Morgunblaðið - 22.06.1999, Page 25
MORGUNBLAÐIÐ
ÞRIÐJUDAGUR 22. JÚNÍ 1999 25
ERLENT
Þíða í samskiptum Rússlands og Bandarikj anna eftir leiðtogafund í Köln
Jeltsín og Clinton boða
sættir milli ríkjanna
Köln. Reuters, AFP.
Reuters
GERHARD Schröder, kanslari Þýskalands, fagnar Borís Jeltsín Rúss-
landsforseta við komu þess síðarnefnda til Kölnar á sunnudag.
BORIS Jeltsín Rússlandsforseti
ræddi við Bill Clinton Bandaríkja-
forseta í Köln á sunnudag og sagði
að ríkin þyrftu að sættast eftir
deilu þeirra um loftárásir NATO á
Júgóslavíu sem höfðu valdið mikilli
spennu í samskiptum ríkjanna.
Clinton tók í sama streng og spáði
því að samband ríkjanna myndi
styrkjast á ný og verða jafnvel
betra en nokkru sinni fyrr.
„Við þurfum að sættast eftir
átök okkar. Það er aðalatriðið,"
sagði Jeltsín skömmu fyrir fundinn
með Clinton. Þeir ræddust við í
klukkustund og þetta var fyrsti
fundur þeirra í tíu mánuði.
Jeltsín var í Köln á lokadegi
þriggja daga leiðtogafundar G-8
hópsins, sjö helstu iðnríkja heims
og Rússlands. Leiðtogamir ræddu
aðgerðir til að koma á stöðugleika
á fjármálamörkuðunum og létta
skuldabyrði þróunarríkja en bætt
tengsl Vesturlanda og Rússiands
vom helsta umræðuefnið.
Afvopnunarviðræður
í sumar
Fyrstu merkin um þíðu í sam-
skiptum Bandaríkjanna og Rúss-
lands komu fram í sameiginlegri
yfirlýsingu leiðtoganna tveggja eft-
ir fundinn í Köln. I yfirlýsingunni
sagði að ríkin myndu hefja viðræð-
ur í sumar um hugsanlegar breyt-
ingar á gagnflaugasamningi ríkj-
anna frá 1972, ABM, og um frekari
fækkun langdrægra kjamavopna.
Sandy Berger, þjóðaröryggis-
ráðgjafi Bandaríkjanna, sagði að
þetta væri í fyrsta sinn sem Rússar
léðu máls á því að breyta gagn-
flaugasamningnum, sem fjallar um
flugskeyti til að granda langdræg-
um kjamorkuskotflaugum, til að
greiða fyrir því að Bandaríkja-
menn gætu eflt kjamorkuvamir
sínar.
í staðinn féllust Bandaríkja-
menn á að hefja á ný viðræður um
START 3-samninginn um fækkun
langdrægra kjamavopna, en þeir
höfðu áður krafist þess að rúss-
neska þingið samþykkti fyrst
START 2-samninginn. Markmiðið
með START 2-samningnum var að
fækka kjarnaoddum hvors ríkis í
3.500 en í viðræðunum um START
3 er gert ráð fyrir því að hvort ríki
geti haldið 2.000 kjamaoddum.
Bandaríkjaþing staðfesti START 2
árið 1996.
Engin loforð um
afskriftir lána
Rússum tókst hins vegar ekki að
tiyggja vemlegar afskriftir lána á
leiðtogafundi G-8 hópsins. Rússar
hafa átt í miklum erfiðleikum með
að standa í skilum við erlenda lán-
ardrottna sína frá því fjár-
málakreppan í Rússlandi hófst í
ágúst. Erlendar skuldir Rússa
nema nú andvirði 10.300 milljarða
króna og endurgreiðslur þeirra í ár
eiga að nema rúmum 1.000 millj-
örðum króna.
Leiðtogar Bandaríkjanna,
Japans, Þýskalands, Frakklands,
Bretlands, Italíu og Kanada sögðu
að Rússar yrðu fyrst að ná sam-
komulagi við Alþjóðagjaldeyris-
sjóðinn (IMF) áður en þeir gætu
gert sér vonir um breytingar á
skuldum þeirra.
Jeltsín sagði við Clinton að A1
Gore, varaforseti Bandaríkjanna,
og Sergej Stepashín, forsætisráð-
herra Rússlands, þyrftu að hefja
reglulega fundi á ný sem allra
fyi-st. Clinton kvaðst hlynntur
þeirri hugmynd.
Stepashín, sem sat fundinn
fyrstu tvo dagana í stað Jeltsíns,
kvaðst ætla að fara til Washington
í ágúst til að ræða við Gore.
„Ég er á meðal
vina núna“
„Ég er á meðal vina núna,“ sagði
Jeltsín þegar hann faðmaði Ger-
hard Schröder, kanslara Þýska-
lands, á leiðtogafundinum. Leið-
togar iðnríkjanna sjö vora ánægðir
með sáttatóninn í rússneska for-
setanum og Tony Blair, forsætis-
ráðherra Bretlands, sagði að ný
„brú samkomulags“ hefði verið
reist á milli Rússlands og vestur-
veldanna.
Jeltsín virtist fremur vel á sig
kominn og afslappaður á fundinum
þrátt fyrir veikindi hans síðustu
misserin. „Hann virtist líkamlega
sterkur ... hann getur ekki hlaupið
mai-aþon en er vel á sig kominn,"
sagði Jean Chretien, forsætisráð-
herra Kanada.
Jeltsín færði Clinton óvenjulega
gjöf á fundi þeirra, bunka af skjöl-
um frá sovésku Íeyniþjónustunni
KGB um morðið á John F. Kenn-
edy. Berger sagði þetta „mjög
áhugaverða gjöf‘ sem yrði rann-
sökuð, þýdd og gefin út síðar.
Jeltsín hafði gefið rússneskum
stofnunum fyrirmæli um að safna
saman öllum rússneskum gögnum
um morðið, meðal annars leynileg-
um skjölum um Lee Harvey
Oswald, sem var sakaður um morð-
ið á Kennedy og bjó um tíma í Sov-
étríkjunum.
«• Jj, ,
hiiiHTÍíí , ■" > ý't
»-í4!# lis
SSiitSr*
Hvort sem leið þín liggur á Austurvöll eða Austurland; upp á
hálendið eða upp í Breiðholt er Honda CR- V rétti ferðafélaginn.
Honda CR-V er vel búinn og sprækur sportjeppi á mjög
hagstæðu verði og sameinar bestu kosti jeppa og borgarbíls.
- betri bíll
Vatnagörðum 24 ■ Sími 520 1100 ■ www.honda.is
Akranes: Bllver sf.. simi 431 1985. Akureyri: Höldur hf., slmi 4813000. EgilsstaBlr. Bíia- og búvélasalan hf„ sími 4712011. Kefíavlk: BG Bllakringlan ehf., síml 4211200. Vestmannaeyiar: BilaverkstæðiO Bragginn, slmi481 1535.