli Petersen á
trommur. Auk Jónu sterku kem-
ur fram kvartett sem þeir Wolf-
gang Frosti Sahr á tenór-saxó-
fón, Kristján Edelstein á gítar og
Jón Rafnsson á bassa og Karl
Petersen á trommu skipa.
Aðgangur er ókeypis fyrir
klúbbfélaga en 500 krónur fyiir
aðra.
Verðmunur á Dalvík og Olafsfirði í
verðkönnun Neytendasamtakanna
KEA segir
sama verð á
báðum stöðum
HANNES Karlsson yfirmaður
matvörudeildar Kaupfélags Ey-
firðinga segir að sama verð sé í
verslunum félagsins á Dalvík,
Ólafsfirði og Siglufirði, en það sé
örh'tið hærra í Hrísey. Fram
kom í verðkönnun Neytenda-
samtakanna sem gerð var í sam-
vinnu við verkalýðsfélög í Eyja-
firði 17. febrúar síðastliðinn að
4% verðmunur væri milli KEA-
verslananna á Dalvík og Ólafs-
firði og var verðið lægra á síðar-
nefnda staðnum. Bent var sér-
staklega á að engin samkeppni
væri á matvörumarkaði á Dalvík
þar sem KEA væri með einu
matvöruverslun staðarins.
Hannes segist ekki hafa séð
umrædda könnun né forsendur
fyrir útreikningum og gæti því
lítið tjáð sig um hana. Kvaðst
hann harma þau vinnubrögð
sem viðgengust við gerð verð-
könnunarinnar. „Mér finnst
óeðlilegt að einhver starfsmaður
Neytendasamtakanna geti kom-
ið inn í verslanir okkar, tekið
niður verð, reiknað út og birt
niðurstöður í fjölmiðlum," sagði
Hannes, en hann benti á að þeg-
ar Neytendafélag Akureyrar
gerði verðkannanir fengju for-
ráðamenn verslana að sjá hvaða
verð væru skráð og möguleika á
að fara yfir þau, enda væri ljóst
að lítill vandi væri að gera vit-
leysu þegar verið væri að taka
niður verð.
Kraftur í verðkönnunum
Hannes segir að samkeppni sé
slík í gerð verðkannana á Akur-
eyri og Eyjafirði að fari að nálg-
ast kjánalegan farsa. Neytenda-
samtökin gerðu sem fyrr segir
könnun í síðustu viku og Neyt-
endafélag Akureyrar í vikunni á
undan. í íyrmefndu könnuninni
var niðurstaðan sú að bilið milli
KEA Nettó, þar sem vöruverð er
lægst, og Hagkaups sé um 17%
en 14% í þeirri síðarnefndu.
Verðkannanir hafi einnig verið
gerðar í janúar, desember og
september. „Það er alveg geysi-
legur kraftur í gerð verðkannana
héma, líklega hvergi meiri á
landinu," segir Hannes og segir í
sjálfu sér ekkert að því, en út-
reikningar og túlkanir þeirra
sem að þeim standa virðist með
ólíkum hætti og almenningur
fýlgist með án þess að botna í
einhverjum meðaltalsneyslu-
stuðli frá 1995.
Hollustuvernd ríkisins hafnar umsókn um stækkun fískimjölsverksmiðju Krossaness hf.
Skekkir samkeppnis-
stöðu okkar verulega
segir Jóhann Pétur Andersen
framkvæmdastjöri
Morgunblaðið/Kristján
FORSVARSMENN Krossanessverksmiðjunnar buðu til kynningar í
síðustu viku á þeim framkvæmdum sem farið hafa fram í mengunar-
málum að undanförnu og kynntu jafnframt þær framkvæmdir sem
fyrirhugaðar eru til viðbótar. Á myndinni er Jóhann Pétur Andersen
framkvæmdastjóri að útskýra breytingarnar fyrir gestum.
HOLLUSTUVERND ríkisins hef-
ur hafnað umsókn Krossaness hf.
um að auka afkastagetu fiskimjöls-
verksmiðju félagsins á Akureyri,
úr 550 tonnum á sólarhring í 750
tonn af hráefni á sólarhring. Hins
vegar samþykkti Hollustuvemd
nýtt starfsleyfi verksmiðjunnar til
næstu áramóta.
Jóhann Pétur Andersen, fram-
kvæmdastjóri Krossaness, sagði þá
ákvörðun Hollustuverndar að
hafna stækkun verksmiðjunnar
mikil vonbrigði. „Við teljum að
okkur sé mismunað verulega miðað
við það sem tíðkast við stækkanir á
öðrum verksmiðjum og að Holl-
ustuvemd sé að skekkja okkar
samkeppisstöðu verulega."
Stækkun leysir ekki
vandann
Jóhann Guðmundsson, deildar-
verkfræðingur Hollustuverndar,
sagði vemleg lyktarvandamál
tengd verksmiðjunni og stækkun
hennar leysti ekki þann vanda.
„Magn útblástursefna eykst í réttu
hlutfalli við stækkunina og vanda-
málið þarna er hversu illa verk-
smiðjan er staðsett. Verksmiðjan
var byggð fyrir margt löngu og á
þeim tíma má segja að orðið um-
hverfisvemd hafi ekki verið til í
málinu. Nú er öldin önnur og með
tilliti .til íbúðabyggðar t.d. í svoköll-
uðu Holtahverfi, sem er þama
næst, er frekari stækkun ekki talin
forsvaranleg.
Tækni til algjörrar lykteyðingar
er ekki fyrir hendi ef hráefnið er
verulega slæmt. Vandinn er fyrst
og fremst að sumri til en þá er hrá-
efnið erfitt og það oft orðið
skemmt þegar komið er með það
að landi, þótt það sé ekki gamalt.
Við teljum því ekki forsendur fyrir
stækkun verksmiðjunnar og að
reyna þurfi einhverjar aðferðir
fyrst. Við munum skoða málið að
nýju um næstu áramót.“
Forsvarsmenn Krossanessverk-
smiðjunnar hafa bent á að með
aukinni vinnslugetu verði íyrr
hægt að vinna hráefnið sem berst
að landi. Jóhann sagði það að sumu
leyti rétt en að taka þyrfti með í
reikninginn samanlagðan geymslu-
tíma í skipi og verksmiðju. „Og það
getur allt mögulegt komið upp úr
skipunum.“
Staðsetningin ekki verri
en annars staðar
Jóhann Pétur sagði að það væri
eins og fulltrúar Hollustuvemdar
hafi alveg gleymt því að töluvert
hafi verið framkvæmt í mengunar-
málum verksmiðjunnar og ekkert
tillit tekið til þeirra framkvæmda.
„Við eram margbúnir að kynna þau
mál fyrir fúlltrúum Hollustuvernd-
ar en höfúm ekki orðið varir við
fulltrúa stofnunarinnar enn. Hér er
í notkun sami búnaður og í öðram
verksmiðjum og er í dag, m.a. af
Hollustuvemd, talinn áhrifaríkasL
ur, þ.e. brani lofts. Þessi aðferð er
þekkt við lykteyðingu en það er
hins vegar rétt að mönnum hefur
ekki tekist að finna aðferð með
ásættanlegum kostnaði sem eyðir
lykt algjörlega við allar aðstæður.
Því er ekki hægt að gera þá körfu
til okkar frekar en til annarra."
Jóhann Pétur sagði að staðsetn-
ing verksmiðjunnar í Krossanesi
væri alls ekki ven-i en annarra
verksmiðja í landinu. „Flestar
verksmiðjumar standa í jaðri
byggða eða inni í byggðum. Við
stöndum í jaðri byggðar og það er
því ekki rétt að þessi verksmiðja sé
verr staðsett en aðrar í landinu."
Fáum minni hlut
af veiðinni
Jóhann Pétur sagði að verk-
smiðjan í Krossanesi lægi næst
loðnumiðunum yfir sumartímann
og ætti þvi mun auðveldara með að
stýra til sín fersku hráefni á þeim
árstíma en verksmiðjur víða ann-
ars staðar. Helsti viðskiptabátur
verksmiðjunnar, Sigurður VE,
landar fullfermi um 1.500 tonnum
af loðnu og tekur um þrjá sólar-
hringa að vinna það magn í verk-
smiðjunni.
„Með stækkun verksmiðjunnar
gætum við verið að vinna mun
ferskara hráefni en nú er og stytt
vinnslutímann um sólarhring. Það
er ýmislegt í greinargerð Holl-
ustuverndar sem okkur finnst
styðja okkar málstað, þótt aðrar
ályktanir séu dregnar hjá stofn-
uninni."
Jóhann Pétur sagði að þar sem
aðrar verksmiðjur hafi fengið leyfi
til stækkunar þýddi þessi niður-
staða Hollustuverndar að Krossa-
nesverksmiðjan fengi enn minni
hlut af heildarveiðinni.
Metum stuðning
bæjaryfirvalda
I umsögn heilbrigðisnefndar
Akureyrar er mælt með því að gef-
ið verði út leyfi til að auka afkasta-
getu verksmiðjunnar í tilrauna-
skyni á þessu ári og hefur bæjar-
ráð tekið undir þau sjónarmið.
„Við eram mjög þakklátir fyrir
það og metum þann stuðning sem
við höfum fengið frá þessum aðil-
um. Því töldum við að með þessum
stuðningi og þeim aðgerðum sem
við höfum þegar farið út í og þeim
aðgerðum sem við eram með á
prjónunum, hefði Hollustuvernd
ekki forsendur til að neita okkur
um stækkun."
Eins og fram hefur komið hefur
Krossaness hf. gert samstarfs-
samning við Rannsóknarstofnun
Háskólans á Akureyri um faglega
ráðgjöf og rannsóknir er lúta að
stefnumótun í umhverfisstjómun.
Markmiðið með samningnum er að
ná betri tökum á umhverfismálum
verksmiðjunnar, svo hún megi
verða í fararbroddi sambærilegra
fyrirtækja þegai- árið 2000.