Morgunblaðið - 21.03.1999, Blaðsíða 11
MORGUNBLAÐIÐ
SUNNUDAGUR 21. MARZ 1999 11
Morgunblaðið/Kristinn
það hafí verið vöruhús með virðis-
auka. Vörur komu inn í húsið, í þessu
tilviki alls kyns bílapartar, stuðarar,
mælaborð, vatnskassar og þess hátt-
ar og ýmis konar rafhlutir í bíla.
Pessu var komið í geymslu þai'na en
þegar átti að afhenda vöruna áttu
stuðararnir að vera samsettir og búið
að tengja í þá ljósin, slöngur áttu að
vera komnar utan á vatnskassana og
þar fram eftir götunum. Einu sinni
voru þetta bara vöruhús en nú kalla
þeir þetta virðisaukandi vöiuhús.
Fyrirtækið sem á vöruhúsið tekur
ekki bara að sér að geyma vöruna
heldur að vinna hana aðeins áfram.
Þetta voru gríðarleg húsakynni, ég
held að þarna hafi farið í gegn hlutir í
nokkur hundruð bíla á dag.“
Er þetta ef til vill eitthvað sem þú
sérð fyrir þér hjá ykkur?
„Ég er ekki að segja að við förum
í þetta, heldur að flutningastarfsem-
in erlendis er orðin svo gríðarlega
fjölbreytt að við gætum kannski
fundið einhver arðbær svið fyrir
okkur að vera með í.“
Eimskip siglir bæði til
meginlands Evrópu, Bretlands og
Bandaríkjanna. Benedikt segir vaxt-
armöguleika sjálfsagt beggja megin
Atlantsála, „en Eimskip hefur fært
meira út kvíarnar í Evrópu en
Bandaríkjunum. Það svæði er nær
okkur og umsvifm meiri.“ Hann
kvaðst telja meiri líkur á að umsvif
fyrirtækisins ykjust í Evrópu en
vestanhafs.
Heldurðu að samkeppni í flutn-
ingum til og frá landinu eigi eftir að
aukast enn meira frá því sem hún er
í dag?
„Ég held að áfram verði sam-
keppni, hún minnkar að minnsta
kosti ekki. Frekar held ég að hún
aukist eða verði svipuð. Island er
auðvitað ekki stórt land þannig að
ekki er pláss fyrir mjög marga og í
dag eru það aðallega tvö félög sem
sjá um áætlunarsiglingarnar, Eim-
skip og Samskip."
Hver heldurðu að þróunin verði á
Ameríkuleiðinni?
„Það er svolítið erfítt að segja.
Það hefur áhrif á þróunina þar með
hverjum hætti flutningarnir fyrir
Varnarliðið eru. Þó að þeir séu ekki
stór þáttur miðað við heildarumsvif
Eimskips þá skipta þeir máli á þess-
ari leið og það er verið að bjóða það
út núna eftir að dómstólar í Banda-
ríkjunum kváðu upp úr með það að
síðasta útboð hafi verið ólögmætt."
Attu von á því að starfsemi
Burðaráss eigi eftir að breytast eitt-
hvað?
„Ég vonast til þess að fjárfesting-
ar Burðaráss gangi vel. Burðarás er
fjárfestingararmur Eimskipafélags-
ins og það eru þó nokkuð mörg ár
síðan Eimskip færði hlutabréf sín í
Flugleiðum og fleiri félögum í þetta
sérstaka félag. Burðarási hefur vax-
ið mjög fískur um hrygg; fjárfest-
ingarnar hafa yfirleitt heppnast
mjög vel og skilað félaginu góðum
arði og mikilli verðmætaaukningu.
Það má segja að Burðarás sé fjár-
festingarsjóður sem leitar stöðugt
tækifæra á markaðnum eins og
margir aðrir fjárfestingasjóðir gera
í dag. Víða eru efnileg fyrirtæki sem
gæti verið skynsamlegt að fjárfesta
í; fyrirtæki sem gætu skilað góðum
arði og eflt atvinnulífið í landinu.“
Marel ánægjulegt dæmi
Benedikt tekur Marel sem dæmi en
Burðarás er stærsti hluthafinn í því
fyrirtæki og „kjölfestufjárfestir,"
eins og hann orðar það.
„Burðarás studdi til dæmis við
bakið á Marel þegar þurfti að auka
hlutafé þar mikið fyrir tveimur ár-
um þegar keypt var fyrirtæki í Dan-
mörku.
Það hefur verið mjög ánægjulegt
fyrir þá sem hafa fjárfest í Marel, að
sjá hve fyrirtækið hefur vaxið; Mar-
el er eitt þessara nútímafyrirtækja
sem hafa skapað vel launaða atvinnu
fyrir fjölda manna og gerir það von-
andi í framtíðinni.“
Stundum hafa verið viðraðar
skoðanir þess efnis að Burðarás
eigi of stóran hlut í Flugleiðum.
Sérðu fyrír þér einhverjar breyt-
ingar á eignaraðild ykkar að fyrir-
tækinu?
„Mér er ekki kunnugt um að nein-
ar breytingar séu fyrirhugaðar á þvi.
Burðarás minnkaði aðeins hlut sinn í
Flugleiðum á síðasta ári en nú standa
ekki til neinar breytingar. Það má
segja að Burðarás sé líka kjölfestu-
fjárfestir í Flugleiðum og leiði það fé-
lag; Hörður Sigurgestsson [forstjóri
Eimskips] er stjómarformaður og
hefur mikla reynslu og þekkingu á
því sviði. Flugleiðir er eitt af megin-
félögum á íslandi og er rekið með
miklum myndarbrag. En félagið á í
harðvítugri samkeppni erlendis og
hefur ekki tekist að ná mjög góðri
fjárhagsafkomu; seinni hluta ársins
1998 gekk hins vegar mjög vel, og
vonir standa til þess að árið í ár geti
orðið gott. En samkeppnin er mjög
mikil, þannig að það er vissara að
vera ekki of bjartsýnn."
Hyggst Burðarás halda áfram að
fjárfesta í sjávarútvegsfyrirtækj-
um?
„Burðarás hefur fjárfest talsvert í
sjávarútveginum á síðustu árum og
hefur góða reynslu af því. Félagið
hefur áhuga á að vera með í sjávar-
útveginum, hann er aðalatvinnu-
grein landsmanna og ég vona að
Burðarás taki áfram þátt í þeirri
þróun sem þar er.“
Telurðu sjávarútveginn góðan
fjárfestingarkost?
„Já, hann hefur reynst Burðarási
ágætis fjárfestingarkostur. Það hef-
ur gengið vel í sjávarútvegi á síð-
ustu árum og vonandi verður svo
áfram því ef sjávarútveginum vegn-
ar ekki vel á Islandi þá mun lands-
mönnum ekki vegna vel. Það fer
saman. Þetta er aðalatvinnuvegur
þjóðarinnar og verður það um ófyr-
irsjáanlega framtíð. Aðrar greinar
eru auðvitað að eflast og Burðarás
vill gjarnan taka þátt í að efla aðrar
atvinnugreinar. Til dæmis ferða-
þjónustuna, sem félagið gerir með
þátttöku í Flugleiðum, og tækni-
greinar líka - í gegnum í Marel og
með þátttöku í öðrum fyrirtækjum,
tölvufyrirtækjum og fleirum."
Telurðu jafnvel líkur á að
Burðarás fari í frekari mæli út í
þátttöku í hátækniiðnaðinum?
„Það eru vaxtarmöguleikar þar og
framsækin félög leita alltaf eftir
vexti og góðum arði.“
Ferðaþjónustan er oft nefnd þeg-
ar rætt er um vaxtarmöguleika.
Sérðu fyrír þér að þið gerið eitthvað
frekar á þeim vettvangi?
„Ég sit í býsna
mörgum félögum og
eftir að ég er orðinn
stjórnarformaður í
Eimskipafélaginu
fylgir því stjórnar-
seta í mörgum dótt-
urfyrirtækjum, bæði
hér heima og erlend-
is. Þetta eru því ein-
hverjir tugir félaga."
„Flugleiðir er ekki bara flugfélag.
Fyrii-tækið er í ferðaþjónustu í víð-
um skilningi, meðal annars hótel-
rekstri, og ég geri ráð fyrir því að
Burðarás muni hafa mest afskipti af
ferðaþjónustu í gegnum Flugleiðir."
Snúum okkur að flutningastarf-
semi Eimskipafélagsins aftur. Er af-
koman af henni viðunandi að þínu
mati?
,Afkoman af flutningastarfsem-
inni var nú ekkert sérstök á síðasta
ári. Það hefur verið mikil samkeppni
og menn munu reyna að bæta af-
komuna með því að gera reksturinn
hagkvæmari. Það er vinna sem er í
gangi alla daga.“
Engar töfralausnir
Er hægt að ná betrí árangri?
„Það er alltaf hægt að ná betri ár-
angri ef menn leggja sig fram við
það. Tækniframfarir og ýmsir þættir
eru þess eðlis að ekkert verður við
það ráðið en við annað er hægt að
ráða og við reynum að takast á við þá
hluti. Ég held að almennt séð hafi
fyrirtækið verið mjög vel rekið, en í
flestum atvinnurekstri má finna nýj-
ar leiðir til að gera hlutina enn betur
og auka hagkvæmni. Og Eimskip
hefur verið mjög framariega í þvl;
auðvitað hefur orðið algjör bylting í
flutningamálum; skipin, allur búnað-
ur, vörugeymslur; þetta er með allt
öðrum hætti en fyrir tiltölulega fáum
árum. Það hefur verið gert gríðarlegt
átak í þessu öllu saman. Gámavæð-
ingin var til dæmis gríðarlegt mál.“
Má eiga von á einhverjum sér-
stökum nýjum áherslum hjá þér,
sem stjórnarformanni Eimskipafé-
lagsins?
„Ég tók nú bara við í síðustu
viku!“ segir Benedikt og brosir. „Ég
tek við þroskuðu fyrirtæki þannig að
ég er ekki að breyta því. Það mun
halda áfram að þróast og ég mun
reyna að hafa góð áhrif á það eftir
því sem ég kann. En ég á ekki von á
að ég sé með neinar töfralausnir
sem breyti hag fyrirtækisins skyndi-
lega.“
Mig langar að forvitnast aðeins
um sjálfan þig. Þú hefur tengst
mjög mörgum fyrirtækjum og allt
hlýtur það að taka gífuríegan tíma.
Hvernig kemstu yfir þetta allt?
„Stjórnarstörf eru ekki heils dags
vinna á hverjum stað þannig að með
því að skipuleggja sig svolítið þá
hefur mér tekist að halda utan um
þetta. Að minnsta kosti var mér falið
þetta nýja verkefni og ég verð að
reyna að skipuleggja mig til að geta
sinnt því vel. En vissulega kallar
þetta- á skipulagningu. Það er mjög
erfitt að taka svona að sér ef maður
væri í fullu stai’fi einhvers staðar, en
ég er það bara ekki; ég vinn hvergi,
en ég kem víða við.“
Það er langt síðan þú hefur verið í
„venjulegri“ vinnu, ekki satt?
„Jú, það má segja að síðan ég rak
lögfræðistofuna mína hafi ég ekki
verið í venjulegu starfi frá níu til
fimm. Ég hef lítið sinnt lögfræði-
störfum síðan um miðjan síðasta
áratug. Ég fór að draga mjög úr því
upp úr 1980, þegar ég fór í bæj-
arpólitíkina í Garðbæ og meira út í
stjórnarstörf."
En hefur svona upptekinn maður
einhver áhugamál önnur en vinn-
una? Grúskarðu í einhverju öðru?
„Ég hef átt heima í Garðabæ síðan
1966. Strákamir mínir voru allir í
[Ungmennafélaginu] Stjömunni þeg-
ar þeir vora yngri og það leiddi til
þess að ég fór að hafa ýmis afskipti af
því félagi og hjálpa til við að byggja
það upp. Það var ekki eins mikil
starfsemi í því þá og er núna en ég
hef reynt að leggja félaginu lið gegn-
um tíðina. Ég hafði mikinn áhuga á
því og hef haft af því mikla ánægju
líka. Ég á marga góða vini í Stjöm-
unni og í kringum félagið. Það má
segja að svolítið púður hafi farið í það
og svolítill frítími. En frítímanum
eyði ég annars að mestu leyti með
fjölskyldunni. Ég hef gaman af því að
veiða á sumrin og svo er ég farinn að
fikta svolítið við golf. Ég kynntist því
fyrir mörgum áram en held ég hafi
ekki snert kylfumar í nálægt 30 ár,
fyrr en ég fór að prófa það aftur fyrir
tveimur eða þremur áram.“
Golfíð er mikill tímaþjófur, þannig
að það hlýtur að kosta talsverða
skipulagningu að bæta því við alla
vinnuna.
„Það fer í það mikill tími og ég
held því fram að menn verði að hafa
fjölskylduna með í því. Það gengur
ekki fyrir þá sem eru uppteknir að
vera einir að grúska í því. Ég og
konan mín höfum einmitt reynt að
fara saman í gotfið.“
Hugsarðu ef til vill um trygging-
ar og flutninga þegar þú ert að
pútta?
„Nei. Ég reyni að sinna aðeins golf-
inu meðan ég er í því. Reyni að láta
annað ekki trafla mig; hluti sem era
ekki jafnmikilvægir - þá stundina!“