Morgunblaðið - 21.03.1999, Blaðsíða 16

16 SUNNUDAGUR 21. MARZ 1999
MORGUNBLAÐIÐ
____________________________________l'ÞRÓTTIR___________________________________
Aron Kristjánsson hefur slegið í gegn á fyrsta ári sínu með danska liðinu Skjern
Morgunblaðið/Gísli Hjaltason
ARON Kristjánsson er hér kominn inn á línuna og skorar gegn Ungverjum í heimsbikarkeppninni í Svíþjóð. Aðrir íslendingar á mynd-
inni eru Valdimar Grímsson, Róbert Sighvatsson og Dagur Sigurðsson, sem allir leika f Þýskalandi.
Viggó bervti á
Handknattleiksmaðurinn Aron Kristjánsson úr
Hafnarfírði lék með Haukum um árabil, en söðl-
aði um sl. sumar og gerðist atvinnumaður hjá
danska liðinu Skjern sem leikur nú í fyrsta sinn í
efstu deild. Vel hefur gengið í vetur, Aron hefur
fest sig í sessi sem einn af lykilmönnum liðsins og
er fyrir vikið aftur kominn í íslenska landsliðið.
Björn Ingi Hrafnsson ræddi við hann á heimsbik-
armótinu í Svíþjóð í vikunni um atvinnumennsk-
una og lífið í landi frænda vorra Dana.
að er geysilega gaman að vera
kominn aftur í landsliðið," seg-
ir Aron og bætir því við að hver
leikmaður hljóti ávallt að stefna að
föstu sæti á meðal þeirra bestu.
„Það hefur gengið ágætlega í vetur
og fyrir vikið fæ ég kærkomið
tækiæri. Nú er undir mér komið að
nýta þetta og festa mig í sessi sem
landsliðsmaður Islands í hand-
knattleik. Það er ekkert auðvelt,
enda fjölmargir góðir leikmenn að
berjast um fáar stöður. En ég hef
trá á mér og vona auðvitað það
besta,“ bætir leikmaðurinn við, en
hann var í landsliðshópi Þorbjöms
Jenssonar í landsleikjunum gegn
Frökkum og Ungverjum á heims-
bikarmótinu, fékk að spreyta sig
undir lokin í seinni leiknum og
skorað m.a. eitt mark. I æfingaleik
á fóstudag gegn Egyptum fékk
hann einnig tækifæri og skoraði
tvö mörk í góðum sigri „okkar
manna“ - 29:27.
Viggó benti á hann
Aron segist ennþá vera mikill
Haukamaður í sér, enda lék hann
með liðinu í öllum yngri flokkum
og hóf að leika með meistaraflokki
félagsins í úrslitakeppni 1. deildar
1991. „Þetta var í fyrsta skiptið
sem úrslitakeppnin var haldin og
þama fékk ég fyrsta tækifærið. Eg
lék svo með Haukaliðinu alla tíð
eftir þetta og lauk tímabilinu
1997/8.“
Algengt er að ungir menn og
konur, ekki síst í íþróttum, vilji
hleypa heimdraganum og róa á
önnur mið. Aron segist ekki hafa
verið þar undantekning og komi
hafi verið tími á tilbreytingu. „Ég
held hins vegar ekki að ég hefði
getað leikið með öðm liði á Islandi
- til þess er ég of mikill Hauka-
maður. En það blundaði í mér þrá
að/komast erlendis og leika þar
handknattleik - ég ætlaði að reyna
fyrir mér.“
Fyrir ríflega einu ári var danska
liðið Skjem ofarlega í 2. deild og
frágengið að þjálfarinn Anders
Dahl Nielsen tæki við þjálfun liðs-
ins fyrir næstu leiktíð. Nielsen er
Islendingum að góðu kunnur, hann
þjálfaði m.a. KR hér á landi og
danska landsliðið, og hann var
ákveðinn í að styrkja liðið. I því
augnamiði hafði hann samband við
góðvin sinn og starfsbróður, Viggó
Sigurðsson þjálfara Wuppertal í
Þýskalandi, og bað hann að mæla
með íslenskum leikmanni í stöðu
miðjumanns og leikstjómanda.
„Og Viggó benti á mig,“ segir Aron
brosandi og bætir við að skilyrðið
hafi einnig verið að viðkomandi
leikmaður gæti leikið í vöm og
skotið utan af velli. „Forráðamenn
liðsins höfðu svo samband við mig
og buðu mér út til Danmerkur til
að kynna mér aðstæður. í þeirri
ferð leist mér ágætlega á allan að-
búnað hjá félaginu og ákvað því að
slá til. Við sjáum alls ekki eftir
því.“
islenska handboltaparið
í Skjern
Unnusta Arons, Hulda Bjama-
dóttir, er einnig kunnur handknatt-
leiksmaður - lék með hinu sterka
Haukaliði um árabil. Þau fluttust
saman út og búa í snoturri íbúð í
miðbænum. Og leika bæði með
stolti bæjarbúa - handknatt-
leiksliði Skjern.
„Það er mikið lán að Huldu líkar
einnig vel í Danmörku, hún vinnur
á leikskóla og er einnig leikmaður
Skjem í kvennadeildinni. Skjem er
með nokkuð sterkt lið, leikur í 2.
deild og hefur verið á mikilli upp-
leið,“ útskýrir Aron. Hann hefur
sjálfur tækifæri til að sinna fjar-
námi meðfram spilamennskunni
með Skjem, á tæp tvö ár eftir í
kennaranámi frá Kennaraháskóla
fslands. Sérsvið hans þar em
landafræði og íslenska og Aron
segir dýrmætt að geta stundað
námið með. „Ég var alltaf ákveðinn
í að nýta þetta tækifæri. Með að-
stoð nútímatölvutækni er ekkert
mál að vera í námi fjarri heimahög-
um og fyrir vikið get ég aflað mér
menntunar og leikið sem atvinnu-
maður um leið. Því verða engin
vandkvæði með starfsframa þegar
heim verður haldið á ný. Þetta er
eitthvað sem ég hef gaman af og
hef alltaf verið ákveðinn í að gera,“
segir Aron.
Hann bætir því einnig við að nú-
tímatölvutækni geri þeim Huldu
einnig kleift að fylgjast vel með
fréttum að heiman. „Upphafssíðan
á Netinu hjá okkur er Iþróttavefur
Morgunblaðsins og þannig getum
við fylgst vel með gangi mála í
handboltanum heima.“
„Helvítis kallinn!“
Þjálfarinn Anders Dahl Nielsen
nýtur mikillar virðingar í Dan-
mörku að sögn Arons. „Hann er
enda mjög skipulagður og
skemmtilegur náungi sem náð hef-
ur frábærum árangri í sínu starfi.
Velgengni okkar í vetur er ekki sist
honum að þakka og almenningur
er sér meðvitandi um það.“
Skjern hefur staðið sig geysivel í
dönsku 1. deildinni á þessari leik-
tíð, endaði í 2. sæti deildarinnar og
var nálægt þvi að tryggja sér bik-
armeistaratitilinn - tapaði í úrslita-
leik eftir framlengingu. „Þetta er
þeim mun merkilegra þar sem liðið
komst eiginlega fyrir slysni upp í 1.
deild eftir að hafa lent í 3. sæti 2.
deildar veturinn áður. Hefð er fyrir
úrslitakeppni liðanna sem lenda í 3.
og 4. sæti 2. deildar gegn þeim
tveimur liðum sem næst eru fall-
sætunum í efstu deild og sl. vor
gerðist það að bæði liðin úr 2. deild
komust áfram. Það var því skipt
um fjögur lið í efstu deild á einu
bretti,“ segir Aron og sýtir greini-
lega ekki þá niðurstöðu sem von-
legt er.
„Þjálfarinn bregður oft á leik á
æfingum og sýnir þá að hann kann
ennþá nokkur orð í íslensku," segir
Aron. „Hann segir mér á íslensku
hvert ég eigi að fara og stendur svo
svaka stoltur eftir. Hann rifjar oft
upp veru sína hér á landi með bros
á vör og segist aldrei gleyma því
nafni sem leikmenn gáfu honum og
nefndu hann einatt.“
Og hvaða nafn er það? - „Helvít-
is kallinn,“ svarar Aron og hlær.
„Nielsen segist ekki hafa heitið
annað hér á landi.“
Ætlum alla leið
Úrslitakeppni dönsku deildar-
innar hefst nú á laugardag og
Skjern mun þar etja kappi við ekki
ómerkara lið en Esbjerg - liðið
sem lék til úrslita um Danmerkur-
meistaratitilinn sl. vor. „Það verð-
ur eflaust geysilega erfitt, en við
erum bjartsýnir á gott gengi og
ætlum auðvitað alla leið. Við höfum
nú þegar gert meira en nokkur
bjartsýnasti stuðningsmaður þorði
að vona og hvers vegna ættum við
því ekki að geta haldið áfram á sig-
urbraut?"
Eitt ár er eftir af samningi
Ai-ons við danska liðið og forráða-
menn þess hafa fyrir löngu byrjað
að leggja drögin að nýjum samn-
ingi. „Ég hef ekki viljað skrifa
undir framlenginu enn, því við er-
um ekki viss um hvað við viljum
og engin ástæða er til að flýta sér í
þessum efnum. Fyrst er að sjá
hvernig liðinu gengur í úrslita-
keppninni og eftir það er mikil-
vægt að bestu mennirnir haldi
áfram með liðinu - hverfi ekki allir
á braut. Nú þegar er einmitt ljóst
að landsliðsmaðurinn Claus Jac-
obsen er á förum í atvinnu-
mennsku og á móti mun koma
markvörðurinn Sören Gotfredsen
úr atvinnumennsku með liði á
Kanaríeyjum, en hann var lengi
markvörður Kolding. Það er því
útlit fyrir einhverjar breytingar
og ég vil sjá hvernig málin þró-
ast.“
En væri ekki lag að styrkja liðið
með íslenskum leikmönnum?
- Jú, og það hefur komið til tals
innan félagsins. Alls ekkert er úti-
lokað í þeim efnum, en dönsk lið
hafa ekki fjárhagslegt bolmagn til
að hafa marga atvinnumenn á sín-
um snærum. Hér er í gildu sú regla
að allir leikmenn bera eitthvað úr
býtum og hljóta þar að auki sinn
skerf að bónusum þegar vel geng-
ur. Vissulega fá betri leikmennirnir
meira, en þetta er þó afar sann-
gjamt fyrirkomulag," segir Aron.
Mikið hefur verið rætt og ritað
um launakjör íþróttamanna. Safn-
ar Aron fúlgum fjár í landi Baun-
anna?
„Nei, svarar hann. En ég kvarta
heldur alls ekki. Við höfum það
mjög gott,“ og þar með er það út-
rætt.
Margir handknattleiksmanna
þjóðarinnar hafa flust til Þýska-
lands, þar sem virðist vera mest að
gerast í handknattleik í dag. Meðal
þeirra er stórskyttan Ólafur Stef-
ánsson, en hann var einmitt her-
mig
bergisfélagi Arons á Hótel Winn í
Gautaborg meðan á heimsbikar-
mótinu stóð.
„Vissulega væri mjög gaman að fá
tækifæri til að leika í Þýskalandi,"
segir Aron og bætir við að strák-
amir í landsliðinu hafi sagt sér af
lífinu í Þýskalandi. „Því er ekkert
að leyna að hugurinn stefnir þang-
að - ég læt mig dreyma um að
leika í Þýskalandi. Mér líður afar
vel í Skjem og gengur flest í hag
þessa dagana, er m.a. komið í
landsliðið. En þá er einmitt mikil-
vægt að halda áfram og vaxa
þannig og dafna sem íþróttamað-
ur.“
Verðum að komast á EM
Aron er aftur kominn í landsliðið
eftir nokkurt hlé og gengi þess var
fremur misjafnt á heimsbikarmót-
inu. Góður leikur en naumt tap
gegn gestgjöfum Svía, þá stórskell-
ur gegn frísku liði Frakka og loks
frábær hefndarsigur á liði Ung-
verja, sem stóð m.a. fyrir því að við
náðum ekki að leika um verðlauna-
peninga á HM í Kumamoto 1997 og
verðum ekki á meðal keppnisþjóða
á HM í Egyptalandi nú í sumar.
„Það er gaman að taka þátt í bar-
áttunni með landsliðinu og leikirnir
á heimsbikarmótinu voru mikil-
vægur þáttur í undirbúningnum
fyrir átökin í vor,“ segir hann. Is-
land mun þá etja kappi við landslið
Sviss og Kýpur í forkeppni um sæti
í úrslitakeppni EM sem haldin
verður næsta sumar.
„Það fer ekkert á milli mála að
þessir landsleikir eru gríðarlega
mikilvægir og hreinlega verða að
vinnast. Mér finnst allir leikmenn
gera sér grein fyrir þessu og við
eigum að vinna Kýpur örugglega.
Þá eru eftir tvær erfiðar viðureign-
ir gegn Sviss, heima og heiman og
mikilvægt er að eiga heimaleikinn
fyrst. íslenska landsliðið er að
mínu mati sterkara en Sviss og
þess vegna vil ég leyfa mér að vera
bjartsýnn fyrir þessar erfiðu og
mikilvægu viðureignir. En þetta
verður allt annað en auðvelt," bæt-
ir Aron við.