Morgunblaðið - 26.01.1999, Blaðsíða 16

16 ÞRIÐJUDAGUR 26. JANÚAR 1999
VIÐSKIPTI
MORGUNBLAÐIÐ
Forsvarsmenn bankanna um væntanlegar vaxtalækkanir
Lækkun al-
mennt um
10-25 punkta
Morgunblaðið/Kristinn
BANKAR, ef frá er talinn Fjárfestingarbanki atvinnuh'fsins, virðast
almennt ætla að lækka vexti sína á verðtryggðum inn- og útlánum
frá og með næstu mánaðamótum.
BANKAR, ef frá er talin Fjárfest-
ingarbanki Atvinnulífsins, virðast
almennt ætla að lækka vexti sína á
verðtryggðum inn- og útlánum frá
og með næstu mánaðamótum
vegna þróunar á verðbréfamai'kaði
frá áramótum. Ástæðan er í megin-
atriðum sú að ávöxtunarkrafa
verðtryggðra skuldabréfa til langs
tíma hefur farið lækkandi síðustu
vikur.
Islandsbanki reið á vaðið, um
síðustu helgi, með að tilkynna um
vaxtalækkunina, og sagðist ætla að
lækka vexti um 25 punkta á næstu
dögum, eða um 0,25%.
Björn Björnsson framkvæmda-
stjóri hjá bankanum sagðist í sam-
tali við Morgunblaðið vera bæri-
lega bjartsýnn á frekari lækkanir á
árinu og hið sama segja forsvars-
menn hinna bankanna.
I eðlilegu samræmi
við þróun á markaði
Birgir Isleifur Gunnarsson
seðlabankastjóri segir í samtali
við Morgunblaðið að vextir á lang-
tímabréfum hafi verið að lækka
allmikið undanfarnar vikur. Hann
segir það vera viðbrögð markaðar-
ins við fréttum frá fjármálaráð-
hen'a um að ríkissjóður hyggist
leysa til sín töluvert magn af bréf-
um. „Mér finnst vaxtalækkun
bankanna vera í eðlilegu samræmi
við þá þróun sem orðið hefur á
verðbréfamarkaði og ég held að
vel geti verið að vextir haldi áfram
að lækka,“ sagði Birgir.
Guðmundur Hauksson spari-
sjóðsstjóri segir að Sparisjóðirnir
muni lækka vexti á verðtryggðum
inn- og útlánum á næstunni. „Við
ætlum að lækka vexti um næstu
mánaðamót um 0,10-0,15%, í
þessu skrefi. Þessir vextir taka að
sjálfsögðu mið af því sem gerist á
markaðnum og fylgja hreyfingum
á honum,“ sagði Guðmundur.
Hann sagði að sér kæmi það
ekki á óvart ef verðtryggðir vextir
hreyfðust niður á við áfram. „Það
er meiri óvissa með óverðtryggða
vexti því það var nokkur verð-
bólga í janúar. Menn vilja sjá
frekari tölur um verðlagsþróun
áður en menn breyta óverðtryggð-
um vöxtum."
Stefán Pálsson, bankastjóri
Búnaðarbanka, sagði að bankinn
myndi bæði lækka vexti á verð-
tryggðum og óverðtryggðum inn-
og útlánum um næstu mánaðamót.
„Við erum þó aðallega að lækka
vexti á verðtryggðum lánum, og
lækkunin á þeim nemur um
0,10-0,25% að jafnaði," sagði Stef-
án.
Hann sagði að frekari vaxta-
lækkanir væru líklega í farvatninu
þar sem ríkið yrði með lítið af út-
boðum á skuldabréfum á árinu,
enda er stefna ríkissjóðs nú að
borga upp lán í stað þess að taka
lán.
Brynjólfur Helgason, fram-
kvæmdastjóri fyi-ii-tækjasviðs
Landsbanka íslands hf., sagði að
bankinn myndi tilkynna um sínar
lækkanir um næstu helgi. „Við er-
um að fara yfir stöðuna og tilkynn-
um um næstu helgi hvað verður.
Það má reikna með að við séum að
stefna að lækkun í samræmi við
þróunina á markaðnum,“ sagði
Brynjólfur.
Lán háð breytilegum
LIBOR-vöxtum
Bjarni Ármannsson, forstjóri
Fjárfestingarbanka atvinnulífsins,
segir að vaxtalækkun, lík þeirri
sem Islandsbanki boðar, sé ekki
möguleg hjá FBA vegna eðli þeirra
lána sem bankinn er með í útlána-
safni sínu.
Hann segir þau lán sem bank-
inn erfði við stofnun sína hafi ver-
ið í erlendri mynt og háð svoköll-
uðum LIBOR-vöxtum sem eru
breytilegir millibankavextir og
hækka og lækka í samræmi við
hreyfingar á alþjóðlegum mörkuð-
um. Því sé ekki hægt að hækka né
lækka vexti á eldri lánum í er-
lendri mynt í takti við innlenda
vaxtaþróun.
„Þessi lán eru 70% útlána bank-
ans en 30% útlánasafnsins er í ís-
lenskum krónum. Flest þeirra lána
eru með fasta vexti sem haldast
óbreyttir þótt vextir hækki eða
lækki almennt í þjóðfélaginu,"
sagði Bjarni, en að hans sögn eru
föstu vextirnir breytilegir eftir
þeim samningum sem gerðir voru.
„Þannig hreyfast kjör okkar við-
skiptavina með vaxtaþróun eriend-
is á þeirri mynt sem þeir hafa kosið
að hafa skuldir sínar.“
Hann sagði að í sambandi við ný
útlán keppti bankinn við aðra
banka og verðbréfamarkaði og þá
taki tilboð bankans um vexti mið af
því.
Samskip
hf. vill
kaupa bif-
reiðastöð
KB
SAMSKIP HF. og Kaupfélag Borg-
firðinga hafa skrifað undir viljayfir-
lýsingu um kaup Samskipa á eign-
um bifreiðastöðvar kaupfélagsins
og yfirtöku á rekstri stöðvarinnar.
Bifreiðastöðin hefur annast alla
landflutninga KB.
Ólafur Olafsson, forstjóri Sam-
skipa, staðfesti þetta í samtali við
Morgunblaðið. Hann sagði að kanna
þyrfti ýmis atriði varðandi kaupin
áður en gengið yrði til samninga, en
sagðist eiga von á að skrifað yrði
undir fyrir lok næsta mánaðar.
„Við erum að kaupa tæki og tól
félagsins og taka yfir gildandi
samninga þess. Þessi kaup eru hluti
af því að þétta og bæta landflutn-
ingakei’fi Samskipa. Frá Borgar-
nesi fara bílar í allar áttir og það er
heppilegt að þetta falli saman,“
sagði Ólafur, en félagið rekur land-
fiutningadeildina Landflutningar
Samskip.
Ólafur sagði að Landflutningar
Samskip hefðu verið með flutninga-
miðstöðvar í öllum landsfjórðungum
nema Vesturlandi til þessa og hefðu
haft hug á að bæta úr þeirri vöntun.
Hann sagði að stöðin yrði áfram í
Borgarnesi, ef af samningum yrði,
en gerðar yrðu einhverjar breyting-
ar á þjónustu hennar og rekstri.
----------------
Framkvæmdastjóri
Nýsköpunarsjóðs
Aukinn áhugi
meðal fjár-
festa
PÁLL Kr. Pálsson, framkvæmda-
stjóri Nýsköpunarsjóðs, segist
fagna því að Landsbanki íslands hf.
sé að koma inn í fjármögnun ný-
sköpunar og vaxtargreina í íslensku
atvinnulífi með stofnun dótturfé-
lagsins Landsbankinn - Framtak
hf.
Að sögn Páls voru mjög skiptar
skoðanir um fjárfestingar í frum-
stigsfyrirtækjum þegar Nýsköpun-
arsjóður hóf starfsemi fyi'ir rúmu
ári. „Þegar við hófum starfsemina
urðum við vör við áhyggjur hjá
þeim aðilum sem fjárfesta í hluta-
bréfum óskráðra félaga. Töldu þeir
að við myndum ráðast inn á mark-
aðinn þar sem þeir væru fyrir á en
þessir aðilar fjárfesta meii'a í fyrir-
tækjum sem eiga eitt til þrjú ár í að
sækja um skráningu á Verðbréfa-
þingi Islands en við höfum einbeitt
okkur að fyrirtækjum sem eru
lengra frá skráningu. Við höfum
fengið ágæt viðbrögð og finnum fyr-
ir vaxandi áhuga fjármagnsmark-
aðsins að nálgast okkur og koma að
nýsköpunartengdari verkefnum þar
sem áhættan er óneitanlega meiri
en einnig arðsemisvonin.“
Mikil gerjun í gangi
Páll segir að Nýsköpunarsjóður
hafí átt gott samstarf við þá aðila
sem eru á markaðnum, svo sem
Burðarás, Eignarhaldsfélagið Al-
þýðubankinn og Þróunarfélag Is-
lands. í ágúst bættist Uppspretta,
sem er áhættufjárfestingasjóður í
vörslu Kaupþings, við og að sögn
Páls hefur Nýsköpunarsjóður
einnig átt gott samstarf við sjóðinn
við fjármögnun verkefna. Þá segist
Páll sjá fram á aukið vægi íslenska
hugbúnaðarsjóðsins á þessum
markaði en Landsbankinn - Fram-
tak hafa umsjón með rekstri hans.
„Það er greinilega mikil gerjun í
gangi og ekkert nema gott um það
að segja,“ segir framkvæmdastjóri
Nýsköpunarsjóðsins.
Morgunverðarfundur á Hótel Borg
Fimmtudaginn 28. janúar 1999, kl. 8:00 - 9:30
HIN HLIÐIN Á
2000 VANDANUM
• Hver á að borga fyrir aðlögun tölvukerfa?
• Hver ber ábyrgð á hugsanlegu tjóni?
• Getur athafnaleysi stjórnenda leitt til ábyrgðar?
• Hvað um tryggingaþáttinn?
• Hvað með viðskiptavildina?
FRAMS Ö GUMENN: ____________________________________________________^
Guðjón Rúnarsson hdl., aðstoðarframkvæmdastjóri Verslunarráðs
Ragnar Birgisson, framkvæmdastjóri Skífunnar ehf.
Friðrik Sigurðsson, framkvæmdastjóri Tölvumynda hf.
Sigmar Ármannsson, framkvæmdastjóri Sambands ísl. tryggingafélaga
Að loknum framsöguerindum geta fundarmenn komið á framfæri fyrirspumum eða
komið með athugasemdir.
Athugið að fundurinn verður á Hótel Borg.
Fundargjald (morgunverður innifalinn) kr. 1.500,-
Fundurinn er öllum opinn en æskilegt er
að tilkynna þátttöku fyrirfram í síma 510 7100 eða
bréfasíma 568 6564 eða með tölvupósti mottaka@chamber.is.
VERSLUNARRAÐ ISLANDS
si