Morgunblaðið - 02.04.1998, Blaðsíða 12

12 FIMMTUDAGUR 2. APRÍL 1998
MORGUNBLAÐIÐ
______________________________________FRÉTTIR_______________________________________
Viðræður Halldórs Ásgrímssonar og Knuts Vollebæk um fískveiðideilurnar við Norðmenn
Ramminn kominn,
málverkið vantar
Halldór Ásgrímsson utanríkisráðherra og
Knut Vollebæk, utanríkisráðherra Noregs,
urðu í gær ásáttir um ramma, sem á að
greiða fyrir því að hefja þríhliða viðræður
—?-------- --------------------
Islendinga, Norðmanna og Rússa um veið-
ar í Barentshafí eftir tæplega tveggja ára
hlé. Halldór sagði að kominn væri rammi
utan um viðræður, en málverkið vantaði.
Morgunblaðið/Árni Sæberg
KNUT Vollebæk, utanríkisráðherra Noregs, og Halldór Ásgrímsson,
utanríkisráðherra íslands, takast í hendur í Ráðherrabústaðnum í
Tjarnargötu í gær.
HALLDÓR Ásgrímsson og
Knut Vollebaak hittust í
Ráðherrabústaðnum síð-
degis í gær, en norski ut-
anríkisráðherrann er hér í þriggja
daga heimsókn. Vollebæk hitti
einnig að máli Davíð Oddsson for-
sætisráðherra.
Halldór Ásgrímsson sagði að ráð-
herrarnir hefðu fjallað um Ioðnu-
veiðar, en samningafundur um þau
mál hefst í dag. Gildandi samningur
gerir ráð fyrir því að kvóti Islend-
inga verði 78% en Islendingar telja
að í ljósi veiðireynslu eigi hann að
vera 86 til 87%. Halldór sagði að
farið hefði verið yfir stöðuna í
loðnuviðræðum, en samninganefnd-
um ríkjanna væri ætlað að leita
lausna.
Halldór kvaðst ekki geta greint
frá því á þessu stigi hvað fælist í
rammanum og ætti meðal annars
eftir að ræða málið við Rússa: „En
ramminn varðar samstarf, sem
gengur út á það að leysa þetta mál.“
Halldór sagði að ákveðið hefði
verið að reyna að finna möguleika á
að byrja viðræður að nýju og skapa
ramma utan um þær á fundi ráð-
herranna, sem haldinn var í Ósló í
nóvember. Undanfarna mánuði
hefði verið leitað leiða og nú virtist
hún fundin. Hann lagði vara við því
að vænta lausna strax, þótt samn-
ingaviðræður hæfust í maí.
„Það er of snemmt vegna þess að
ekki er nóg að skapa ramma utan
um þetta,“ sagði Halldór. „Það þarf
að skapa stærðir innan í hann og
það höfum við ekki reynt á þessum
fundi. En við höfum þó orðið sam-
mála um að hefja slíkar samræður á
næstunni og fá Rússa að borðinu
líka.“
Halldór var spurður hvort líkja
mætti þessu samkomulagi við jöfnu
og aðeins ætti eftir að setja stærð-
irnar inn í hana.
„Það má til sanns vegar færa,“
sagði Halldór. „Þetta er rammi, en
það vantar málverkið innan í hann.“
Hljótum að finna lausn
Vollebæk sagði að það væri mikil-
vægt að hafa í huga að ágreiningur
íslendinga og Norðmanna einskorð-
aðist við sjávarútveg, þótt hann
vildi síst draga úr mikilvægi hans
fyrir íslendinga. Hann kvaðst ekki
efast um að fyrri ríkisstjórn Noregs
hefði viljað leysa deiluna og bætti
við að Islendingar og Norðmenn
hlytu að geta fundið lausn.
„Þetta hljótum við að geta leyst,"
sagði hann. „Þetta eru mikilvæg
mál fyrir bæði lönd. Ég veit að hóp-
ur fólks í Noregi telur að þar sem
ég er frá Austur-Noregi og hafi
aldrei fengist við fiskveiðar skilji ég
ekki til fulls hversu mikilvægt þetta
sé. En ég held að ég geri mér grein
fyrir mikilvægi þess að við náum
saman um þetta. En ég tel að þar
sem þessi tvö nágrannalönd eigi svo
margt sameiginlegt hljóti þau að
geta leyst þetta mál. Það þýðir ekki
að það verði létt verk eða fljótlegt,
en ég tel að við munum geta rætt
þetta í andrúmslofti þar sem ríkir
gagnkvæmur skilningur á erfiðleik-
um hvors um sig og gagnkvæm
virðing. Takist okkur ekki að finna
lausn á þessu máli spyr ég hvemig í
ósköpunum öðrum löndum í heimin-
úm ætti að takast slíkt hið sama.“
Halldór kvaðst telja að núverandi
ríkisstjórn Noregs hefði haldið
áfram að vinna á þeim grundvelli,
sem lagður var í tíð fyrri stjórnar.
Höfum ekki langan tíma
„Núverandi ríkisstjórn í Noregi
hefur sýnt fullan vilja til að finna
lausn,“ sagði Halldór. „Ég tel að
þessi heimsókn hér í dag hafi sýnt
þann vilja. Ég tel að við höfum kom-
ist einu skrefi lengra í þessari heim-
sókn. Til hvers það leiðir á næstu
vikum eða mánuðum ætla ég ekki
að fullyrða nú, en ég tel að við höf-
um ekki mjög langan tíma. Það er
mikilvægt að reyna að finna lausn
áður en næsta vertíð byrjar."
Ekki bandalag við Rússa
Vollebæk vísaði því á bug að
Norðmenn og Rússar hefðu gert
með sér bandalag gegn íslending-
um og hann hefði ekki hugsað sér
að mynda bandalag með nokkru ríki
gegn íslandi. Hann hefði rætt þetta
mál við Halldór þegar það kom
fyrst upp og kvaðst ekki skilja
hvaðan fullyi'ðingar af þessu tagi
kæmu. Hann minnti á að það væri
ágreiningur milli Norðmanna og
Rússa ekki síður en Norðmanna og
íslendinga. Hann hefði verið í
Múrmansk á mánudag og þriðjudag
þar sem mengun var á dagskrá og
það væri alvarlegt mál fyrir bæði
Norðmenn og Islendinga vegna
mengunarhættunnar.
Norðmenn vísuðu íyrir skömmu
nokkrum rússneskum sendiráðs-
mönnum úr landi og sökuðu þá um
njósnir. Skömmu síðar svöruðu
Rússar með því að vísa tveimur
Norðmönnum úr landi, Rune Cast-
berg, ráðgjafa í sjávarútvegsmálum
við sendiráðið í Moskvu, og Ole Jo-
han Bjornoy, vararæðismanni í
Múrmansk. Vollebæk sagði að
njósnamálið væri erfitt að því leyti
að það snerist um trúnaðarbrest.
„Það var ástæðan fyrir því að við
frestuðum heimsókn forsætisráð-
herrans til Moskvu," sagði hann.
„Við töldum að vegna þessa mynd-
um við ekki ná fram niðurstöðu.
Auk þess væri ekki rétt að fara til
Rússlands undir þessum kringum-
stæðum og láta sem ekkert væri.“
Ræddi njósnamálið
við Prímakov
Vollebæk kvaðst hafa átt góðan
fund með Jevgení Prímakov þegar
fundur fimmveldanna var haldinn í
Bonn í mars. Hann kvaðst ekki hafa
beðist afsökunar, en sagt að Norð-
menn vildu ekki láta staðar numið
heldur eiga áfram góð samskipti við
Rússa. Prímakov hefði hann skilið
sem svo að hann væri á sama máli.
Vonast væri til að Kjell Magne
Bondevik forsætisráðherra færi til
Rússlands í maí, en vegna óvissu í
rússneskum stjórnmálum væri ekki
víst að það gengi eftir.
Eitt af því sem Bondevik hugðist
ræða í Rússlandi var bann Rússa við
því að Norðmenn sendi rannsóknar-
skip í Barentshaf, en það myndi nú
tefjast. Vollebæk sagði að hættan
væri sú að upplýsingar um fiski-
stofna yrðu ekki nægilegar. „Þá er
hættan sú að kvótar verði lægri en
þeir þurfa að vera,“ sagði hann. „Það
hefur slæmar efnahagslegar afleið-
ingar fyrir sjómenn og munum við
reyna að leysa þetta mál fyrir næstu
vertíð. Ég vona að við mætum ein-
hverjum skilningi í þessu máli.“
Norska stjórnin hefur verið
gagnrýnd fyrir frammistöðu sína í
njósnamálinu og skrifaði Ivan Kri-
stoffersen, fonnaður norska út-
varpsráðsins, að hún hefði valdið
Norður-Noregi og samstarfi í
Barentsráðinu miklu tjóni með að-
gerðum sínum.
„Ég held að það sé ekki rétt,“
sagði Vollebæk og bætti því við að
hann hefði rætt við Kristoffersen í
Tromsö á þriðjudag. „Þessi starf-
semi var svo umfangsmikil að við
urðum að draga einhver mörk. Við
hefðum að sjálfsögðu getað gert það
á annan hátt, en þá stóðum við
frammi fyrir því að forsætisráð-
herrann var að fara í heimsókn til
Moskvu og við töldum ekki rétt að
hann færi þangað þannig að ferð-
inni var frestað. Ég tel að við höfum
farið rétt að í málinu og okkur hafi
tekist að útskýra stöðuna. Það var
víðtækur stuðningur í Stórþinginu.
Stjómvöld höfðu ekki stjórn á þvi,
sem síðan gerðist. Þetta varð sér-
kennilega staða, en ég tel að þetta
hafi ekki skaðað samskiptin með
þeim hætti, sem Kristoffersen gaf í
skyn. Það fékk ég staðfest í Múi-m-
ansk.“
Halldór sagði að þeir hefðu einnig
rætt önnur mál, samstarfið innan
EFTA, Evrópska efnahagssvæðis-
ins, Oryggis- og samvinnustofnunar
Evrópu (ÖSE), í Barentsráðinu,
Suðurskautsráðinu og á ýmsum
öðrum vettvangi.
Halldór tók sérstaklega til þess
að Norðmenn tækju við for-
mennsku í ÖSE á næstunni og
hefðu boðið íslendingum til sam-
starfs á ýmsum sviðum á þeim vett-
vangi. íslendingar hefðu meðal ann-
ars áhuga á að hafa fasta aðstöðu í
Vín, ekki síst í ljósi þess að mikil-
vægi ÖSE væri alltaf að aukast.
Þá tækju íslendingar við for-
mennsku í Evrópuráðinu á næsta
ári og hygðu á gott samstarf við
Norðmenn þar.
AÐALFUNDUR
Aðalfundur Jökuls hf. verður haldin í Hótel Norður-
Ijósum, Raufarhöfn, laugardaginn 25. apríl 1998
og hefst kl. 14.00
Dagskrá:
1. Venjuleg aðalfundarstörf samkvæmt 13. gr.
samþykkta félagsins.
2. Tillaga um útgáfu jöfnunarhlutabréfa
3. Tillaga um heimild stjómar til kaupa á
eigin hlutabréfum í félaginu
4. Önnur mál löglega upp borin.
Ársreikningar félagsins fyrir árið 1997 ásamt þeim til-
lögum sem liggja fyrir fundinum verða hluthöfum til
sýnis á skrifstofu félagsins, Aðalbraut 4-6, Raufarhöfn.
Raufarhöfn 31. mars 1998
Stjórn Jökuls hf.
Formaður Félags íslenskra heimilislækna
Brýnt er að endurskoða
þrjú atriði úrskurðarins
FULLTRÚAR Félags íslenskra
heimilislækna áttu í fyrradag
fund með heilbrigðisráðherra og
fleiri fulltrúum ráðuneytisins til
að gera þeim grein fyrir nokkrum
atriðum í úrskurði kjaranefndar
sem læknamir telja að endur-
skoða verði.
Katrín Fjeldsted, formaður fé-
lagsins, sagði fulltrúa ráðuneytis-
ins hafa tekið vel í að gera sitt til
að eyða mætti óvissuatriðum í úr-
skurðinum. Fulltrúar kjaranefnd-
ar og ráðuneytisins ræddust við í
gær.
Katrín Fjeldsted sagði einkum
brýnt að endurskoða þrjú atriði í
úrskurðinum. Óljóst væri hver
kjör afleysingalækna ættu að
vera en í úrskurðinum er kveðið á
um að læknar skuli taka lögboðið
sumarfrí, sem Katrín sagði að
þeir hefðu iðulega ekki gert og
sagði hún því brýnt að skýrt væri
bæði hjá kjaranefnd og ráðuneyt-
inu hvemig ætti að greiða fyrir
slíkar afleysingar.
Þá þarf að skilgreina betur fyi--
irkomulag á svokölluðum mót-
tökuvöktum sem eru á nokkmm
stómm heilsugæslustöðvum milli
klukkan 17 og 19 og hvemig
greiða ætti fyrir vinnu á þeim
vöktum. Þriðja atriði sem Katrín
sagði óljóst væri fyrirkomulag á
greiðslum frá Tryggingastofnun
til sjúkrastofnana úti á landi, þar
sem læknar hefðu unnið bæði fyr-
ir heilsugæslustöð og á sjúkra-
stofnun. Sagði hún nauðsynlegt
að ganga frá hvernig þessum
greiðslum yrði háttað hjá hverri
stofnun fyrir sig.
Katrín sagði að fulltrúar ráðu-
neytisins hefðu lýst skilningi á
þessum málum og vilja til að gera
allt sem í valdi þess stæði til að
taka málin upp við kjaranefnd.