Morgunblaðið - 31.01.1999, Page 1

STOFNAÐ 1913
25. TBL. 87. ARG.
SUNNUDAGUR 31. JANUAR 1999
PRENTSMIÐJA MORGUNBLAÐSINS
Robin Cook hittir leiðtoga stríðandi fylkinga í Kosovo
Itrekar úrslitakosti
Tengslahópsins
Vín, Brussel, Tirana. Reuters.
ROBIN Cook, utanríkisráðherra Bretlands,
hitti í gær Slobodan Milosevic, forseta
Júgóslavíu, sambandsríkis Serbíu og Svart-
fjallalands, í Belgrad. Hélt hann að þeim fundi
loknum þegar til borgarinnar Skopje þar sem
hann hitti Ibrahim Rugova, leiðtoga hófsamra
Kosovo-Albana. Mun Cook hafa ítrekað fyrir
þeim að stríðandi fylkingai- í Kosovo verði að
setjast niður til samninga í næstu viku eða taka
afleiðingunum ella. I Brussel sátu fulltrúar að-
ildarríkja Atlantshafsbandalagsins (NATO) á
fundi þar sem gert var ráð fyrir að þeir myndu
ákveða að auka viðbúnað sinn, hlíti deilendur í
Kosovo ekki tilmælum Tengslahópsins.
Bæði serbnesk stjómvöld og leiðtogar hóf-
samra Kosovo-Albana hafa sagst reiðubúin til að
ganga til viðræðna en fulltrúar Frelsishers
Kosovo (KLA) segja hins vegar ekki koma til
greina að hefja viðræður á meðan ofbeldisherferð
Serba haldi áfrarn. Var haft eftir stjómvöldum í
Albaníu að eina leiðin til að fá Serba til að virða
kröfur Tengslahópsins væri að beita valdi.
Sagði Cook er hann hélt af stað til Belgrad að
skilaboð sín væm skýr. „Nú er kominn tími til að
hefja viðræður og til að sinna hinu mjög svo mik-
ilvæga starfi að ná samningum byggðum á tillög-
um Tengslahópsins.“ Tengslahópurinn svokallaði,
sem Bandarfldn, Bretland, Þýskaland, Italía,
Rússland og Frakkland eiga aðÖd að, hefur sagt
að samningur verði að liggja íyrir innan þriggja
vikna.
„Taldst okkur ekki að þoka þessu friðarferli
áfram er líklegt að vopnahléið í Kosovo bresti
endanlega sem gæti haft afar alvarlegar afleið-
ingar fyrir íbúa Kosovo,“ sagði Cook í gær.
Öryggisráð SÞ
lýsir yfir stuðningi
Öryggisráð Sameinuðu þjóðanna lýsti seint á
fóstudagskvöld stuðningi sínum við úrslitakosti
Tengslahópsins. Höfðu blóðug átök sett svip
sinn á daginn en Sandy Blyth, talsmaður
Öryggis- og samvinnustofnunar Evrópu (ÖSE),
vildi þó ekki ganga svo langt að kalla blóðbaðið í
bænum Rogovo fjöldaaftöku en þar féllu tutt-
ugu og fjórir Kosovo-Albanar og einn serbnesk-
ur lögreglumaður. Halda Serbar því fram að
Kosovo-Albanamir hafi verið meðlimir í KLA
en það fæst ekki staðfest og munu einungis þrír
þeirra hafa verið í búningi KLA.
Máli Anwars
Ibrahims
ekki vísað frá
HUNDRUÐ manna ki’öfðust af-
sagnar Mahathir Mohamads, for-
sætisráðherra Malasíu, í mót-
mælaaðgerðum í miðborg Kuala
Lumpur í gær. Mótmælin fóru
friðsamlega fram en tveir mánuð-
ir em nú liðnir síðan síðast kom til
slíkra aðgerða á götum úti í
Malasíu. Fyrr um daginn hafði
dómarinn í réttarhöldunum yfir
Anwar Ibrahim, fyrrverandi að-
stoðarforsætisráðherra landsins,
úrskurðað að ákærum um spill-
ingu og kynferðisafbrot á hend-
ur Anwar yrði ekki vísað frá og
bað hann verjendur Anwars nú
að hefja vörn sína. Gert er ráð
fyrir að þeir muni kalla Mahat-
hir í vitnastúkuna þegar réttar-
höldum verður fram haldið.
Verjendur Anwars sögðust í
gær vilja yfirheyra, auk forsætis-
ráðherrans sjálfs, ýmsa aðra ráð-
herra úr ríkisstjórn landsins en
Anwar heldur því fram að ásak-
anir á hendur sér séu liður í póli-
tískri ófrægingarherferð andstæð-
inga sinna.
Á myndmni sjást mótmælendur
ræða við lögregluna sem liafði
nokkurn viðbúnað í Kuala Lump-
ur í gær.
Alice Starr
hefði skilið
við Clinton
fyrir löngu
HAFT er eftir eiginkonu Kenneths Starrs,
sem stýrði rannsókninni á hendur BiII
Clinton Bandaríkjaforseta, í tímariti sem
ætlað er bandarískum húsmæðrum að hún
hefði fyrir löngu skilið við Clinton stæði
hún í spomm Hillary Clinton. „Eg myndi
helst ekki vilja vera gift manni sem ekki
elskaði mig nógu mikið til að vera mér
trúr,“ segir Alice Starr í viðtali við Ladies
Home Journal.
I viðtalinu ber Alice Starr blak af eigin-
manni sínum, sem mátt hefur þola andúð
margra fyrir rannsókn sína og hversu
hart hann gekk fram í því að grafa upp
ósóma um Clinton. En þótt Alice standi
við hlið manns síns sá hún ekki ástæðu til
að Iesa skýrslu hans um forsetann, þar
sem lýst er allnákvæmlega ástafundum
hans með Monicu Lewinsky. „Eg hef ekki
ánægju af svona lestrarefni," segir hún.
„Eg treysti eiginmanni mínum. Ef hann
segir að Clinton hafi framið meinsæri og
hindrað framgang réttvísinnar þá er það
einmitt það sem gerðist.“
Sjálfur lýsir Kenneth Starr hjónabandi
þeirra hjóna sem afar traustu, en hann
gerir nú tilraun til að bæta ímynd sína í
augum Bandaríkjamanna. Segist Starr
ekki geta hugsað sér betri leið til að
slaka á en skreppa í sunnudagsbfltúr og
hlusta á Alice lesa upp sálma.
Segir ekkert
athugavert
við einræktun
EINN af umdeildustu talsmönnum vísinda
í Bretlandi segir að hann hefði alls ekkert
á móti því að eiga einræktað aukaeintak
af dóttur sinni. Segir Richard Dawkins,
líffræðiprófessor við Oxford-háskóla og
höfundur íjölda bóka um erfðafræði, að
ekkert sé athugavert við einræktun, t.d.
séu allir eineggja tvíburar einræktaðir.
„Hver sá sem er andsnúinn einræktun
verður að standa fyrir máli sínu við alla
eineggja tvíbura í heiminum, sem gæti
fundist móðgandi að gefið sé í skyn að
eitthvað sé athugavert við tilvist þeirra.
Einræktaðir menn eru jú bara eins og ein-
eggja tvíburar."
Þegar sagt var frá einræktun ærinnar
Dollíar árið 1997 sagði Dawkins að sér
fyndist það „hrikalega spennandi" til-
hugsun að geta e.t.v. búið til annað eintak
af sjálfum sér, fimmti'u árum yngri, og
veitt góð ráð við upphaf 21. aldarinnar.
Fjármálatengsl ASÍ
og atvinnurekenda
áhrifamikil
10
„Mamma, ég vil
búa til þetta hljóð“
Stærstir þar sem við
erum á nmmd borð
SUNNUPAGUR