Morgunblaðið - 06.12.1998, Qupperneq 1

STOFNAÐ 1913
279. TBL. 86. ÁRG.
SUNNUDAGUR 6. DESEMBER 1998 PRENTSMIÐJA MORGUNBLAÐSINS
Atlaga að
yfirstétt Rúss-
lands á Netinu
YFIRVÖLD í Rússlandi hafa látið loka
vefsetri á Netinu þar sem birtar voru
upplýsingar sem þóttu stefna öryggi
rússneskra stjórnmála- og embættis-
manna í hættu. Á vefsetrinu kom fram
að markmiðið með því væri að „minnka
bilið milli rússnesku yfirstéttarinnar og
þjóðarinnar". „Þjóðin þarf að vita allt
um yfirstétt sína.“
Á vefsetrinu voru m.a. birt heimilis-
föng rússneskra sljórnmálamanna og
símasamtal dóttur Borís Jeltsíns for-
seta við viðskiptajöfurinn Borís Ber-
ezovskí. Nokkrar upplýsinganna voru
svo ýtarlegar að leigumorðingjar voru
taldir geta notað þær. Meðal annars
var þar nákvæm lýsing á íbúð æðsta
saksóknara Rússlands, auk upplýsinga
um öryggiskerfi hennar og heimilis-
föng barna embættismannsins.
Á vefsetrinu var því haldið fram að
Berezovskí væri viðriðinn morðið á
Galinu Starovojtovu, frjálslyndri þing-
konu, í síðasta mánuði. Sú ásökun þykir
fáránleg og ekkert hefur bent til þess
að Berezovkskí tengist morðinu.
Alexander Korzhakov, fyrrverandi
lífvörður Jeltsíns, hafði áður ýjað að
því að Berezovskí hefði látið myrða
þingkonuna og grunur leikur á að hann
hafi staðið fyrir vefsetrinu. Sagt er að
Korzhakov hafi lagt sig í frainkróka
við að safna upplýsingum um stjórn-
málamenn til að geta komið óorði á þá
þegar hann var yfirmaður öryggis-
sveita forsetans. Hann á nú sæti á þing-
inu, er harður andstæðingur ráða-
mannanna í Kreml og enn í nánum
tengslum við rússnesku leyniþjónust-
una.
Gömul hjón svín-
beygja ræningja
BRESKUR dómari hefur veitt öldruð-
um hjónum verðlaun fyrir hugrekki eft-
ir að þau veittu vopnuðum innbrotsþjófi
svo mikla mótspyrnu að hann bauðst til
að greiða þeim peninga fyrir að sleppa
honum. 28 ára glæpamaður braust inn í
hús hjónanna í Suður-Wales, miðaði
byssu á húsbóndann, 77 ára ellilífeyris-
þega, og hótaði að skjóta ef hann fengi
ekki peninga. „Þá skal ég hundur heita,
ef þú þorir það,“ sagði þá gamli maður-
inn og rak þorparanum löðrung.
Þegar eiginkonan, sem er 82 ára,
kom manni sínum til hjálpar og réðst á
glæpamanninn féllust honum hendur.
„Hvað viljið þið mikið fyrir að leyfa
mér að fara?“ spurði hann. Er saka-
maðurinn var leiddur fyrir rétt hreifst
dómarinn svo af framgöngu hjónanna
að hann ákvað að veita þeim andvirði
55.000 króna í verðlaun fyrir hugprýði.
Morgunblaðið/Ásdís
FUGLAVINUR VIÐ TJORNINA
Mál Pinochets
Ddmari
sakaður um
hlutdrægni
London. Reuters.
LÖGFRÆÐINGAR Augustos Pinochets,
fyrrverandi einræðisherra í Chile, hafa óskað
eftir því að úrskurður lávarðadeildarinnar í
Bretlandi, æðsta dómstóls landsins, verði
felldur úr gildi vegna meintrar hlutdrægni
eins af dómurunum, að sögn breska dag-
blaðsins The Guardian í gær.
Lögfræðingarnir halda þvi fram að ógilda
beri úrskurðinn þar sem eiginkona eins dóm-
arans, Hoffmanns lávarðar, sé starfsmaður
mannréttindasamtakanna Amnesty Inter-
national. Afstaða Hoffmans réð úrslitum þeg-
ar dómarar lávarðadeildarinnar samþykktu
með þremur atkvæðum gegn tveim að Pin-
ochet nyti ekki friðhelgi frá ákæru sem fyrr-
verandi þjóðhöfðingi.
Breski mannréttindalögfræðingurinn Geoff-
rey Robertson sagði að fyllyrðing lögfræð-
inganna væri fáránleg. „Lögfræðingar Pin-
ochets fengu næg tækifæri til að leggja fram
mótmæli vegna dómarans fyrir réttarhaldið,"
sagði hann.
Spænskur dómari hefur krafist framsals
Pinochets og Jack Straw, innam-íkisráðherra
Bretlands, hefur frest til föstudagsins kemur
að ákveða hvort heimila eigi breskum dóm-
stólum að taka framsalsbeiðnina fyrir.
Breskir embættismenn hafa neitað því að
til standi að spænski dómarinn yfirheyri
Pinochet í Bretlandi í stað þess að hann
verði framseldur til Spánar. Fullyrt var í
The Daily Telegraph á föstudag að stjórn-
málamaður frá Chile reyndi nú að ná sam-
komulagi við bresk stjórnvöld um þetta til
að komast hjá framsali. Stjórnmálamaður-
inn mun ennfremur hafa lagt til við Pinochet
að hann biðji fjölskyldur þeirra, sem voru
drepnir eða hurfu sporlaust á valdatíma
hans, afsökunar.
Straw sagði að jafnvel þótt Pinochet féllist
á yfirheyrslu eða bæðist afsökunar, hefði það
engin áhrif á ákvörðun sína.
Kofí Annan fer til fundar við Muammar Gaddafi í Líbýu
Framsalsdeilan rædd
Tripoli. Reuters.
KOFI Annan, framkvæmdastjóri Sameinuðu
þjóðanna, fór til Líbýu í gær til að freista þess
að fá Muammar Gaddafi, leiðtoga landsins, til
að verða við kröfu samtakanna um að tveir
Líbýumenn yrðu framseldir til Hollands og
sóttir til saka þar vegna sprengjutilræðis í
bandarískri þotu yfir skoska bænum Locker-
bie árið 1988. 270 manns biðu bana í tilræðinu.
Annan sagði í flugvél sinni á leið til Líbýu að
hann hefði ekki farið þangað til að semja við
Gaddafi, markmiðið með ferðinni væri að ræða
framsalsdeiluna og útskýra sjónarmið Samein-
uðu þjóðanna.
Lfbýska fréttastofan JANA birti í gær yfir-
lýsingu þess efnis að Gaddafi hefði ekki vald til
að semja um framsal mannanna. Nokkrir
stjórnarerindrekar sögðu þó að Annan hefði
ekki farið til Líbýu án þess að hafa fengið lof-
orð um að mennirnir yrðu framseldir. Aðrir
sögðu hins vegar að Gaddafi væri óútreiknan-
legur og öldungis óvíst væri hvort samkomu-
lag næðist.
„Þeir sem trúa því að Gaddafi kunni að und-
irrita samning við framkvæmdastjóra Samein-
uðu þjóðanna eða einhvern annan gefa alls
engan gaum að eðli alþýðulýðræðisins í
Líbýu,“ sagði JANA. Fréttastofan bætti við að
um 500 grasrótarnefndir stuðningsmanna
Gaddafis þyrftu að samþykkja hugsanlegt
samkomulag um framsalið áður en það yrði
lagt fyrir þingið. Bandaríska utanríkisráðu-
neytið sagði hins vegar að enginn vafi léki á því
að Gaddafi hefði vald til að framselja mennina.
Kringlan tekur
stakkaskiptum
Vísindi eða gervivísindi
Er þckkingarstig þjóðarinnar í hættu?
Umfram allt að
halda vöku sinni