Morgunblaðið - 21.07.1999, Qupperneq 4

4 MIÐVIKUDAGUR 21. JÚLÍ 1999
FRETTIR
MORGUNBLAÐIÐ
Áætlanir um byggingu íþróttamannvirkja í Laugardal fyrir á annan milljarð
Morgunblaðið/Arnaldur
INGIBJÖRG Sólrún Gísladóttir borgar-
stjóri seg-ir að bygging íþrótta- og sýn-
ingarmannvirkja í Laugardal sé þáttur í
því að móta ímynd Reykjavíkur.
sig til að kaupa ákveðinn
fjölda tíma í húsinu fyrir
íþróttafélög og skóla. Að
öðru leyti geti rekstrar-
aðilinn leigt húsið út til
íþróttaiðkana, fjölleika-
sýninga, tívolís, sýninga
torfærubfla, hestaíþrótta
eða annarra viðburða.
„Ef knattspyrnuhúsið
yrði í eigu einkaaðila ætti
ekki að veíjast fyrir
íþróttafélögum úr öðrum
sveitarfélögum að leigja
sér tíma þar,“ segir Ingi-
björg Sólrún. „Skaga-
menn ættu til dæmis að
geta nýtt sér húsið, enda
er orðið stutt að fara af
Skaganum í Grafarvog.“
Nýting
dalsins
full-
mótuð
INGIBJÖRG Sólrún Gísladóttir
borgarstjóri kynnti í gær áætlan-
ir um byggingu íþróttamann-
virkja í Laugardal fyrir á annan
milljarð króna, og segir hún að
þegar gengið hafi verið frá skipu-
lagningu þeirra sé nýting Laug-
ardalsins fullmótuð.
Áætlað er að reisa rúmlega
fimm þúsund fermetra fjölnota
íþrótta- og sýningarhús fyrir
fjögur hundruð milljónir króna í
tengslum við Laugardalshöllina.
Einnig á að byggja 50 metra inni-
sundlaug fyrir fjögur hundruð
milljónir króna, og heilsuræktar-
stöð, sem áætlað er að kosti um
fimm hundrað milljónir, við
Laugardalslaug. Stefnt var að því
að byggja knattspyrnuhús í daln-
um en hætt hefur verið við það
og verður því fundinn staður ann-
ars staðar, sennilega í Grafar-
vogi.
Ingibjörg segir mannvirkin
vera mikilvægan þátt í því að
móta ímynd Reykjavíkur sem
heilsuræktar- og ráðstefnuborg,
sem verði æ mikilvægari þáttur í
því að laða til landsins útlenda
ferðamenn.
Hlutafélag reki íþróttahúsið
Nefnd sem skipuð var af borg-
inni vegna byggingar fjölnota
íþróttahúss leggur til að það
verði byggt og rekið af hlutafé-
lagi í eigu Reykjavíkurborgar,
Samtaka iðnaðarins og íþrótta-
hreyfingarinnar. Er Iagt til að
hlutafé verði 75 milljónir króna
og að fyrrnefndu aðilarnir tveir
eigi 40% hvor, en íþróttahreyf-
ingin 20%. Hlutafélaginu er
einnig ætlað að reka Laugardals-
höllina, enda verða byggingar
samtengdar og samnýttar.
Gert er ráð fyrir að borgin
muni gera leigusamning um afnot
af húsinu fyrir skóla og íþróttafé-
lög, en jafnframt eignast það eft-
ir 30-35 ár. Félagið mun leigja
húsið út utan þess tíma til ann-
arra aðila, til dæmis vegna sýn-
inga eða stórfunda. Gert er ráð
fyrir að rekstrarkostnaður Laug-
ardalshallarinnar aukist um 17
milljónir króna þegar íþróttahús-
ið bætist við.
Nefndarmenn segja að húsið
verði einkum hannað með fijálsí-
þróttagreinar í huga, og mun það
gjörbreyta aðstöðu til mótahalds í
þessum greinum hér á Iandi.
Ráðgert er að fimmtíu metra
innisundlaug og heilsuræktarstöð
við Laugardalslaugina verði gerð
í samvinnu Reykjavikurborgar og
Björns Kr. Leifssonar, eiganda
líkamsræktarstöðvarinnar World
Class. Sundlaugin verður í eigu
borgarinnar en heilsuræktarstöð-
in, sem verður allt að 5000 fer-
metrar að stærð, í eigu Björns.
Viljayfirlýsing um samstarf borg-
arinnar og Björns var undirrituð
í gær.
Knattspyrnuhús sennilega
í Grafarvogi
Nefndin leggur einnig til að
reist verði knattspyrnuhús, en
vegna stærðar slíks mannvirkis
er ekki talið að það geti verið í
Laugardalnum. Helst er litið til
þess að það geti risið í Grafar-
vogi. Nefndin telur þrjár leiðir
koma til greina við byggingu
hússins, með mismikilli þátttöku
borgarinnar. Hún mælir með því,
og hefur til þess stuðning borgar-
stjóra, að auglýst verði eftir
einkaaðilum sem hafi áhuga á að
byggja og reka húsið fyrir eigin
reikning, en að borgin skuldbindi
Gagnrýni sjálfstæðismanna
villandi
Gagnrýni hefur komið fram frá
borgarfulltrúum Sjálfstæðis-
flokksins vegna þeirrar ákvörð-
unar meirihlutans að ætla að láta
lóð í Laugardalnum, sem á sínum
tíma var ráðstafað undir tónlist-
arhús, undir hús Landssímans og
bíóhús, sem Jón Ólafsson hyggst
reisa.
„Þessi gagnrýni miðar að því
að leiða fólk á villigötur," segir
Ingibjörg Sólrún. „Ævinlega er
talað um þetta svæði sem útivist-
arsvæði í þessu sambandi, en það
er ekki og hefur aldrei hluti af
útivistarsvæðinu í Laugardal.
Svæðið milli Engjavegar og Suð-
urlandsbrautar hefur að minnsta
kosti frá aðalskipulagi 1962 verið
merkt sem stofnanasvæði. Þess
vegna voru til dæmis hugmyndir
um að reisa þarna tónlistarhús. I
mars sl. samþykkti borgarráð
einróma að gefa Landssímanum
kost á þessari lóð, og það er því
dáiítið seint að koma núna og tala
um voðaverk í þessu sambandi.
Þá var voðaverkið framið með
aðalskipulagi árið 1962 og endur-
tekið margsinnis eftir það, eða þá
að það var framið í mars sl. og
sjálfstæðismenn stóðu þá að því.“
Ingibjörg segir að ekki sé þörf
á að stækka útivistarsvæði borg-
arinnar. „Reykjavík er mjög
græn borg og við eigum injög
stór útivistarsvæði. Við erum með
Nauthólsvíkina, sem eru miklar
framkvæmdir við núna, við erum
með alla strandlengjuna, Öskju-
hliðina, Hljómskálagarðinn,
Laugarnesið, Laugardalinn, EI-
liðaárdalinn, Fossvogsdalinn og
svo framvegis. Allt eru þetta
verðmæt svæði og mikilvæg sem
við eigum að standa vörð um, en
við eigum líka að standa vörð um
þær byggingarlóðir sem við eig-
um í skipulagi. Það er mjög mik-
ilvægt að nýta slíkar Ióðir til að
þétta byggðina og Ijúka þeirri
uppbyggingu sem þarf að eiga
sér stað vestan EHiðaánna."
Ingibjörg segir að byggingarn-
ar tvær sem rætt sé um að reisa á
lóðunum henti mjög á þessum
stað. „Við gerðum þá kröfu til
Landssímans að í húsi þeirra yrði
ákveðið sýningarhald sem tengd-
ist tækni og fjarskiptum, eða
öðru því sem þeir telja áhugavert
að sýna. Hugmynd Bíó ehf., sem
verið er að skoða, er að byggja
tómstundahús með kvikmynda-
sýningum, keilu, billjard og ýms-
um fleiri afþreyingarmögfuleik-
um. Þar er bæði verið að stfla inn
á fjölskyldurnar og einnig ung-
lingana. Það finnst mér mjög
mikilvægt. Það er ekki margt við
að vera fyrir unglinga á aldrinum
16-18 ára í Reykjavík. Þegar
menn tala um unglingamenning-
una og afþreyingarmöguleika
þeirra með niðrandi hætti held ég
að menn megi fara að vara sig.“
Vill hugmyndasamkeppni
um skipulagið
Vilhjálmur Þ. Vilhjálmsson,
borgarráðsfulltrúi sjálfstæðis-
manna, segir að skipulag lóðanna
hafi ekki náð þeim markmiðum
sem borgarfulltrúar Sjálfstæðis-
manna hafi gert kröfur um. Á
fundi borgarráðs í gær, þar sem
taka átti málið fyrir, kynnti hann
borgarstjóra bókun þar sem fram
kemur að sjálfstæðismenn hyggj-
ast greiða atkvæði gegn tillögu
meirihlutans um breytingu á
deiliskipulagi svæðisins. Vil-
hjálmur segir að erfítt sé fyrir
fólk að taka afstöðu til tillagn-
anna þegar ekki liggi fyrir hvern-
ig vestari lóðin, þar sem rætt hef-
ur verið um að reisa kvikmynda-
hús, verði notuð. „I öðru Iagi sýn-
ir sig að útfærsla bygginga á
eystri lóðinni getur ekki tekið
mið af viðkvæmu umhverfi og
ásýnd Laugardalsins, þó vissu-
lega megi segja að „Tæknigarð-
ur“ og bflastæði nyrst á lóðinni
geti með ákveðnum hætti tengst
og nýst starfsemi Fjölskyldu- og
húsdýragarðsins. Einnig eru eng-
in tengsl sýnd milli þessara
tveggja lóða sem ætti þó að vera
lágmarkskrafa þegar tillaga að
deiliskipulagi á svo viðkvæmu
svæði er auglýst," segir í bókun-
inni.
I samtali við Morgunblaðið
bendir Vilhjálmur á, að í mars sl.,
þegar samþykkt voru einróma í
borgarráði drög að samkomulagi
við Landssimann, ásamt fyrirheiti
um úthlutun á lóðinni, hafí full-
trúar Sjálfstæðisflokksins lagt
fram bókun, þar sem segir meðal
annars: „Að okkar mati er það al-
gjört skilyrði fyrir uppbyggingu
á þessum reit að staðsetning
bygginga, bflastæða svo og frá-
gangur lóða og aðkoma falli vel
að nánasta umhverfi í Laugar-
dalnum.“
í Ijósi þess að þetta hafi ekki
tekist, leggur Vilhjálmur til að
failið verði frá öllum áformum
um uppbyggingu atvinnulóða á
svæðinu. I staðinn leggur hann til
að fram fari hugmyndasam-
keppni um skipulag og framtíðar-
nýtingu þess, þar sem mið verði
tekið af annarri starfsemi í Laug-
ardalnum. Með því móti telur
hann að náðst geti sátt um nýt-
ingu svæðisins meðal borgarbúa,
sem hann segir mjög mikilvægt.
Sumaraukinn í AUSTURLÖNDUM!
‘Iofrar 1001 mztur
Ný útgáfa af vinsælustu ferð okkar -
á stórlækkuðu verði -17. okt. - 3. nóv. 18. dagar
Töfrandi Malasía - Istana - Höll gylltu hestanna.
Vika á BALI CIiff/NIKKO - Mandarin Singapore,
5 stjörnu lúxus allt í gegn - Fá sæti á gjafverði núna!
Pöntunarsími 56 20 400
rtROASKKIfSTOÍA
WPFUAW
“ HEIMSKLÚBBURINGÓLFS
Utnefnd í alþjóðasaintökin KXCELLENCE IN I RAVEL
Skýrsla um
landfyllingar
Þrír kostir
taldir
raunhæfír
LÖGÐ VAR fram í borgarráði í gær
skýrsla borgarverkfræðings og
Borgarskipulags um landfyllingar.
Borgarráð samþykkti tillögu borgar-
ráðsfulltrúa Reykjavíkurlistans, um
að skýrsluhöfundum yrði falið að
vinna áfram að þremur kostum sem
taldir væru raunhæfir til frekari
skoðunar. Um er að ræða eyjabyggð
á fyllingum við Örfirisey, íbúða-
byggð á fyllingu við Skerjafjörð og
landfyllingu við Ingólfsgarð.
Sjálfstæðismenn gera
athugasemd
Minnihluti sjálfstæðismanna gerði
athugasemd við tillöguna og lét bóka
hana. í athugasemdinni segir: „Ljóst
er að sú athugun sem embætti borg-
arverkfræðings og Borgarskipulags
hafa gert á fimm tillögum um land-
fyllingu, þ.e. þremur undir íbúðar-
hverfi og tveimur undir flugvöll í
landi Reykjavíkur, sýnir að tillög-
urnar eru í flestum tilvikum algjör-
lega óraunhæfar. Við erum ekki
sammála þeirri niðurstöðu skýrslu-
höfunda að íbúðabyggð á fyllingu við
fyrrv. athafnasvæði Skeljungs í
Skerjafirði og byggð á fyllingu með-
fram Sæbraut fyrir framan Skúla-
götubyggðina séu raunhæfar. Hins
vegar getum við fallist á að landfyll-
ing við Ingólfsgarð verði skoðuð nán-
ar. Þvert á móti eru þær óraunhæfar
þegar tekið er tillit til umhverfis-,
skipulags- og umferðartenginga,"
segir í bókun minnihlutans.
„Verði hins vegar ákveðið að
kanna nánar landfyllingu við Örfiris-
ey/Akurey undir u.þ.b. 5.000 manna
íbúðarbyggð er brýnt að ítarleg
grein verði gerð fyrir áhrifum stað-
setningar slíkrar byggðar í næsta
nágrenni við olíuhöfn í Örfirisey.
Enn fremur verður að gera gleggri
grein fyrir áhrifum breikkunar Mýr-
argötu í fjórar akreinar sem er for-
senda fyrir 5.000 manna byggð á
þessu svæði,“ segir í bókun sjálf-
stæðismanna.
---------------
Hverfisvernd í
Grjótaþorpi
„Ekkert hverfí
með jafnríka
• • LL
sogu
BORGARRÁÐ hefur samþykkt að
fela Borgarskipulagi að undirbúa til-
lögu um hverfisvernd í Grjótaþorpi.
I greinargerð með tillögu borgarráðs
segir að í Grjótaþorpinu sé að finna
einstaka húsaþyrpingu.
„í skipulagslögum sem tóku gildi
árið 1998 segir að ef innan skipulags-
svæðis séu einstakar byggingar,
mannvirki, húsaþyrpingar, náttúru-
minjar eða trjágróður sem æskilegt
sé að varðveita vegna sögulegs, nátt-
úrulegs eða menningarlegs gildis, án
þess að um lögformlega friðun sé að
ræða, skuli setja ákvæði um hverfis-
vernd í viðkomandi skipulag. Þannig
hefur borgin nú möguleika á að
vemda einstök hverfi sérstaklega.
Ekkert hverfi í Reykjavík hefur
jafnríka sögu og sérkenni og Grjóta-
þorpið og er sjálfsagt að hinum nýju
ákvæðum um hverfisvernd sé fyrst
beitt þar. Með hverfisvernd er lögð
áhersla á að byggingar og starfsemi í
hverfinu séu í samræmi við sögu og
menningu hverfisins," segir í grein-
argerð með tillögunni.
I skipulagsreglugerð er nánar
fjallað um hverfisverndarsvæði í
skipulagsáætlunum. Þar segir m.a.
að gera skuli grein fyrir því hvaða
þættir í umhverfi viðkomandi svæðis
skuli njóta forgangs og tiltekinnar
verndar og hvaða réttindi og skyldur
og kvaðir séu samfara hverfisvernd
fyrir stjórnvöld og borgara varðandi
landnotkun og framkvæmdir.