Morgunblaðið - 18.11.1999, Blaðsíða 14

14 FIMMTUDAGUR 18. NÓVEMBER 1999
MORGUNBLAÐIÐ
LYKILL AÐ
GÓÐRI ÁVÖXTUN
Ef þú hefðirfjárfest í Framsækna alþjóða
hlutabréfasjóðnum í Lúxemborg þegar hann var
stofnaður þann 10. desember á síðasta ári,
þá hefði fé þitt aukist um 50,4%.
Sjóðurinn nýtir reynslu helstu sérfræðinga
heims í sjóðstýringu með því að fjárfesta í
safni hlutabréfasjóða sem sýnt hafa góða
ávöxtun. Stefna sjóðsins er að fjárfesta í
félögum í vaxandi atvmnugreinum og félögum
á nýjum hlutabréfamörkuðum. Einnig er
fjárfest í félögum sem verið er að einkavaeða
og eru að koma ný inn á markaðinn.
Avöxtun tæknigeir. ins
ávöxtun á ársgrundvelli
3 ár 204,24% 44,90%
5 ár 543,60% 45,12%
10 ár 1058,20% 27,76%
Vinsamlegast athugið að gengi getur lækkað ekki síður en
hækkað og ávöxtunartölur liðins tíma endurspegla ekki
nauðsynlega framtíðarávöxtun.

BUNAÐARBANKl NN
VERÐBRÉF
- byggir á trausti
Hafnarstræti 5 • sími 525 6060 • fax 525 6099 • www.bi.is • verdbref@bi.is
FRÉTTIR
Formaður Leigjendasamtakanna um
ástandið á leiguhúsnæðismarkaðnum
Fjögurra her-
bergja íbúð leigð
á 100 þúsund
„VERÐ á leiguhúsnæði hefur hækk-
að upp úr öllu valdi og þess eru
dæmi að fjögurra herbergja íbúðh-
séu leigðar út fyrir allt að hundrað
þúsund krónum á mánuði,“ segir Jón
Kjartansson frá Pálmholti, formaður
leigjendasamtakanna. Á laugardag
héldu samtökin fund um stöðu hús-
næðismála ásamt ASÍ, BSRB, Efl-
ingu og Öryrkjabandalaginu undir
yfirskriftinni „Húsnæðismál eru
kjaramál“.
„Fundurinn var haldinn til að ná
samstöðu um lausnir á því alvarlega
ástandi sem ríkir á húsnæðismark-
aðnum og kom fram eindreginn vilji
til að reyna að bæta stöðuna,“ segir
Jón og segir þetta ástand bæði felast
í stórhækkandi leiguverði og minnk-
andi framboði á leiguhúsnæði. Hann
segir húsaleigubætur aðstoða fólk
með lágar tekjur að einhverju leyti,
en þeim hjá leigjendasamtökunum
þyki hins vegar mjög óeðlilegt að
þær berí að telja fram sem tekjur og
séu þar af leiðandi skattlagðar. Hann
bendir á það ósamræmi sem felist í
því að húsaleigubætur séu skattlagð-
ar en ekki vaxtabætur og að það hafi
verið krafa fundarins að sú mismun-
un yrði leiðrétt.
Hafa ekki í önnur hús að venda
Fram hefur komið í fréttum und-
anfarið að leigjendum hjá Félagsbú-
stöðum í Reykjavík hafi verið hótað
brottrekstri vegna vangreiddrar
leigu. Jón segir þetta afar alvarlega
stöðu því margt af þessu fólki sé á
örorkubótum eða með mjög lág laun,
geti því ekki staðið undir leigukostn-
aðinum og hafi ekki í önnur hús að
venda. Fólki í um fimmtíu þessara
íbúða hafi nú verið hótað brott-
rekstri og segist Jón ekki sjá að
Reykjavíkurborg eigi til nein félags-
leg úrræði handa því. I dag munu
Leigjendasamtökin eiga fund með
forseta borgarstjórnar og félags-
málastjóra til að ræða stöðu þessa
fólks og væntanlegar leiðir til úr-
bóta. „Fólkið er allt skjólstæðingar
Félagsmálastofnunar og þá hljóta
aðstæður þess að vera erfiðar. Við
vitum að mörgum þykir erfitt að
ræða við félagsmálayfirvöld. Þeim
finnst kerfið hafa brugðist, örorku-
bætur eru lágar, laun eru lág, fólk er
sett í sérhúsnæði og er því komið
mjög langt niður bæði efnahagslega
og andlega. Viðhorf margra þeirra
gagnvart samfélaginu er orðið mjög
neikvætt og þau líta jafnvel á þessar
hótanir um útburð sem ógnanir við
líf sitt.“
Lækkun byggjngarkostnaðar
Jón segist telja sjálfsagt að opin-
ber húsnæðisstefna taki mið af raun-
veruleikanum og sé þannig að allir
geti búið við hana. Hún eigi að gera
ráð fyrir því að allir hafi aðgang að
húsnæði. Telur hann brýnt að auka
framboð af leiguhúsnæði og segir að
yfirvöld verði að koma til aðstoðar
og mæta þeirri þörf sem sé til stað-
ar. „Það er hægt að lækka bygging-
arkostnaðinn með ýmsu móti. Víða
um land hafa til dæmis verið reist
timburhús sem eru hönnuð hér á Is-
landi en smíðuð í Noregi og væri
hægt að reisa slík hús á höfuðborg-
arsvæðinu sem væru sérstaklega
ætluð fyrir leigumarkaðinn. En
þetta gerist ekki af sjálfu sér, það
þarf að bjóða samninga um lóðir og
lán á viðráðanlegu verði. Það ætti að
vera sjálfsagt í opinberri húsnæðis-
stefnu að gera ráð fyrir leigumarkaði
því það hentar ekki öllum að skuld-
setja sig fram í tímann bara til að
geta verið í öruggu húsnæði.“
---------------
Leikskólaráð
Reykjavíkur
Tillaga um
13% hækkun
TILLAGA um 13% meðaltalshækk-
un á gjaldskrá Leikskóla Reykja-
víkur var lögð fram að fundi í leik-
skólaráði í gær. Tillagan var ekki
samþykkt en hún gerir ráð fyrir að
hækkunin taki gildi 1. janúar nk.
Tillagan gerir ráð fyrir að leik-
skólagjöld nái að meðaltali l/3af
dvalarkostnaði þannig að Reykja-
víkurborg greiði 2/3af heildarkostn-
aði vil leikskóla. Að sögn Bergs Fel-
ixsonar, framkvæmdastjóra Dag-
vistar barna, þarf gjaldskráin að
hækka um 13% til að ná 33% hlut
foreldra í dvalargjaldi, þar sem
kostnaður hafi hækkað verulega.
Borgarráð fól leikskólaráði að end-
urskoða hlutfall foreldra sem hefur
farið lækkandi að sögn Bergs. „Við
erum óskaplega næm fyrir öllum
kaupbreytingum," sagði hann. „Því
82% kostnaðar við leikskóla
Reykjavíkur eru laun.“
Yfírlýsing frá
Hoffmann-La Roche
MORGUNBLAÐINU hefur borist
eftirfarandi yfirlýsing frá F. Hoff-
mann-La Roche um samstarfið við
Islenska erfðagreiningu í tilefni af
viðtali sem birtist í þýska blaðinu
Wirtschaftswoche:
„Hoffmann-La Roche hefur fulla
trú á því að samstarf fyrirtækisins
við Islenska erfðagreiningu eigi eftir
að skila árangri. Roche er afar ánægt
með þann ái-angur sem þegar hefur
náðst. Árangurinn er ekki einvörð-
ungu til kominn vegna framúrskar-
andi rannsóknarvinnu Islenskrar
erfðagreiningar heldur einnig vegna
mikils stuðnings íslensks læknasam-
félags og íslensku þjóðarinnar við
þetta einstæða vísindaverkefni.
íslensk erfðagreining fær greitt
fyrir framlag sitt ti! samstarfsins á
þrjá vegu, (i) með endurgreiðslu fyrir
útlagðan kostnað við rannsóknir, (ii)
með áfangagreiðslum sem byggjast á
framgangi verkefnisins hjá Islenskri
erfðagreiningu og síðar hjá Roche og
(iii) með prósentum af sölu lyfja og
greiningartækja.
Þegar samstarfið var tilkynnt á
Islandi í febrúar 1998 var því lýst yf-
ir að Islensk erfðagreining fengi allt
að 200 milljónum dollara fyrir sitt
framlag til samstarfsins. Þessi upp-
hæð var byggð á þeirri metnaðar-
fullu, en ekki óraunhæfu, ætlun að
vissum fjölda áfanga yrði náð í rann-
sóknum íslenskrar erfðagreiningar
og við þróunarstarf hjá Roche.
Islensk erfðagreining er í
fremstu víglínu á sviði vísinda-
rannsókna og rannsakar orsakir
sjúkdóma í mönnum. Miklum vís-
indalegum uppgötvunum fylgja
venjulega veruleg viðskiptatæki-
færi.
Það er þó erfitt að spá fyrir um
það með nákvæmni hver framgang-
urinn verður í vísindarannsóknum.
Það var þessi óvissa, sem fylgir öll-
um vísindarannsóknum, en á engan
hátt vantrú á velgengni samstarfs
Roche og íslenskrar erfðagreiningar
sem ætlunin var að koma til skila í
ummælunum sem birtust í
Wirtschaftswoche.“