Morgunblaðið - 22.06.1999, Blaðsíða 2

2 ÞRIÐJUDAGUR 22. JÚNÍ 1999
MORGUNBLAÐIÐ
Hitaveita Suðurnesja
Jörðin Þóru-
staðir keypt
vegna hita-
réttinda
HITAVEITA Suðurnesja hefur
keypt jörðina Þórustaði á Vatns-
leysuströnd til að tryggja sér nýt-
ingu hitaréttinda á svæðinu. Hita-
veita Reykjavíkur gerði tOboð í um-
rætt svæði í ágúst í fyrra en að sögn
Jóhanns Einvarðssonar, stjórnarfor-
manns Hitaveitu Suðumesja, náðust
samningar við aðila sem átti for-
kaupsrétt gagnvart samningi land-
eigandans við Hitaveitu Reykjavíkur
um að hann nýtti forkaupsrétt sinn
þannig að Hitaveita Suðurnesja gæti
eignast umrætt svæði.
„Þetta er partur af háhitasvæðum
sem tengjast meira og minna saman.
Við erum með þessu að tryggja
framtíðina hjá okkur. Það er ómögu-
legt að segja til um það í dag hvort
þetta verður nýtt sjálfstætt eða tO að
tryggja þann hitapott sem við erum
með. Við vildum að þetta yrði aOt
undir einni yfírstjóm. Það hefði
hugsanlega verið hættulegt ef svona
pottur væri undir margra aðila
stjóm,“ sagði Jóhann. Hann sagði að
Hitaveita Suðumesja myndi nó láta
fara fram rannsóknir á þessu svæði.
--------------
Þriggja bfla
árekstur
EINN var fluttur á slysadeild með
hálsmeiðsl eftir árekstur þriggja
bifreiða á gatnamótum Háaleitis-
brautar og Kringlumýrarbrautar
um kl. 14 í gær. Eina bifreið þurfti
að flytja á brott með kranabifreið.
Bílstjórar bifreiðanna voru allir í
bflbeltum og telur lögreglan þann
öryggisbúnað hafa komið í veg fyrir
frekari slys.
FRÉTTIR
190 fískvinnslustarfsmenn á Vestfjörðum ekki fengið laun í sex vikur
Félagsmálaráðherra gerð
grein fyrir vandanum
Morgunblaðið/Halldór Sveinbjörnsson
FULLTRÚAR bæjarráða ísaijarðarbæjar, Bolungarvíkur og Vesturbyggðar funduðu í gærkvöldi með
ráðuneytisstjóra félagsmálaráðuneytisins á Bolungarvík.
FULLTRÚAR bæjarráða ísafjarð-
arbæjar, Bolungarvíkur og Vestur-
byggðar funduðu í gærkvöldi með
ráðuneytisstjóra félagsmálaráðu-
neytisins um þá stöðu sem komin er
upp hjá rúmlega 190 starfsmönnum
fyrirtækjanna Rauðsíðu á Þingeyri,
Rauðfelds á Bfldudal og Bolfisks á
Bolungarvík, en þeim hafa ekki ver-
ið greidd laun um nær sex vikna
skeið. Guðni Geir Jóhannesson, for-
maður bæjarráðs Isafjarðarbæjar,
segir að tillaga bæjarráðanna á
fundinum hafí verið sú að erlendu
starfsfólki fyrirtækjanna yrði gert
kleift að vera hér á landi lengur
með von um að rekstur þeirra kom-
ist af stað á ný. Hann segir að ráðu-
neytisstjórinn hafí tekið vel í erind-
ið og skýri félagsmálaráðherra frá
stöðu mála í dag en engar ákvarð-
anir voru teknar á fundinum.
Guðni Geir sagði í samtali við
Morgunblaðið í gærkvöldi að starfs-
fólkið ætti sín réttindi og ekki væri
ráðlegt að það segði sjálft upp störf-
um því þá tapaði það réttindum.
Það hlyti að skýrast á næstu dögum
hvort fyrirtækin héldu áfram starf-
semi. Hann sagði áríðandi að er-
lendum starfsmönnum fyrirtækj-
anna yrði gerð grein fyrir því hvaða
vandi blasti við og í því skyni hefði
verið leitað eftir því að túlkar yrðu
fengnir vestur. Til stæði að kanna
hug fólksins til þess hvort það vildi
vera áfram fyrir vestan og sjá til
með hvort fyrirtækin færu af stað
aftur. En fyrst og fremst yrði að
veita starfsmönnum einhverja fyrir-
greiðslu svo þeir gætu lifað sóma-
samlegu lífí.
Guðni Geir sagði að fundað hefði
verið óformlega með bæjarstjóm
Vesturbyggðar á sunnudag þar sem
ákveðið hefði verið að bæjarfélögin
ynnu saman að þessu máli. í gær
hefði síðan einnig verið fundað með
bæjarstjóm Bolungarvíkur, Al-
þýðusambandi Vestfjarða og full-
trúum vinnumálaskrifstofu félags-
málaráðuneytisins.
Guðni Geir sagði að unnið væri
að málinu, en ekkert væri í hendi
ennþá um það hver niðurstaðan
yrði. Verið væri að reyna að fá fé-
lagsmálaráðuneytið að þessu máli
með bæjarráðunum, þar seni þetta
fólk hefði ekki fengið laun í sex vik-
ur, en stór hluti þess væm útlend-
ingar sem gætu litla björg sér
veitt.
Hann sagði að þeim sýndist að á
Bfldudal væri um að ræða störf 25
íslendinga og 29 erlendra starfs-
manna. A Þingeyri væri um að ræða
37 íslendinga og 58 erlenda starfs-
menn og á Bolungarvík 8 Islendinga
og 36 erlenda starfsmenn. Um 190
starfsmenn væri að ræða í heildina,
en þess bæri að gæta að eitthvað af
erlenda starfsfólkinu væri í sumar-
fríum þessa stundina og það væri
ekki tekið með í þessum tölum.
„Við teljum þetta félagslegs eðl-
is. Þetta er mjög alvarlegt ástand.
Fólkið hefur verið án launa í sex
vikur, en fengið lítilsháttar stuðn-
ing frá verkalýðsfélagi í formi láns
út á væntanleg laun,“ sagði Guðni
Geir.
Hann sagði að vonandi tækist
fyrirtækinu að komast í gang aftiir
og þá leystist þetta mál, en ef svo
illa færi að fyrirtækið myndi endan-
lega loka væri fólkið illa statt. Því
væri verið að skoða hvemig bregð-
ast ætti við fjárhagsvanda þessa
fólks og þeir myndu reyna að knýja
á um svör í þeim efnum.
Morgunblaðið/Líney
Dýravinir
á Hálsvegi
Þórshöfn. Morgunblaðið.
ÞAÐ var heppinn þrastarungi
sem félagarnir Stefán og Halldór
björguðu á dögunum. Hreiðrið
hans lá í grjóthrúgu og þessi eini
ungi vappandi hjá, ófleygur en
ómeiddur.
Strákamir fóra heim með ung-
ann og hreiðrið og settu í tómt
páfagauksbúr þar sem unganum
líkaði vel. Hann er fóðraður á
stórum ánamöðkum sem Stefán
ætlaði að selja laxveiðimönnum.
„Hann þarf svo rosalega mikið að
éta, hann þarf að éta þyngd sína
á dag,“ sagði Stefán sem hefur
horft á eftir öllum ánamöðkunum
sfnum og tekjumöguleikum ofan í
lystargóða þrastarungann.
Unginn sýnir ekki á sér neitt
fararsnið að sögn Huldu, móður
Stefáns, heldur vill hann vera
með heimilisfólkinu og fá sér
kaffisopa. Hann er forvitinn og
sótti mikið í kaffibolla hjá fólkinu
svo honum var gefinn sopi á eld-
húsborðið og líkaði vel. Einnig
sækir hann í að silja á öxl Stefáns
og annarra heimilismanna. Hann
er orðinn fleygur og heimilisfólk-
ið hefur reynt að sleppa honum
en hann kemur alltaf aftur. Hann
skreppur kannski yfir götuna í
næsta garð í heimsókn en kemur
svo aftur og vill frekar fjölskyldu
sína á Hálsveginum heldur en há-
væra þresti í garðinum.
Prestastefna
sett í Prest-
bakkakirkju
PRESTASTEFNAN verður sett
klukkan 13.30 í dag með messu í
Prestbakkakirkju en að henni lok-
inni flytur biskup íslands, Karl Sig-
urbjörnsson, yfirlitsræðu sína um
störf kirkjunnar. Yfirskrift presta-
stefnu í ár er „Samleið með Kristi".
Við setninguna flytur forseti
kirkjuþings, Jón Helgason, ávarp
og síðar mun Sólveig Pétursdóttir
kii-kjumálaráðherra einnig ávarpa
prestastefnu.
Einkenni á dagskrá prestastefnu
í ár eru svonefndar helgigöngur og
gefst almenningi kostur á þátttöku í
göngu síðdegis í dag. Verður haldið
frá Systrafossi klukkan 17.30 og
gengið að Systrastapa. Á leiðinni
verður staðnæmst nokkrum sinnum
og hlýtt á ritningarlestur og helgi-
stund verður við Systrastapa.
Prestastefnan mun á morgun
heimsækja bæði bænhúsið á Núps-
stað og eiga helgistund í Langholts-
kirkju í Meðallandi.