Morgunblaðið - 26.02.1998, Blaðsíða 64

Fyrstir meö
HP Vectra PC
m
HEWLETT
PACKARD

AS/400
f u 11 k o m i n
fyrirtækjatölva
Sjádu meira á www.hp.is
MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
FIMMTUDAGUR 26. FEBRÚAR 1998
VERÐ í LAUSASÖLU 125 KR. MEÐ VSK
íslenskur sakamaður framseldur frá
Englandi í gær
^Fór huldu höfði
í nokkur ár
YFIRVÖLD í Englandi urðu í gær
við kröfu íslenskra stjórnvalda um
að framselja sakamann á fimmtugs-
aldri sem flúði land fyrir nokkrum
árum, skömmu áður en hann átti að
hefja afplánun vegna dóms fyrir fjár-
munabrot.
Tveir lögreglumenn frá embætti
ríkislögreglustjóra fóru utan í fyrra-
dag og fylgdu manninum til landsins.
Komu þeir hingað um miðjan dag í
gær frá Lundúnum.
Kom við sögu rannsóknar ytra
Upplýsingar um manninn bárust
yfirvöldum hérlendis eftir að lög-
reglan í Englandi sendi hingað fyrir-
spurn um hann fyrir nokki-u í tengsl:
um við rannsókn á hennar vegum. í
framhaldi af því ákvað Fangelsis-
málastofnun að óska eftir framsali
hans. Maðurinn mótmælti ekki fram-
salskröfunni og flýtti þar með fyrir
því að framsal yrði að veruleika.
Embætti ríkislögreglustjóra ann-
aðist framkvæmd málsins fyrir
' "Fangelsismáiastofnun, að sögn
Smára Sigurðssonar aðstoðaryfirlög-
regluþjóns hjá alþjóðadeild ríkislög-
reglustjóra. Dómsmálaráðuneytið
lagði fram framsalskröfuna hjá
breskum yfirvöldum og er hún í
tengslum við átak sem stofnunin
ákvað að blása til skömmu eftir sein-
ustu áramót, í því skyni að koma lög-
um yfir nokkra þá einstaklinga sem
flúið hafa land seinustu misseri áður
en þeir hófu afplánun fangelsisvistar
vegna brota sinna.
Vitað um alla flóttamennina
Porsteinn A. Jónsson fangelsis-
málastjóri segir að auk mannsins
sem kom í gær sé einn maður kom-
inn nú þegar frá Bandaríkjunum til
afplánunar hérlendis. Einnig sé búið
að semja við tvo aðra einstaklinga
um að gefa sig fram við íslensk yfir-
völd og sé búið að ákveða dagsetn-
ingar í því sambandi á næstu mánuð-
um. Talið er unnt að ná til fjögurra
annarra manna og sé undirbúningur
að því þegar hafinn. Einstaklingam-
ir átta eiga eftir að afplána 5 mánaða
til 4 ára fangelsisvist.
„Við vitum í hvaða löndum allir
þessir menn eru. Maðurinn frá
Englandi er atvinnumaður í afbrot-
um, án þess að ég flokki hann neitt
frekar, og hefur forðast arm réttvís-
innar í nokkur ár,“ segir Þorsteinn.
Maðurinn hóf þegar eftir komuna
til landsins afplánun fangelsisvistar-
innar sem beið hans, en hún er á
annað ár vegna fjármunabrota, sam-
kvæmt heimildum Morgunblaðsins.
Morgunblaðið/Arni Sæberg
Víkartindur í
lestum á leið
til Spánar
STARFSMENN Hringrásar ehf.
voru í gær að skipa um 2.000
tonnum af brotajárni úr Víkartindi
um borð í skip, sem flytur málminn
til bræðslu á Spáni. Að sögn Sveins
Asgeirssonar, framkvæmdastjóra
Hringrásar, hafa starfsmenn
fyrirtækisins verið í um það bil 5
mánuði að vinna við skipið.
Verkið hefur að mestu leyti
verið unnið í Háfsfjöru, þar sem
skipið strandaði í fyrravetur. Þar
hafa sex starfsmenn Hringrásar
bútað skipið niður i 50x150
sentimetra stóra bita. Hringrás
hefur samning við tryggingafélag
skipsins um að fjarlægja og vinna
brotajárn úr skipinu.
Sveinn Ásgeirsson segir að um
sé að ræða gæðaefni, sem ekki er
ósennilegt að verði nýtt til
skipasmíða að nýju.
Vinnsla og flutningur á efni úr
Víkartindi er enn í fullum gangi.
Sveinn segir áætlað að enn sé eftir
að vinna um 1.000 tonn til
útflutnings og áætlar hann að
verkið taki um það bil 2 mánuði til
viðbótar. Við verk sitt nota
starfsmenn Hringrásar stórvirk
tæki, t.d. 45 tonna beltagröfu með
klippum. Frá sandinum dregur 60
tonna jarðýta vagna með um 30
tonna heildarþunga 4 km leið út á
veg þar sem dráttarbflar og
flutningavagnar taka við og flytja
efnið til Reykjavíkur.
Slapp lítt
meiddur
eftir 10 m
fall
MAÐUR um fimmtugt slapp með
smávægileg meiðsli eftir að bifreið
hans fór út af veginum í sunnanverð-
um Seyðisfirði og steyptist niður um
tíu metra um miðjan dag í gær. Sam-
kvæmt upplýsingum frá lögreglunni
á Seyðisfirði er talið með ólíkindum
að meiðsli mannsins urðu ekki alvar-
legri miðað við fallið.
Maðurinn var að aka bíl sínum,
nýrri fólksbifreið, eftir veginum um
sex kílómetra frá Seyðisfjarðarkaup-
stað, í firðinum sunnanverðum, þeg-
ar atvikið varð um klukkan 15.30 í
gær. Hann var ekki á miklum hraða
samkvæmt upplýsingum frá lögreglu
en svo virðist sem hann hafi ekið inn
i krapaelg á veginum og stýrið hafi
pannig verið hrifsað úr höndum
hans, með þeim afleiðingum að hann
missti vald á ökutækinu.
Loftpúðinn blés út
Bifreiðin fór út af veginum og féll
um tíu metra ofan í gryfju eftir mal-
arnám sem þar var og er nær þver-
hnípt niður, eða um 25%-30% halli.
Samkvæmt upplýsingum frá lög-
reglu var rás atburða svo hröð að
manninum vannst ekki tími til að
stökkva út úr bifreiðinni.
Talið er að það hafi orðið mannin-
— iim til bjargar að bifreiðin hafnaði í
Tnjó, auk þess sem hann var með bíl-
belti og bifreiðin var búin loftpúða
sem blés út við höggið. Hann hlaut
höfuðhögg og meiddist á hálsi en
tókst að brölta upp á veginn og
stöðvaði aðvífandi bifreið, sem flutti
hann á heilsugæslustöðina á Seyðis-
firði þar sem hann gekkst undir
^ ^jj-annsókn.
Bifreiðin skemmdist mikið sam-
kvæmt upplýsingum frá lögreglu.
Félagsmálaráðherra leggur fram nýtt frumvarp um húsnæðismál
Félagslega húsnæðis-
kerfínu gerbreytt
RÍKISSTJÓRNIN og þingflokkar
stjórnarinnar hafa samþykkt frum-
varp Páls Péturssonar félagsmála-
ráðherra um húsnæðismál. Frum-
varpið gerir ráð fyrir að Húsnæðis-
stofnun verði lögð niður um pæstu
áramót og stofnaður verði íbúða-
lánasjóður. Félagslega húsnæðis-
kerfinu verður gerbreytt. Þeir sem
ekki komast inn í almenna kerfið fá
25% viðbótarlán. Niðurgreiðslur
ríkisins verða í gegnum vaxtabóta-
kerfið og er gert ráð fyrir að vaxta-
bætur verði samtímagreiðslur og
greiddar ársfjórðungslega.
Árni Gunnarsson, aðstoðarmaður
félagsmálaráðherra, sagði að félags-
lega húsnæðiskerfið væri í gífurleg-
um vanda og hann yrði ekki leystur
nema með róttækum breytingum.
Nýja kerfið yrði einfaldara og betra
fyrir húskaupendur.
Veitt verða
félagsleg lán
Frumvarpið gerir ekki ráð fyrir
breytingum á almenna húsnæðis-
kerfinu. Afram er gert ráð fyrir að
íbúðakaupendur eigi kost á 65-70%
húsbréfaláni. Ef fólk uppfyllir hins
vegar ekki tekju- og eignamörk,
sem verða þau sömu og í félagslega
kerfinu í dag, getur það fengið allt
að 25% viðbótarlán. Vextir á þess-
um viðbótarlánum verða kostnaðar-
vextir og segir Arni raunhæft að
gera ráð fyrir að þeir verði innan
við 5%. Ríkið hættir því að greiða
niður vexti, en veitir kaupendum fé-
lagslegan stuðning í gegnum vaxta-
bótakerfið. Gert er ráð fyrir að
kostnaður rfldsins við þessa breyt-
ingu aukist um 405 milljónir á
næsta ári.
Með frumvarpinu verður sú
breyting að íbúðakaupendur í fé-
lagslega kerfinu leita sjálfir að íbúð,
sem húsnæðisnefndir sveitarfélag-
anna þurfa að samþykkja. Kaup-
endum verður því ekki úthlutað fé-
lagslegu húsnæði eins og gert er í
dag. Kaupskylda sveitarfélaga á fé-
lagslegu húsnæði verður afnumin,
en sveitarfélögunum er hins vegar
gert að greiða í varasjóð, sem m.a.
er ætlað að standa undir hugsan-
legu tjóni Ibúðalánasjóðs af töpuð-
um viðbótarlánum. íbúðalánasjóðn-
um er hins vegar ætlað að standa
undir sér og fær ekki fjárframlag úr
ríkissjóði eins og Byggingasjóður
ríkisins og Byggingasjóður verka-
manna hafa fengið.
Ibúðalánasjóður, sem kemur í
stað Húsnæðisstofnunar, fær það
meginhlutverk að standa undir og
fjái-magna nýtt húsnæðislánakerfi.
Byggingasjóður ríkisins og Bygg-
ingasjóður verkamanna munu
renna inn í Ibúðalánasjóðinn.
■ GreiðsIubyrði/6
Öskudagsfjör
um allt land
VIÐA um land mátti í gær sjá
ungar kynjaverur í litskrúðug-
um búningum og fagurlega
málaðar í andliti - því upp var
runninn öskudagur og börn á
öllum aldri kættust.
Búningar barnanna lýstu að
venju líflegu hugmyndaflugi en
víst er að margir foreldrar
hafa setið sveittir kvöldið áður
við saumaskap.
■ Litskrúðugt Iíf/6
■ Höggin svo/28-29
Morgunblaðið/Golli
Ekið á
gangandi
vegfarendur
EKIÐ var á tvær ellefu ára
gamlai- stúlkur laust fyrir
klukkan 19.30 í gærkvöldi, á
gatnamótum Skeiðarvogs og
Langholtsvegar. Meiðsl voru
ekki teljandi.
Þá var ekið á gangandi veg-
faranda um klukkan 18.30 í gær-
kvöldi á Grensásvegi. Vegfar-
andinn, tuttugu og fimm ára
kona, var flutt á slysadeild en
meiðsli hennar voru ekki talin
alvarleg.