Morgunblaðið - 03.09.1999, Side 16

16 FÖSTUDAGUR 3. SEPTEMBER 1999
MORGUNBLAÐIÐ
AKUREYRI
Búnaðarbankinn kaupir hlut Akureyrar í ÚA á tæpar 1.250 milljónir króna
Fjármununum verður
varið til atvinnumála
BÆJARRÁÐ Akureyrar samþykkti á fundi sín-
um í gær að taka tilboði Búnaðarbanka Islands
hf. í 20% eignarhlut bæjarins í Utgerðarfélagi
Akureyringa hf. og var Kristjáni Þór Júlíussyni
bæjarstjóra falið að ganga frá sölunni. Nafnvirði
bréfa bæjarins í UA var 183,6 mOljónir króna og
fyrir þau borgar bankinn rúmar 1.246 milljónir
króna, á genginu 6,79.
Kristján Þór sagðist mjög ánægður með það
verð sem fékkst fyrir eignarhlut bæjarins í UA.
„Eg hef aldrei haft efasemdir um að þessi bréf
væru góður fjárfestingarkostur og ég hef heldur
ekld haft áhyggjur af því að ekki fengist viðun-
andi verð fyrir bréfin. Nú þurfa menn að fara að
taka ákvarðanir um það hvernig fara á með þessa
fjármuni og til hvaða verkefna á sviði atvinnu-
mála þeim skuli varið. Þegar við erum að tala um
atvinnumál verðum við að hafa í huga að hluti af
atvinnumálum og verkefnum sveitarfélagsins á
Bréfin góður fjárfest-
ingarkostur, segir
bæjarstjóri
sviði atvinnumála er m.a. að skapa fyrirtækjum
innan sinna vébanda samkeppnishæf skilyrði á
við önnur sveitarfélög. Það tekur til uppbygging-
ar í skólum, leikskólum og fleiri þátta.“
ÚA fullkomlega sjálfbjarga
og gengur vel
Kristján Þór sagði jafnframt að Akureyrarbær
hefði með beinum hætti lagt fjármuni í atvinnu-
starfsemi og að bærinn og bæjarbúar hefðu
ávaxtað þessa fjármuni í ÚA í nokkuð langan
tíma. „Það fyrirtæki er fullkomlega sjálfbjarga og
gengur vel og það er einfaldlega kominn tími til
að verja þessum fjármunum í þágu bæjarbúa með
öðrum hætti. Eg hef heldur enga trú á að nokkur
breyting verði á rekstri ÚA við þetta.“
Að auki bárust tilboð í hluta af eignarhlut bæj-
arins í ÚA, frá Kaupþingi hf. annars vegar og
Fjárfestingarbanka atvinnulífsins, FBA, hins
vegar og voru þau einnig lögð fram á fundi bæjar-
ráðs í gær. Kaupþing gerði tilboð í bréf að nafn-
virði rúmlega 42,1 milljón króna og vildi greiða
263,4 milljónir króna fyrir þau. FBA bauð 218,8
milljónir króna í bréf í félaginu að nafnvirði 34
milljónir króna. Að frádreginni tilboðsþóknun var
kaupgengi beggja félaganna í bréfin um 6,25.
Bréfin hækkuðu á Verðbréfaþingi
Hlutabréf í Útgerðarfélagi Akureyringa hækk-
uðu um 3,5% á Verðbréfaþingi íslands í gær, úr
6,55 í 6,87 en viðskipti með bréf félagsins námu
rúmum sex milljónum króna.
Jólatáknið
1999
JÓLATÁKNIÐ, tákn komandi jóla,
er orðið fastur liður í starfsemi
Jólagarðsins í Eyjafirði. Árlega
fær hann til liðs við sig fólk sem er
þekkt af hagleik og vönduðu hand-
verki. Viðkomandi vinnur siðan úr
því efni sem honum er tamt og
hann helst kýs.
Jólatáknið er framleitt í einung-
is 110 tölusettum eintökum. Áður
hefur verið unnið í leir, tré og
gler. Táknið kemur að þessu sinni
úr dyngju Ágústínu G. Jónsdóttur
á Dalvík. Um er að ræða „bróder-
að kramarhús". Gripurinn er sann-
kölluð gersemi þar sem saman
fara einkar fínlegt handbragð og
fullkomin smekkvísi, að því er
fram kemur í fréttatilkynningu.
Myndlist á
heimasíðu
LAUGARDAGINN 4. septem-
ber verður formlega opnuð
heimasíða Stone Art and Paint-
ings á veraldarvefnum, þar
sem sjá má verk eftir myndlist-
armennina Alexöndru Cool,
Jónas Viðar og Sólveigu Bald-
ursdóttur og fá fréttir af starf-
seminni, sýningardagskrá og
fleira.
Stone Art and Paintings var
stofnað árið 1996 af Jónasi Við-
ari og Sólveigu og hefur það að
markmiði að kynna og koma á
framfæri áhugaverðri myndlist
hér heima og erlendis, ásamt
því að standa að sýningum og
útgáfustarfsemi ýmiss konar.
Heimasíða Stone Art and Pa-
intings er á slóðinni:
http:www.islandia.is/~jvs.
Kirkjustarf
LAUFÁSPRESTAKALL: Guðs-
þjónusta í Svalbarðskirkju sunnu-
daginn 5. september kl. 11.00.
Guðsþjónusta sama dag í Grenivík-
urkirkju kl. 21.00. Sóknarprestur.
BÆGISÁRKIRKJA: Kvöldguðs-
þjónusta sunnudaginn 5. september
kl. 21.00. Kór Bægisárkirkju syng-
ur, organisti Birgir Helgason. Að-
alsafnaðarfundur eftir guðsþjónust-
una. Sóknarprestur.
Morgunblaðið/Kristján
Grisjað í
Vaðlareit
Sveitarfélög við utanverðan Eyjafjörð
V erkefnisstj óri
ráðinn til starfa
VINNUFLOKKUR frá Skógrækt-
arfélagi Eyfirðinga hefur að undan-
förnu unnið að grisjun í syðsta hluta
Vaðlareits austan Akureyrar.
Hallgrímur Indriðason fram-
kvæmdastjóri félagsins sagði orðið
tímabært að hirða skóginn, sem
þurfti nauðsynlega á grisjun að
halda. Elstu trén í reitnum eru frá
árinu 1936 og sagði Hallgrímur að
trén þar þyrftu vaxtarými, auk þess
sem verið væri að grisja íyrir göngu-
leiðum. Hann sagði að víða væri mik-
ið verk óunnið við grisjun. Efnið sem
til fellur er svo notað í kurl í göngu-
stíga og föndurefni.
I vinnuflokki Skógræktarfélagins
var finnskur námsmaður í skógrækt-
arfræði, Esko Tainio frá Helsinki, og
er hann mjög öflugur með sögina, að
sögn Hallgríms. Esko hefur dvalið á
íslandi í sumar og unnið víða um
land við eitt og annað sem lýtur að
skógrækt. Hann lét vel af dvöl sinni
Morgunblaðið/Kristján
hér á landi og mun nú í september
halda til vinnu á Mógili á Kjalarnesi.
Á myndinni er Esko Tainio við vinnu
sína í Vaðlareit.
Busa-
dans
á Ráð-
hústorgi
NÝNEMAR í Verkmenntaskólan-
um á Akureyri voru teknir form-
lega inn í samfélag nemenda
skólans í árlegri busavígslu í
gær. Elstu nemendurnir stóðu
fyrir herlegheitunum og fóru um
bæinn með busana eftir að þeir
höfðu m.a. verið málaðir og
klæddir upp. Fjöldi fólks fylgdist
með uppákomunni á Ráðhústorgi
en þar voru busarnir látnir dansa
og syngja fyrir viðstadda og
tókst þeim bara nokkuð vel upp.
Á eftir var þeim svo boðið í grill-
veislu.
STARFSHÓPUR um samþættingu
skóla- og félagsþjónustu við utan-
verðan Eyjafjörð hefur ráðið Bene-
dikt Sigurðarson M.Ed. sem verk-
efnisstjóra við undirbúning og
skipulagningu sérfræðiþjónustu
skóla, málefna fatlaðra og eflingu
heilsugæslu.
Ráðning Benedikts kemur í kjöl-
far samstarfssamnings sveitarfélag-
anna þriggja, Dalvíkurbyggðar,
Ólafsfjarðarbæjar og Hríseyjar-
hrepps, sem undirritaður var í Hrís-
ey í byrjun júlí sl. Verkefnisstjóri
mun starfa á grundvelli samstarfs-
samningsins og fyrirliggjandi
skýrslu starfshóps frá því í apríl í
vor sem sveitarstjórnir sveitarfé-
laganna þriggja hafa samþykkt.
Verkefnisstjóri mun í upphafi
vinna að fjölmörgum forgangsverk-
efnum en auk þess vinna að öðrum
verkefnum sem tilgreind eru í
skýrslu starfshópsins og samningi
sveitarfélaganna.
Skrifstofuaðstaða á Sólborg
Benedikt er ráðinn í starfið frá 1.
október nk. en fram að þeim tíma
mun hann taka að sér tiltekin undir-
búningsverkefni. Gerður verður
samningur við Rannsóknarstofnun
Háskólans á Akureyri um skrif-
stofuaðstöðu verkefnisstjóra en
hann skal hafa fasta viðveru á skrif-
stofu á Sólborg á Akureyri en auk
þess hafa aðgang að vinnuaðstöðu á
skrifstofum sveitarfélaganna.