Morgunblaðið - 15.01.1999, Blaðsíða 54

54 FÖSTUDAGUR 15. JANÚAR 1999
MORGUNBLAÐIÐ
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
V araformaður
• •
Ory rkj abandalagsins
beðinn um skýringar
Grettir
Hundalíf
Ferdinand
Frá Kristjáni Benediktssyni:
í JÓLAHROTUNNI á Alþingi
varð að lögum frumvarp um breyt-
ingar á lögum um almannatrygg-
ingar m.a. að því er varðar elli- og
örorkulífeyri. Skömmu áður hafði
heilbrigðisráðherra, Ingibjörg
Pálmadóttir, efnt til blaðamanna-
fundar þar sem hún gerði grein
fyrir efni frumvarpsins. Kom þar
m.a. fram í máli hennar að draga
ætti verulega úr skerðingarákvæð-
um vegna tekna maka.
I þessum stutta pistli verður
ekki fjallað um inntak þessara
breytinga, þar er vissulega margt
til bóta þótt meira hefði sjálfsagt
mátt gera.
Hins vegar vil ég víkja að viðtali
sem Sjónvarpið átti við varaformann
Öryrkjabandalagsins, Garðar Sverr-
isson, eftir umræddan blaðamanna-
fund og valdið hefur mér nokkurri
umhugsun síðustu daga. Þar fullyrti
hann með nokkrum þjósti að ráð-
herrann hefði svikið loforð um að af-
nema skerðinguna með öllu nú þeg-
ar. Þessi yfirlýsing kom mér vissu-
lega á óvart þar sem ég hafði oftar
en einu sinni heyrt ráðhen-ann
greina frá því í fjölmiðlum fyrr í vet-
ur að ætlunin væri að stíga verulegt
skref til að draga úr skerðingará-
kvæðum þeim sem væru í núgild-
andi lögum og hefðu verið þar lengi.
Nú held ég að engum blandist
hugur um að með nýju lögunum
var stigið verulegt skref til að af-
nema hjá öryrkjum skerðingu
vegna tekna maka. Að því leyti er
afgreiðsla þessa máls í samræmi
við það sem ráðherrann hefur sagt
opinberlega áður. Hvað varafor-
maðurinn hefur fyrir sér um svik
veit ég að sjálfsögðu ekki en vildi
gjarnan vita. Það hefur til þessa
þótt dálítið svæsið að kalla ein-
hvern svikara ekki síst þegar slíku
er varpað út á öldur ljósvakans til
landsmanna. Það er því ekkert
óeðlilegt þótt þess sé farið á leit að
sá sem viðhefur slíkt orðbragð
finni orðum sínum stað eða dragi
orð sín til baka ella.
Heilbrigðisráðherra, Ingibjörg
Pálmadóttir, hefur að mínum dómi
verið fremur spör á yfirlýsingar og
loforð á opinberum vettvangi en
kappkostað að standa við það sem
hún hefui- sagt. Ég held líka að hún
sé þeirrar gerðar að standa við það
sem hún lofar. Mér yrðu það því
mikil vonbrigði ef annað kæmi í ljós.
Til þeirra sem taka að sér for-
ystu fyrir almannasamtök og tjá
sig í nafni þeirra verður að gera þá
kröfu að þeir gæti hófs í málflutn-
ingi og finni orðum sínum stað. Því
væri mér þökk í því ef varaformað-
ur Öyrkjabandalagsins gi-eindi frá
því opinberlega hvar og hvenær
heUbrigðisráðherra gaf það loforð
sem hann segir að nú hafi verið
svikið.
KRISTJÁN BENEDIKTSSON,
Eikjuvogi 4, Reykjavík.
Fiskveiðistj órnun
Frá Hrólfí S. Gunnarssyni:
NÚ ER verið að þrefa og þrátta um
veiðar smábáta. Sitt sýnist hverjum
og engin er fundin lausnin og verð-
ur ekki fundin með svokallaða
kvótagrýlu í kollinum. I mínum
huga er aðeins ein lausn á þessum
vanda, hún er sú að veiðar dagróðr-
arbáta, sem veiða með línu eða
handfærum, svokallaðra ki-ókabáta,
verði gefnar frjálsar. Með þeim
reglum að hver bátur megi aðeins
veiða með einni handfærarúllu fyrir
hvern einn mann sem á bátnum er.
Á línuveiðum á bátum sem koma
daglega að landi til löndunar má að-
eins hafa í línulengd tvö þúsund
króka fyrir hvern einn mann sem í
skiprúmi er á sjó. Það þýðir að tveir
menn megi róa með fjögur þúsund
króka í línulengd og þrír með sex
þúsund og þá fjórir átta þúsund og
þá fimm með tíu þúsund króka. Með
þessu útgerðarmynstri er ég hand-
viss um að þótt allir þeir Islending-
ar, sem á sjó nenna og hafa vilja til
að veiða fisk, geti róið næstu tiu ald-
ir með króka, án þess að nokkur
merkjanlegur samdráttur verði sjá-
anlegur í þorskstofninum.
Línuveiðar eru vistvænar. Þær
eyðileggja ekki sjávargróður. Með
þeim veiðist aðeins fiskur sem næst
helst ekki í önnur veiðarfæri, t.d.
keila, langa, skata, steinbítur, hlíri,
svo eittvað sé nefnt, og síðast en
ekki síst svangur þorskur, sem er
einn af mestu ránfískum sjávar.
Þorskurinn étur allt sem fyrir hon-
um verður sé hann með tóman
maga, svo sem humar, rækju, síld,
loðnu, nánast allar tegundir af seið-
um, jafnvel eigin afkvæmi ef svo ber
undir. Ég hef séð flatningshníf í
maga þorsks, svo ýmislegt lætur
hann ofan í sig.
Krókabátar henda engum fiski fái
þeir frelsi til veiða. En smábátar í
kvótakerfi henda tveimur af hverj-
um þremur fiskum sem inn í bátinn
koma séu þeir að veiða með netum.
Ég myndi gjarnan vilja sjá
fimmtán hundruð báta gerða út til
veiða með krókum, en því miður
held ég að illa gengi manna þann
flota, þegar stór hluti þjóðarinnar
er sestur við að gambla með bréf í
útgerðarfyrirtækjum. Þegar ég
settist við spilaborð og spilaði
uppá peninga og græddi fé varð
einhver við borðið að tapa því fé
græddist. Það gilda víst önnur lög-
mál á verðbréfamörkuðunum eða
er ekki svo?
HRÓLFUR S. GUNNARSSON,
skipstjóri.
Alit efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
tii birtingar teljast samþykkja þetta, ef ekki fylgir fyrirvari hér að Iútandi.